|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
|
|
رقم المشاركة :1 (رابط المشاركة)
12.08.2009, 15:45
|
|||||||||||||||||||||
|
|||||||||||||||||||||
إستكشِفـــــــــى عيبـــــــك
۞۞۞۞۞۞۞۞۞۞۞۞۞۞۞۞۞۞۞۞ الســـــــلام عليكم و رحمــــــة الله و بركاته بســــــم الله و الحمـــد لله اللهم صلى على محمد وعلى آل محمد كما صليت على إبراهيم وعلى آل إبراهيم إنك حميدٌ مجيد و بارك على محمد وعلى آل محمد كما باركت على إبراهيم وعلى آل إبراهيم إنك حميدٌ مجيد اللهم اجعل عملنا كلـــه صالحًــــا ولوجهـــك خالصــا ولا تجعل فيه لاحد غيرك شيئا ۞۞۞۞۞۞۞۞۞۞۞۞۞۞۞۞۞۞۞۞ إستكشفــــــى عـيــبـــك أُختــــــــاه . . قال الله جل و علا . . وَهُوَ الَّذِي جَعَلَكُمْ خَلَائِفَ الْأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِيَبْلُوَكُمْ فِي مَا آَتَاكُمْ إِنَّ رَبَّكَ سَرِيعُ الْعِقَابِ وَإِنَّهُ لَغَفُورٌ رَحِيمٌ لو بصيتى حوليكى و نظرتى الى احوال الصالحات و الاخوات الملتزمات بحق و شوفتى دى بتطلب العلم و دى بفضل الله ختمت القرآن و اخرى ما شاء الله نشيطة فى مجال الدعوة و هذه صوامة قوامه اسالك بالله فى هؤلاء من أنــتِ ؟؟ وَرَفَعَ بَعْضَكُمْ فَوْقَ بَعْضٍ دَرَجَاتٍ ففـى أى الدرجات أنــتِِ ؟؟ لِيَبْلُوَكُمْ فِي مَا آَتَاكُمْ نجحتى فى إختبار شُكــر النعـم ؟؟ انتى بتعرفى تشكرى نعمة الله عليكى ؟؟ بتستشعرى نعم ربنا اللى اصطفاكى بيها ! حاسه بنعمة الإسـلام و نعمة الإلتـزام و نعمة الصحـة ؟!! لو كنتى بجد حاسه بالنعمــة أكيــد هتتقدمى أكيــد لــن ترضى بالدنيــة مش ممكــن تتأخرى ربنا بيقول .. و َلَقَدْ عَلِمْنَا الْمُسْتَقْدِمِينَ مِنكُمْ وَلَقَدْ عَلِمْنَا الْمُسْتَأْخِرِينَ فى ناس طالبة القرب فى نـاس طالبة التقدم , فى نـاس عايشه علشان تصل الى الفدروس الاعلى و فى نـاس عايشه تقول اى حاجه و السلام , فى نـاس ترضى بالتـأخر و نـاس لا ترضى إلا أن تكــون فى الصفــوف الاولى فهـل أنتى تســـارعين فى الخــيرات ؟ ام أنتـى بطيئــة فى طاعــة الله ؟؟ لو كنتى بجد حاسه بالنعم عليكى و الاصطفاء اكيد هتستحــى من ربنا فَاذْكُرُوا آَلَاءَ اللَّهِ وَلَا تَعْثَوْا فِي الْأَرْضِ مُفْسِدِينَ اعرفى إِنَّ رَبَّكَ سَرِيعُ الْعِقَابِ لكل واحدة او لكل انسان يولى الأدبــار ينتكس بعـد ما ذاق و عـرف لكل واحد يترك سبيله و يرتد على عقبيه خاسرا و فى ذات الوقت أبشـرى وَإِنَّهُ لَغَفُورٌ رَحِيمٌلمن يرجو لقاءه و يسعى فى رضاه بالله عليكى من انتِ بعد الايام دى بعد الشهور دى بعد السنوات دى اللى قضتيها فى الالتزام عملتى ايه ؟حققتى ايه ؟ يا ترى بتزيدى و لا بتنقصى ؟ قال اهل العلم أعظــم العقوبة أن يُسلب المرء النعمة بعد العطاء , و لو لم يكن من العقوبة الا منع المزيد من السير بعد ما كنتى بتتقربى من ربنا و ذُقتى حلاوة الصيام و القيام و تلاوة القرآن و القرب من الرحيم الرحمن بعد ما ذُقتى الترقى كيف ترضين بالدَنية ؟ كيف ترضين بالنقصان ؟ كيف ترضين بالخُسران ؟ ده انتى كنتى قربتى منه كانت المسافة بينك و بين سيدك ومولاكِ وحبيبك كانت قربت اوى كنتى بتخدى الخطوة كان هو سبحانه و تعالى يتقرب لكِ بضعفها ازاى تقفى و تفترى ؟ ازاى ميكونش جواكى الهمة و تبذلى قصارى جهدك علشان تحافظى على مسافات القرب من ربك ؟ يقولون و لو لم يكن من العقوبة الا منع المزيد من السير او الترقى لكان كافيا كفاية انك تكونى محرومة منه محرومة من القرب منه لانه لو لم يكن المرء فى زياده فهو فى نقصان و من كان يومه شر من امسه فهو فى الخسران أسالك . . كنتى بتحفظى القرآن و تركتى ؟ او حفظتى و نسيتى؟ او مشيتى خطوتين و توقفتى و رجعتى ؟ كنتى بتقومى الليل و دلوقتى بتنامى و بيضيـع منك وردك ؟ كنتى بتبحثى عن انك تفهمى عن ربنا وتطلبى العلم و دلوقتى فترتى ؟ كنتى بتحاولى تعملى اى حاجه لدين ربنا ؟ كنتى بتشتغلى خدامة لدين ربنا و دلوقتى تكاسلتى ؟ أسالك . . هل عرفتى عيبكِ ؟ هل وقفتى على داءك ؟ هل تعرفين السبب من كل ذلك ؟ عيبك ايه ؟ مشكلتك ايه ؟ ايه اللى قاطع بينك و بين ربك ؟ ايه اللى مخليكى بتأتى عليكى لحظات الفتور و الانتكاس و التكـاسل و العجــز ؟ عايز اقف معاكى النهارده وقفة تشخيص و محاسبه و معاتبه لعــل الله يبصرنا بيعيوبنا وكما قالوا . . لا خيـــر في من لا يتُــب صغيــرًا و لم يكن بعيبه بصيـــرًا يا ترى عيبك ايه !! يا ترى عيبك دنيا فى قلبك مش عارفه تطلعيها ؟ انا عايزك تسمعى و تقــرأى الآيــات دى نزلت بعد غزوة أُحـــد لكن يكاد المشهد النفسى واحــد بعــد ما بتمر علينا مواســم الطاعة و تحســى إنـك إتغيرتى و إتحولتى و سُلبتى الخيـــرات يقول الرحمن ..وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُمْ بِإِذْنِهِ حَتَّى إِذَا فَشِلْتُمْ وَتَنَازَعْتُمْ فِي الأَمْرِ وَعَصَيْتُمْ مِنْ بَعْدِ مَا أَرَاكُمْ مَا تُحِبُّونَ مِنْكُمْ مَنْ يُرِيدُ الدُّنْيَا وَمِنْكُمْ مَنْ يُرِيدُ الآخِرَةَ ثُمَّ صَرَفَكُمْ عَنْهُمْ لِيَبْتَلِيَكُمْ وَلَقَدْ عَفَا عَنْكُمْ وَاللَّهُ ذُو فَضْلٍ عَلَى الْمُؤْمِنِينَ والله ربنا صدقنا الوعد لو كنتِ سيرتى و استقمتـى لهُديتـى و كُفيتـى و تنحى عنك الشيطان لو كنتِ استقمتـى على الدرب لو كنتِ على نفس الحــال اللى إنتِ إرتقيتى اليــه لربما صافحتك الملائكة فى الطرقات وعد ربنا لا يُخلــف لكن ايه اللى حصل؟ فَشِلْتُمْ وَتَنَازَعْتُمْ كل ما تلاقى من نفسك فتــور و عجــز و كســـل إهتفــى بالآية فى قــرارة نفسك فاكرة الليالى اللى كنتى بتقومى فيها الليل و تبكين من خشية الله ؟ فاكرة الدعاء اللى كنتى بتلهجى بيه و كان طالع من قرارة و صميم قلبك و انتى بتناجى ربك و تطلبى منه ان يعفـو عنك و يغفـر لك و يتـوب عليك و الله آراكِ ما تحبيــن ؟ ولكن هى المشئومة المعصية - وَعَصَيْتُمْ مِنْ بَعْدِ مَا أَرَاكُمْ مَا تُحِبُّونَ - ليه ؟ لان كان فى جواك آفــة خطيرة اوى اسمها الركـــون الى الدنيا ابن عباس رضى الله عنه كان يقول فى الآية . . و الله ما كنت أظــن أن أحــد من صحابــة النبى صلى الله عليه و سلم يُبتلى بمثل ذلك حتى أنــزل لله مِنْكُمْ مَنْ يُرِيدُ الدُّنْيَا وَمِنْكُمْ مَنْ يُرِيدُ الآخِرَةَ تصورى ؟ ناس طالعة تجاهد فى سبيل الله - تطلب الشهادة و بعدين ربنا يقولهم اصل انتو كان فى قلوبكم دنيا !! اومال احنا احوالنا عاملنا ازاى ؟؟؟ عيب الدنيا جواكى مش عارفه تتخلصى منها علشان كده قاطعــة بينك و بين ربنا و يا دوب فى مواسم الطاعات تشتغلى و بعــد ما ينفــض الموسم ترجعي الى عاداتك و محبوباتك نفس التطلعــات الدنيويــه , نفس الافكـــار و التصــورات اتغيرتى فى ايه ؟ بعد ما ذقتى حـــلاوة الطاعــة و القـــرب من حبيبك الرحيــم الرحمن لكـــــن . . البشارة ان ربنا عفـــو حليـــم يطلـع على ما فى قلوبنا و لكن يحلـــم - ربنا يقول وَاللَّهُ يَعْلَمُ مَا فِي قُلُوبِكُمْ وَكَانَ اللَّهُ عَلِيماً حَلِيماً عارف و مُطلع على اللى جواكى و يرى فيكِ اشياء لا يحبها و يبغُضها بس هو حليـــم مبيعجلش العقوبــة ألا تستحين مــن الله ؟ وَلِيَبْتَلِيَ اللَّهُ مَا فِي صُدُورِكُمْ وَلِيُمَحِّصَ مَا فِي قُلُوبِكُمْ وَاللَّهُ عَلِيمٌ بِذَاتِ الصُّدُورِ إدبارك و ابتعداك و عــدم تركيزك يستوجــب غضبـــهُ , وقعـتــى ليــــــه ؟؟ علشان الشيطان إستخفك راح موقعــك لما اطلع جواكِ و عرف إن جواك العيب ده لكــــن . . بردو البشارة ان ربــك حليـــم وان ربـــك عفــو و ان الفرصـــة قدامك , بس اللى فازت هذا العام بــــــل هى الفائزة على الدوام اللى هتحــط ايديها على عيبها و تعرف ازاى تتخلص منه إيـــــــه هــــــــى عيــــــــوبك ؟ يُتبـــــع _ إن شاء الله _ لإستكشـــاف 15 "آفـــــــة , داء , عيـــــب" و كيفيــــــة العــــــلاج و التخلـــص منـــه المصــــــدر درس _ إستكشفــى عيبــك _ للشيخ / هــانـي حلمــي كِتــــــــابة / حَفيـــدات أُمهــــــات المؤمنـيـن للمزيد من مواضيعي
الموضوع الأصلي :
إستكشِفـــــــــى عيبـــــــك
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
حَفيـدات أمهـات المؤمنين
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
12.08.2009, 22:30
|
|||||||||||||||||||||
|
|||||||||||||||||||||
|
رد: إستكشِفـــــــــى عيبـــــــك
بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته اللهمَّ بصرنا بعيوبنا واعنا على تصحيحها على الوجه الذير برضيك عنا اللهمَّ اغفر لنا وارحمنا وعافنا واعف عنا بارك الله تعالى في الشيخ الفاضل وجزاه خيرا بارك الله فيك يا إبنتي الغالية وجزاك خيرا  المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
13.08.2009, 09:34
|
|||||||||||||||||||||
|
|||||||||||||||||||||
|
رد: إستكشِفـــــــــى عيبـــــــك
السلام عليكم و رحمة الله و بركاته
