دورة في تعلم النحو العربي

[صاحب القرآن]

رد: دورة في تعلم النحو العربي

النحو في اصطلاح النحاة ( اصطلاحاً):

هو العلم الذي يبحث فيه عن أحوال أواخر الكلمات إعراباً وبناءً .
فمعرفة :

· حكم الكلمة : من حيث كونها مرفوعة أو منصوبة أو مجرورة أو مجزومة .

· والمواضع : التي تأخذ فيها هذا الحكم .

· والعلامات : المختلفة التي تدل على هذا الحاكم .

· ومعرفة الكلمات التي تظهر عليها حركات الإعراب : والكلمات التي يلزم آخرها حالة واحدة .

· كل ذلك يدخل في دراسة النحو .

..........




إذن هو علم ،، علم من العلوم ،، يبحث في شو ؟؟ ، بيختص في شو ؟؟ ،، اها

بيبحث في أحوال أواخر الكلمات ،، يعني النحو بيختص بآخر الكلمة فقط ،، بحركة آحر الكلمة ،، الكلمة كلها ما بتخصني ،، وما بتعنيني ،، كل الي بهمني أنا هو شو ؟؟

آخر الكلمة فقط



أحوال شو يعني أحوال ؟؟

لمن نقول كيف حالك ؟؟ يعني كيف وضعك مثلا
وكذلك أحوال هنا بمعنى وضع الكلمة ،، يعني هل هي الكلمة مرفوعة أو منصوبة أو مجرورة أو ساكنة أو أو .... الخ .

إعرابا وبناءً

طيب إعرابا شو يعني ؟؟ وبناء شو يعني ؟؟

ليش هو في فرق بين الإعراب و البناء ؟؟؟

أها ،، بالنسبة لتعريفهن العلمي في وقته بناخذه ،، أما الآن سأوضح المعنى باللغة العامية ...

إعراب يعني الكلمة الي بتنتهي رح يكون عليها حركة إما تكون مضمومة أو ساكنة أو مجرورة أو ساكنة أو أو .. الخ

يعني لمن نقول هذه الكلمة معربة ،، يعني تأتي مضمومة أحيانا ومجرورة أحيانا ومنصوبة أحيانا ومجزومة أحيانا وحركتها تتغير حسب وضعها أو محلها من الجملة .

طيب هيك احنا فهمنا شو يعني الإعراب ... تمام

نيجي لكلمة البناء ::

بناء يعني حركة واحدة الها بس ،،،

بنقول الكلمة هذه مبنية ،، يعني وين ما تحطها ،، غير الجملة يا أخي براحتك ،، بتقلك أنا كده ما أتغير على الإطلاق ،، رغم الظروف أضلي زي ما أنا ،، ايش ما يصير يصير أنا رح أضلي زي ما أنا ...

طيب انا مش فاهم شيء بالمرة ....
ولا يهمك ،،، ناخذ هذا المثال رح يوضح كل شيء إن شاء الله ..

أولا نأتي إلى الكلمة المعربة ::

مثال :

شرب الولدُ اللبنَ .

نيجي نتعلم كيف نعرب سوا ، وفي وقت هذه الدروس نوضح كل شيء ..

شرب :: احنا بنقول شرب ،، طيب شو تصنيف ،، هل هي اسم ؟؟ طبعا لا ،، طيب حرف ،، اكيد لا ،، طيب فعل :: صحيح فعل

اذن فعل ،، طيب فعل شو ؟؟؟

هل هو مضارع ،، يعني هل هو مازال يشرب ،، لا ؟؟

طيب هل هو أمر،، هل أحد طلب منه أن يشرب ؟؟ طبعا لا

طيب هل هو ماضٍ ، يعني هل هو شرب وانتهى من عملية الشرب ،، صحيح

اذن ،، فعل ماضٍ مبني على الفتح

أها أنا شفت كلمة مبني ؟؟؟

ايوة ،، ليش طيب مبني ؟؟

اها أنا أطلب منك يا أخي يا حبيبي أن تحضر لي فعلا ماضيا بحركة غير الفتحة

يعني ممكن تقول شربُ أو شربِ ،، طبعا مستحييييييييييل

اذن من هذا المنطلق قلنا مبني ،،

معلومة احتفظوا بها لديكم وسأعيدها في وقتها ::: الحروف جميعها مبنية ولا محل لها من الإعراب ..

