يلااااا بسرررعة الحقه ده بيجري

[قلب يحب الله]

يلااااا بسرررعة الحقه ده بيجري

ايه يا عمنا هو مين ده اللي بيجري ؟

اللي احنا فيه دلوقتي

اللي هو ؟؟؟؟

ضيف عزيييييز وغااااالي علينا وقرب يمشي تاااني

؟؟؟؟؟

مش هطول عليك يا سيدي علشان اصلا معدش وقت كتير

ضيفنا الغاااالي اللي بيجلنا كل سنة مرررررة بس

ر م ض ا ن

يااااااه فاكر يا محمد فاكر ده كان لسة جاي من كام ساعة

وكنا بنجهز بقى التمر والزبادي للسحور ووووو

وفاكر يا أحمد لما كنا مقبلين على التراويح وفرحانين بيها أوووووى

طب ايه وبعدين ؟؟

ليه الناس رجعت تاني ؟؟؟

ليه المسجد بدأ يفضى تاااني ؟؟

الناس كسلت لييييه ؟؟

واللي مش بيروح التارويح أصلا مش بيروح ليييه ؟؟

ايه يا جماعة صيام وحر وماية وبطننا تبقى مليانة ؟؟

بس ده

ر

م

ض

ا

ن

مش عارفين قيمته ؟

مش عارفين نقدره صح ؟؟؟

لالالالالا

مش إحنا مش إحنا

ده رمضان ده جاي لنا فرصة ومضاعفة أجر وشياطين مصفدة وحاجات حلوة كده

وكل ده ونسيبه لالالا

هنهتم وهننزل نصلي التراويح ونقرأ في المصحف ونعمل حاجات حلللوة هنقول عليها إن شاء الله

علشان نلحقه قبل ما يمشي من كام يوم كنا بنقول ياااه أول جمعة في رمضان

واهي تانية جمعة اهي

والتالتة بعدها

وبعدين خلاص خلص رمضان

طب وصحائفنا هتبقى فاضية بقى ولا مليانة حسنات من رمضان حبيبنا الغالي اللي بننتظره كل سنة ومحدش ضامن ان ربنا يبلغنا رمضان الجااااي

الطالب أيام الإمتحان بتلاقيه يضغط على نفسه وينام قليل وليل ونهار مذاكرة وخصوصا بقى لو كان ايييه ؟؟

؟؟؟
؟؟
؟

أيوووووة هي دي لو مش بيذاكر طول السنة

بيبقى عايز اي حاجة يلحق بيها نفسه

وطبعا إحنا طول السنة فلة شمعة منورة :)

عايزين نلحق نعمل أي حاجة في يومين مضاعفة الحسنات دول

كام يوم يا جماعة مش هتفرق

طب يلا بسرعة كده هنقول كام حاجة مستحبة في رمضان

نبدأ باسم الله

أول حاجة طبعاااا التراويح انا عن نفسي بفضلها في المسجد بيبقى فيه إلزام عن البيت ممكن ضيف يجيلك تروح عليك نومة أياً كان

ثانيا القرآن لسة قدامنا فرصة اننا نختم القرآن وممكن لو همتك عالية تختمه أكتر من مرة كمان

بس توكل على الله وادعيه انه يوفقك ويتقبل منك

تالت حاجة بقى الأذكار .. الصباح والمساء وبعد الصلاة والمتنوعة زي التسبيح والصلاة على النبي

هات لك كتيب حصن المسلم بـ 50 قرش هتلاقي فيه كللل الأذكار دي إن شاء الله وخليه معاك على طوووول

رابع حاجة إفطار الصائمين ياااه ده بقى اللي حافظ جدول الضرب يجي يشوف ثوابه واللي مش حافظه يروح يحفظه ويجي برده

رمضان كام يوم ؟؟

30

طيب تمام يعني انت بتصوم 30 يوم بس

تخيل كده لو كل يوم بتفطر معاك تلاتة كمان يعني بقيتوا 4 في عدد ايام الشهر 4X30 =120
ياااه ده ربنا ده كريم أوي

