دروس الأحد (كنسية اسبوعية )

[showman]

دروس الأحد (كنسية اسبوعية )

بسم الله الرحمن الرحيم
سلسلة دروس الأحد هى عبارة عن دروس كنسية من وضعى والشخوص الحوارية هى شخوص غير حقيقية وإنما إفتراضية . والقصد من هذه الدروس هو وضع ما يدور داخل كل واحد من الشعب الكنسى المحجور عليه عقليآ ولا يعرف إلآ ما ترميه الكنيسة إليه من القليل من بعض المعرفة التى لا تشبعه وفى الوقت نفسه لا تقنعه .
وهو يشعر بداخله بالمكابدة من امور يراها تخالف العقل والفطرة السويه كالتثليث والأقانيم والأسرار السبعة ولا يستطيع أن يسئل عنها قساوسته خشية من بطش الكنيسة ، أوخوفآ من ان يخدش هذا إيمانه كما أوهموه بذلك وأفهموه بأن السؤال ضد الإيمان ، فأردت أن أبين له ما فى عقيدته من عوار وباطل وتصورات يأباها المنطق والعقل السليم ، ويكون فيها بعض الإجابات لأسئلته التى تدور بداخله وقد كتبت ذلك باسلوب سهل وبسيط وأغلبها باللغة العامية التى يتكلمها نصارى مصر
درس الأحد ( 1 ) يلقيه الأب إسطفانوس عريان

صباح الفل والياسمين ونعمة المسيح معاكم
النهاردة حنتكلم عن موضوع الخطية ببساطة شديدة علشان تفهموها وتفهموا ليه هى فضلت فينا. بعد ما أبونا آدم أكل من شجرة المعرفة إللى ربنا قال له إوعى تأكل منها علشان لو كلت منها موتآ تموت، ربنا حكم عليه بالموت لآن ربنا عادل وما يرجعش فى كلامه فطرده من الجنة لأنه بصراحة خاف إن آدم ياكل من شجرة الحياة ويعيش على طول زيه زى الرب وزى الملايكة علشان كده طرده وفى نفس الوقت ربنا بيحبه ، طب ربنا يعمل إيه ؟ واحب أقول بالمناسبة دى اوعوا تسمعوا المسلمين لما يقولوا إن آدم ندم بعد الأكل من الشجرة وطلب من ربنا يسامحه ويغفرله خطيئته وإن ربنا قبل توبته وسامحه وعفا عنه هو وحوا يعنى الخطية إتشالت واتمسحت بأستيكة . يا سلام ! يا سلام ! طب آمال المخلص جاى ليه . ده ربنا من حبه لينا بعت إبنه مخصوص علشان يخلصنا من اللعنة دى علشان الله محبة. آدم أخطأ ولازم ياخد جزائه واحد يقولى وإيه ذنبنا احنا أبونا هو إللى غلط وليه نتحمل غلطه وإن الكتاب المقدس بيقول إن أخطاء الأباء لا يتحملها الأبناء أقوله الكلام ده كان زمان يا حبيبى قبل ما يجى المخلص
زكى ... طيب ما هو المسيح قال إنه جاى يكمل الناموس مش يهدمه وأن الناموس لا يسقط منه حرف واحد حتى يكمل الكل
الأب اسطفانوس بلاش فزلكة وحياة آبوك انت باين عليك متصاحب على مسلمين ومالين دماغك بالكلام ده ، يا أبنائى صدقونى الرسول بولس إلغى الناموس ومفيش حد حيدخل الملكوت مع المسيح الإ إللى بيحب المسيح المخلص لإنه جه علشانى وعلشانك وعلشان الناس كلها
يرد روفائيل …. آخر طيب ما المسلمين بيحبوا المسيح وهما بيعترفوا بكده حيخوشوا معانا الملكوت برضه يا آبونا
إيه حكايتكم النهارده هى شوطة جت فيكم والا إيه وبالعند فيك مش حاأرد على سؤالك !
نكمل بقى ،علشان آدم أخطأ لازم ياخد جزائه وعلشان آدم مات ولاده إللى هما احنا شايلين جوانا خطيئة آبونا ، بالظبط زى الدين لما يكون واحد واخد من واحد فلوس والشخص ده مات يقوم الشخص الثانى ياخد حقه من ولاد الشخص إللى مات أنا عارف إنه مثل بعيد شوية لأن آدم ما خدش حاجة ولا إستلف حاجة هو أكل تفاحة واحدة ولآن الجزاء من جنس العمل فمش معقول ربنا حياخد من كل واحد مننا تفاحة ، المهم أنا مبسط المسئلة وبقول المثل ده علشان تفهموا. طيب ربنا يعمل إيه وهو بيحبنا ومش عاوزنا نبقى بعيد عنه ومن ناحية تانية مش عاوز يخالف عدله قام بعت إبنه علشان يخلصنا من اللعنة دى ويشيلها هو علشان كده الرسول بولس قال عليه إنه ملعون ودى حقيقة إن المصلوب ملعون .
يرد زكى ... يعنى لما أقول لأخى ملعون آبوك ما يبقاش عيب ولا شتيمة وانت لما تخطىء يا آبونا ربنا حيحاسبنا إحنا على خطئك ولا انت بس آبونا مجازآ
طيب ممكن تكون بنوة المسيح للرب مجازآ وتكون إبوة الرب للمسيح أيضآ مجازآ
يحمر وجه القسيس ويخضر ويصفر وكأنه لم يسمع ويستمر، وعلشان كده ربنا بعت إبنه علشان يخلصنا من خطيئة آبونا آدم ونرجع نلتصق بيه وبرحمته ، وإبنه خلصنا على الصليب لما أعدائه ضربوه وأهانوه وقتلوه .
صمويل يرفع إيده أيوه يا صمويل عاوز تقول حاجة
صمويل.. مش حضرتك يا آبونا قلت إن آدم فيه الخطية واحنا فينا الخطية لأننا إحنا ولاده يعنى إحنا زى آبونا آدم بالظبط يعنى إحنا واحد صح ، يبقى هنا آدم أخطأ مرتين أول مرة لما أكل من الشجرة وتانى مرة لما قتل إبن الله على الصليب . يعنى بدل ما ربنا يشيل الخطية عن آدم وذريته حملهم بخطية تانية وهى قتل إبنه .
يصمت القسيس ويحتار فى الرد ويتصبب عرقه ويفكر هل يقول لهم إن الرب شال عنهم خطية التفاحة وخلى عليهم خطية قتل إبنه لأن خطية التفاحة أهم وأكبر من خطية قتل إبن الرب ووحيده هل يقول لهم إن المخلص جاء ليسيل دمه ويضرب ويبصق عليه ويطعن بالحربة ويصلب ليموت بسبب تفاحة واحدة إنه شخصيآ غير مقتنع بذلك ولا يصدقه وإن الأقرب للتصديق ويقبله العقل هو للأسف ما ذكره كتاب المسلمين من أن الله غفر لآدم بعد أن طلب آدم من الرب أن يسامحه، وأخيرآ يشيح بوجهه بعيدآ عن صمويل وهويقول نكمل يوم الأحد إللى جاى سلام المسيح لكم جميعآ

وأخر دعوانا ان الحمد لله رب العالمين
والصلاو والسلام على خاتم النبيين وسيد المرسلين
رسولنا الكريم محمد صلى الله عليه وسلم
Showman

للمزيد من مواضيعي

 

[أبوعبدالرحمن الأثري]

السلام عليكم ورحمة الله وبركاته

جميل أسلوبك أخي الحبيب

تكتب كأنك روائي محنك ,

الفكرة في مضمونها رائعة , وهي إيصال ما تريده من بيان أخطاء العقيدة النصرانية لمعتنقيها

لكن الأسلوب الساخر لا يصلح في الدعوة

فالنفس البشرية أين كانت

ترفض السخرية من معتقداتها ,

أسأل الله أن يرزقنا وإياك الإخلاص في القول والعمل

حياك الله

المزيد من مواضيعي

اسألوا الله الشفاء لأخيكم أبي حفص الأيوبي

باركوا لأخيكم جادي

[showman]

بسم الله الرحمن الرحيم

اقتباس أخى فى الله عبد الرحمن اقتباس لكن الأسلوب الساخر لا يصلح في الدعوة فالنفس البشرية أين كانت ترفض السخرية من معتقداتها , أسأل الله أن يرزقنا وإياك الإخلاص في القول والعمل

حياك الله
تأكد أخى ان اسلوبى لا أقصد فيه السخرية من الآخر ولكن عباراتى أسوقها فى قالب غير متزمت يقبل عليه القلب والعقل معآ ويتقبل فيه الكلمة التى أريد أن أوصلها إليه ، فليس الموضوع سخرية بأى حال من الأحوال بقدر ما هو عمل أدبى لا تعافه النفس البشرية وتتقبله وان كان فيه بعض من البشاشه والابتسامة التى تنم عن شيء نرفضه ولا يقبله العقل كتفاسير آباء الكنيسة لعقيدة الفداء والصلب أو التثليث أو أسرار الكنيسة السبعة أو معجزات القديسين وغيرها
فأرجوا أن تتقبلوا سلسلة الدروس كعمل أدبى ، وقد نوهت فى بدايتها المقصود منها وهى إيصال الكلمة باسلوب سهل بسيط أغلبه باللغة العامية
وتقبل الله منا ومنكم صالح الأعمال
وأن يجمعنآ معآ حبنا لله ورسوله
وتقبل منى بالغ إمتنانى فقد أسعدنى مرورك الكريم

المزيد من مواضيعي

درس الأحد ( 50 ) للكبار فقط +21

يوميات عم رمضان أية يونان وجهة نظر

دروس الأحد (كنسية اسبوعية )

درس الأحد ( 9 ) صلب الرب

درس الأحد غراميات ( 181 ) معبود النصارى

درس الأحد أعرف منين ؟

لآ مات ولآ قام ولآ إنجرح ولآ شاف إهانات

يوميات عم رمضان سد الحنك

آخر تعديل بواسطة نوران بتاريخ 14.05.2009 الساعة 12:53 .

