كيف تحافظ على راتبك !!!!!

[سارة ممتاز]

وفى شئ كمان للحفاظ على الراتب
اولا المواصلات تبقى ببلاش
وتاكل وتشرب وتلبس وتعيش ببلاش

شوف اخى موظف مرتبه الف جنيه
والله كويسين احسن من مفيش
طيب الموظف ده محتاج ياكل تلات وجبات هو ومراته واولاده التلاتة مثلا
يعنى خمس افراد عايزين كل يوم فطار وغدا وعشا وملابس وزيارة للدكتور ان لزم الامر
وملابس للمدرسة وكراسات وكتب وممكن دروس خصوصية
وكمان عندك فاتورة كهربة ومية وتليفون
وياويلك ويا سواد ليلك لو فى اخر الشهر قالولك فى مناسبة ومحتاجين نجيب هدية
العيال محتاجة تتفسح
والمدام زهقانة وعايزة تروح تتغدى برة
ابنك الكبير عايز 50 جنيه فى المدرسة عشان هيبيضو الحيطان ويغيرو التواليت ( الحمد لله انهم فكرو يغيروه)
طيب انت عايز تفطر ايه ؟
جبنة ومربى وبيض ؟
ولا فول وفلافل ورغيفين عيش ؟
اطيب احسبها انت وشوف هتبقى بكام
طيب عايز تتغدى ايه ؟
خضار مشكل وطبق رز وقطعة لحمة او فراخ ؟
ولا تحب تاكل عدس ؟
بردوو احسبها وشوف هتبقى كام
تحب بقى العشا يبقى ايه ؟ تتعشى من اللى اتغديت منه ولا تحب تنام خفيف وتوفر اكلة العشا لوجبة الغدا تانى يوم
ويبقى بصراحة شئ عظيم وانت انسان موفر

المسحوق بتاع الغسيل خلص
عارف مسحوق الغسيل بكام ؟

طيب عايزين علبة سمنة وازازة زيت وكيس سكر وربع جنبة
عارف دول بكام ؟
طيب تفتكر مخلوق زيك من حقه يغير جو ويسافر يتفسح ؟؟؟؟؟؟؟
تبقى مجنون وخرجت عن قواك العقلية لو الفكرة دى خطرتلك على بال
اما بقى لو فكرت تراضى عيالك وتوديهم الملاهى مثلا يبقى انت جنيت على مستقبلك
الله المستعااااااااااااااااااان

المزيد من مواضيعي

المراة المسلمة مساعد وشريك لرئيس الدولة . وبجدارة

عشان انت مصرى

الرقم السرى للموبيل ازاى اعرفه ؟

آخر تعديل بواسطة راجية الاجابة من القيوم بتاريخ 22.07.2010 الساعة 03:45 .