إنتــى عايـــزه إيـــــه مــن رمضــــــان ؟!

[حَفيـدات أمهـات المؤمنين]

إنتــى عايـــزه إيـــــه مــن رمضــــــان ؟!

الكـــاتــــب
حَفيـــــدات أُمهــــــات المؤمـنـيـن
رَبِّ لَا تـذرنـى فردًا (سابقًـا)
۞۞۞۞۞۞۞۞۞۞۞۞۞۞۞
اللهم صلى على محمد وعلى آل محمد كما صليت على إبراهيم وعلى آل إبراهيم إنك حميدٌ مجيد
و بارك على محمد وعلى آل محمد كما باركت على إبراهيم وعلى آل إبراهيم إنك حميدٌ مجيد
اللهم اجعل عملنا كلـــه صالحًــــا ولوجهـــك خالصــا ولا تجعل فيه لاحد غيرك شيئا

اللهم بلغنا رمضان و ارزقنا فيه حُسن الصيام و حُسن القيام و حُسن سائر العمل
الصالح الذى يرضيك عنَّــا يا رحيــم يا رحمــن .

۞۞۞۞۞۞۞۞۞۞۞۞۞۞۞۞۞۞۞۞

رمضان جه - فاللهم لك الحمد والشكر على هذه النعمة العظيمة , الفرصة قدامك علشان تتغيري علشان تنالي القرب من ربنا علشان تُكتبـي إن شــاء الله من أهــل الفِــردوس الأعلى فى الجنة , علشان تُحرم عليكـي النار و تُعتقين منها, الفرصة قدامك علشان تُغفـر لكـي كـــل الذنــوب , علشان تُري الله من نفسك إنـك بتحبيه و نفسك تتقربى ليه , خلاص الشياطين مُصفده و الجنة تُنادي عليكِ يا باغيــةُ الخير أقبلـي أنا فاتحه أبوابـي يلا مستنيه إيه ؟! دى فرصة العمر يلا إنتهزي الفرصة يمكن السنة دي تُبلغـي _ليلة القــدر التى هى خيـرٌ من ألف شهر_ يمكن السنة دى تنالـي الفردوس الأعلى و تكونـي برفقــة النبـي صلى الله عليه و سلم , علشان كده السنة دى عايزينهـا حاجه تانيه هنستفيد من أخطـــاء السنين اللى فاتت و هنتقرب لربنـــا بكل ما نستطيع مـن الأعمــال الصالحــة مش
هنسيب بـاب من أبــواب الخير إلا وهندخـل على ربنا منه , خـــلاص مضى زمان النوم يا خديجة هو ده شعارك السنة دى_ يا خديجة الاسلام_ مفيش نوم من الساعة دى عايزين من البدابة نحدد اهدفنا و نوايـانـا

۞۞۞۞۞۞۞۞۞۞۞۞۞۞۞۞۞۞۞۞

عايــــــــزة ايه من رمضان ؟
عايزة كل اللى انت قولته ده - لا لا

بلاش الكلام الكبير اللى فى الواقع لما نشوف كده بواطن الأمــور نلاقـي

المسأله بس شعارات كبيرة لكــن في الواقع مش هي دي النوايــا الحقيقة ممكن تبقى أمانـي

بس ايه هى نيتك تحديدًا؟
عايزة جائزة العتق من النار
النبـي صلى الله عليه و سلم قـال : ( إذا كان أول ليلــة من شهر رمضان صُفِدت الشياطين و مُرِدت الجن و غلقت أبـواب النـار فــلا يُفتــح منهـا باب , و فُتِـحـت أبـواب الجنــة فـلا يُغلـق منهـا بـاب و نـادى مُنادي يـا بـاغـي الخيــر أقبِــل و يـا بـاغـي الشــر أقصِــر , و لله عتقاء من النـــار و ذلك فى كل ليلــة

إنتـي عايزة فعلا تُعتقـي من النــار ؟ طيب إنتـي تعرفـي إيه عن النار ؟! عارفه إيه اللى يخليكـي بجد تعملـي بكـل جُهـد فـي رمضان ده و يبقى رمضان مختلف فى حياتك ؟ علشان تحصلي الثمرة العظيمة دى , علشان تعرفى يعنى ايه نار خدي بعضك و روحي على قسم الحروق فى مستشفى من المستشفيات و إنتي تعرفي يعني إيه نـــار و لما تشوفي المنظــر ده ساعتها هتخرجى و تقولى _ يـــا رب إعـتـــــق رقبتـي من النــار_ هو ده اللي هَيْـولِّـد عندك الدافع انك تقطعى نفسك في رمضان ده علشان تنالي ثمرة العتق من النار