[showman]

درس الأحد ( 2 )
الأب متساهل
سلام المسيح عليكم
النهاردة حنكمل بقية درس يوم الأحد إللى فات ومش عاوز آى حد يتكلم أو يعلق المطلوب منكم إنكم تأمنوا بقلوبكم وبلاش عقولكم تفكر إلا فى المحبة وحبة حبة حتفهموا الأمور إللى فاكرينها صعبة دلوقت وملهاش تفسير زى مثلآ الثالوث وإزاى يكون الأب والأبن والروح شخص واحد مع إنهم فى الظاهر ثلاثة لأى واحد مش فاهم والحقيقة أنا شايف إننا مفروض نقول بسم الأب الأبن الروح القدس إله واحد وبلاش حرف الواو إللى معناه زائد أو إضافة إلى ويفيد التعدد لأن أبائنا عدى عليهم الموضوع ده لما جم وضعوا قانون الإيمان بتاعنا ومخدوش بالهم خالص ، لأن حرف الواو لما نيجى نطبقه ونقول فلان و فلان معناه إثنين فلان و فلان يبقوا ثلاث فلانات ومنقدرش نقول عليهم إنهم فلان واحد ، ومنقدرش نقول ميخائيل و مينا و سامى شخص واحد عمومآ الموضوع ده حنتكلم عليه ونحاول نفهمه بقلوبنا فى درس منفصل وتكون معانا وسائل إيضاح ، مثلآ حأطلب من كل واحد إنه يجيب معاه برتقالة ومثلث وبرجل ومنقلة ومسطرة و قرص عجوة مستدير علشان نشبهه بقرص الشمس ، وقلم رصاص علشان نرسم بيه الشعاع ، وكمان كل واحد يجيب معاه ترابيزة المكوة بتاعتهم علشان يحط عليها وسائل الإيضاح بتعته .
ودلوقت نكمل موضع خطية آدم إللى من أجلها جاء المسيح يشيلها عنى وعنك وعنا كلنا ونحاول نرد على البعض إللى بيقول إن موضوع الخطية وآدم لم يذكرها أحد فى الأناجيل الأربعة ولم يتكلم عنها المسيح له المجد أو يشير إليها لا من قريب ولا من بعيد !
وهنا بقى الجمال والروعة لأن إبليس لما جرب المسيح لم يعرف إن المسيح إبن الله لأن الأب كان عامل خطة متخرش الميه يضحك بيها على إبليس علشان تنجح خطة الفداء لذلك لم يذكرها البشير متى ولا البشير مرقص ولا البشير لوقا ولا البشير يوحنا الحبيب لأنهم لم يعرفوا موضوع الخطة . ولأن إبليس لو عرف إن المخلص جاى فداء عن الخطية بتاعة آبونا آدم كان إبليس خطفه وأسره حتى لا يتم الفداء ، وممكن كان ياخده رهينة ويساوم الأب عليه وتبقى مشكلة !
يرفع جرجس إيده بتردد وخوف
أيوه ياجرجس عاوز تقول حاجة جرجس ... أيوه يا آبونا هو إبليس أقوى من الأبن وأقوى من الأب علشان يخبوا عنه موضوع الفداء وخايفين الخطة تنكشف بلاش يا جرجس وحياة أبوك حرف الواو ده تانى إللى لسه متكلمين عنه لأن الأثنين واحد الأب هو الأبن ! يا ريت تكون فهمت ( لم يجاوب القس على سؤال جرجس ) بعدين حتفهم المهم واحدة واحدة وحبة حبة وهى دى المحبة !.
زكى ... يعنى يا أبونا نقدر نقول إن ربنا نفذ حكم الموت على نفسه ومات على الصليب لأنه هو الأب وفى نفس الوقت هو الأبن وان إبليس كان بيجرب الأب إللى هو فى نفس الوقت الأبن وإنه صعد بالأب الأبن إلى مكان عالى جدآ وخلاه يشوف جميع الممالك ، طيب مش غريبة يا آبونا إن إبليس يقدر يشيله على كتفه ويطير بيه ولما حضرتك يا آبونا بتقول إن الأبن هو الأب وإنهم واحد آمال الكتاب المقدس بيقول ليه إنه أرسل إبنه الوحيد يعنى واحد أرسل واحد تانى غيره
اقعد يا زكى يا أبنائى لازم الواحد منكم يأامن بكل ما جاء فى الكتاب المقدس وإللى مصحاب واحد مسلم يبعد عنه لأنهم بيحاولوا يشككوكم فى الإنجيل وبإنه محرف ومفيش إنجيل زى التانى وبيتكلموا عن المتناقضات ويقولوا ملهاش حصر ولاعدد
يرد ويصا ... ده بيقولوا عن المسيح له المجد إنه خروف وإنه مذكور فى الكتاب المقدس إنه خروف ورب الأرباب وكل إللى بيحاربوا الخروف الخروف حيغلبهم وبيقولوا علينا إننا خرفان علشان بناكل جسد الرب الخروف ونشرب دمه فبقينا خرفان زيه والرسول بولس لما قال ان يسوع صار لعنة من أجلنا فأصبح كل واحد مسيحى جواه لعنة لإنه أكل جسد الرب يسوع وشرب من دمه !!
الأب متساهل .. أيوه إحنا خرفان من ظاهرنا بس جوانا اسود بتظهر ساعة ما احنا عاوزين ونقتل وندمر ونولع حرايق ونخلى الدم للركب وننسى المحبة. إحنا يا إبنائى لازم نتلون بكل لون زى ما قال بولس الرسول .
نرجع للدرس وأقول لكم كل واحد يأامن زى التلميذ إللى كان بينام على صدر المسيح والمسيح كان بيحبه وبيبوسه على طول وهو إللى تبع المسيح لما المسيح إتقبض عليه وجم الجنود يقبضوا علىالتلميذ ده سقط ردائه وهو يهرب وكان بلبوس زى امه ما ولدته لأنه كان متعود يلبس الرداء على عريه بدون ملابس داخلية ( الرداء بشبه العباءة ومفتوح من الإمام ) حتى لما المسيح له المجد لما قام من الموت وذهب إلى البحر وكان يقف على الشط أول من رأه من بعيد وتعرف عليه كان التلميذ ده وكان موجود مع الرسول بطرس بعد قيامة يسوع من الموت وكان الرسول بطرس عارى بلبوس خالص فلما أخبره التلميذ برؤيته ليسوع رمى بنفسه فى الماء لأنه إتكسف إن يسوع يشوفه مع التلميذ بتاعه وهو عريان بلبوس خالص لإن المسيح عارف إن تلميذه بيبقى عريان تمللى إلآ من رداء خارجى يلبسه على عريه وعارف إنه بيحب ينام على الصدر !
علشان كده يا أبنائى بنلاقى إسم عريان متداول كتير بينا ومن أحب الأسماء إلى قلوبنا وإللى بيحبها شعب الكنيسة ويا ريت، ياريت إنتوا تكونوا زى التلميذ ده وتكونوا مثل جميع آباء الكنيسة إللى بيحاولوا يقلدوا تلميذ المسيح فى بساطة ملابسه
وقبل أن ترتفع الأصابع الكثيرة للإستفسار قال الأب متساهل
نكمل يوم الأحد إللى جاى سلام المسيح لكم جميعآ
وآخر دعوانا ان الحمد لله رب العالمين
والصلاة والسلام على خير خلقه كلهم محمد صلى الله عليه وسلم
Showman

المزيد من مواضيعي

درس الأحد عــَــابد عبــــدُه

درس الأحد ( 166 ) قصاقيص

سلسلة دروس الأحد للأخ الفاضل showman

درس الأحد ( 25 ) العائلة الإلهية الأقنومية

أبطـــال العهــد الجديـــــد

درس الأحد ( 18 ) نقاش في قانون الإيمان و التثليث

درس الأحد ( 12 ) خطة الرب للخلاص

درس الأحد ( 24 ) الرب راعي فلا يعوزني شيء

[نوران]

يا أهلا ويا مرحبا بكم أخي الكريم شومان

شكرا لكم لنقل هذه السلسلة من الدروس التي نسأل الله أن يجعلها سببا في دفع عقول من يقرأها للتفكير

فمتى استخدم الانسان عقله الذي منَّ الله به عليه راغبا في الوصول إلى الحقيقة فبإذن الله تعالى يُهدى إليها



