|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
25.01.2011, 22:08
|
|||||||||||||||||||||
|
|||||||||||||||||||||
ابوالسعود رئيس مجلس اداره
ابوالسعودرئيس مجلس اداره فى يوم من الايام اختارونى الناس فى الحته انى اكون مسؤل عن المسجد انا وكام واحد من الحى واختارونى انا ان اكون رئيس مجاس الاداره وواحد تانى امين الصندوق وواحد تالت عضو انا بقى بقيت فرحان فى نفسى من سواق ميكروباص لرئيس مجلس اداره مره واحده فعشت فى الدور ههههههه ولبست جلباب ابى ههههههه  وبقيت اتخيل نفسى بقى وانا رئيس واتنفخت ع الاخر من المنصب اصل المناصب بتنفخ التعبانين اللى زيى ههههههه وكل لما تحصل مشكله فى المسجد ينتظروا الرئيس يحلها اللى هو انا بالظبط كده زى ما بتقرءوا فى الجرايد يطلع الوزير من دول ويقول بناء على توجيهات الرئيس يعنى الوزير ميعرفش يعمل حاجه كده من نفسه لازم يتوجه من الرئيس اللى هو انا برضوا ههههههههههه واصبح اسمى الرئيس ولغوا اسم ابو السعود كل لما ادخل المسجد يقولوا اهو الرئيس جه والناس رموا الحمل كله عليا واصبحوا ميعرفوش يعملوا حاجه الا بتوجيهاتى hahahaha وفى يوم من الايام جاءنى طفل صغير وانا فى البيت ياعم ابو السعود ياعم ابوالسعود فى واحد عايزك ومنتظرك امام الجامع خرجت بسرعه اشوف مين اللى عايزنى وجدت رجل شكله محترم ولابس بدله صيفى وعلى رأسه طاقيه بيضاء شبيكه وفى يده ظرف اصفر كبير من بتوع الحكومه كانت الساعه حوالى عشره الصبح سلمت عليه وقلت له خير فيه ايه قال لى انت المسؤل عن المسجد اتجعظت للخلف كده وقلت نعم انا المسؤل هههههههه اصل كلمة مسؤل فى بلدنا غير المسؤل فى مكان اخر عندنا المسؤل يعنى صاحب نفوذ وسلطه واذا ضرب واحد بالشلوت المضروب بيفرح ويقول له شلوتك دفعنى للامام يافندم هههههههههه المهم قال لى انا من وزارة الاوقاف  :36_3 _16:ومسؤل عن تجديد المساجد وفرشها ظئتط اوى وقلت له طيب اتفضل وفتحت المسجد وطلع من جيبه متر وقعد يقيس مساحة المسجد ويكتب فى الورق اللى معاه المقاسات وبعدين قال لى انتم محتاجين فرش غير ده قلت له لا الفرش جديد وكويس قال لى لا يااخى لازم يتغير وكمان الميكروفون ومحتاجين سقف للدور التانى انا شفته من بره انه عمدان قلت له اللى حضرتك شايف اعمله المهم قال لى انت هتيجى معايا دلوقتى للاداره على شان تستلم الاشياء دى وتمضى عليها قلت موافق قال لى بس اعمل حسابك فى 500 جنيه على شان الشاى للعمال اللى هيحملوا الحاجه (بقشيش) قلت له طيب انتظر لما انادىعلى امين الصندوق لانه معه الفلوس ورحت ناديت الامين وعرفته فرح هو الاخر المسجد هيتجدد وقلت له هات 500 جنيه معاك وتعالى معى على شان تمضى معايا على البضاعه ههههههههه  خدنا تاكسى وركنا ع العباسيه وامام عمارات الخبراء بتاعت وزارة العدل عند فندق مصر للسياحه وقفنا واخرج الاستاذ المحترم شيك من الظرف الاصفر اللى معاه وكتب مبلغ 20 الف جنيه ثم اراد ان يفرقنا عن بعض انا وامين الصندوق فقال واحد منكم يروح يصور الشيك بسرعه فراح الامين جرى على شان يصوره وبقيت انا وهو فقال لى هات ال500 جنيه واستنانى هنا وانا هطله وابص لك من الشباك اللى فوق ده تيجى بسرعه قلت له بس الفلوس مش معايا مع الامين صندوق فعرف انه مش هياخد معانا حق ولا باطل قال لى طيب انتظرنى هنا لحد لما ييجى وانا هطلع علشان اخلص الاجراءات وطلع وانا عينى على الشباك ( وبقيت اغنى على الشباك وانا واقف على الشباك ) هههههههه المهم جه امين الصندوق والشيك المتصور وقال فين الرجل قلت له بيخلص الا جراءات فوق وهيبص من الشباك بعد مايخلص بعد ما تعبنا من الوقفه قلنا نطلع نسأل الموظفين ضحكوا علينا وقالوا مفيش حاجه زى دى هنا نزلت انا وامين الصندوق قفانا يأمر عيش ههههههه  فقلت للامين بقول لك ايه طيب متيجى نروح البنك فى مصر الجديده ونسأل ع الشيك يمكن خدنا تاكسى على مصر الجديده ودخلنا البنك اول مطلعنا الشيك للموظف ضحك وقال هو وصل لكم فقلت له هو ايه اللى وصل لنا قال النصاب ياعم الحاج