|
رقم المشاركة :1 (رابط المشاركة)
19.05.2011, 00:10
|
|||||||||||||||||||||
|
|||||||||||||||||||||
باركوا لاخوكم ميجو
اخوكم ميجو 650 افتتح سايبر فى السكن اللى هو فيه فى السعوديه وسايبر يعنى محل بينزل نسخ الويندوز وتظبيط الكومبيوتر وكمان ببلاش هههههههههههههههههههههه احكى لكم الحكايه الفيديو عندى كان مش شغال يعنى معرفش احمله فسألت بعض الاخوه ع الخاص زى الاستاذه ساجده ام ميار فقالت لى المشوار بعيد ياعم ابو السعود ولوكنت قريبه من منزلك كنت عملته لك فى دقيقه رحت لاخونا الفاضل سيل الحق المتدفق قال لى نزل تونى بلير او بلاير المهم قلت فى نفسى ايه دخل تونى بلير فى الموضوع دا تونى بلير ده فضل ماشى ورا كلام بوش زى الكلب الوفى ودمر العراق اجيبه انا هنا ع الكومبيوتر بتاعى علشان يدمره هو كمان المهم معرفتش انزل بلاير رحت بقى لابننا عبد الرحمن السلفى سلمت عليه ازيك ياعبد الرحمن قلت لما اسايسه الاول على شان ميتخنقش منى المهم حكايت له الحكايه قال طب بص امشى ورايا خطوه خطوه سمعت كلامه من الساعه اتناشر بليل لحد اذان الفجر وانا ماشى وراه خطوه خطوه لما نفسى اتقطع المهم بردوا علشان اديله حقه وصلنى فى الاخر لايقونه زرقاء لونها حلو كده وبعد كده قال لى معلش بقى يعنى من الاخر جاب اخره ثم قال لى اصل اللى بيفهم فى الموضوع ده الاخ ميجو طب ياعبد الرحمن لما انت مش فاهم قطعت نفسى وراك طول الليل ليه ههههههههه يعنى كنت بتتعلم فيا المهم انا لقطت اسم اخونا ميجو من على لسان عبد الرحمن وجريت عليه فى السعوديه بردوا سايسته سنه سنه كده وسلمت عليه ورحت داخل فى الموضوع مباشرة وحكيت له على اللى حصل مع عبد الرحمن اللى كان بيتعلم فيا ههههههههههه اخونا ميجو بقى لسه هيبدأ ويعيد الخطوات بتاعت عبد الرحمن قلتله لا انت عايز الايقونه الزرقا موجوده قال طب كويس امشى بقى ورايا خطوه خطوه هههههههه قلت بس مدام قال خطوه خطوه يبقى الموضوع فاشل من اولها لان بقى عندى عقده من خطوات عبد الرحمن ههههههههههه المهم مشيت ورا اخونا ميجو وبعدين قالى ياحاج قلت نعم ياميجو قال لى جهازك عندى فى المحل ههههههههه فى السايبر اركن بقى ياحاج شويه وروح اشرب الشاى ومتخفش الجهاز فى مركز الخدمه او فى التوكيل وهيرجع لك عشره على عشره بقيت قاعد مستغرب ايه الحكايه الجهاز عنده ازاى ومين اللى وداه اصل هو ميجو بيهزر معايا ولا فكرت المهم قعدت ادام الجهاز ابص ع الشاشه الاقى الماوس عمال يلعب لوحده زى ميكون ركبه ستين عفريت ابص ع السهم الاقيه طالع نازل فوق وتحت لا حول ولا قوة الا بالله المهم علشان اطول عليكم ومقصرش هههههههه بعد شويه لقيت الجهاز رجع لى تانى ومتظبط ميه ميه والفيديو شغال وبحمل وكل حاجه بقيت تما م التمامشكرت الاخ ميجو ربنا يصلح حاله ويرزقه من حيث لايحتسب وبعدين فكرت فى قدرت الله عز وجل الانسان المخلوق الضعيف وصل لهذا القدر من العلم نت وفيس بوك وصعود للقمر وواحد ياخد الجهاز منى وانا قاعد فى البيت ويظبطه وحاجات كتير تعلمه الانسا ن قلت فى نفسى اذا كانت هذه قدرت الانسان التى وهبها الله اياها فكيف بقدرة الخالق سبحانه وتعالى للمزيد من مواضيعي
الموضوع الأصلي :
باركوا لاخوكم ميجو
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
