|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
28.11.2012, 01:34
|
|||||||||||||||||||||
|
|||||||||||||||||||||
يوميات عم رمضان وحـــــــدووه
يوميات عم رمضان وحـــــــدووه الشيخ حسن السلام عليكم ورحمة الله عم رمضان وعليكم السلام ورحمة الله وبركاته فينك يا شيخ حسن يعنى مفيش حد شافك ليلة إمبارح الشيخ حسن أصل حلاوتهم كانت بعافية شوية عم رمضان إشمعنى النوبادى ماهى كتير بتكون بعافية وانت بتفوتها وتخرج ولآ بيهمك الشيخ حسن أصلها المرة دى قالتلي خليك معاى يا شيخ حسن وبلاش تخرج الليلةعلشان حاسة إنى حاموت عم رمضان ليه كفا الله الشر ، هو عندها إيه ؟ الشيخ حسن قالتلي إنها حاسة بهبوط وصدرها طابق عليها ومش قادرة تاخد نفسها وقالتلي لو مت ياشيخ حسن إبقى إتجوز ولوعينك من حد قوللي علشان أأقولك إذا كانت تنفعك ولآ لأ قلتلها هو أنا باشوف علشان تقوليلي عينك من حد عم رمضان إوعى حلاوتهم تكون بتعمل كده علشان توقعك فى الكلام الشيخ حسن ماظنش لأنها كانت بتتوجع وصعبت عليّا عم رمضان طيب ما شيعتش حد يندهلي ليه كنت جبتلها حكيم الوحدة يكشف عليها الشيخ حسن هى عندها عقدة من الحقن والبرشام وخصوصاً من حكيم الوحدة الصحية من ساعة ما كتب علاج غلط للحاج نصحى الله يرحمه والراجل راح فيها عم رمضان جرى إيه يا شيخ حسن ده أجل ولكل أجل كتاب الشيخ حسن بس أسباب يا شيخ رمضان ، مش أروح أقتل واحد وأقول ده أجله كدة عم رمضان إللي عاوز أقوله ان الحكيم ما قصدش يموته الشيخ حسن أهى الناس خافت منه ومعادش حد بيكشف عنده وإللي عاوز يكشف بقا يروح البندر عم رمضان المهم انت عملت إيه ؟ الشيخ حسن قلتلها خلاص ياحلاوتهم أنا حاروح أخد بخاطر الواد ميلاد فى أمه وأرجع أسهر معاكِ للصبح عم رمضان ياااه . كان لازم أنا كمان أروح أخد بخاطره الرسول عليه الصلاة والسلام راح زار اليهودى لما عرف إنه مريض مع إنه كان بيرمى القذارة امام بيته بكرة ان شاء الله أعدى عليه هما كانوا ناصبين صوان للعزا الشيخ حسن لأ ماعملوش صوان كانوا عاملين يادوب دروة صغيرة وحاطين شوية كراسى وجايبين ميكرفون ما انت عارف ان الوّله ميلاد بيخاف على القرش زى حبابى عينيه ولما وصلت هناك لقيت كام واحد واقف مع الواد ميلاد يستقبلوا إللي جاى ولقيت الوّله ميلاد بيقوللي مفيش حد يجيلك فى حاجة وحشه يا شيخ حسن أنا ساعتها إفتكرت حلاوتهم وقلتله شد حيلك يا ميلاد هو إحنا حنروح فين كل نفس ذائقة الموت وكل واحد مسيره يموت بس المهم حيموت على إيه قاللي هى سافرت وزمانها مع المسيح دلوقت قلتله تفتكر كدة ؟؟ المهم الوّله ميلاد خد بإيدى وقعدنى على كرسى والكل كان قاعد ساكت مش زى عندنا بيكون فيه مقرىء وقرءان ولما لقيت الدنيا ساكتة خالص قلت وحدوووه وطولت فيها شوية مفيش حد رد عليّا أنا إفتكرت ان مفيش حد موجود إلآ آنا وان كلهم واقفين بعيد يستقبلوا إللي جاى يعزى فقلت لنفسى طيب أعرف إزاى إذا كان حد قاعد جنبى ولآ لأ فقلت أهى ريحّت إللي حواليها وسبحان الدايم لقيت واحد قاعد جنبى بيقول هى مع المسيح ذلك أفضل وواحد تانى بيقول مع ان لسانها كان شوية ومزعلة الناس منها بس كانت ولية طيبة جدآ وقلبها أبيض زى البفتا البيضا المهم ان السكوت رجع تانى ولآ عادش فيه ولآ صوت والكل هس هس قوم أنا ناديت وقلت ولـَه يا ميلاد قاللي أيوه يا شيخ حسن أنا جنبك أهو أى خدمة قلتله متقدرش تجيبلى شوية ينسون أو حتى ميا بسكر بس تكن دافية ؟ قاللي ليه ؟ قلتله أنا شايف الناس قاعدة ساكته فعاوز أقرالهم ربع قرءان يمكن ربنا يهديهم قاللي شكرآ يا شيخ حسن ملوش لزوم كتر خيرك عم رمضان وده ينفع بردوا يا شيخ حسن ؟؟؟ الشيخ حسن ما ينفعش لأن القرأن رحمة والترحم لا يجوز على الكافر ولقد نهى الله رسوله صلى الله عليه وسلم عن الاستغفار لأمه عم رمضان وربنا سبحانه وتعالى بيقول والذين كفروا بآيات الله ولقائه أولئك يئسوا من رحمتي الشيخ حسن أنا عارف انهم بيكرهوا القرأن و طبعآ مش حيوافقوا إنى أقرأ منه كلمة بس كان خاطرى إنهم يسمعوه لعل وعسى عم رمضان ماهما بيسمعوه كل يوم بس بيسدوا ودانهم ويحاولوا يلهوا نفسهم فى أى حاجة علشان ما يركزوش فيه بس انت مشكلة يا شيخ حسن كمل .. كمل الشيخ حسن وبعد شوية حصلت هيصة ودوشة وناس بتقول وسع يا جدع أبونا فلقس جه أبونا فلقس جه إتفضل يابونا يا أهلآ ياريت يموتلنا واحد كل يوم علشان تزورنا وتحصللنا البركة إتفضل أهو عم رمضان يتفضل إيه ؟ الشيخ حسن يتفضل الميكرفون أنا كان فكرى إنه حيقرا ربع زينا بس من كتابهم واحد قاعد جنبى قال أبونا فلقس حيقول وعظة وتطيبات للمتنيحة قلتله تطيبات يعنى إيه ؟ قاللي يعنى يقول عن أعمالها الحسنة وإنها طيبة علشان الرب يقبلها قلتله إهيه هو الرب مش عارف هى عملت إيه وسوت إيه إذا كان طيب ولآ ردى ؟ قاللي هو إحنا عندنا كدة وممكن أى واحد يقوم ويقول هى عملت إيه معاه طيب وممكن كمان أى واحد يحكى عن خير هى عملته معاه كدة وكدة قلتله كدة وكدة يعنى ما حصلش ؟ قاللي أيوه المهم نحسن صورتها قدام الرب قلتله يعنى تغشوه ؟ قاللي حاشا إحنا بنجملها بس قلتله طيب وإللي عملت فيه مغرز أومقلب أو حاجة وحشة ممكن يقوم ويقول على المقلب إللي عملته فيه ؟ قاللي احنا بنذكر المحاسن بس قلتله الظاهر إنها ماعملتش طيب علشان مفيش حد قام يتكلم ؟ قاللي البركة فى أبونا فلقس حيقول حاجات من عنده قلتله هو كمان حيغش الرب ؟ قاللي الرب محبة قلتله عندنا ربنا سبحانه وتعالى بيقول فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَىٰ ﴿النجم: ٣٢﴾ عم رمضان وفلقس ده قال إيه ؟ الشيخ حسن قعد يتكلم عن الوليه حنه ويحكى حوادين عن أفعال خير عملتها أونطة يعنى وبعدين قال رغم إنها كفيفة كانت مواظبة على الحضور للكنيسة والناس كانت بتحبها وهى دلوقت فى حضن المسيح والظاهر إنه شافنى لإنه قال حتى الضيف المسلم الضرير ما منعهوش عدم نظره إنه يجي يعزي ويواسى المسيحى صاحب البلد الأصلى وده من محبة الناس ليها مسيحيين ومسلمين وقعد يحسّن فى حنة أم الواد ميلاد ويتكلم عن محبة الرب وان الله محبه عم رمضان ومحبتهم الصراحة مغرقانا على الآخر كمان خلونا إحنا ضيوف وهما أًصحاب البلد المهم يا شيخ حسن حصل إيه بعد كدة ؟ الشيخ حسن أنا لما لقيت أبوهم بيتكلم عن المحبة وان الله محبة رحت واقف على حيلى وقلت بصوت عالى وربنا سبحانه وتعالى قال قُلْ إِن كُنتُمْ تُحِبُّونَ اللَّـهَ فَاتَّبِعُونِي يُحْبِبْكُمُ اللَّـهُ وَيَغْفِرْ لَكُمْ ذُنُوبَكُمْ وَاللَّـهُ غَفُورٌ رَّحِيم لقيت إللي بيشدنى من دراعى علشان أأقعد وسمعت أصوات من بعيد إللي يقول مين ده ؟ وإللي يقول إيه إللي جاب ده هنا ؟ عم رمضان يانهارك أبيض يا شيخ حسن وبعدين ؟ الشيخ حسن كل ده وماحدش فات علينا علشان يقول شكر الله سعيكم زى ما بيحصل عندنا وكنت عاوز أعرف إذا كان فيه مسلمين جم غيرى بعد كدة ولآ لأ فقمت واقف على حيلي تانى وقلت شكر الله سعيكم يا جماعة مفيش حد يجيلكم فى حاجة وحشة عم رمضان الموت مش وحش الموت علينا حق يا شيخ حسن الشيخ حسن أهو ده الكلام إللي بيتقال فى الموازم المهم لقيت إللي بيردوا عليّا ويقولوا غفر الله ذنبك يا شيخ حسن وعرفت منهم صوت الحاج حسنين والحاج مصطفى الطيب وابراهيم الهرش ولقيت الوّله ميلاد جه خد بإيدى وكنت حاسس إن جسمه كله بيرتعش وسحبنى على بره وقاللي لغاية كدة وكتر خيرك أوى أوى يا شيخ حسن انت قمت بالواجب وزيادة ما نجيلكش فى حاجة وحشة بعد كدة رجعت البيت وقعدت مع حلاوتهم وياريتنى ما رجعت عم رمضان ليه ياشيخ حسن ؟ الشيخ حسن وأنا راجع بعد ما قمت بالواجب عديت على مقلة حمادة الاقرع واشتريت لب وسودانى وقلت أهو نتسلى أنا وحلاوتهم ولما دخلت الدار قلتلها أهو أنا رجعت ياحلاوتهم وحاسهر معاكى وجبتلك معايا لب وسودانى إبسطى ياستى فأخدت منى اللب والسودانى وحطتهم فى طبق وجابت طبق فاضى نحط فيه القشر وقعدنا وربعنا على الأرض علشان نقزقز ونتسلى وقلتلها ياريت ياحلاوتهم تقومى تطفى اللمبة الكبيرة لو كانت مولعة وولعى بدلها اللمبة السهارية علشان يكون فيه جو شاعرى كإننا قاعدين فى السيما عم رمضان ينيلك يا شيخ حسن وبعدين ؟ الشيخ حسن غلطت انا فى كدة ؟ عم رمضان لأ ما غلطتش وبعدين ؟ الشيخ حسن قالتلى وهو النور حيفرق معاك فى إيه ؟ الكلام ده لو كنت مفتح كان معلش بس البعيد أعمى ما بيشوفش قال سيما قال دتك وكسة توكسك اكتر ماانت موكوس خلقه وبعدين إرمى القشر فى الطبق ما ترميش على الأرض إومال أنا جايبالك الطبق الفاضى ليه ؟ لو مش شايفه حسس مش ليك إيدين أنا طالعة عينيا فى الكنيس والغسيل والخبيز قلت فى نفسى ياواد خلى الليلة تعدى على خير وماتردش عليها وتديها الفرصة علشان تقلبها نكد فقعدت ساكت وكنت حاسس بيها وهى قاعدة تفرك وعلى نار مستنية بس أفتح بقى عم رمضان عين العقل إنك سكت طيب وبعدين ؟ الشيخ حسن بعد شوية قلت فى نفسى ياواد إنت حتفضل تقزقز لب وتاكل سودانى وإنت ساكت مابتتكلمش قول حاجة وخلى القعدة تحلو بعد الكلام السم إللي قالته ، فسئلتها إنت بتحبينى ياحلاوتهم ؟ عم رمضان غلطان يا شيخ حسن كنت الأول تقوللها إنك بتحبها أهو كدة تقول عليك أنانى ما بتحبش إلآ نفسك الشيخ حسن ياشيخ رمضان أنا بأحكيلك إللي حصل عم رمضان طب كمل الشيخ حسن أنا يادوب سئلتها إنت بتحبينى ياحلاوتهم ودى زى مجرور وإتفتح واحبك على إيه يا مبعجر أصلك مش شايف نفسك إحمد ربنا إنى إتجوزتك دى كل واحدة تقوللى إيه ياختى إللي مصبرك تعيشى مع واحد أعمى أد ابوكى هو فيه واحدة خابت خيبتى ولا إترمت رميتى حسرة عليا لا عيل ولا تيل ولا راجل يملاعليا البيت عم رمضان بقى كل ده يطلع من حلاوتهم الشيخ حسن أيوه يا سيدى عم رمضان المفروض الواحدة ترضى بقسمتها إللي قسمها ربنا وتقول الحمد لله على كدة ولو قسمتها مش ولا بد تصبر الشيخ حسن ربنا يهديها عم رمضان وطبعآ انت ماخرجتش تانى الشيخ حسن محمد فات عليّا أتاريه كان موجود فى العزا وشاف إللي حصل وقعد يضحك ويقوللي إيه ده إللي عملته يا شيخ حسن انت نسيت إنك فى عزا واحدة مسيحية قلتله علشان قلت وحدووه قاللي لآ إله إلآ الله بس انت عارف إنهم مثلثين ومش موحدين وشوية واحنا بنتكلم لقينا الواد ميلاد طب علينا وإبنه معاه عم رمضان هو عنده ولاد كبيرة الشيخ حسن هو ولد واحد وعنده كده يجي سبع سنين المهم إنه قاللي ينفع كدة يا شيخ حسن إنك تحرجنى وتخلى أبونا يدينى كلام فى عضمى ويوبخنى وقرايبى يزعلوا منى قلتله وليه كل ده ؟ هو انت كنت عاوزنى أأقول ثلثووه بدل وحدووه ؟ قاللي أنا مكنتش عاوزك تتكلم خالص قلتله إنتوا يابنى مش بتقولوا إنكم موحدين قاللي إحنا بنقول تثليث فى توحيد وتوحيد فى تثليث قلتله يعنى إيه الكلام ده ؟ قاللي يعنى تلاتة فى واحد وواحد فى تلاتة الواد إبنه إفتكر نفسه فى المدرسة فراح قايل تلاتة فى واحد بتلاتة وواحد فى تلاتة بتلاتة صح يابابا قلتله تقدر ترد على ابنك وتقوله ان ده غلط محمد قال خلاص يا ميلاد الموضوع إنتهى والشيخ حسن كتر خيره إنه راح لحد عندك علشان ياخد بخاطرك الواد ميلاد قال الموضوع إنتهى بس إزاى ياتادرس ده كلام الشيخ حسن حيخسرنى كتير قلتله أخسّرك إزاى ياوّله ؟ قاللي ماهو يا شيخ حسن بعد أبونا ما وبخنى بما فيه الكفاية قاللي عاوزك تشوفلى خاتم حلو وغالى علشان مراة أبوك وهاتهولى بكرة فى الكنيسة وطبعآ لآ حيدفع أبيض ولآ إسود يبقا خسرتنى ولآ لأ يعنى اللى تحوشه النملة فى سنة ياخده الجمل فى خفه قلتله وإللي يكسبه الخروف فى سنة ياخده الخنزير بالهنا محمد قال ماهو رزق الهبل على المجانين يا شيخ حسن قلتله يعنى أبوكم حياخد منك الخاتم محبة ؟ قاللي محبة إيه بس يا شيخ حسن وحسيت يا شيخ رمضان ان الواد ميلاد مش حزين على موت امه قد ماهو حزين على الخاتم عمومآ لما يجيلك علشان يشتكينى إبقى إبعتلي عم رمضان حاضر يا شيخ حسن بس هو يجي الشيخ حسن أكيد حيجي أصل موضوع الخاتم حارقه أوى أم السعد مسا الخير يا شيخ حسن الشيخ حسن مسا النور ياام السعد أم السعد إنتوا بتتكلموا عن مين ؟ الشيخ حسن عن ميلاد الصايغ أم السعد ياخبر، ده نسيت أقولك يا شيخ رمضان إنه جه وسئل عليك بعد صلاة العصر وقلتله إنك فى الجمعية الزراعية قاللي إنه حيجيلك بالليل الشيخ حسن مش قلتلك يا شيخ رمضان إنه ضرورى حيجي أم السعد هو حصل حاجة ؟ عم رمضان أصله واخد على خاطره شوية من الشيخ حسن أم السعد إهيه ، طب ده الشيخ حسن طيب وإللي فى قلبه على لسانه هو فيه حد يزعل من الشيخ حسن الشيخ حسن الله يحفظك ياأم السعد ياعم رمضان ياعم رمضان عم رمضان الله ده صوت محمد إتفضل ، انت معاك حد ؟ محمد أنا معاى ميلاد الصايغ عم رمضان إتفضلوا يامرحب ميلاد سعيدة ياعم رمضان عم رمضان أهلآ يا ميلاد الشيخ حسن إيه مش شايفنى ياميلاد علشان تسلم عليّا ولآ لسه زعلان منى ميلاد أنا واخد على خاطرى منك يا شيخ حسن وجيت لعم رمضان بعد العصر مكانش موجود وقلت لخالتى أم السعد إنى حاجيله بالليل الشيخ حسن علشان تشتكينى للشيخ رمضان ميلاد علشان عارف إنكوا أصحاب الروح بالروح وبعدين الشيخ رمضان حقانى ولو أنا غلطان يقوللي انت غلطان الحكاية ومافيها عم رمضان الشيخ حسن حكاللي على كل حاجة وانا قلتله ما يصحش إللي عمله ميلاد ده خسرنى ياعم رمضان عم رمضان إعتبر الخاتم ده بتاع قيصرهوالمسيح عليه السلام مش قال إعطوا ما لقيصر لقيصر وما لله لله ميلاد طيب وهو أبونا فلقس يبقى قيصر عم رمضان ماهو أى أب بتعتبروه قيصر وبياخد منكم إللي عاوزه هو انت تقدر تمنع منه أى حاجة يطلبها منك ميلاد لأ مقدرش بس مكانش وقته أصل خبطتين فى الراس توجع امى والخاتم فى وقت واحد ده غير البهدلة إللي خدتها من قرايبى ومن أبونا محمد كل ده علشان معرفتك بالشيخ حسن ميلاد ماانت عارف الوضع عندنا ياتادرس والأسئلة إياها هو مصاحبك ليه وإيه غرضه من كدة ؟ انت بتسمع منه القرأن ؟ وإزاى عرف إسمك ؟ وإياكش تكون عاوز تأسلم ؟ وكلام كتير خايب وما سكتوش إلآ لما قلتلهم انه بيجيلي البيت علشان أقراله فى الانجيل وإنه راجل طيب وعلى نياته ومش قاصد حاجة عم رمضان هو فعلآ الشيخ حسن طيب ونيته صافية ولو إنه مغلطش ميلاد أصل الكلمة إللي قالها الشيخ حسن جننتهم عم رمضان كلمة إيه ؟ ميلاد لما قال وحدووه الشيخ حسن ياسلام !! بقا الكلمة دى جننتهم إومال بتقولوا إنكوا موحدين إزاى ولآ إنتوا بتغشوا نفسكوا ميلاد عندنا الله مثلث الأقانيم الأب والأبن والروح القدس إله واحد أمين الأب إله كامل والأبن إله كامل والروح إله كامل بس هما مش ثلاثة إلهة دول إله واحد عم رمضان أديك بتقول دول تقدر تقول عن أى واحد دول ميلاد مش واخد بالى عم رمضان يعنى لو واحد جاى يسئلك عن رومانى مثلاً ورومانى كان واقف غادى بعيد عنك لما تيجى تشاور عليه حتقول للي جاى يسئل عن رومانى إيه ؟ أهو هو إللي واقف هناك دول ؟ ولا أهو هو إللي واقف هناك ده ؟ ميلاد حاقول هو إللي واقف هناك ده عم رمضان ليه ؟ ميلاد علشان ما ينفعش أأقول على رومانى دول عم رمضان علشان رومانى واحد مش إتنين أو تلاتة صح ميلاد صح عم رمضان إومال ليه بتقولوا دول عن الله وإنه تلاتة مع إنه واحد بس ؟ ميلاد هو أنا إللي بقول يا عم مضان دى الكنيسة إللي بتقول عم رمضان وانت خلاص ماعندكش عقل تفكر بيه ؟ الشيخ حسن فين ذكرالسيد المسيح عليه السلام الكلام ده بتاع تلاتة فى واحد ميلاد مكتوب فى أخر إنجيل متى فاذهبوا و تلمذوا جميع الامم و عمدوهم باسم الاب و الابن و الروح القدس الشيخ حسن بس النص ده محرف وغير موجود فى إنجيل متى العبرى إللي هو يعتبر الأصل لإنه بلغة متى ونقلت منه الترجمة اليونانية والنص فى إنجيل متى العبرى بيقول اذهبوا وتلمذوهم ليُنفذوا كل ما أوصيتكم به إلى الأبد ولآ فيها أب ولآ إبن ولآ روح ولآ فيها جميع الأمم ولآ حتى فيها عمدوهم وتقدر تروح تسئل أبوك فى الكنيسة عن الكلام ده وقوله إنجيل متى العبرى بيقول إيه لما المسيح قال لتلاميذه اذهبوا وبعدين قول لأبوك ليه التلاميذ كانوا بيعمدوا بإسم المسيح ولم ينفذوا كلام يسوع ويعمدوا بإسم الأب والأبن والروح كما أمرهم لو كان النص ده صحيح محمد معقول الكلام ده يا شيخ حسن ؟ لازم تروح يا ميلاد وتسئل أبونا عن النص ده ميلاد طبعآ حاروح وأسئله إستنى لما أكتب النص ده فى ورقة قوله تانى يا شيخ حسن الشيخ حسن اذهبوا وتلمذوهم ليُنفذوا كل ما أوصيتكم به إلى الأبد وبعدين مش كدة وبس ده لو النص إللي بيقول فاذهبوا و تلمذوا جميع الامم و عمدوهم باسم الاب و الابن و الروح القدس نص صحيح وأنا بقول فرضآ إنه صحيح مع إنه نص محرف ورغم التحريف مفيش فيه إنهم إله واحد ولآ فيه ان الأبن إله أوالروح إله محمد صحيح مفيش كلمة إنهم إله واحد ولآ فيهم ان الأبن إله كامل أو الروح إله كامل الشيخ حسن وكتابكم كله العهدالقديم والجديد مفيش فيه كلمة ناسوت أو لاهوت ولا كلمة اقنوم وقول لأبوك فلقس الشيخ حسن بيقولك لو طلعّت حاجة من دول فى كتابك إبقى تعالى قابلنى ميلاد ودى كمان حاقولها لأبونا لما أروح الكنيسة ودلوقت أستأذنكم علشان فيه ناس بتيجى تاخد بخاطرى عم رمضان البقية فى حياتك يا ميلاد أنا كنت جايلك بكرة أخد بخاطرك ميلاد ما تتعبش نفسك يا عم رمضان وإعتبر نفسك إنك جيت وما تزعلش منى يا شيخ حسن إنى جيت لعم رمضان بس ده من عشمى لأنك غالى عندى يالآ بينا ياتادرس إتمسوا بالخير عم رمضان مع السلامة يا ميلاد وإبقى خلينا نشوفك الشيخ حسن بعد الموزمة ما تعدى حابقى أجيلك ياوّله تقراللي شوية من كتابكم ميلاد عمومآ يا شيخ حسن انت تأانس وتشرف محمد فوتكوا بعافية وتصبحوا على خير للمزيد من مواضيعي
الموضوع الأصلي :
يوميات عم رمضان وحـــــــدووه
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
|
|||||||||||||||||||||
|
| العلامات المرجعية |
| الكلمات الدلالية |
| وحـــــــدووه, يوميات, رمضان |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| يوميات عم رمضان النهــاية | showman | القسم النصراني العام | 0 | 21.11.2012 23:16 |
| يوميات عم رمضان ( الاعتراف ) | showman | القسم النصراني العام | 0 | 15.11.2012 02:48 |
| يوميات عم رمضان ( المنــدل ) | showman | القسم النصراني العام | 2 | 13.11.2012 19:15 |
| يوميات عم رمضان عقلك فى راسك | showman | القسم النصراني العام | 1 | 28.10.2012 20:47 |
العرض العادي