أهلا وسهلا ومرحبا بشيخنا ومعلمنا أبي عبد الرحمن الأتري

أنرتم المنتدى ياسادة يا كرام

بارك الله فيكم وفي أقوألكم وأعمالكم وجزاكم خيرا





أخي شومان دمجت الدرسين معا حتى لا يرهق متابع الدروس في البحث عنها

إن وافقت على الدمج أأخي الكريم فقم مشكورا بوضع الدروس كأنها مشاركات

شكرا جزيلا لكم

المزيد من مواضيعي

دراسة بريطانية تؤكد تناقص نسبة النصارى في مصرسنويا 2 % سنويًا

اضطهاد النصارى في مصر بالصور حاجة تحزن

معترض مسيحي لماذا التحريف الجديد ؟

: شنودة: هو كل شوية واحد هايسلم بقي ولا إيه.. ما ينفعش الكلام ده

معجزة الذبح في الإسلام

ويتوالى موكب الناجحين باركوا لنادين وجدي ( فداء الرسول )

فضيحة قسيس مع نصراني - كبير السن - داخل كنيسة الناصرية القديمة

فضل يوم عرفة وحال السلف فيه

توقيع نوران

[showman]

بسم الله الرحمن الرحيم
الأخت الفاضلة نوران شرفنى مرورك الكريم وأعجبتنى فكرتك فى جمع الدروس ووضعها كمشاركات تسهيلآ للقارىء المتابع بدلآ من البحث عنها .
وفقنا الله جميعآ لما يحبه ويرضاه ونحتسب الأجر عنده لو كنا أحسنا ، ونستغفره لو جانبنا التوفيق فيما كتبنا فهو أعلم به منا

المزيد من مواضيعي

كليلة ودمنة النسخة الرمزية المسيحية

دروس الأحد (كنسية اسبوعية )

يوميات عم رمضان ( الاعتراف )

درس الأحد ( 148 ) كهنة فى ثياب خونة

يوميات عم رمضان ادْخُلُوا مِصْرَ إِنْ شَاءَ اللَّهُ آمِنِينَ

درس الأحد ( 109 ) المسيح فى حياة كل منا

درس الأحد أعرف منين ؟

العلم نوورن ( 5 )

[showman]

درس الأحد ( 3 ) التجسد
الأب متساهل
سلام المسيح عليكم
النهارده حنتكلم يا أبنائى عن التجسد ومطلوب منكم إنكم تحفظوا مش تفهموا وزى إحنا ما حفظنا من إللى سبقونا ومفهمناش انتوا كمان مطلوب منكم تحفظوا مننا ومتفهموش لأن ده فوق فهمكم وعليكم إنكم تأمنوا بس علشان تنالوا نعمة محبة المسيح.وموضوع التجسد ده مفيش حد عرفه قبل كده لأن الجنس البشرى مكنش ناضج لسه لفهم الحقيقة دى ، بالظبط زى الطفل إللى ميعرفش عود الكبريت فايدته إيه ولما يكبريعرف إنه يقدر يولع بيه الدنيا ، واحد يقوللى يا آبونا الطفل ميعرفش الحمارفايدته إيه إلآ لما يكبر شوية ويشوف حد راكبه أو بيجر عربية أقوله المثال ده صح ! ومفيش حد من إللى سبقوا المسيح له المجد كان عارف حاجة عن التجسد لا نوح النبى ولا آبونا إبراهيم ولا موسى النبى ولا يوحنا المعمدان لأنهم مكنوش لسه نضجوا ولا المسيح له المجد إتكلم بصراحة عنه ، لغاية ما بولس الرسول هو وحده إللى نضج وفهم التجسد وعبر عنه فى رسالته لفيلبى وقال( إن الله أخلى نفسه آخذا صورة عبد صائرا في شبه الناس ، وإذ وجد فى الهيئة كانسان وضع نفسه وأطاع حتى الموت ) ومع إنى مفهمتش كلام الرسول بولس لما قال إن الله أخلى نفسه وبعد كده قال إنه وضع نفسه بس نقدر نقول إن الجنس البشرى لم ينضج لإستيعاب حقيقة التجسد لغاية ما بولس الرسول نضج وفهم الفولة إللى إبليس نفسه حاول يعرفها عندما جرب الرب فى البرية وفشل فى معرفة إن المسيح جاى علشان يفدينا من خطية آبونا آدم وانه هو الأبن والأب أقصد الأبن الأب
دميانه لو سمحت يابونا
أيوه يا دميانه إتكلمى
هل كان التلاميذ يا بونا عارفين حاجة عن التجسد ولا بولس الرسول بس هو إللى عرف ده لوحده ولو التلاميذ مكنوش عارفين يبقى معنى كده إنهم كانوا غير ناضجين لإستيعاب الحقيقة دى لما كانوا مع المسيح له المجد
زكى ... يرفع إيده
آيوه يا زكى عاوز تقول إيه انت كمان
عاوز أقول يا آبونا إن حضرتك بتقول زمان كان الجنس البشرى غير ناضج بما فيهم الأنبياء والرسل أصحاب الرسالات علشان يفهموا حقيقة التجسد واستمر ده لغاية الجنس البشرى لما نضج وبقى عنده الإستعداد لفهم التجسد عن طريق نضج بولس الرسول والكلام ده كان من ألفين سنة صح والمفروض إنه بعد ألفين سنة يعنى فى الوقت الحالى يكون نضج البشرية زاد كتير ويفهموا أكثر ولكن لغاية دلوقت إحنا مش فاهمين حاجة عن التجسد ولا حد فاهم حاجة .
مينا .. لو سمحت يابونا
( الأب متساهل يتركه ليتكلم ليتيح لنفسه وقت يفكر فى رد على الكلام عاليه )
يتكلم مينا .. أنا يا آبونا لى جار مسلم وكنت بحاول أبعد عنه ، ولما كان يسمع التراتيل إللى أنا بأشغلها على التسجيل كان يضحك ويشغل القرءان ويعلى التسجيل على الآخر وامبارح قابلنى فى الشارع وقالى إيه يا بنى إللى انت بتسمعه ده قلت له دى ترانيم قاللى ترانيم وهى دى وحى وقالى إنتوا واليهود عاوزين حاجات ملموسة ومحسوسة تشوفوها بعينيكم علشان تؤمنوا لأنكم لا تأمنوا إلآ بالمادة وعاوزين حاجة تلمسوها بإيديكم وزى اليهود لما إتأخر عليهم نبيهم موسى عن ميعاده لمدة عشر أيام صنعوا عجل علشان يعبدوه وقالوا عليه ده إله موسى ، حتى لما موسى عبر بيهم البحر وشافوا بعينيهم فرعون بيغرق هو وجنوده فى البحر لم تكفيهم تلك المعجزة وقالوا لموسى بعد عبورهم للبحر مباشرة ومرورهم على ناس بيعبدوا أصنام قالوا لموسى إجعل لنا إله كما لهم آلهة ، ومش كده وبس ده قالوله أرنا الله جهرة عاوزين حاجة ملموسة يشوفوها بعينهم مش يصدقوها بقلوبهم عاوزين يشوفوا الله يا مينا كده عينى عينك.