ابوالسعودمحمود
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
19.05.2011, 03:21
|
|||||||||||||||||||||
|
|||||||||||||||||||||
|
لألألألألألأ الحكاية مش كدة ياابو السعود وبطل دعاية واعلان دى الحكاية بدأت لما الاخ ميجو فتح السيبر واحتاج لشىء ينقل فيه الكمبيوترات الكتيره اللى بيصلحها عنده وفكر يشارك ابو السعود فى المشروع اهو يستغل الميكروباص بتاع ابو السعود فى النقل لكن ابو السعود فكر ودماغة سخنت قال ياواد ما جحا اولى بلحم طوره اروح المنتديات بتاعتى واحط الدعاية والاعلان عن المشروع واهو ابتكر الموضوع علشان يقول ان ميجو بيصلح الشىء المستعصى واهو كله سبوبة والسلام ...الكلام دة صح ولا لأ يابو السعود قول وانا مستعد اشارك معاكم واروح المنتديات الاخرى الاجتماعية والاجنبية واساهم فى الدعاية والاعلان علشانكم 
المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
19.05.2011, 06:52
|
|||||||||||||||||||||
|
|||||||||||||||||||||
طب روح اسال ميجو ياابو الياسمين وانت هتعرف الحقيقه انه اخد الكومبيوتر بتاعى وانا قاعد فى البيت وعمل فيه كل حاجه وانا قاعد اتفرج بس مخدش الخمستاشر جنيه اللى كنت بديهم للواد جهاد تمن النسخه
|
|||||||||||||||||||||
|
رقم المشاركة :4 (رابط المشاركة)
19.05.2011, 09:04
|
|||||||||||||||||||||
|
|||||||||||||||||||||
|
ده عملك هاكر على الجهاز يا عم ابو السعود يعنى جهازك دلوقتى متراقب 24 ساعة هههههههههه المزيد من مواضيعي
|
|||||||||||||||||||||
|
رقم المشاركة :5 (رابط المشاركة)
19.05.2011, 12:30
|
|||||||||||||||||||||
|
|||||||||||||||||||||
|
كده برضوا ياميجو يعنى تبقى مراقب فى البشار ه ومراقب عليا انا كمان شكرا ياابو على ان انت عرفتنى
|
|||||||||||||||||||||
|
رقم المشاركة :6 (رابط المشاركة)
19.05.2011, 14:47
|
|||||||||||||||||||||
|
|||||||||||||||||||||
|
خلاص ياعم ابو السعود متزعلش كدة طب هات ال15 جنيه وانا ابطل اشاعات  اضحك الله سنك وعموما اى موضوع لك ادخله واقرأه لكى اضحك وشكرا لك يا فاكهة المنتديات المزيد من مواضيعي
|
|||||||||||||||||||||
|
رقم المشاركة :7 (رابط المشاركة)
19.05.2011, 16:37
|
|||||||||||||||||||||
|
|||||||||||||||||||||
بتتكلم جد ياابو الياسمين اصل انا ناوى ادخل انتحابات واشعاتك دى هتودينى فى داهيه هههههههههه
|
|||||||||||||||||||||
|
رقم المشاركة :8 (رابط المشاركة)
16.03.2012, 23:53
|
|||||||||||||||||||||
|
|||||||||||||||||||||
|
ده عملك هاكر على الجهاز يا عم ابو السعود يعنى جهازك دلوقتى متراقب 24 ساعة هههههههههه الجهاز اتسرق يااخ ابو على ههههههههههههه
|
|||||||||||||||||||||
 |
| العلامات المرجعية |
| الكلمات الدلالية |
| لاخوكم, ميجو, باركوا |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| باركوا تتويج ملكة للمنتدى | نوران | قسم الحوار العام | 26 | 13.11.2010 16:51 |
| باركوا لاختنا( محبة الرحمن) | ام البراء الاندلسيه | قسم الحوار العام | 20 | 24.09.2010 23:59 |
| باركوا لأخيكم جادي | أبوعبدالرحمن الأثري | قسم الحوار العام | 23 | 20.09.2010 16:06 |
العرض العادي