بـــارك الله فيــكِ _ أُمـــــى الحبيبــــــة _ حفظـــكِ الرحمـــــــن 
|
|||||||||||||||||||||
|
رقم المشاركة :4 (رابط المشاركة)
13.08.2009, 10:20
|
|||||||||||||||||||||
|
|||||||||||||||||||||
رد: إستكشِفـــــــــى عيبـــــــك
 1- هــل لـــكِ فى عملك نِيـــــة ؟ يقــول الله تبــارك و تعالـــى . .قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ، لاَ شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ بالله عليكى هــــــل تجدين فى سائر أعمالك انــك تحتسبين الأجــر ؟؟ لما كنا فى زمان إيمانًــا و إحتسابًــا طلعتى من رمضان و إنــتِ متعلمه درس الإحتساب ؟ درس أن يكون لـكِ فى كل عمـــل نيــــة ؟ طيب لو أنا معنديش المعنى ده إزاى أتــداوى منه ؟ لازم يكون لــكِ هدف كبيـــر , و الهدف الكبـــير ده تُلحِــي بيــه على نفسك دايمًـا , تقولى لنفسك أنـا عايشه ليـــه ؟ علشان أتقرب منه و علشان أرضيــه , بتحبيــــه؟؟ أكــــــيد بتحبيــــــه و تتمنى القرب منه و تتمنى انه يرضى عنك عايشـــه ليـــــه ؟ علشان أتقــــرب منه و أرضيــــــه بتتجوزى ليــــــه ؟ بتصلــــــى ليـــــه ؟ بتستذكرى العلـــم ليـــــه ؟ بتحضرى درس ليــــه ؟ بتمسكى مصحــف ليــــه ؟ بتربـــــي أولادك ليــــه ؟ بتعاملــى أهلــك مُعاملة طيبـــة ليـــه ؟ علشــــــــان القُـــــرب والرضــــى لما المعنى ده يكون قدامك وتُلحـــي بيه على نفسك ستُرزقين هذه النيــــة , لما ينضاف إليهـــا إنـــك تتعلمى فضائـــل الأعمـــال و تعرفــى إزاى تحتسبى الأجـــر فى كــل عمل بتعمليه يبقى يزيـــد رصيـــدك عنـــد ربــــك لكن خطوة أولى تخلصى من هــذا الـــداء الخطيــر" إنــك ملكيش نيـــة فى عملــك " إنـــك عايشه كده و خــلاص يلا نحضر درس . . مــــاشى يلا نصلى قيام الليلة دى . . مــــاشى يلا نصوم يا جماعة . . الله المُستعــان انتى عايشه كده وخــلاص لازم يبقــىلـــكِ نيـــــة فى عملك  2- هــل فى قلبــك تعلُــق بغيـــر الله ؟ قلبك ميــال لميــن ؟ متعلق بـــإيه غيــر ربنــا ؟ متعلق بحظـــوظ النفــس؟ المتزوجة متعلقـــة بزوجــها المهم رضاهُ ســواء فيــه رضى ربنــا او لأ ؟؟ اللى بتربى اولاد قلبــها متعلــق بالأولاد ؟ و مش بتربيهــم علشان تخــرج منهم ثمــرة طيبــة و يكون الولد الصالح الذى يدعو لهـا و لا البنت الصالحة التى تدعـو لهــا , هى بتربيهــم علشــان نفسها علشــان تفتخــر بيهــم و يكونـوا لهــا سنــد , هى مش بتربيهــم لربنـــا انــتِ لسه متعلقــة ببعض الخواطر اللى كنتى عيشاها قبل الإلتـــزام ؟ قال الله تعالى . . قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ إيــه اللى قلبك متعلـــق بيــه ؟ لسه قلبك بيركــن على غير الله ؟ لسه قلبك متعلــق بغيره ؟ أُقســم بالله غيــر حـــانث ان أعظــم مُفســد لقلـــوب العِبــــاد تعلُقهـــا بغيـــر الله قال ابن القيــم . . من أحــب أحــد ســوى الله عُــذب بِــه و لا بُــد, و مـن تـوكــل علـى أحــدٍ ســوى الله وُكِّــلَ إليــهِ , و مـن خــاف أحــدًا ســوى الله أخــافهُ الله مـن كـلِ شـىء الســؤال . . هل قلبك متعلــق بغير الله سبحانه و تعالى ؟ قوليلى هحلهــا ازاى ؟؟ محتاجه صلـة و وقفــة مُناجــاة و تبتُـل - القلب فيها يتعــرف فيهــا على مين هــو ربنــا يعــرف أسمائــه و صفاتــه و يتعبــد الله بيها و يحــس بكــرمه و إجــلاله و يحــس بفضلــه و مِنتــهُ و يحــس بإحسانــه و يستحــى منــه , فتلاقى فى نفسك - عيــب قلبـك يـركن على أحــد ســوى الله - أصــل ســوى الله الأصــل فيــه النُقصـــان الأصــل فى بني الإنسان العيــب و النقصــان و الأصــل ان الكمــال وحــده للرحيــم الرحمــن لما تفهمى الدرس ده اوى قلبك هيتعلق بربنا , لما تشوفى اد ايه بيُسبـغ عليكى نعمهُ ظاهرة و باطنـة و انتى بتقبلى الاحسان ده بالاعــراض أحيــانًا و التعلق بغيره ساعتها تـاخدى الدرس و تفهمى ان مينفعش قلبك يتعلق بغيره لما تتألمى و تُعذبى لما يركـن القلب ده على اى احـــد ســواه - عرفتى الآفـــة دى ؟ عرفتى تتخلصى منها ازاى؟ شخصى داءك - استكشفى عيوبك - حطى ايدك على جراحاتك - كفايــة بُعــد و كفايــة شــرود عـن ربــك 3- هــل أنــتِ مُتبعــة لهــواكِ أم مُتبِعــة لهــدى نبيك محمد صلى الله عليه وسلم ؟ يعنى السُنة هى بجد الفيصل عندك ؟ هى الميزان المُعتبر عندك و لا السنة عندك بالهوى ؟ اللى يوافق هواكِ بتعمليه ؟ و إللى يجى على مزاجك يكــون ؟ حتى ولو فى العبــادات !! و الله عايزة تطلب العلم دلوقتى و تحضر درس للشيخ ده و لا المعلمة دى و تعيــش الدور و تقول يا جماعة انا بحضر عندك كذا و خلصنا كتاب كذا - و لو إتقالك يا إختـــــاه أول العلــم حفــظ القــرآن إجتهــدى فى حفــظ القــرآن , فتقولى أصل الأخــوات كلهم ماشيين بالطريقة دى و أنـا هفــوت فرض العين اللى عليا - متبعه لهواكى - هواكِ اللى بيحركك - هواكى اللى بيمشيكى - جه فى دماغك دلوقتى تبتدى تتعبدى ربنا بطول الذكــر مـــاشى ملكيش مزاج ميلــزمناش ده عــلامة إتباعــك لهواكِ - ازاى اتخلص من الامر ده ؟ ان يبقى الشــرع فوق رقبتــك لما اجى اقولك ان النبى صلى الله عليه و سلم يُطالبك بالإنكسار لزوجك مثلا التى اذا ظُلمت ( وقع عليها الظلم ) قالت هذه يدي فى يديك لا أذوق غُمضا حتى ترضى . تقولى لا لا صعب اوى , الكلام ده على عينى و راسى بس علشان يطبق فى الواقع صعب . لما اقولك لا يجـوز شرعًـا انك تلبسى بعض الملابس المجسمه - تقولى لا لا ده متشدد جدا . هواكِ فى حته تانيه فى اللى انتى ألفتيه عايـــزة اللى يجى علــى مزاجك و ممكن يكون هواكِ على التشــدد مينفعش كذا و لازم كذا - يا بنتى جائز لا مش جائز فهــل انتى متبعه لهواكِ ؟ أو مُتبعـــه لهــدي النبى صلى الله عليه و سلم ؟ هــدى النبى صلى الله عليه و سلم هو الصراط المستقيم - وأن هذا صراطي مستقيماً فاتبعوه ولا تتبعوا السبل فتفرق بكم عن سبيله السُنة تبقى هى كما اقول الميزان المُعتبر عندك - عرفتى ان ده قـول النبى صلى الله عليه و سلم و هذا فعله تقــولى - لبيك - سمعنا و اطعنا - فمن كان يرجو لقاء ربه فليعمل عملا صالحا ولا يشرك بعبادة ربه أحدا لا يكون العمل صالحًـا حتى تتحقق فيــه شروط القَبــول مـن الإخــلاص و المتابعـة للنبى صلى الله عليه و سلم شوفى السؤال ده واقفى مع نفســك فيــه و خلــى السُنـة تبقــى هــى الميزان المعتبر عندك عملى علشان أتخلص من الهـــوى أخــالف هوايـــا - أنـا عندى قولين فى المسأله آخــد بالأحــوَط علشان ألجــم نفسى - كلى ما شئتى و البسى ما شئتى - آجـى و أُخــالف هوايــا , نفسى مـوت آكــل النهارده الاكلــة دى أو شوفـت لبس ممتـاز و بحبه جدا - لا مش هتجيبيــه - ليــــــــه ؟ بتجــاهدى نفســك لإنــك لازم تقولى لنفسك فى حاجات كتيــر مبـــاحة لأ علشان تعرفـى تُلجمـى نفسـك - تجـاهدى نفسـك - إنمــا بتقولى لنفســك آمين آمين آمين عمرك ما ستُرزقى معنى العبوديه الحق لله اما الذين يجاهدون انفسهم فى الله فهؤلاء الذين قال الله فيهم_ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ همـا دول أهــل الهداية همـا دول اللى هيعرفـوا الطريق همـا دول اللى هيقـدروا يلتزمـوا صـح - مش كـل شوية يقولوا يومين فوق و يومين تحت ومذبذبين بين ذلك لا الى هؤلاء و لا الى هؤلاء - كفاية ضيــاع و كفاية تذبذب و تشتت و تردد خدى الخطــوة لربك صــح و حقـقــى المعنى صــح و خالفــى هواكِ لتــرزقى العبوديــة لله يُتبــع إن شــاء الله . . .
|
|||||||||||||||||||||
|
رقم المشاركة :5 (رابط المشاركة)
16.08.2009, 09:48
|
|||||||||||||||||||||
|
|||||||||||||||||||||
رد: إستكشِفـــــــــى عيبـــــــك
 4- هــل الله فى قلبك هو الكبير المُتعال ؟ بمعنى . . إنتِ بتعظمى أمــر ربنـــا ؟ يعنى الأوامــر بتنــزل على قلبك بتجــد الإنقيــاد و الإستســلام و القبــول الفــورى ؟ و لا لـو الأمــر ده تقيــل عليكى فى حاجات كتير ممكن تُعظــم عنــدك على تعظيــم الأمــر و النهــى !! هـو كبيــر فى قلبك ؟ هـو أكبــرشــيء فـى قلبــك ؟ هـو أعلى شــيء عنـدك ؟ و لا فى حـاجـات كتيـر جواكِ أعلـى ! ربنا بيقـول . . وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ مش عايزة تبقى عند ربنا بالمنزلة العظيمة دى !! ثُمَّ نُنَجِّي الَّذِينَ اتَّقَوا وَّنَذَرُ الظَّالِمِينَ فِيهَا جِثِيّاً مش عايزة تنجـى مش عايزة تخلصـى ؟ مش عايزة تبقى عنده أكـــرم عبــاده إِنَّ أَكْرَمَكُمْ عِنْدَ اللَّهِ أَتْقَاكُمْ علشــان توصلى لكــده لازم يبقى فى تعظيــم لأوامـــر و نواهــى ربنــا , لازم الأمـــر ده يتغــرس جواكِ ذلــى و انكسرى الى الله حتى تُسلمى من هــذه الآفــة الخطيــرة عـــــدم تعظيـــــم أمــــر الله ونهيــــهِ  5- هــل ترضيــن عــن الله ؟ إنـتِ راضيــة عــن ربنـــا ؟ آآآآآه طبعـــا . . مــا بــلاش الكــلام السريــع ده ! يمــكن يكــون فـى القلــب ذرة التسخــط اللى مـش باينــه مش فاكــره الموقف الفلانى اللى كان نفسك يكـــون و محصلش ؟ و مش فاكــرة لما كنتِ فى مواســم طاعــة قولتى خــلاص يــا رب أنـا تــوبت و عاهــدتك , ليــه يحصل كده و يتشقلب و يتقلب حالــك بعــد مـا ذاق الطاعــة , ليه ميبقاش كلــه رمضان , ليه ميبقــاش كــذا , أنا بشتغـل طــــول مــا النــاس شغالــه آآآه صــــح كـــده إنـــتِ شغالــه طــول ما النــاس شغالــه - يعنى إنــتِ شغالــه مع النــاس و دى آفـــــة ممكـن يكون فيها شُبهـــة ريـــــــاء قالــوا . . علامــة الريــــاء النشــــــاط فى الجماعـــــة و الخمـــــول فى الـوحـــدة طــول ما انا قاعــده لوحــدى مبعرفش اعمــل حاجه , طــول ما الناس شغالــه انا شغالــه الدرس بيعلمك الإخـــلاص بيقولك هتعبُدينــى و لا إنــتِ موسميــــة ؟؟ هــل انـــتِ راضيـــة عــن قــدر ربنـــا كلـــه ؟ اللى متجوزتش لدلوقتى راضيه عن ربنا؟ ولا بتقولى اشمعنى فلانـة تتزوج مع انها مش احلى منى ؟ اللى متوفقتش فى زواجها و طلقت قبل البناء او بعد السنة الاولى من الزواج ؟ و ممكن من جــواها تقول ليه يا رب كده و لما تسأليها تقولك أنا راضيـــة جــــــدًا على ربنا لكــن جواهــا ذرة تسخط مش باينه خالص انـــتِ راضيــة عـن الله و لا عندك ذرة التسخــط ؟ انــتِ بجـد لما بينــزل بــكِ اى مكروه أول كلمة تطلــع من القلــب وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ بجد قلبــك بيقـــول كده !! أعمـــل ايه ؟ أحلهــا إزاى ؟ رضى قلبـــك عن ربـــك - عليكِ بإدمـــان رضيــت بالله ربًـــا عليكِ أن ترى نفسك بعين النقصان - أكيد أنا شايفـه غـلط و أكيــد ربنــا يعلـم المُصلح ويعلـم المُفســد ربنا يعلم الأفضل لــي و الله يبتلــى ليُهــذب لا ليعــذب و إبتـــلاء ربنــا فى طيــهِ الرحمـــة و منعـــه فيه العطــاء و عســى ان يمنــع عنى ليعطينى مــا منعــى الا ليعطينــى المعانى دى سلـــــــوة المُبتلــى لا تحسبـــوه و عســــى لا تَحْسَبُوهُ شَرًّا لَكُمْ بَلْ هُوَ خَيْرٌ لَكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ معانى الإيمــان دى - محتاجين نحـط إيدنــا على الجرح و نــداوى القلــب من ذرة التسخط يُتبـــــع إن شــــاء الله مــع 10 آفــــات و عيــوب أُخـــرى
|
|||||||||||||||||||||
|
رقم المشاركة :6 (رابط المشاركة)
16.08.2009, 11:13
|
|||||||||||||||||||||
|
|||||||||||||||||||||
|
رد: إستكشِفـــــــــى عيبـــــــك
[IMG]http://abeermahmoud08.***********/994-Thanks-AbeerMahmoud.gif[/IMG]
[IMG]http://abeermahmoud08.***********/1013-Welldone-AbeerMahmoud.gif[/IMG] المزيد من مواضيعي
|
|||||||||||||||||||||
|
| العلامات المرجعية |
| الكلمات الدلالية |
| إستكشِفـــــــــى, عيبـــــــك |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
العرض المتطور