أما أنتم يا مينا فأنكم تدعون إنكم شاهدتم الله وكان موجود بينكم ، انتم يا مينا صنعتوا إله تشوفوه قدامكم ويعيش بينكم ويتكلم معاكم ويأكل الطعام زيكم المهم إنه يكون إله تلمسه إيديكم سواء فى صورة أو على صليب أو على شكل تمثال أو أيقونة ومش مهم يكون خروف أو إنسان فى الشكل لكن بالنسبة ليكم إله لأنكم مثل اليهود لا تأمنوا إلآ بالمادة ولازم كل حاجة عندكم تكون قايمة على المشاهدة هما عبدوا العجل وأنتم عبدتم الخروف ، اليهود قالت لموسى أرنا الله جهرة وأتباع المسيح قالوا أرنا الأب ، لا يوجد عندكم فى كتابكم شيىء إسمه وحى أو إيمان بغيب وإنما سيرة ذاتية عن حياة نبى إنسان قولتم إنه إله ! تمام زى السير الذاتية الشعبية لأبو زيد الهلالى والشاطر حسن فصورتم ربكم على إنه خروف علشان يفضل قدام عينيكم وصورتوه مشبوح على الصليب علشان صورته تفضل قدام عينيكم ، حتى تلامذة المسيح خاصته طلبوا منه مائدة طعام تنزل عليهم من السماء قدام عينيهم ويشوفوها علشان تطمئن قلوبهم ويصدقوا إنه رسول عاوزين حاجة مادية ملموسة ومشهودة نفس طباع النفس المريضة التى لا تؤمن إلآ بالماديات ، وعلشان ربنا إللى خلقكم عارف نفوسكم المريضة وحبكم للماديات أرسل نبيه موسى ومعه معجزة العصا إللى تتحول إلى حية وإلى ثعبان قدام الناس ويده إللى تبقى بيضاء كالثلج وأجرى الله له معجزة شق البحر بالعصى إمام أعين بنى إسرائيل وكلها معجزات ملموسة ومشهودة تراها عيونهم كمان ربنا أرسل عبده عيسى إلى اليهود تمامآ كموسى بمعجزات مادية ملموسة كإبراء الأكمة والأبرص وإحياء الموتى بإذن الله لأنكم ناس مادين وعلشان كده لم تؤمنوا بإن الله واحد ولا يستطيع أن يراه أحد وإن البصر لا يدركه وهو يدرك الأبصار فجعلتوه ينزل ويتجسد ويمشى على الأرض وجعلتوا له روح تنزل كالحمامة وصورتم الله فى ثالوث وصلبتوه على صليب ، بل انكم عمدتم ربكم فى نهر الأردن ، لقد إخترعتم تلك الماديات بأيديكم وصدقتوها يا مينا حتى إنكم تملئون كنائسكم بالصور والتماثيل والأيقونات ، وخدعتم أبصاركم لما تصورتم إن الخبز يتحول لجسد والنبيذ يتحول لدم صنعتم ماديات حتى تلمسوها بأيديكم لآن قلوبكم لا تؤمن إلا بما تراه أعينكم . فكما عبد المصريون القدماء العجل أبيس كذلك عبد بنى إسرائيل العجل الذى صنعوه من الحلى أثناء غياب نبيهم عنهم وأنتم عبدتم الخروف وقلتم إنه رب الأرباب وفى الهند يعبدون البقر فما الفرق بينكم وبينهم . عرفت بقه يا مينا إنكم ماديون وإن قلوبكم لم تؤمن بوحى الله الذى أنزله على المسيح فأخفاه آبائك وصنعوا بدلآ منه عقيدة تقوم على الماديات والمحسوسات كالتثليث والتجسد والصليب وأكل جسد الرب وشرب دمه . وعلشان كده إبليس مبسوط منكم آوى وبيصور لكم الأشياء إيللى تحبوا تشوفوها وإيللى بتحبوها مثلآ الظهورات المريمية لأنه عارف إنكم بتحبوا الحاجات الملموسة والمنظورة ويخللى أيقونة تبكى دم من عينيها علشان تستمروا فى ضلالكم وتفتكروا إنكم على حق . إنتوا يا مينا تطاولتم على الله ووصفتوه بما لا يليق ثم قتلتوه على الصليب وعلشات ألخص لك الكلام ده يا مينا وأوريك إنكم مشيتوا زى اليهود تمامآ وقلدتوهم ، زى هما ما قلدوا إللى قبليهم هما عبدوا العجل وقالوا إنه إله موسى وأنتم عبدتم الخروف وقلتم إنه رب الأرباب ، هما طلبوا من موسى يسئل ربه أن ينزل عليهم طعام فأنزل عليهم المن والسلوى ، وتلامذة المسيح طلبوا منه مائدة طعام ينزلها الله لهم من السماء ، كانت عصا موسى تتحول إلى حية وثعبان ، وأنتم قلتم إن الخبز يتحول إلى جسد والنبيذ إلى دم ، هما قالوا إن الله يتعب وينسى ويندم ويأسف فى قلبه وأنتم قلتم إنه يأكل ويشرب ويغسل أرجل عباده ويتعرى إمامهم ويهرب من أعدائه ويتغوط على نفسه ويجرب من الشيطان ثم لطمتوه وصلبتوه وقتلتوه وقبرتوه ثم تقولون له المجد أى مجد هذا بعد كل هذا الإستهزاء تحدث همهمة ودمدمة بين الجلوس على أثرها ينتبه الأب متساهل من سرحانه ويقول أيوه يا مينا كنت بتقول إيه يا حبيبى علشان أنا كنت سرحان ومش واخد بالى
مينا ... كنت بقول يا آبونا الكلام إللى قالهولى جارى المسلم إمبارح
يعبس وجه الأب متساهل .. ويقول أنا مش قلت ليكم ألف مرة بلاش تتكلموا مع المسلمين فى آى حاجة ولا تسمعوا من المسلمين آى حاجة ولما الواحد فيكم يحس بالضعف يلمس الصليب إللى معاه أو الأيقونة بتاعة أم النور إللى لابسها فى رقبته حيلاقى نفسه تمام ! وواحدة واحدة وحبة حبة تزيد المحبة
ونتقابل يوم الحد الجاى علشان نكمل موضوع التجسد سلام المسيح ومحبته للجميع
وآخر دعوانا ان الحمد لله رب العالمين
والصلاة والسلام على من رحم الله به الناس كافة
محمد صلى الله عليه وسلم
Showman