طيب افرض مثلا إنك مش معاك فلوس كفاية لتفطير 3 صايمين كل يوم .. حاجة بسيطة خااالص هات معاك 4 تمرات كل واحد يفطر على تمرة وانت رايح تصلي المغرب في المسجد او اديهم لاصحابك في الشارع يفطروا عليهم وخليك دايما حريص انك اللي تبقى مسئول عن التمر في البيت

طيب كمان حاجة بقى ألا وهي الصدقة

طبعا إحنا عارفين إن فضل الصدقة عظييييم جدااااا في الأيام العادية مابالك برمضان

وخصوصا دلوقتي في مجاعة في الصومال إخواتنا هناك بيموتوا من الجوع واحنا هنا بنرمي بواقي اللحمة في الزبالة

طيب لو عايز تتبرع للصومال عن طريق

لجنة الإغاثة الإنسانية بنقابة أطباء مصر التبرع على حساب رقم 261363 بنك فيصل الإسلامي فرع القاهرة أو 20737/3/1 بنك قناة السويس - فرع الدقي لصالح الصومال، ومرفق به أن التبرع لصالح صندوق الصومال، للتبرع المباشر 42 ش القصر العيني - دار الحكمة - القاهرة , لإرسال مندوب لجنة الإغاثة الى بيتك اتصل ب- 0020177395657- 0190147007 - 0119831657 -01527826831

دي لمصر واللي من بره مصر

عن طريق رقم حساب بنك فيصل باستخدام السويفت كود التابع للفرع وهو : سويفت كود :fiegegcxcai

اسم البنك :بنك فيصل الاسلامي المصري

الفرع: فرع القاهرة

رقم الحساب: 261363

سويفت كود :fiegegcxcai

طيب عايز افكركم بحاجة برده بس دي بقى فرض مش سنة :)

زكاة الفطر

عايز تعرف عنها كل حاجة اتفضل هنا

http://www.islam-qa.com/ar/cat/2032

ولو عايزين بقى تعرفوا اكتر عن رمضان والاعمال المستحبة فيها ممكن تدخل هنا

http://www.way2allah.com/modules.php...ailes&khid=737

ولو بتحب تسمع لحد تانى ممكن تفتح جوجل وتكتب اسم الشيخ اللي بتحب تسمعله وتكتب قبله رمضان واتمتع يا سيدي

اتمنى اني مكونش طولت عليكم يلا الحقوا بقى بسرعة باقي الشهر والأيام العشر

في حاجة بس عايز اقولها وبعدين همشي إن شاء الله

في الشهر الرااائع ده والنعمة من عند ربنا

في تصرفات خاطئة بنعملها ومش ينفع ابدااا نهائي نعملها وخصوصا في رمضان

ده احنا لما بيجيلنا ضيف غالي علينا نسأله تحب تتغدى ايه ونتفنن في ارضاءه مابلكم بقى بحبيبنا الغالي رمضان

في ناس صباحا مساءً قدام التليفزيون علشان المسلسلات والبرامج الهايفة

هو انا هستفيد ايه لما اتفرج على مسلسلات وبرامج هااااايفة جداااا تضيعلي وقتي
غير ان فيها حرمانيات كتيييير زي الموسيقى ولبس البنات فيها والرقص وووو كفاية كده إحنا صايمين

وخد يا سيدي اقرأ هنا شوية عن التليفزيون

http://www.islam-qa.com/ar/ref/125535/

وبعدين بقى لو مصمم برده بلاش في رمضان على الاقل

يعني مش هتتكسف لو الرسول ( صلى الله عليه وسلم ) دخل عليك في رمضان ولاقاك بتتفرج على بنت لابسة مش عارف ايه واقفة مع ولد واحم احم احنا صايمين

اكيد هتكون مكسوف صح ؟

طيب مش (( الله أحق أن يستحى منه ))