الشيك ده مكتبى وانا لا افهم مكتبى من مدرسى المهم يعنى يااستاذ قال لى بله واشرب ميته دى من عندى هههههههه نظرت لامين الصندوق ونظر لى وضحكنا الحمد لله الخطه فشلت بتاعت النصاب ولكن قلت للامين انت لاتنفع ان تكون امين ولا انا اصلح اكون رئيس حكاية امين صندوق ورئيس دى لها ناسها ورجعت تانى سواق ميكروباص لانى مش قد المسؤليه ياريت كل مسؤل من اللى مودينا فى داهيه يعملوا مثلى ويتنازلوا عن المسؤليات اللى هما مش قدها وبعد يومين جاءنا رئيس مجلس اداره من مسجد اخر وقال لنا خدوا بالكم انا اتنصب عليا فى 500 جنيه جاءنى رجل من الاوقاف ولسه هيحكى الحكايه قلت له انا احكيها بدلك قال لى هو انتم اتنصب عليكم زيى قلت له لا ولكن ربنا ستر للمزيد من مواضيعي
الموضوع الأصلي :
ابوالسعود رئيس مجلس اداره
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
ابوالسعودمحمود
المزيد من مواضيعي
|
|||||||||||||||||||||
| الأعضاء الذين شكروا ابوالسعودمحمود على المشاركة : | ||
|
رقم المشاركة :2 (رابط المشاركة)
25.01.2011, 22:57
|
|||||||||||||||||||||
|
|||||||||||||||||||||
|
الحمد لله والصلاة والسلام علي رسول الله وبعد ابو السعود يتألق .. سبع صنايع والبخت ان شاء الله مش ضايع .. حتي مجلس الادارة بقيت رئيسه .. ايه الحلاوة دي يا عمي .. المزيد من مواضيعي
|
|||||||||||||||||||||
| الأعضاء الذين شكروا ابوحازم السلفي على المشاركة : | ||
|
رقم المشاركة :3 (رابط المشاركة)
25.01.2011, 23:08
|
|||||||||||||||||||||
|
|||||||||||||||||||||
|
خلينا نئب على وش الدنيا بقى هو انا طول عمرى هفضل ميكروباصاتى ولا ايه هههههههه
|
|||||||||||||||||||||
| الأعضاء الذين شكروا ابوالسعودمحمود على المشاركة : | ||
|
رقم المشاركة :4 (رابط المشاركة)
26.01.2011, 02:27
|
|||||||||||||||||||||
|
|||||||||||||||||||||
|
والله انا شاكك فيك يا ابو السعود ومش داخلة فى دماغى حكاية الميكروباص قول متخافش انت بالضبط مين ومش حابلغ عنك غير أمن الدولة بس وهم حيتوصوا بيك والا لو عرفوا كمان انك تبعى حيقوموا بالواجب وزيادة haha المزيد من مواضيعي
|
|||||||||||||||||||||
|
رقم المشاركة :5 (رابط المشاركة)
26.01.2011, 05:48
|
|||||||||||||||||||||
|
|||||||||||||||||||||
|
أضحك الله سنكم..
تستحقون هذا المنصب يا والدنا الكريم..ولو كنت في منطقتكم لكنت أول واحدة ترشحكم لشغل هذا المنصب .. بارك الله فيكم..
وأنا كمان.! المزيد من مواضيعي
|
|||||||||||||||||||||
|
رقم المشاركة :6 (رابط المشاركة)
26.01.2011, 06:08
|
|||||||||||||||||||||
|
|||||||||||||||||||||
|
أضحك الله سنك أبي الكريم بارك الله فيك و جزاك خيراً المزيد من مواضيعي
|
|||||||||||||||||||||
|
رقم المشاركة :7 (رابط المشاركة)
26.01.2011, 06:59
|
|||||||||||||||||||||
|
|||||||||||||||||||||
|
والله انا شاكك فيك يا ابو السعود ومش داخلة فى دماغى حكاية الميكروباص عايز تعرفنى اسأل عليا الحى العاشر ورابعه وعباس العقاد ومدينة نصر كلها ههههههه
|
|||||||||||||||||||||
|
رقم المشاركة :8 (رابط المشاركة)
26.01.2011, 07:01
|
|||||||||||||||||||||
|
|||||||||||||||||||||
|
|||||||||||||||||||||
|
رقم المشاركة :9 (رابط المشاركة)
26.01.2011, 07:03
|
|||||||||||||||||||||
|
|||||||||||||||||||||
شكرا يانور القلوب دا انتى عملتى لى توقيع هايل
|
|||||||||||||||||||||
|
رقم المشاركة :10 (رابط المشاركة)
26.01.2011, 12:54
|
|||||||||||||||||||||
|
|||||||||||||||||||||
|
| العلامات المرجعية |
| الكلمات الدلالية |
| أبو, مجلس, الإدارة, السعود, رئيس |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| تواضع ابوالسعود | ابوالسعودمحمود | قسم الحوار العام | 8 | 22.02.2011 22:02 |
| طلب من القائمين على اداره المنتدى جزاكم الله خيرا | كلمة سواء | شكاوى و اقتراحات | 1 | 14.06.2010 03:32 |
العرض العادي