المزيد من مواضيعي

درس الأحد ( 4 ) استكمال التجسد

درس الأحد الخروف مش الفطيرة

يوميات عم رمضان ادْخُلُوا مِصْرَ إِنْ شَاءَ اللَّهُ آمِنِينَ

درس الأحد (1) الخطية

درس الأحد غراميات ( 181 ) معبود النصارى

درس ( 20 ) الظواهر التي حدثت عند صلب يسوع ( المصيدة )

درس الأحد ( 10 ) تقليد الرب

درس الأحد الرب وأخواته

[showman]

درس الأحد ( 4 ) إستكمال التجسد
الأب متساهل
سلام المسيح معاكم جميعآ
سنكمل اليوم موضوع التجسد إللى مكملنهوش يوم الحد الماضى إللى فات ، واحد يقوللى احنا وقفنا فين فى الدرس
يرفع مكرم إيده
أيوه يا مكرم
وقفنا يا بونا لحد ما الرسول بولس فهم الفولة
برافو انت متابع كويس
الرسول بولس قال إن الله أخلى نفسه آخذآ صورة عبد صائرآ فى شبه الناس ومحدش يفتكر إن معنى أخلى نفسه إنه ترك نفسه فوق ونزل بدون نفس وإنه بعد ما صار فى شبه الناس رجع ووضع نفسه تانى هو صحيح القديس بولس مقالش وضع نفسه فين هل وضع نفسه فى الشبه الأنسانى ، يعنى أول ما صار فى الشبه الأنسانى كان بغير نفس وإنه وضع نفسه بعد ما صار فى هيئة إنسان ، معلهش الموضوع أصله معقد شوية وكويس إللى احنا بنتكلم فيه بعقولنا المحدودة ونجتهد علشان نفهم التجسد إزاى لأن الرسول بولس لم يوضح الكيفية ، يعنى رماها وسابها علشان نحتار احنا فيها ونقعد نفكر ! ومقالش عن كيفية نزول الله واحنا لا ننكر نزول الله فالكتاب المقدس ذكر أن الله نزل أكثر من مرة ، مرة علشان يشوف بنفسه الكلام إللى وصله عن أهل بابل صحيح ولا كدب فحب يتأكد بنفسه ولما لقى الكلام صحيح بلبل ألسنتهم علشان مايعرفوش يتكلموا أو يتفاهموا مع بعض وبقى كل واحد يرطن بلسان غير التانى خالص يعنى مثلآ لو أهل بابل خمسمائة ألف مثلآ يبقى ربنا خلاهم يتكلموا بخمسمائة ألف لسان ! بس إللى كتبوا الكلام ده نسيوا ان أهل بابل ممكن يكلموا بعض بالاشارات !! ومرة نزل علشان يشوف صراخ سدوم وعمورة ، ومرة نزل لما صارع يعقوب ويعقوب غلبه وفضل يتحايل على يعقوب علشان يسيبه ويقوله سبنى اعمل معروف النهار قرب يطلع ويعقوب راسه وألف سيف مش عاوز يسيبه إلآ لما يباركه ! ومرة نزل لما أكل عند آبونا ابراهيم وكان معاه إثنين ضيوف يعنى كانوا ثلاثة وأنا باختلف مع إللى بيقولوا إن الله نزل بأقانيمة الثلاثة عند آبونا ابراهيم ، ليه بقى أنا بأختلف معاهم علشان ده يبقى معناه إن الله ثلاث أشخاص وده مينفعش لأن كل واحد منهم كان منفصل عن الاتنين إللى معاه وكل واحد منهم كان بياكل لوحده. إنما نقدر نقول الله ومعاه إتنين ملاك هما إللى كانوا عند أبونا ابراهيم ! . المهم المرات إللى نزل فيها الله قبل كده كانت بنفسه أما المرة بتاعة التجسد فالقديس بولس قال إنه أخلى نفسه !!!!
عريان لو سمحت يابونا
أيوه يا عريان
لما الكتاب المقدس قال إن الله بنفسه نزل علشان يشوف أهل بابل ومرة علشان يشوف ليه صراخ سدوم وعمورة ومنعرفش الصورة إللى نزل بيها بس قال انه نزل بنفسه بصورة بشرية لما أكل عند أبونا ابراهيم ونزل بصورة بشرية لما صارع أبونا يعقوب يعنى كان بينزل بصورة بشرية زى العهد القديم ما قال ، امال ليه لازمة إنه ينزل ويتجسد فى ام النور بصورة بشرية ويبقى طفل اسمه يسوع زيه زى كل الأطفال يجوع ويشبع ويرضع ويكبر شوية ويلعب ويحلم هو صحيح ياآبونا إن الرب كان بيحلم يعنى بيشوف أحلام زى كل الناس ، وبعدين يتصلب ويموت ويدفنوه ، أنا قصدى ان الله كان بيعلن عن نفسه فى العهد القديم لما نزل وبلبل ألسنة أهل بابل وقال أنزل أشوف وأعلن عن نفسه ليعقوب بعد المصارعة مع انه ماكنش عارف اسم يعقوب وسئله اسمك ايه ، وقاله ما دام عرفتنى فلا يصير اسمك يعقوب بعد اليوم ولكن يصير اسرائيل وخلى آبونا ابراهيم يعرفه طيب ليه ما أعلنش عن نفسه فى العهد الجديد وقال أنا الله وجاى أكفر عن الخطيئة بتاعة أبوكم آدم ، يعنى كان ممكن يعلن عن نفسه بدون تجسد وبدون البهدلة إللى حصلت
اقعد يا عريان الظاهر إنك مش فاهم حاجة خالص امال كنا بنتكلم فى الدروس إللى فاتت ونقول إيه ، مش كنا بنقول إن ربنا يسوع كان عامل خطة متخرش المية علشان إبليس ميعرفش شخصيته وتنجح عملية الفداء ، وعلشان كده ربنا يسوع ساب إبليس يشيله ويحطه ويجربه ويجيبه كده ويجيبه كده علشان يعرف منه آى حاجة وبرضه معرفش، حتى لما إبليس خلاه يشوف جميع الممالك مرضيش الرب يسوع يقوله انت بتورينى الممالك بتاعتى وعمل نفسه مش واخد باله خالص علشان الموضوع يعدى على خير ، ده ربنا يسوع استحمل كتير علشان خاطرنا كلنا يا عريان
يرد عريان وفيها إيه لو إبليس عرف وهوإيه إللى كان فى إستطاعته يعمله ده لو كان قادرصحيح مكنش ربنا قدر يطرده من الجنة بس علشان هو مخلوق ضعيف وربنا هو إللى خلقه خرج من الجنة غصب عنه لما ربنا طرده ومقدرش يقول بم !
إيه ياعريان الكلام ده ، انت بتخش على النت والآ بتتكلم مع المسلمين ، الكلام ده تجديف ومش من مصلحتك تتكلم فيه انت عارف و بلاش أقول حتتعلق من رجليك وأنت عارف العصاية حتروح فين
يجلس عريان وهو يستغرب ويهز رأسه !
مايكل لو سمحت يابونا
أيوه يا مايكل
مايكل ... أيوه يا آبونا حضرتك بتقول ان احنا موحدين وبنقول ان الله واحد وله ثلاث أقانيم الأب والأبن والروح و الثلاثة واحد بدون إنفصال ، يعنى لما نقول الله يبقى الثلاثة ولما نقول الثلاثة يعنى الله ، طيب لما الله نزل واتجسد مين إللى فضل فوق ! وجت منين الحمامة إللى نزلت على الرب وهو بيتعمد فى نهر الأردن ، وجه منين الصوت إللى كان بيقول هذا إبنى الحبيب لما هما الثلاثة واحد ، وألا بنقول احنا موحدين بس قدام المسلمين علشان نضحك عليهم وميقولوش علينا مشركين ! حاجة تبرجل المخ يا آبونا أنا لما بفكر فى الموضوع ده مخى بيسخن .
الأب متساهل ... مش مطلوب منك يا مايكل إنك تفكر مطلوب منك إنك تاأمن وبس التفكير مطلوب منك بس فى الدروس المدرسية والكلية ، انما قدامى هنا توطى راسك وتقول آمين يا آبونا ، وبعدين انتوا عارفين المثل إللى بيقول العقل زينة الكنيسة هى إللى اخترعت المثل ده علشان يحفظه شعب الكنيسة ويعرف ان العقل مش للتفكير فى الإيمان ولكنه للزينة فقط . عليك تسمع وتصدق من غير ما تفكر علشان مخك ما يسخنش . وبعدين لازم تعرفوا إن إلهنا القدير له المجد يقدر يعمل آى حاجة هو عاوزها ويتجسد فى آى صورة إنسان ، خروف ، بقرة ، هو طبعآ مقالش فى الانجيل أنا الله متجسد فى صورة المسيح له المجد علشان كان خايف من إبليس يلخبلطه المسائل والفداء ما يتمش زكى يسأل
أيوه يا زكى
احنا عرفنا أن الرب كان عامل خطة علشان الفداء يتم بحيث ان إبليس ميعرفش ويعطل فداء الرب ، طيب يا آبونا بعد ما تم الفداء والمسيح له المجد صلبوه ودفنوه وقام فى اليوم الثالث يعنى الفداء خلاص تم وخلصنا من آثامنا على الصليب ، طيب ليه بعد القيامة ما أعلنش ليه بكل صراحة إنه هو الله وانه كان متجسد فى صورة يسوع وكان مخبى نفسه عن إبليس ، وانه خلصنا من الخطية لما إتصلب ومات من أجلنا ! ، يعنى مفيش خوف من إبليس لأنه تمم الفداء ! ويهنيء ذرية آدم بإنه رفع عنهم اثم الخطية وان العلاقة بينه وبينهم قد عادت كما كانت
سؤال وجيه يا استاذ زكى وبصراحة الأباء فكروا كتير فى الموضوع ده ، بس الكنيسة حلت المشكلة دى وقالت ربما يكون أعلن عن نفسه وربما إنه قال صراحة إنه الله ولكن الروح ممكن يكون نسى أن يوحى بهذا إلى التلاميذ وإلى كتبة الأناجيل !!!!
نتقابل يوم الأحد الجاى بنعمة المسيح


وآخر دعوانا ان الحمد لله رب العالمين
والصلاة والسلام على من رحم الله به كل مخلوق
سيدنا ومولانا ونبينا محمد صلى الله عليه وسلم
showman