يلا بقى حط الصورة دي لو تعرف تطبعها أو حتى تعمل صورة عادية وتكتب عليها

مغلق لله

رمضان السنة دي غير كل سنة

كمان حاجة مصييييبة

غيبة الناس والوقوع في أعراضهم واحنا صايمين

شوف هنا

http://www.islam-qa.com/ar/ref/115105/

لما تيجي بقى لسانك يفلت افتكر ان اللي بتغتابه هياخد من حسناتك يوم القيامة يعني انت تعطش وتتعب في الحر والصيام وفي الاخر هو ياخد أجرك .. يلا قوووول ((( ده بعينه )))

ولو في اخر المجلس حسيت نفسك لسانك غلط كتير قول دعاء كفارة المجلس

(( سبحانك الله وبحمدك أشهد أن لا إله إلا أنت أستغفرك وأتوب إليه ))

آخر حاجة بقى علشان انا طولت عليكوا فعلا

تضييع الوقت في حاجات كتييير

النوم الكتييير

وست البيت تقعد لها كام ساعة علشان تفنن في الاكل والسلطات وفي الاخر كل دده بيروح فين ؟ ((أعزكم الله ))

والباشا قاعد 12 ساعة في ال24 على الفيس

ايه يا جماعة ده رمضان شهر واحد لازم نجيب فيه آخرنا

يلا بقى صحح كده وانتي يا حاجة بلاش الله يكرمك الوقفة طول النهار في الطبيخ وطول الليوم في غسيل اللي استعملتيه بالنهار وانتي يا استاذ خد لك اجازة من الفيس شوية الدنيا مش هتتهد يعني وحط دي كمان على بروافيلك

ولو كمان عايز تعرف اكتر عن اخطائنا في رمضان ممكن تدخل هنا

http://www.way2allah.com/modules.php...ab&op=Detailes

ولو برده لو حابب تسمع لشيخ تاني ممكن تفتح جوجل برده وتكتب أخطاء في رمضان واسم الشيخ اللي بتحب تسمعله

كده انا خلاص هسيبكوا بس اوصيكوا وصية اخيرة .. اتوصوا خيراً بليلة القدر والعشر الأواخر

وكل سنة وانتوا طيبين وبصحة وسلامة

للمزيد من مواضيعي

 

[راجية الاجابة من القيوم]

ماشاء الله تبارك الله موضوع اكثر من رائع صدقًا

جزاكى الله خيرًا اختى الحبيبة جعله الله فى ميزان حساناتك

المزيد من مواضيعي

كيف أتعامل مع أبنائي؟

أسئلة طفلك لا تهمليها

رد شبهة :لَوَجَدُوا فِيهِ اختِلاَفًا كَثِيرًا

حلقة مفرغة لنصرانية فارغة....!!!

رسالة لِـ ست البنات

الاخت 3la 5ota al7abib_1 انضمت لنا جديدا

انضم لنا الاخ الحوارى جديدا

مبارك عليكم رمضان ياأهل كلمه سواء

توقيع راجية الاجابة من القيوم

$$دورة وتعرفون الحق لتعليم المبتدئين فى النصرانيات$$ فهرس شبهات وردود فريق سيوف الحق (*كلمة سواء*) اللهم إنا نجعلك فى نحورهم ونعوذ بك من شرورهم اللهم إنا نحتسب موتانا عندك من الشهداء اللهم بلغهم تلك المنزلة امين يارب العالمين

[$أبو علي$]

اليوم بقى نصفه للاسف
وانا ملاحظ فعلا الناس بتقل فى التراويح عكس الايام الاولى
اللهم تقبل منا ومنكم الصلاة والصيام والقيام
اللهم اهدى شباب الامة

المزيد من مواضيعي

تعالى قول لنا قرأت كام جزء اليوم من القرآن الكريم ؟

حدث فى يوم 14 رمضان

حدث فى يوم 12 رمضان

صورة إسلامية نادرة

حدث فى يوم 18 رمضان

قصة الوزير والملك

صحة موضوع : سر اسم ( أحمد )

مجموعة كتب ممتعه

توقيع $أبو علي$