لامحل لها من الإعراب .. ليش ممكن تكون الها محل من الإعراب ؟؟

اكيد ،، عندما نقول مبني بدك تقول في محل كذا كذا

رح أوضح هذه النقطة بعدما نكمل الإعراب ،،

نعيد مرة ثانية كلمة شرب

شربَ : فعل ماضٍ مبني على الفتح .

الولدُ : فاعل مرفوع وعلامة رفعه الضمة الظاهرة على آخره .

اللبنَ : مفعول به منصوب وعلامة نصبه الفتحة الظاهرة على آخره .

نيجي نفهم سوا ،،

الفاعل ،، ليش فاعل ؟؟

انت اسأل نفسك هذا السؤال ،، من قام بعملية الشرب ،، مين الي شرب ،،، الولد

اذن الفاعل هو الولد

تمام ،، الفاعل يأتي مرفوعا دائما ،، يعني مش رح تسمع فاعل منصوب أو فاعل مجرور أو فاعل مبني ،،، تمام كده .
طيب ليش ما قلت فاعل مرفوع بالضمة وخلص ..

ايوة هذا خطأ شائع ،، أغلب الطلبة تجد إعرابه للكلمة : فاعل مرفوع بالضمة . نقطة وسطر جديد
لا طبعا هذا خطأ ،، احنا بدنا نتعلم الإعراب الصحيح والإعراب الكامل

طيب ليش خطأ ،، أنا أقلك ليش خطأ ..

انت يا أخي لمن تقول فاعل مرفوع بالضمة يعني ما في علامة رفع سوى الضمة وهذا خطأ ...

فالأفضل أن تقول وعلامة رفعه ،، والآن تفكر

لأنه ممكن يكون علامة رفعه الألف ،، أو ثبوت النون ، أو كذا كذا ... كل شيء في وقته حلو ...

المهم نفهم 10 % في هذا الدرس من هذه الملاحظات ونخزنها لوقتها ،، في وقت الدرس رح أوضح أكثر ورح نفهم أكثر ان شاء الله تعالى

كلمة على آخره :: لو استغنيت عنها مش مشكلة ،، بس تعلم تكتبها بكون أفضل ،، حتى تبين أنك فاهم أكثر ،، وانه الحركة ما بتكون إلا بآخر الكلمة ، بس لو ما كتبتها يعني مش إشكالية ..



نأتي لكلمة اللبنَ : مفعول به ،، شو يعني مفعول به ؟؟

يعني الي انعمل فيه الفعل ؟؟

أنه فعل ؟؟

فعل الشرب ،،

يعني شو اللي انشرب ؟؟



بتقلي اللبن



علشان هيك أنا بقول الشرح بالعامية مش بالفصحى ،، وإلا كيف إن شاء الله رح أوصللكم المعلومة ..



كده تمام



اللبن : مفعول به منصوب ،، ليش منصوب ؟؟

ممكن يكون مرفوع طبعا لا ، طيب مجرور طبعا لا ، ، نفهم المفعول به ايش ماله ؟؟ منصوب



ماتقلي منصوب بالفتحة ...

يعني لو في اختبار وأنتي كتبتلي هيك الإعراب

مفعول به منصوب بالفتحة ،، وفرحان على حالك وبتقول انك صح وعلامة كاملة ،،

للأسف غلط ،، وماتحلم اقلك نصف صح ونصف غلط ،، لا لا ،، يا صح يا اما غلط ،، فدير بالك



اذن شو الصح

منصوب وعلامة نصبه الفتحة ،، كسابقها ،، لأنه النصب له علامات كثيرة ..

،،،

كده تمام ،،
يعطيكم العافية .... يتبع لاحقا إن شاء الله ،، وأعتذر ربما تجدوا يوما درسا فقط ويوما تجدوا أربعة دروس ،، كل ذلك حسب التساهيل وتيسير الوقت لدي ...

تحياتي لكم

يتبع لاحقا إن شاء الله

للمزيد من مواضيعي