درس ( 20 ) الظواهر التي حدثت عند صلب يسوع ( المصيدة )

[showman]

درس ( 20 ) الظواهر التي حدثت عند صلب يسوع ( المصيدة )

درس الأحد( 20 ) الظواهر التى حدثت عند صلب الرب يسوع
( المصيدة )
الأب ديرتى
صباح الخير ياولاد
صباح الخير يابونا
الأب ديرتى ينظر متفحصآ ويقول آمال فين التلميذ زكى عجيب
توما زكى غايب النهارده
الأب ديرتى عجيبه إنه يغيب النهارده وهو عارف اننا حنتكلم عن الظواهر الغير طبيعية التى صاحبة عملية الصلب ، عمومآ أحسن حنستريح من لسانه واعتراضاته البايخة وأفكاره الكفريه
طيب نبتدى درس النهارده وهو عن الظواهر الغير طبيعية التى حدثت عند موت الرب يسوع على الصليب كما أوردها القديسين الأربعة المسوقين بالروح ونشوف كل واحد فيهم قال إيه ؟
حنلاقى ان القديس متى ذكر فى روايته الآتى
27: 50 فصرخ يسوع ايضا بصوت عظيم و اسلم الروح
27: 51 واذا حجاب الهيكل قد انشق الى اثنين من فوق الى اسفل و الارض تزلزلت و الصخور تشققت
27: 52 و القبور تفتحت و قام كثير من اجساد القديسين الراقدين
27: 53 و خرجوا من القبور بعد قيامته و دخلوا المدينة المقدسة و ظهروا لكثيرين
27: 54 و اما قائد المئة و الذين معه يحرسون يسوع فلما راوا الزلزلة و ما كان خافوا جدا و قالوا حقا كان هذا ابن الله
ونيجى للقديس لوقا حنلاقيه كتب الآتى :
23: 44 و كان نحو الساعة السادسة فكانت ظلمة على الارض كلها الى الساعة التاسعة
23: 45 و اظلمت الشمس و انشق حجاب الهيكل من وسطه
23: 46 و نادى يسوع بصوت عظيم و قال يا ابتاه في يديك استودع روحي و لما قال هذا اسلم الروح
23: 47 فلما راى قائد المئة ما كان مجد الله قائلا بالحقيقة كان هذا الانسان بارا
ونيجى للقديس مرقص نلاقى إنه ذكر الآتى
15: 33 و لما كانت الساعة السادسة كانت ظلمة على الارض كلها الى الساعة التاسعة
15: 34 و في الساعة التاسعة صرخ يسوع بصوت عظيم قائلا الوي الوي لما شبقتني الذي تفسيره الهي الهي لماذا
15: 37 فصرخ يسوع بصوت عظيم و اسلم الروح
15: 38 فانشق حجاب الهيكل الى اثنين من فوق الى اسفل
15: 39 و لما راى قائد المئة الواقف مقابله انه صرخ هكذا و اسلم الروح قال حقا كان هذا الانسان ابن الله
أما القديس يوحنا فنجده كتب فى روايته الآتى:
19: 30 فلما اخذ يسوع الخل قال قد اكمل و نكس راسه و اسلم الروح
هذا ماكتبه القديس يوحنا ولم يذكر حدوث آى ظاهرة غير طبيعية ويؤكد بان كلامه هو عن معاينه ومشاهده ويشهد بذلك شهادة حق فى العدد 35:19
19: 35 و الذي عاين شهد و شهادته حق و هو يعلم انه يقول الحق لتؤمنوا انتم
ونخرج من المشهد ده …. ويتوقف الأب ديرتى عن الكلام لدخول التلميذ زكى إلى الفصل ويعتذر لتأخيره لظروف خارجه عن إرادته
الأب ديرتى إجلس الآن وبعدين تقوللى على العذر إللى أخرك عن الحصة
نكمل كلامنا ياولاد حنلاقى النتيجة اشتراك التلاته فى إنه نحو الساعة السادسة حصلت أول الظواهر الغير طبيعية وهى الظلمة التى كانت على الأرض
ونلاقى التلاته اشتركوا فى إنه فى الساعه التاسعة صرخ الرب يسوع
بس حنلاقى التلاته اختلفوا فيما بينهم فى الكلام إللى نطق بيه الرب يسوع لما صرخ على الصليب
القديس متى ذكر إنه قال إلهى إلهى لما تركتنى
القديس لوقا ذكر إنه قال يا أبتاه فى يديك أستودع روحى
القديس مرقص ذكر إنه صرخ فقط بصوت عظيم
واختلاف التلاته لا يفسد للود قضية !!!!
روفائيل ود إيه يابونا إحنا بنتكلم عن قضية صلب
الأب ديرتى لا يرد عليه ويستمر
نيجى للظاهرة التانية بعد الظلمة إللى حصلت
حنلاقى التلاته ذكروا ان حجاب الهيكل انشق بس اختلفوا فيما صاحب هذه الظاهرة
القديس متى ذكر ان الأرض تزلزلت والصخور تشققت والقبور تفتحت وخرجت أجساد كثير من القديسين من القبور ودخلوا المدينة وظهروا لكثيرين
والقديس لوقا لم يذكر شيء
والقديس مرقص لم يذكر شيء
يعنى اتنين لم يذكروا حدوث شيء بخلاف انشقاق حجاب الهيكل والثالت قال بخروج أجساد كتيرمن القديسين من القبور ودخولهم المدينه وظهورهم لكثيرين