النبـي صلى الله عليه و سلم يقـول : ( إن أهـــل النـــــار ليبكـــون حتــى لـو أُجرِيَــت السفــن في دموعهـم جــرت و إنهـــم ليبكــون الـــدم

إحنـا مش عايزين نخرج من رمضان ده مُتحسرين
عايزين نركز- عايزين نستعد إستعداد حقيقـي لرمضان علشان ميجيش رمضان و نبكـي الــدم ان احنا مش عارفين نلاقـي قلوبنا فى رمضان - لأ رمضان السنة دى شيء مختلف
انتى السنة دى عايزة العتق من النار و انتى عارفه يعنى ايه نار و انتى عارفه ان اكثر اهل النار من النساء
الحديث ده لما تسمعيه لازم يولــد عندك الدافع القوي انك فعلا ان شاء الله بــإذن الله هتحصلي السنة دى ثمرة العتق من النار

۞۞۞۞۞۞۞۞۞۞۞۞۞۞۞۞۞۞۞۞

عايــــــــــزة ايه من رمضــان ؟

لأ انا عايزة جائزة المغفرة انا عملت ذنوب , الذنوب دى هي اللى قاطعه بينى و بين ربنا , أنا نفسـي رواسب الجاهلية و آثار الذنوب دي أتخلص منها

جتلك الفرصة - مــن صــام رمضان إيمانًـا و إحتسابًـا غُفِــر له ما تقــدم من ذنبــه

من قــام رمضان إيمانًـا و إحتسابًـا غُفِــر له ما تقــدم من ذنبــه

من قــام ليلــة القــدر إيمانًـا وإحتسابًـا غُفِــر له ما تقــدم من ذنبــه

رمضان من أعظم أسبــاب المغفرة , بس انا بردو زى ما قولتلك فى العتق من النار , عايز أقولك إنتي عارفه يعني ايه ذنوب ؟ ما إنتي لو حاسة ان الذنوب دى بتعمل ايه فينا ده انتى هتسعى بكل ما عندك من قوة علشان تُكتبى ان شاء الله من المغفور لهم فى رمضان

يا أُختاه الذنوب تُذهب الإيمان - تُنكِـس القلــب

انتى عارفه ساعات كده تبصي فى الصلاة متلقيش قلبك خالص , تسمعي قرآن كتير أو تبقى قاعده دلوقتى بتسمعينى و موعظة من المواعظ مش داخله قلبك خالص حتى لو كان الكلام مؤثر لكل واحد بس انتى مش لاقيه قلبك - إنتاكسة القلب دى
ربنا قال (( فَمَا لَكُمْ فِي الْمُنَافِقِينَ فِئَتَيْنِ وَاللّهُ أَرْكَسَهُم بِمَا كَسَبُواْ ))

القلب إتقلب بسبب معصية

المعاصي دى تخلي بينك وبين ربنا وَحشــة

للأســــــف تهونــي على ربنــا
هانوا عليه فعصوه و لو عزوا عليهِ لعصمهُم - و من يهن الله فما له من مكرم
المعاصي دى هى سبب ضيق الصدر اللى بيحصلك أحيانًا
فَمَنْ يُرِدْ اللَّهُ أَنْ يَهدِيَهُ يَشْرَحْ صَدْرَهُ لِلإِسْلامِ وَمَنْ يُرِدْ أَنْ يُضِلَّهُ يَجْعَلْ صَدْرَهُ ضَيِّقاً حَرَجاً كَأَنَّمَا يَصَّعَّدُ فِي السَّمَاءِ

المعاصي دى هي اللى بتُظلم قلبك

المعاصي دى هى اللى هتحرمك لو ملحقتيش من دلوقتي بسرعة تجددى توبتك

هى اللى هتحرمك من الطاعة
سفيان الثوري قال -حُرمت قيام الليل خمسةُ أشهر بذنب أصبته
المعاصي دى اللى بتخليكي عايشه الغفلــة
نسوا الله فنسيهم
علشان كده إحنا لازم نطلع بالمغفرة من رمضان السنة دى
الذنوب دى كلها تتمحي و تتمحي آثارها علشان ألقى الله عز وجل بالقلب السليم

