|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
18.11.2012, 12:50
|
|||||||||||||||||||||
|
|||||||||||||||||||||
أبو ظريفة وسنوات مع أسئلة الناس
مذكرات أبو ظريفـة و سنوات مع أسئلة الناس ( 1 ) صفافير وتصفيق وزغاريد وهتافات خلاص هدوء هدوء واحدة بتسئل وبتقول إبنى ياسيدنا شقى جدآ ومحتاجة دعواتك من أجل ما يهدا أبو ظريفة : الشقاوة دى شيىء طبيعى فى الأولاد وكلنا كنا كده واحنا صغيرين وياما إتشاقينا وياما لعبنا عسكر وحراميه والنطة وإللي يحصلنى يكثرنى إللي كنت باحبها جداً هيء هيء هيء  ( تصفيق وزغاريد ) ثم لحظات صمت واحدة بتسئل وبتقول جوزى ياسيدنا كتير بيبات بره البيت وكتير ما بنشوفش بعض أبو ظريفة : لو بيبات بره البيت ومابتشوفوش بعض أنصحك انت كمان تباتى بره البيت زيه ولما انتوا الاتنين تباتوا بره البيت مسيركوا حتتقابلوا بره مع بعض وتشوفوا بعض ! هيء هيء هيء ( تصفيق وزغاريد ) ثم لحظات صمت واحدة تانية بتسئل وبتقول جوزى ياسيدنا ما بيسمعش كلامي وكل ما أكلمه يقوللي ملكيش دعوة أبو ظريفة : خلاص إبقى تعالى الكنيسة واحنا نديكى دعوة !! هيء هيء هيء ( تصفيق وزغاريد ) ثم لحظات صمت المرة دى واحد بيسئل وبيقول مراتى ياسيدنا كل شوية عند امها ومابتقعدش فى البيت إلا يومين بس وبقية الاسبوع عند امها أبو ظريفة : خلاص هات حماتك عندك فى البيت وبكده تضمن وجود مراتك فى البيت الاسبوع كله ولما تحس إنك خلاص مش قادر تستحمل حماتك سيب ليهم البيت وروح إقعد مع حماك هيء هيء هيء ( تصفيق وزغاريد ) ثم لحظات صمت واحد بيقول البنات ياسيدنا بيلبسوا يا إما قصير أوى ياإما محذق أوى وهما داخلين الكنيسة أبو ظريفة : طيب وإنت تبص عليهم ليه ؟ فين الخشبة إللي فى عينك ؟ وأنا بأنصح كل أم تكون قدوة لبناتها وبلاش هى تلبس قصير علشان البنات ما تقلدهاش وبقول للشباب إللي بيكون واقف يصلي وبعدين يعمل إن فيه حاجة وقعت منه ويوطى علشان يدور عليها وهو فى الحقيقة قاصد إنه يبص على البنات من تحت أو يصورها بتليفونه أقوله بص لمستقبلك أحسن بدل ما تبص لحاجة تانية . هيء هيء هيء ( تصفير وزغاريد ) وبقول للبنت إللي بتلبس قصير وتحاول تجذب إليها نظر الشباب أأقوللها إنت بتنفخى فى قربة مقطوعة هيءهيء هىء ( تصفيق وزغاريد ) ثم لحظات صمت واحدة بتسئل :وبتقول جوزى عنده العنّة وعاوزة تصريح بالطلاق أبو ظريفة : الزواج شركة بين الرجل والمرأة ومفيش حد يقول انا عندى من دون الآخر وأى ممتلكات لطرف قبل الزواج بعد الزواج بتصير شركة وملك للطرفين وجوزك لو عنده العنة إنت شريكته فيها يعنى ملكيتها ليكم انتم الاتنين بالتساوى ، ومفيش طلاق فى المسيحية . الأول تطلع إيه العنة دى ؟ هيىء هيىء هيىء ( تصفيق وزغاريد ) ثم لحظات صمت واحدة بتسئل وبتقول إبنى يا سيدنا بيشم وغلبت معاه ومفيش فايدة أبو ظريفة : هو فيه حد ما بيشمش ؟ هىء هىء هىء ماكلنا بنشم وحاسة الشم شيىء طبيعى عند الانسان والحيوان دى كاتبة بعد كدة إنه بيشم كوكاين وبيضربنا علشان نديله فلوس يروح يشترى بيها أبو ظريفة : طيب ما تقولي كدة من الأول هو انا بشم على ضهر إيدى علشان أعرف انت بتقصدى إيه ؟ هيءهيء هيء ( زغاريد وتصفيق ) ثم لحظات صمت لو عاوزاه ما يشمش إتبرعوا بفلوسكم كلها للكنيسة وبكدة تكونوا على الحديدة ومش حيكون حيلتكوا فلوس علشان يضربكم ويخدها منكم ولو أخد الحديدة وضربكم بيها تبقوا تستاهلوا لأنكم معرفتوش تربوه كويس ( تصفيق وزغاريد ) ثم لحظات صمت واحد بيسئل وبيقول ينفع أعطى العشور لقرايبى لأنهم فقراء وغلابة أبو ظريفة : لو احنا وافقنا إنك تعطى العشور لقرايبك قرايبك حيرجعولك العشور تانى وكأنك ما عملتش حاجة وضحكت على الكنيسة إنما لما تعطىى العشور للكنيسة إنت مش حتشوفها تانى لآ انت ولآ قرايبك وتكون الكنيسة هى إللي ضحكت عليكم هيء هيء هيء ( تصفيق وزغاريد ) ثم لحظات صمت واحدة بتسئل : بتقول إحنا متجوزين من فترة ومخلفناش والدكاترة قالوا مش حينفع نخلف إلأ عن طريق أطفال الأنابيب وبتقول إحنا معندناش فلوس وبنطلب مساعدة الكنيسة أبو ظريفة : انا حادرس الطلب بتاعكم وأشوف إيه إللي نقدر نعمله حتى لو رسيت على إن الكنيسة تتحمل تمن الأنبوبة وإنتوا تتحملوا تكاليف العملية هيء هيء هيء ( تصفيق وزغاريد ) ثم لحظات صمت واحدة تانية بتسئل وتقول : أنا بحب ربنا يسوع جدآ بس مش بحب أصلي أبو ظريفة : يعنى بتحبيه مع وقف التنفيذ هيء هيء ولما تتخطفي علشان تقابليه فوق حتقوليله أنا بحبك بس مخصماك هيىء هيىء إنت ممكن تصلي صلاة قصيرة وخفيفة وعبارة عن أربع كلمات ومش حتاخد منك ثانية واحدة زى بابا يسوع خليك معاى هيء هيء هيء ( تصفيق حاد وزغاريد وصفافير ) ثم لحظات صمت واحد بيسئل وبيقول إنا مريض من خمسة وتلاتين سنة وإترددت كتير على الدكاترة بدون جدوى وسمعت عن معجزات الشفاء وإستنجدت كتير بالقديسين ومفيش فايدة طيب إيه العمل ؟ أبو ظريفة : وانا بقولك ثق إنه فى يوم من الأيام حتحصلك معجزة شفاء بس إنت ماتستعجلش !! السائل : ياسيدنا أنا بقالي خمسة وتلاتين سنة وتقوللي ما تستعجلش أنا عاوز الكنيسة تشوفلي حل أبو ظريفة : ابقى سيب اسمك وعنوانك ورقم تليفونك عند الأب يؤنث وعلى الله تكون ام النور سمعانا دلوقت أو حد من القديسين يتصل وعاوز يساعدك هىء هىء هىء ( تصفيق حاد وزغاريد ) ثم لحظات صمت واحدة بتسئل وتقول : فى الأحداث الأخيرة وأعمال البلطجة إللي حصلت جوزى مسك سكينة المطبخ وكان بيرتعش وجمعنا أنا والولاد وإستخبينا تحت تربيزة السفرة بعد ما طفينا النور وعملنا نفسنا مش موجودين حتى اخته لما إتصلت بينا علشان تتطمن علينا كان بيرد عليها وهو بيوطى صوته خالص لدرجة اخته مكانتش سامعة حاجة وبقت تقوله انا مش سامعه إنت بتقول إيه علي صوتك شوية قاللها أصل إحنا مش هنا أبو ظريفة :هيء هيء هيء ( تصفيق وزغاريد وهيصة ) أبو ظريفة : إستنوا لما أكمل الورقة وبتقول كل رجالة العمارة والشباب كانوا واقفين تحت فى الشارع ماعدا جوزى فهل يعتبر ده حرام والرب يزعل منا أبو ظريفة : طيب إيه لازمة إنه يمسك السكينة وهو تحت التربيزة هيء هيءهىء ( تصفيق وزغاريد ) الحقيقة ان الرب علمنا إزاى نتصرف فى الظروف إللي زى دى لما قال فحينئذ ليهرب الذين في اليهودية الى الجبال