بسم الله الرحمن الرحيم
كثيرآ ما نسمع عن المعجزات الوهمية التى يدعى البعض منهم إنها حدثت له ويتبارى كل منهم فى وضع رواية مفبركة لم تحدث له أصلآ ويحاول ان يقنع نفسه بها ثم يصدقها من كثرة تكراره لها ، والبعض الآخر يعتبر الآشياء العادية التى تقع لأغلب الناس هى بالنسبة له معجزة للوهم الكبير الذى يعيش فيه ، والبعض الآخر يؤلفها على سبيل المزاح ، وسوف نشاهد فى الدرس ان آى شخص يستطيع تأليف وفبركة قصة لم تحدث أصلآ وهى فى عيون الآخرين معجزة بكل المقايس فالعبد لله يستطيع تأليف العديد من هذه المعجزات الوهمية كما سترون بعد وقد وضعتها لتتكلم بها الشخوص الحوارية كمعجزات وقعت لها ، كما ان أغلب قصص المعجزات التى نسمع عنها إنما هى من وضع آباء الكنيسة من قبيل تثبيت الإيمان ، فلا يغرنك أيها المسيحى ما تسمعه فإنما هى قصص وهمية تم وضعها لك خصيصآ ليكون لك إيمان دائم بشفاعة القديسين والتوسل بهم وتقديم الصلوات والقرابين لهم ، نسئل الله لك السلامة والنجاة مما انت فيه وان ينير عقلك الذى امتهنوه طويلآ بسماحك لهم بإستباحته وانت غافل وواهم.
درس الأحد ( 5 ) معجزات القديسين
الأب بسلامته
سلام المسيح لجميعكم
النهارده حنتكلم عن معجزات القديسين علشان الأب عريان حصلت معاه مشكلة إمبارح
التلاميذ ... خير يا آبونا إيه إللى حصل للأب عريان
الأب بسلامته .. أبدآ أصله كان ماشى إمبارح وكان فيه عيال بيلعبوا كورة شراب والظاهر إن واحد منهم شاط الكورة فجت فيه ، والظاهر إن الكورة كانت متعاصة طين ، ومكنش الولد بصراحة قاصد ، ومع إن الولد إعتذر وقال متزعلش ياابونا الطين طاهر ، بس الأب عريان شتمه ومعجبوش إللى حصل وخد كلمة الولد على محمل تانى وفسرها تفسير غلط ، وقال يعنى الولد عاوز يقوللى إن الطين أطهر من الدم لأن الله خلق آدم من الطين إنما الصليب عليه دم واحد بولس قال عليه إنه ملعون وافتكر إن فيه ناس محفظة الولد الكلام ده فخد بعضه وطلع على قسم الشرطة علشان يعمل محضر وحاول الضابط يطيب خاطره ويقوله دول عيال يابونا ومش قصدهم حاجة، بس الأب عريان راسه وألف .... ما يرجع فى كلامه وصمم على عمل المحضر وقال للضابط ده حيأجج الفتنة الطائفية فى البلد !! .
المهم النهاردة كل واحد فيكم يحكى لينا عن معجزة حصلت ليه هو شخصيآ أو لحد من اسرته
يتكلم توما ويحكى
أنا لما كنت بأرجع من المدرسة أفوت على بوتيك فى أول الشارع إللى فيه بيتنا وكان معروض فيه تى شرت حلو خالص وكنت أقف أتفرح عليه وأقول ياريت كان معاى فلوس علشان أشتريه لأنه كان عاجبنى قوى وكان نفسى فيه وروحى كانت حتطلع عليه ومكنتش أقدر أطلب فلوس من أهلى لأننا غلابة على كد حالنا ، والاسبوع إللى فات لما روحت البيت فوجئت بحاجات كتير داخل شنط بلاستك جديدة محطوطة على التربيزة فى الصالة وكلهم فى البيت فرحانين ومبسوطين ومذهولين فسئلتهم إيه الموضوع فقالولى اتفرج فلقيت داخل الشنط البلاستك قمصان نوم وفساتين وبجامات وقمصان رجالى ولقيت نفس ال تى شرت إللى أنا بحبه ففرحت قوى وسئلت جبتم فلوس منين للحاجات دى كلها ، فقالت امى إنها سمعت جرس الباب فقامت وفتحت فوجدت شاب وفتاة من الصين من الذين يمرون على المنازل لبيع بضاعتهم ويحمل كل منهم شنطة على ضهره فأرادت امى أن تصرفهم لأن مفيش معانا فلوس والظاهر إنهم لم يفهموا كلام امى فصمموا على الدخول وعرض ما معهم من بضاعة وبصراحة الحاجات كانت مغرية وجميلة جدآ وكانت مناسبة لكل واحد منا فقالت لهم امى والحزن فى عينيها يا ريت كان معانا فلوس كنا اشترينا منكم وأرادت أن ترد لهم الملابس بتاعتهم ، ولكنهم نظروا لبعضهم البعض الشاب والفتاة وضحكوا وقال الشاب الصينى إنتو لسه مش عارفين إحنا مين أنا مارجرجس ودى القديسة دميانة واحنا جايين مخصوص علشان نديكم الحاجات دى ، أما الشنطة دى فاعطوها لتوما وفيها ال تى شرت إللى هو بيحبه وكان نفسه فيه ، فكل إللى فى البيت إندهشوا من المفاجأة لأنهم اتكلموا عربى مش صينى ولما امى فاقت من المفاجأة مسكت فيهم علشان ياكلوا وقالت ليهم أنا طابخة كوسة وقرع عسل ، ولكنهم مشيوا واختفوا ، والعجيبة ان احنا لاقينا التكت إللى على الملابس بدل ما يكون مكتوب عليه صنع فى الصين لاقينا مكتوب عليه صنع بمعرفة ام النور.
الجميع يتهلل بركاتك يا عدرا .... بركاتك يا ام النور
الأب بسلامته ... يهز رأسه وهو يستغرب صحيح حصل الكلام ده يا توما
يرد توما أيوه يابونا ثم يجلس وفى عينيه نظرة خبث
يقف روفائيل ويحكى
اشترى أبى العام الماضى خروف صغير وضعناه مع عنزة فوق السطح بتاعنا ومع بعض الطيور وكانت امى متعودة تربى الحاجات دى حتى لا نحتاج للشراء من الخارج ، وكنت أنا أصعد للسطح لتقديم الأكل لهم وكل إللى بيفيض من أكلنا كل يوم ، وأنا تعلقت جدآ بالخروف منذ أن كان صغير إلى أن كبر ورأى أبى ان الخروف قد حان الوقت لأن نذبحه لإنه قد أصبح ضخمآ فأتى يومآ بالجزار وقال ضاحكآ سنذبح أخيكم النهاردة وصعدت معهم إلى السطح وعندما شاهد الخروف السكينة بيد الجزار جتله حالة هياج شديدة وبدل ما يقول ماءءءءء ماءءءءء
قال لاءءءء لاءءءء
وبعدين قال أنا مش خروف يااخونا أنا بنى آدم زيكم
احنا كلنا إندهشنا وبقينا خايفين ومش عارفين نعمل إيه
والجزار قال أول مرة أشوف خروف بنى آدم بأربع رجلين !! ورفض أن يذبحه وانصرف وهو خائف ، أبى احتار فى أمر الخروف وذهب إلى الكنيسة وحكى لهم إيللى حصل وهناك قالوله إن الخروف به شيطان جامد قوى ونصحوا أبى أن يطلقه بعيدآ فى الصحراء ولا يدخله بيتنا مرة اخرى وانهم حيعملوا صلاة ويقدموا طلبات وتضرعات لأم النور ويطلبوا منها ان الشيطان إللى جواه لا يؤذينا
وفعلآ خدنا الخروف وتركناه فى مكان فاضى بعيد عن الناس والعمران وبقينا خايفين جدآ وخصوصآ لما سمعنا الخروف بعد ما تركناه وهو بيقول هاءءءء هاءءءء ضحكت عليكم ، بس نحمد ربنا لأنه نجانا بنعمة المسيح ودعاء ام النور من الخروف الشيطان
الأب بسلامته... وهو أشد إستغراب صحيح الكلام ده يا روفائيل
روفائيل ... أيوه يابونا طبعآ صحيح ويجلس وفى عينه نظرة أشد خبث وهو ينظر إلى توما
يتهلل الجميع المجد ليسوع ..... المجد ليسوع
يقف زكى ليحكى
الأب بسلامته.... قبل ما تحكى يازكى لو عندك معجزة زى المعجزات إللى حكاها توما وروفائيل بلاش تقولها وقول حاجة تانية !
زكى ... بصراحة يابونا مش عارف إذا كانت دى معجزة والا مش معجزة
الأب بسلامته ... احكى يا زكى واحنا حنعرف إن كانت معجزة والا مش معجزة
زكى ... وأنا فى اولى اعدادى كان عندى 12 سنة والمدرسة بتاعتنا نظمت رحلة إلى أسوان والرحلة كانت لمدة يومين واشتراك الرحلة كان عشرة جنيه ومكنش معاى اجرة الاشتراك لأن المرتب بتاع بابا كان يدوب يكفى مصاريف الأكل والشرب والإيجار والحاجات دى ومكنش بيفيض حاجة من المرتب بتاع بابا خالص ، وكان نفسى أروح الرحلة دى مع زاميلى وكان فاضل يوم واحد على قفل باب الاشتراك
فكنت مهموم وحزين ومش طايق نفسى ورغم ان سنى يومها كان 12 سنة بس كنت حاسس بالمسئولية وقعدت لوحدى أفكر فى حالنا واقول يا بخت زاميلى إللى معاهم فلوس حيروحوا الرحلة ويشوفوا أسوان والسد العالى وانا لأ ، وفجأة وأنا قاعد سمعت صوت ناحية ودنى الشمال بيقوللى انت زعلان ليه يا زكى متزعلش ، مش انت شايل عشرة جنيه فى الحصان الخشب بتاعك من عشر سنين ، لما انت قلت أشيل دول للزمن ولوقت العوزة و قلت كمان يومها القرش الابيض ينفع فى اليوم الاسود ، وقعد الصوت يفكرنى بالمكان إللى أنا شايل فيه الفلوس لحد ما افتكرت ولاقيتهم فعلآ مكان ما أنا حطاطهم فى الحصان اللعبة بتاعى وسئلت صاحب الصوت إللى كان بيكلمنى انت مين فلقيته ضحك قوى وقاللى أنا البابا شنودة يا حبيبى ! فخدت الفلوس ورحت دفعتهم للمشرف بتاع الرحلة !
يتهلل الجميع ويصيحون مبارك .... مبارك ... دى معجزة كبيرة يا زكى
نعمة المسيح معاك
زكى ... تبقى دى معجزة يابونا والا مش معجزة !
الأب بسلامته ... يهز راسه وهو مبهوت ويقول لأ معجزة يازكى، ده أنت غلبت توما وروفائيل
زكى ... يجلس وهو ينظر لكل من توما وروفائيل وهو يضحك بخباثة
الأب بسلامته....وهو يحدث نفسه يعنى الواد زكى عاوز يفهمنى انه شال الفلوس فى الحصان اللعبه بتاعه لما كان عنده سنتين وانه قال اشيلهم للزمن ولوقت عوزه والقرش الابيض ينفع .. ثم ان أبوه مستشار ويدعى انهم على كد حالهم ، الأب بسلامته يقول فى سره وهو ينظر إلى زكى آه ياكداب !! ثم يلتفت إلى التلاميذ وهو يقول نكمل يوم الحد الجاى وابقى سلملى على الحصان الخشب بتاعك يا زكى وانت ياروفائيل سلملى على الخروف بتاعكم أما انت يا توما لو شفت الناس بتوع الصين ياريت تبقى تخليهم يفوتوا علي فى البيت بالبضاعة بتاعتهم !!
نكمل يوم الأحد القادم
سلام ونعمة

وآخر دعوانا ان الحمد لله رب العالمين
والصلاة والسلام على سيد المرسلين وخاتم النبين
محمد صلى الله عليه وعلى آله وسلم تسليمآ كثيرا
Showman

المزيد من مواضيعي

درس الأحد ( 21 ) لمن جاء يسوع

درس الأحد ( 174 ) أهل المحبـــة

العلم نوورن ( 6 )

درس الأحد هكذا قال الرب

درس الأحد أعرف منين ؟

مشكلة

درس الأحد ( 13 ) استكمال خطة الرب للخلاص

درس الأحد ( 39 ) الرب فى السفينة

[showman]