۞۞۞۞۞۞۞۞۞۞۞۞۞۞۞۞۞۞۞۞

عايـــــــــزة ايه من رمضان ؟

عايزة أتقرب لربنــا , نفسي أوي ان ربنا يحبني و ان أنا احب ربنا من كل قلبى ميبقاش فى قلبى إلا ربنا

جايزة القرب دى من اعظم ثمــار رمضان

قَالَ النبي صلى الله عليه و سلم : [ أَتَانِي جِبْرِيلُ عَلَيْهِ السَّلامُ، فَقَالَ: يَا مُحَمَّدُ مَنْ أَدْرَكَ أَحَدَ وَالِدَيْهِ ، فَمَاتَ، فَدَخَلَ النَّارَ، فَأَبْعَدَهُ اللَّهُ، قُلْ آمِينَ ، فَقُلْتُ: آمِينَ ، قَالَ: يَا مُحَمَّدُ مَنْ أَدْرَكَ شَهْرَ رَمَضَانَ، فَمَاتَ، فَلَمْ يُغْفَرْ لَهُ، فَأُدْخِلَ النَّارَ، فَأَبْعَدَهُ اللَّهُ، قُلْ آمِينَ، فَقُلْتُ: آمِينَ، قَالَ: وَمَنْ ذُكِرْتُ عِنْدَهُ فَلَمْ يُصَلِّ عَلَيْكَ، فَمَاتَ فَدَخَلَ النَّارَ، فَأَبْعَدَهُ اللَّهُ ، قُلْ آمِينَ، فَقُلْتُ: آمِينَ] رواه الطبراني في ‘ الكبير’، وصححه الألباني.

معنى الكلام ده ايه ؟؟
اللي مش هيُغفَــر له فى رمضان هيبعد أوي هيتطرد هيتلعن هيبقى بينه و بين ربنا مسافات كبيـــرة أوي
و اللي هيُدرِك المغفـرة فى رمضان هيقرب أوي هيبقى بالمنزلــة عند ربنا , يمكن يُبلغ منزلة التقوى درجة المحسنين عند رب العالمين درجة الصديقين - عايزة جايزة القُرب ؟
لابد من عمل, يبقى الدافع جواكى عظيم و كبير
لازم السنة دى أقرب من ربنا لازم أحـوز على الجوايز العظيمة دي - مش عايزة تُضاعف اعمالك ؟
كلنا فرطنـا كتير و أخطأنا كتير و فات من عمرنا كتيـــــــر فى غير طاعة ربنــــا
جتلنا الفرصة ان الأعمال تُضاعـــف عملك اليسيـــــر جــدًا ممكن يُضاعف 700 ضعف - الله يضاعف لمن يشاء
انتى ممكن تنالي ليلة القدر اللى هى خيرٌ من ألف شهر
النبى قال فيه (فى رمضان) ليلة خير من ألف شهر من حُرم خيرها فقد حُرم
ابن رجب بيقول رأى بعض المتقدمين النبى صلى الله عليه و سلم فى المنام فقال له أَوصِني قال من إستــوى يوماه فهو مغبون ( النهارده زى امبارح يبقى ضيعتـي حقك و ضيعتـي نصيبك ,
الإيمان يزيد وينقُص , يزيــد بالطاعــة و ينقُــص بالمعصيــة
اللى كان يومه شــر من أمســه فهو ملعـــون ومن لــم يتفقــد الزيـــادة فـي عملــه فهــو فـي نُقصــان و من كان فـي نقصــان فالمــــوت خيــــرٌ لــه
نسـأل الله أن نكــون من السابقيــن و أن نكــون فى زيـــادة
جــت الفرصة يا أُختـــــاه و نحن فى شهر الرحمــــة
قال النبـي صلى الله عليه و سلم : (( إذا دخـــل شهـــرُ رمضـــان فُتِّحَــت أبـــواب الرحمــــــــة ))
جـــاء شهـــر نــزول القرآن و أنا نفسـي تبقى دي جايزة من الجوايز اللى نحصلها السنة دي , ان قلوبنا تشرب قرآن , تبقى قلوبنا عامرة بالقرآن كلام رب العالمين
يزيل كل حاجه فى القلب بعـدانا عن ربنــا
يمكن فيه ذرة كبر- يمكن فيه شوية عُجب
ينزل القرآن يطهــــر قلبــي و قلبـــك

۞۞۞۞۞۞۞۞۞۞۞۞۞۞۞۞۞۞۞۞

المصــــــــدر

درس . . _ يوم المسلمــة فـى رمضان _ للشيــــــــخ / هـــــــــاني حلمـــــــي

للمزيد من مواضيعي