و الذي على السطح فلا ينزل لياخذ من بيته شيئا و الذي في الحقل فلا يرجع الى ورائه لياخذ ثياب فهروبكم تحت السرير يفرح الرب ومايزعلوش ( تصفير وزغاريد وتصفيق ) ثم لحظات صمت واحدة بتشتكى من جوزها وباعته بتقول أنا خلاص مش طايقة ريحته هيء هيء هيء ( تصفيق جامد وزغاريد وصفافير ) وبتقول إنه فين وفين لما بيستحما هيء هيء هيء وكمان بتقول إنها غلبت معاه ومش عارفة تعمل إيه أبو ظريفة : الحقيقة ان الأغلبية بيعتمدوا على ان تلاميذ الرب ماكنوش بيغسلوا إيديهم لما كانوا يجيوا ياكلوا وده حقيقى بس ماننساش ان الزوجات من حقها تشم ريحة كويسة فممكن والكلام للرجالة إنتوا تقدروا تستحموا من غير ماتغسلوا إيديكم هيء هيء هيء هىء هىء هىء ( تصفيق حاد وصفافير وزغاريد ) للمزيد من مواضيعي
الموضوع الأصلي :
أبو ظريفة وسنوات مع أسئلة الناس
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
19.11.2012, 18:53
|
|||||||||||||||||||||
|
|||||||||||||||||||||
|
من يرغب فى إضافتى حلقات اخرى يقول نعم ومن لا يرغب يقول كفى من بين ذلك وذلك يقول لن أعطى رأياً المهم إعلنوا رأيكم كتابة فالقراءة والإنصراف بدون ترك أثر ليست بالشيىء الجيدة لابد من الصلة بين الكاتب والقارىء
|
|||||||||||||||||||||
|
رقم المشاركة :3 (رابط المشاركة)
23.11.2013, 00:39
|
|||||||||||||||||||||
|
|||||||||||||||||||||
|
هذه الحلقة شاهدها ستة الآف وثمانى مائة وأربعة وأربعون مشاهد وقارىء بالطبع وبدون مداخلة واحدة
|
|||||||||||||||||||||
|
رقم المشاركة :4 (رابط المشاركة)
23.11.2013, 01:24
|
|||||||||||||||||||||||||||||||||||||||||
|
|||||||||||||||||||||||||||||||||||||||||
|
بسم الله الرحمن الرحيم
جزاك الله خيراً على ما تُقدم وهو فعلاً موضوع ظريف يحمل خلفة حقيقة الرجل مِن مراوغة
عزيزى showman مواضيعك كلها تحمل أفكار ومعانى كثيره وبلغة أدبية راقية وتنم على دراسة مستفيضة عن القوم لكن ليس معنى عدم الرد أنها غير مقبوله فالمهم ما تتركه مِن إستفادة و أثر للقارئ أنا عن نفسى كنت أرى مواضيع كثيرة قيمة ولا أرد عليها و أكتفى بشكر صاحبها وأظن أنك وكثير مِن الأعضاء كذلك لا نرد على كل المواضيع بل ولا نقرأ كل المواضيع نفع الله بنا وبكم المزيد من مواضيعي
آخر تعديل بواسطة الشهاب الثاقب بتاريخ
23.11.2013 الساعة 01:26 .
|
|||||||||||||||||||||||||||||||||||||||||
|
| العلامات المرجعية |
| الكلمات الدلالية |
| أسئلة, وسنوات, الناس, ظريفة |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| الرد على موقع الأنبا سانت تكلا : سنوات مع إيميلات الناس - أسئلة حول الكتاب المقدس | مجدي فوزي | مصداقية الكتاب المقدس | 9 | 24.11.2011 15:34 |
| الرد على موقع سانت تكلا : سنوات مع إيميلات الناس - أسئلة اللاهوت و الإيمان و العقيدة | مجدي فوزي | التثليث و الألوهية و الصلب و الفداء | 22 | 26.10.2011 12:49 |
| فضيحة ظريفة جدا تتعلق بكتاب النصارى!! | زهراء | غرائب و ثمار النصرانية | 14 | 14.09.2011 21:02 |
العرض العادي