درس الأحد ( 6 ) كيف تتعامل مع المسلم
الأب عريان المكفى
سلام ونعمة للجميع

حنتكلم فى الدرس النهارده عن موضوعان الأول كيف تتعامل مع الكفار والموضوع الثانى عن تثبيت الايمان المسيحى بالنسبة لشبابنا إللى بينضحك عليهم من الكفار !
ومش بس شبابنا ولكن كمان الكبار إللى بيشاوروا عقولهم وغير مقتنعين بالإيمان بتاعنا
وقال إيه علشان مش فاهمين التجسد أو التثليث ومش داخل عقولهم ولا فاهمين حقيقته وده راجع لأنهم بيفتشوا ويدوروا وبيحاولوا يفهموا ، ومش عارفين إن المطلوب منهم انهم يؤمنوا وبس من غير تفكير ولا يحزنون ، لأن إللى بيفكر وبيحاول يفهم تأكدوا إن مصيره إنه حيترك المسيحية والمسيح وحيبقى إنحرم من الملكوت بتاع ربنا له المجد ! ويكون مستحق لبحيرة الكبريت
وأنا من هنا بأوجه كلامى لكل واحد قاعد بينكم تأسلم فى السر ومخبى نفسه
علشان ما ينفضحش وسطنا وأنا عارف إنه فيه أعداد كبيرة للأسف إنضحك عليها لأنها حاولت تشغل عقلها وتفكر ولم تؤمن الإيمان الأعمى المطلوب منها حتى ترضى الرب له المجد .
والنهارده بجانب الموضوعين دول حنتكلم فى كل حاجة وإللى عاوز يسئل يتفضل وإللى إيمانه ضعيف وعاوز يقويه يرفع إيده ويتكلم وإللى مكسوف يرفع إيده يقول للى قاعد جنبه علشان يرفع إيده نيابة عنه ! الموضوع خطير يا أبنائى والكنيسة قلقانة من كتر حالات التأسلم والخطف إللى بتم لبناتنا بإستمرار عينى عينك !
جرجس لو سمحت يابونا
أيوه يا جرجس
بس يا بونا كلنا عارفين إنه مفيش حالات خطف ولا حاجة وإحنا بس إللى بنقول كده علشان الإعلام والاسبوع إللى فات واحدة جارة إبن عمى إسمها لويزة هربت وسابت لأهلها جواب قالت فيه إنها أسلمت وطلبت منهم إلآ يبحثوا عنها لانها لن ترجع للمسيحية تانى ، وأهلها أخفوا الجواب بتاعها وراحوا مديرية الأمن وبلغهوهم إن المسلمين خطفوا البنت ! وعملوا مظاهرة كبيرة فى الكنيسة ، وطلبوا من الحكومة ترجع ليهم لويزة ، والحكومة قالت ليهم انتوا عاوزين لما حد يتأخر من ولادكم عن البيت أو يكون عند قرايبه أو يتوه نمسك ميكروفونات وندور نلف فى الشوارع ونقول عيلة تايهة يا ولاد الحلال ببلوزة نايلون وجيبة ترجال على رأى عدوية ، والمسلمين بيقولوا إن عندهم تسجيل لأبونا بشوى بيقول فيه إنه مفيش حد بيخطف حد لما واحده قالت له بنتى إتخطفت يا آبونا
بشاى لو سمحت يابونا
أيوه يا بشاى
أيوه يا بونا بيحكوا إن فيه ناس راحوا لعم صفوت إللى فى الشارع إللى ورانا وقالوله إنهم شافوا إبنه مكرم الشاب الجامعى فى معرض القاهرة للكتاب إللى فات وهو بيوزع كتيباب إسلامية وأجزاء مطبوعة من القرآن بتاع المسلمين على الزوار وكان بيتخفى حتى لا يتعرف عليه أحد ولما شاهدوه بالصدفة إختفى عن أنظارهم ، ولما جم يواجهوه أنكر بشدة وقال ربما شخص يشبهه ! مع إن الذين رأوه أكدوا إنه هو بشحمه ولحمه
قلدس يرفع إيده
خلاص يا قلدس مش عاوزين حكايات من النوع ده ، الحكايات دى تهدم الإيمان مش تثبته
قلدس أنا عاوز أقول حاجة تانية يا آبونا
اتفضل
ليه الكنيسة بتحذر علينا قراءة القرآن بتاع المسلمين مع ان المسلمين ما عندهمش تحذيرات على قراءة الكتاب المقدس بتاعنا يعنى أى واحد فيهم يقرا الكتاب المقدس ، وده يخللى الناس تقول إن عقيدتنا ضعيفة وإيمانا أكثر ضعف من عقيدتنا بعكس المسلمين وعقيدتهم
شوف يا قلدس ياحبيبىعقيدتنا مش ضعيفة ولا حاجة وإيمانا فل الفل بس إحنا بنخاف على ولادنا ، وزى المسيح له المجد ما قال أما خرافى فانها تسمع صوتى وتعرفنى ،كمان شبابنا زى الخرفان الصغيرة الأوزى لما واحد يمسك خروف منهم ويجره من ودانه أو من قرونه تلاقى الخرفان كلها ماشية وراه . وده متعلق بالموضوع الأول إللى هو كيف تتعامل مع الكافر
وبالنسبة لأى واحد ممنوع عليه قراءة القرآن واحنا مختارين بعض الأشخاص إللى ليهم القدرة على المناورة والمحاورة ولعب الثلاث ورقات ونعطيهم آيات محددة من القرآن لاعبين فيها ومقطعين منها علشان تبقى كشبهات يلاعبوا بيها المسلمين الكفار علشان يشككوا ضعاف الإيمان عندهم فى دينهم ومن ناحية تانية تثبت إيمان ولادنا فى عقيدتنا قبل آى حاجة وإللى إحنا إخترناهم بنقول ليهم خشوا المواقع الإسلامية وتكون على عينيكم غشاوة وقولوا الشبهة للمسلم ، طبعآ هو حيرد عليك على طول ويفند الشبهة لأن الشبهات كلها معروفة ومكررة ، والمطلوب منك إنك لا تنظر فى إجابته وكل إللى عليك إنك تقول له إنك لم تجاوب على السؤال أو تقول له إنك لم تقتنع باجابته . وفى الحالات التى يخبرك فيها إن هذه الشبهة موجودة فى قسم الشبهات بذات الموقع مع غيرها من الشبهات ومردود عليها قوله أنا عاوز أسمع الرد منك أو عاوز أعرف رأيك انت إيه وهكذا حتى لو جاوب على سؤالك مائة مرة لا تمل وقول له ولكنك لم تجاوب على سؤالى وخللى بالك إن المسلم حيكون صبور معاك فعليك إنك تثيره ببعض الكلمات إللى تمس كتابهم ورسولهم لتخرجه عن شعوره . طبعآ والشبهات معروفة ومطبوعة وموجودة فى كل كنيسة من كنائسنا ، والشبهات دى معروفة ولا تتغير من زمان خالص وزى ما بنقول فى الكنيسة على سبيل الضحك إن الكتاب المقدس بيحصل فيه تغيرات باستمرار ولكن الشبهات إللى بنقولها للمسلمين ثابتة ولا يحصل فيها تغيرات مثل رضاع الكبير ، وزوجات رسولهم والزواج من عائشة وهى عندها تسع سنوات ، وغروب الشمس فى عين حمئة ، وحديث الذبابة وبول الإبل ….الخ الخ إحنا نقولهم الشبهات وهما يجاوبوا أكثر من ملاين المرات ، لا نمل ولا يملوا
كمان بنقول لشبابنا إنه مش عيب إنك تختار لنفسك اسم انثى عند دخولك لأى موقع اسلامى علشان يحاسبوا عليك شوية ويراعوا انوثتك ويكونوا حنينين عليك وبرضه مش عيب إنك تكذب وتقول إنك كنت مسلم قبل كده والمسيح جالك فى المنام وخد بإيدك ودخلك المسيحية
يعنى إتلون على قد ما تقدر ، وشوفوا انتم البابا بنفسه لما يحب يدحلب للحكومة يجيب ليهم الكلام إللى فى القرءان إللى بيقول لتجدن أقربهم مودة للذين آمنوا الذين قالوا إنا نصارى ويحاول يمثل عليهم المحبة ولما المسلمين يتكلموا مثلآ عن انجيل برنابا أويقولوا ان القدماء منا كان منهم من ينكر تألية المسيح والأقانيم ، يقولهم دى أفكار طائفة اسمها النصارى وكانت أفكارهم كفرية أما نحن فمسيحيين ، والنصارى دول زى الخوارج عندكم أو الشيعة . والأب زكريا كلنا عارفين إنه عامل جبهة وبيدافع عنا من ناحية واحنا كمان عاملين جبهة تانية علشان نسنده بدل ما يكون لوحده هو من ناحية فى قناة الحياة واحنا من ناحية وأقباط المهجر من ناحية ثالتة والأنبا شنوده وإللى حواليه مكرسين نفسهم ليل ونهار لعمل الخطط والمقالب إللى نقدر بيها نضغط على آى حكومة علشان ناخد نصيب الأسد واحنا زى ما انتم عارفين الكنيسة بتدى تعليمات للمسيحى وتقوله لو اختلفت مع مسلم لأى سبب حتى ولو بسبب لعب الأطفال مع بعض اتخانق معاه ووسع الموضوع على قد ما تقدر وسيب الباقى علينا !! وأنتو عارفين إن دول الغرب بتسندنا وأمريكا ماسكة العصايا لو حد فتح بقه وأقباط المهجر مخلاينها حريقة وزى الهبلة إللى مسكوها تار .
ثم يتجه القس إلى السبورة على الحائط وهو يتكلم
والمسلم إللى يقولك يا مسيحى فكر شوية وشغل مخك ده واحد + واحد + واحد = ثلاثةمش واحد
ترد عليه وتقوله هى مش علامة +دى عبارة عن علامة الصليب ، طيب لو مسكنا الصليب ده وضمينا منه طرفين شوية بحيث يكون زى المقص مش يبقى عبارة عن علامةالضرب X يعنى واحد X واحد X واحد = واحد يعنى الثلاثة مضروبين فى بعض !! ولو قالك انت بتخرف وتقول إيه ؟ ألهة إيه إللى مضروبين فى بعض ، ترد عليه وتقوله هو مش المسيح له المجد إنضرب قبل ما يصلبوه ! أهو ده كان بيرمز لعلامة الضرب !!!!!
أو تقوله المثل بتاع الشمس إللى كلنا عارفينه ومش فاهمينه وانها عبارة عن شمس وضوء وحنان قصدى وحرارة أو بلاش تقوله المثل دة أحسن يقولك دى صفات للشمس وليست جواهر وآى صفه منهم لا تسمى بمفردها شمس وأهم حاجة إنك تبين للمسلم إنك خايف عليه وتقوله المسيح بيحبك وخلص نفسك أحسن لك . وقبل النقاش مع أى حد فيهم يكون صليبك فى إيدك وحقدك فى قلبك وعقلك شايله فى أستك شرابك وضاربلك كاسين وياريت يكونوا كاسين نبيذ من إللى بيتحولوا إلى دم الرب وطبيعى مش حتفهم آى كلمة منه لأن عقلك مش معاك
والاسبوع الجاى نكمل
سلام المسيح ونعمته معاكم