توما لو سمحت يابونا بس مش مذكور فى الأناجيل ان آى واحد قابل حد من الزومبى قصدى القديسين إللى خرجوا من القبور ودخلوا المدينة
الأب ديرتى مش عاوز تهريج فى حصتى ويستكمل
بعد كده نشوف قائد المئة كان تعليقه على الموضوع ده كان إيه
نجد ان القديس متى قال ان قائد المئه خاف جدآ هو وإللى معاه لما رأوا الزلزلة
وقالوا حقآ كان هذا ابن الله
ونجد ان القيس لوقا قال ان قائد المئة قال كان هذا الانسان بارآ
ونجد ان القديس مرقص قال ان قائد المئة قال حقآ كان هذا الانسان ابن الله
يعنى اتنين قالوا انه ابن الله والثالت قال إنه كان انسان بار
طبعآ احنا مستبعدين القديس يوحنا من الموضوع علشان قال انه ما حصلش حاجة من دى وقال انه كان شاهد للواقعة
روفائيل بس يابونا مذكور ان تلاميذ السيد المسيح فروا ساعة القبض عليه ولم يكونوا موجودين ساعة الصلب لانهم خافوا ان يتم صلبهم أيضآ ولم يكن موجود عند الصلب إلآ النسوة فقط والكتبه الأربعه كان منهم اتنين فقط من تلاميذه إللى هما متى ويوحنا ومتى قال حصلت الظواهر دى ، ويوحنا قال لأ ما حصلتش ، يعنى ان الأربعة مختلفين مع إنهم بيكتبوا عن طريق الروح القدس ومش معقول الروح حيغلط ويمللى كل واحد فيهم شيء مختلف عن التانى .
الأب ديرتى يلاحظ قلق زكى
مالك يا زكى
أصل بابا
الأب ديرتى مقاطعآ خير ماله سيادة المستشار عجيب
زكى أصله كان بينظر قضية وكان أصدر حكم فيها والناس طعنوا فى نزاهة المحكمة وطلبوا تنحى القاضى
الأب ديرتى قضية إيه
زكى أصل فيه ناس إدعوا ان عصابة قتلت واحد قريبهم وكان صاحب الأمر فيهم وقدموا أربع شهود
ولما الدفاع ناقش الشهود وجد ان تلاته منهم كل واحد فيهم حكى حاجة مختلفة عن التانى والشاهد الرابع شهد انه ماشافش حاجة وكانت مفاجأة لهيئة المحكمة ولاتباع هذا الرجل
وبعدين اخوات الراجل إللى قالوا عليه إنه إتقتل قالوا ان أخوهم سافر وما إتقتلش وأثبتوا ان الشهود ماشافوش حاجة وان أخوهم حى فى مكان بعيد ، وبعدين هيئة المحكمة ناقشت الشهود وتبينت انهم فعلآ ماشافوش حاجة وتم رفض شهادتهم لاختلاف روايتهم عن بعض وشهادة الشاهد الرابع دليل على ذلك ، وبعدين لما هيئة المحكمة طلبت من اخوات الراجل ده يقدموا دليل على سفر أخوهم قدموا دليل موثق ومن جهة عليا فوق الجميع تثبت صدقهم ، وبناءآ عليه أصدرت هيئة المحكمة حكمها برفض الدعوة ، فما كان من اتباع هذا الرجل إنهم طعنوا فى ذلك وطلبوا تنحى القاضى لعدم النزاهة
الأب ديرتى
المستشار عجيب والدك رجل صادق ونزيه لا يشك أحد فى صدقه ونزاهته وعنده حق فى حكمه طالما ان الشهود مختلفين فى شهادتهم ، وطالما الشهود مختلفين لا يؤخذ بشهادتهم إطلاقآ ، ويكون اخوات الراجل ده على حق . وأنا لو كنت فى مكان والدك كنت رفضت شهادتهم على طول .
بس ده دخله إيه بتأخيرك عن الدرس
زكى ماهو ده إللى أنا عاوز أقوله لحضرتك ، حضرتك يابونا لما قلت لينا فى الدرس إللى فات انك حتتكلم عن الظواهر الغير طبيعية إللى حدثت عند الصلب فى درس اليوم تعمدت إنى آجى متأخر وآحكى الحكاية دى ، وطالما ان حضرتك كنت من رأى المحكمة ووافقت على حكمها ، فلماذا تعتقد فى صحة روايات كتبة الأناجيل الأربعة وشهادتهم مختلفة عن الواقعة وثبت عدم رؤيتهم لها ، يعنى المسيح لا إتقتل ولا إنصلب ! ولكنه سافر لفوق يعنى إترفع
الأب ديرتى انت بتكدب يازكى وتقولنا على حكاية من تأليفك
زكى هو الرسول بولس مش قال إكذب أكثر يزيد مجد الله أكثر ويرضى عنك أكثر وأكثر ، وبعدين ده مش كذب لأن ده حصل فعلآ مع بابا ولكن بصورة اخرى مختلفة . طيب يا زكى لولا ان الحصة خلصت كنت حافسرلك كل حاجة وليه الإختلاف ده حصل ، بس يا خسارة الوقت إنتهى ويوم الحد الجاى حارد عليك
دميانه بصوت خافت حيعمل زى خالك القمص مبسوط ومش حيجى يوم الحد الجاى
الأب ديرتى
سلام ونعمة وإلى اللقاء

وآخر دعوانا ان الحمد لله رب العالمين
لا شريك له
showman2

للمزيد من مواضيعي