للتعليقات على الحوار مع الضيفه الله محبه

[ندى الاسلام]

السلام عليكم ورحمة الله وبركاته

الاخت الفاضله الله محبه

واضح من خلال مناقشتك مع أساتذتنا الافاضل انك مقتنعه تمام الاقتناع بالمسيحيه

وانك مقتنعه انك خرجتي من الدين الباطل الى الدين الحق

ممكن حضرتك تجوبيني على شوية أسئله محيراني جدا وبما ان حضرتك من أصحاب العقول القليله

جدا يعني اللي قدرة تفهم عقيدة التثليث دي

دلوقتي عقيدة النصارى هي انهم بيؤمنوا ان الآب هو الابن هو الروح القدس هو الله

اقتباس ‎‎يقول‎‎‏ المؤمنون بعقيدة الثالوث ان الله ثلاثة اقانيم او اشخاص‏: الآب والابن والروح القدس. وهذه ‏الاقانيم الثلاثة متساوية، سرمدية، وقادرة على كل شيء. لذلك تعلِّم عقيدة الثالوث ان الآب هو الله، الابن هو الله، والروح ‏القدس هو الله، وجميعهم إله واحد هو الله.‏

يعني يسوع اللي كان عالارض ده هو الله متجسد في انسان

بصرف النظر عن ان ازاي اصلا الله الغير محدود يتجسد في جسد

انسان محدود في حاجه تانيه لفتت نظري وحبيت اعرف اجابتها

من صاحبة العقل الرشيد


يقول الكتاب المقدس على لسان يسوعكم

[ يوحنا 20 :21 فقال لهم يسوع ايضا سلام لكم.كما ارسلني الآب ارسلكم انا.][svd]

هو دلوقتي بما ان يعني هما التلاته واحد بيتكلم عن مين دلوقتي؟

مين اللي أرسل مين بالظبط؟ الآب أرسل نفسه ولا ايه؟

[ يوحنا 17 :3 وهذه هي الحياة الابدية ان يعرفوك انت الاله الحقيقي وحدك ويسوع المسيح الذي ارسلته.][svd]

برده هنا مين أرسل مين مش يسوع هو الله يعني هو أرسل نفسه؟

وبعدين كمان بيقول الاله الحقيقي ويسوع المسيح يعني هما اتنين مش واحد؟

[ لوقا 18 :19 فقال له يسوع لماذا تدعوني صالحا.ليس احد صالحا الا واحد وهو الله.][svd]

يسوع هنا مش عايزهم يدعوه صالحا علشان مفيش حد صالح غير الله طيب مش هو أصلا الله المتجسد يبقى ازاي بقى ميدعهوش صالحا؟

[ يوحنا 5 :30 انا لا اقدر ان افعل من نفسي شيئا.كما اسمع ادين ودينونتي عادلة لاني لا اطلب مشيئتي بل مشيئةالآب الذي ارسلني.][svd]

يعني هو هنا نفى قدرته على فعل أي شئ الا بمشيئة الآب اللي هو المفروض أصلا انه هو؟ يعني بقوا اتنين مش واحد واحد بيدي أوامر والتاني بينفذ صح ولا ايه؟

[ يوحنا 12 :49 لانيلم اتكلم من نفسي لكن الآب الذي ارسلني هو اعطاني وصية ماذا اقول وبماذا اتكلم.][svd]

يعني في واحد أعطى الوصيه والتاني المفروض انه بيتكلم بيها

يعني اتنين مش واحد صح ولا ايه؟


أنا بصراحه مش قادره استوعب ازاي واحد الا بقى اذا كان بيعمل تمويه على الناس الموجوده أيامه

في أخ مسيحي قبل كده قال ان هو كان بيقول كده علشان مفيش حد يعرف انه اله فتبوظ عملية الفداء

يعني المفروض انه لحد ما مات مفيش حد كان يعرف انه اله

مين بقى اللي عرفهم بعد كده انه اله ونزل علشان يتصلب ويكفر عنهم خطيئة التفاحه؟

معلش يعني في أسئلتي بس ياريت تجاوبي عليها بما انك من أصحاب العقول السويه الرشيده اللي اهتدت الى الحق على حسب زعمك

أسأل الله أن يهدينا ويهديكي الى الطريق المستقيم

للمزيد من مواضيعي