وآخر دعوانا ان الحمد لله رب العالمين لا شريك له
showman

المزيد من مواضيعي

أبطـــال العهــد الجديـــــد

درس الأحد ( 23 ) سلب الغنم و إلغاء العمل

درس الأحد غزّل الرب

درس الأحد ( 24 ) الرب راعي فلا يعوزني شيء

يوميات عم رمضان وحـــــــدووه

يوميات عم رمضان سد الحنك

درس الأحد ( 15 ) زكي الذكي

درس الأحد ( 16 ) زكي و قنبلة زكي

[showman]

درس الأحد ( 7 ) تثبيت الإيمان

الأب عريان المكفى
صباح الفل والياسمين وسلام المسيح لجميعكم
النهاردة درس عن تثبيت الايمان فى نفوس شبابنا وماذا يمثل الايمان عند كل واحد منكم وهل عندك شك فى ان الرب يسوع خلصك لما فداك بدمه على الصليب وانه له المجد شتموه وضربوه وشلحوه من هدومه وشرب الخل علشانك وانت قاعد مستريح بعد ما أخطأت وأكلت من شجرة المعرفة وماهانش عليه إنه يسيبك تموت بخطيتك ومات هو نيابة عنك !! واتعرض للبهدلة من إبليس فى التجربة وابليس معرفش شخصيته علشان الفداء يتم زى الرب ما خطط ليه ونحمد ربنا إن إبليس مخدش باله من شخصية الرب مكناش حنعرف ساعتها إيه إللى كان حيحصل !! كان حيمنعه أو كان حينصحه إنه ما يعملش الفداء أومكنش حيخللى الرب يقوم من الموت بعد ما دفنوه
ويصا يرفع إيده
أيوه يا ويصا عاوز تقول إيه
مين إللى حمل الصليب يابونا المسيح له المجد أم سمعان القيراونى ؟
يا ويصا يا حبيبى هو الصليب ده مكون من إيه مش عبارة عن عودين من الخشب واحد أطول من التانى متقاطعين مع بعض يعنى واحد بالطول وواحد بالعرض بيتم تثبيتهم مع بعض بالمسامير أهو المسيح له المجد كان شايل عود منهم وسمعان كان شايل العود التانى وعلى فكرة ممكن يكون المسيح هو إللى ثبت العودين دول ببعض لأنه كان نجار
وديع يرفع إيده
أيوه يا وديع إتكلم
أنا يابونا لما آجى علشان أصلى وأقول آبانا الذى بيجى فى خيالى صور كثير للمسيح له المجد أحيانآ على شكل حمامة وأحيانآ على شكل خروف وأحيانآ على شكل واحد عريان على الصليب وأحيانآ على شكل طفل على إيد العدرا وأحيانآ على شكل شمس خارج منها شعاع ومفيش صورة بتبقى ثابته ليه على طول هل ده غلط يابونا ؟
مش غلط ده كويس وعلشان المسيح بيحبك حط ليك كل الصور قدام عينيك وبيقولك
اختار انت بقى الصورة إللى انت بتحبها
وديع بصراحة أنا باحب صورة الخروف قوى !!
فوزى يرفع إيده
أيوه يا فوزى خير
ليه يابونا فى الكنيسة عند التناول لا أشعر بإن خبزة التناول هى لحم المسيح وبأحس ان طعمها خبزة بس ، كمان النبيذ ملوش طعم الدم أنا عارف إن المسيح له المجد قال للتلاميذ عن النبيذ هذا دمى وهذا جسدى عندما كسر الخبز وبارك فهل كان جسده له المجد بدون عظام لأن الخبزة ليس فيها شيىء
إجلس يا فوزى المرة الجاية حاقولهم فى الكنيسة يحطوا ليك مسامير فى الخبزة بتاعتك مش عاوزين أسئلة بايخة من النوع ده يا أبنائى انتو مش بتحسوا ساعات بان الخبزة وقفت فى زوركم وأحيانآ بتدخل جوه سنانكم وساعات تجلكم شرقه أهو ده بسبب العضم بتاع المسيح له المجد
نادية ترفع إيدها
أيوه يا نادية
سؤال مش خايب يابونا هو لما بنتناول الخبزة بنتناول كافة الجسد
يعنى إيه كافة الجسد ؟ أقصد الجسد بمنافعه وانت طبعآ عارف يعنى إيه المنافع يابونا!! يعنى المخارج (السباكة يعنى )
هو فى الحقيقة يانادية الجسد بيبقى شامل كل حاجة وبعدين تلاميذ المسيح ما إعترضوش على حاجة بالعكس كانوا موافقي
نادية
ممكن أبقى أشيل من الخبزة الحتة إللى أنا بأشك فيها وأخللى الحتة إللى أنا بأحبها ونفسى فيها
اقعدى بلاش تهريج
مايكل يرفع إيده
أيوه يا مايكل إتفضل
احنا بنشوف الغرب يابونا بيعمل أفلام رعب عن أكلة لحوم البشر ( الزومبى) هل موضوع أكل جسد الرب وشرب دمه هو الذى أوحى اليهم بعمل هذه الأفلام المرعبة
والا هما عاوزين يقولوا علينا اننا زى الزومبى إللى فى الأفلام
الغرب يا مايكل أغلبه منحل ومالوش فى الدين واحنا شوفنا قالوا إيه عن المسيح له المجد مش قالوا إنه إتجوز المجدلية وخلف منها ده محدش منهم بيخصى نفسه زينا من أجل الملكوت إحنا يا مايكل خرفان بنسمع الكلام أكتر منهم
زكى يرفع إيده
أيوه يا زكى
بصراحة يابونا فيه نقطة محيرانى
قول يا زكى إيه إللى محيرك
فى سفر التكوين يابونا ربنا قال لآدم لا تأكل من هذه الشجرة والشجرة دى كانت شجرة المعرفة مضبوط يابونا
مضبوط يا زكى
يعنى آدم مكنش يعرف آى حاجة قبل ما ياكل من شجرة معرفة الخير والشر
آمال إزاى اتعرف آدم على حوا لما صحى من النوم ووجدها جنبه من أين جتله المعرفة سواء ان كانت حوا خير أو شر وهو لم يكن قد أكل بعد من الشجرة !!!!!!!!! وقال هذه عظم من عظامى ولحم من لحمى هذه تدعى امرأة لانها من امرء اخذت !!!!!! ومن أين عرف إنها عظم من عظامه
الأب عريان يسكت برهة ثم يتكلم
ربما آدم مص مصه من ثمرة شجرة المعرفة أو شم الثمرة ولكنه لم يأكلها فحصل على جزء قليل جدآ من المعرفة !!
يا أبنائى لابد أن يكون المسيحى مثل الفأر وجحره له مئات الفتحات إذا سدوا عليه فتحة خرج من الأخرى
يوم الأحد الجاى نكمل
سلام المسيح لجميعكم

وأخر دعوانا ان الحمد لله رب العالمين لا شريك له
وصلاة وسلآمآ على من إرتضاه ليكون خاتم رسله وجعل رسالته آخر الرسالات
showman

المزيد من مواضيعي

يوميات عم رمضان ألآعيب شيحه

العلم نوورن ( 5 )

نحو الأميـــــــة العلم نوورن ( 3 )

يوميات عم رمضان الخروف والنعاج

درس الأحد أبوكوا السقا مات

درس الأحد ( 111 ) لعبها يوسف فأعجبت نيقوديموس

درس الأحد (53 ) الجبل / البرية / المغارة

درس الأحد ( 136 ) خليك إنتهــــازى