|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
|
|
رقم المشاركة :1 (رابط المشاركة)
23.04.2009, 07:18
|
|||||||||||||||||||||
|
|||||||||||||||||||||
رد: لو تلفونك إتسرق تفتكر ممكن ترجعه؟!!!
السلام عليكم ورحمة الله وبركاته جزاكم الله خيراً على الموضوع ولكن ما حال من فقد موبايله ولم يمتلك السيريال نامبر؟ بيروح يعمل محضر في القسم في المنطقة اللي اتسرق فيها الموبايل وياخد رقم المحضر ويتأكد انه صح لأن ده ضروري جداً وبعدها بأربع أيام المحضر بيروح النيابة فصاحب الموبايل يروح النيابة بنفسه في رابع يوم حياخد 3ورقات إذن تتبع وهذه الثلاث ورقات بتتوزع على الثلاث شركات الموجودة في مصر موبينيل وفودافون واتصالات ثم يقوم بملئ بياناته في هذه الورقات وبيروح يمضيها من مسئول في النيابة مش فاكرة رتبته بصراحة بس همه حيقولولك روح امضيها وتعالى وبعد كده بتسلمها تاني للنيابة وبعد25يوم بتروح تاخد ورقة تانية ولازم تكون محتفظ برقم المحضر الورقة دي بتروح بيها مباحث الاتصالات وبعدها بيومين بيرجعولك تليفونك فبمجرد ان السارق يضع في تليفونك أي خط بتوصلهم رسالة فيها رقم الخط وبيانات صاحبه والأهم من كل ده لازم يكون معاك العلبة اللي اشتريت فيها التليفون والموجود فيها الرقم التسلسلي لتليفونك .............................. في طريقة تانية لكن أنا مش باحبها بتروح مدرية الأمن وطبعاً محدش حيدخلك من البوابة فعشان تدخل يا إما يكون ليك واسطة حد ينزل ياخدك أو تقولهم عالبوابة إنهم اتصلوا بيك وقالولك ان موبايلك اتلاقى وانك رايح تستلمه وبكده حيسيبوك تدخل بعدها تطلع تعمل بلاغ بالسرقة ومع أول حالة تلبس لأي موبايل مشابه لموبايلك حيتصلوا بيك يقولولك تعالى خد موبايلك همه عارفين إنه مش موبايلك وانه موبايل شخص تاني بس انت اللي بتستفيده إنك بتاخد موبايل شبه اللي ضاع منك بالظبط وكأنك مخسرتش حاجة لكن أنا ليه مباحبش الطريقة دي؟؟؟؟؟؟؟؟؟ لأن بالطريقة دي غير انها بدأت بكذبة أنا باشترك في جريمتين الأولى إني باخد حاجة مش بتاعتي وزمان صاحبها قالب عليها الدنيا وباروح انا اخدها بدون وجه حق الحاجة التانية إني بكدة باساعد الحرامي اللي سرق موبايلي الأصلي في إنه يهرب من المحاكمة ويعيش حياته وهو معاه موبايلي الأصلي يعني بيتقفل المحضر بمجرد استلامي لأي موبايل..لكن الحرامي اللي سرقك محدش بيدور عليه لو المحضر اتقفل وأنا بقى عندي القبض على السارق أهم من الموبايل نفسه مهما كانت قيمته لازم يتربى ويتعلم إنه ميكررهاش ويا سلام بقى لو اترفد من وظيفته وبقى سوابق ومستقبله ضاع يستاهل لأنه المفروض تتقطع إيده مش يترفد من وظيفته وبس جزاكم الله خيراً على الموضوع اللي جربته بنفسي :( :( للمزيد من مواضيعي
الموضوع الأصلي :
لو تلفونك إتسرق تفتكر ممكن ترجعه؟!!!
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
ساجدة لله
المزيد من مواضيعي
آخر تعديل بواسطة نوران بتاريخ
23.04.2009 الساعة 11:57 .
|
|||||||||||||||||||||
|
| العلامات المرجعية |
| الكلمات الدلالية |
| مضاد, اتسرق, تلفونك, ترجعه, تعديل, سرق, كيف |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| " وإن منكم إلا واردها " شبهة ورد | asd_el_islam_2 | إجابة الأسئلة ورد الشبهات حول القرآن الكريم | 1 | 18.05.2009 10:36 |
العرض المتطور
