يوميات عم رمضان العين بالعين

[showman]

والموضوع خلص على كدة ?
الشيخ حسن
أبو الوله مينا قال ربنا موجود
قلتله ونعم بالله واجد الوجود
والشيخ سكر قال لجماعته ما تسوّا لينا حبة شاى
الشيخ محسن قال لأبو الواد يعنى لولا لُطف الله إبنك كانت عينه إتصفت
كنت حتجيب حقه إزاى ؟
كنت حتروح تعمل محضر فى النقطة وحيشدوا الواد طلحة وابوه ويحولوهم على المركز وسين وجيم
والواد قاصر تمام زى إبنك وأهل طلحة حيوكلوا محامى وإنت كمان حتوكل محامى وحيضحك عليك ويقولك حاجيبلك تعويض ومحاميين التعويض وما أدراك حيسحب منك تل فلوس والقضية تتطلع فى الأخر فشنك لأن العيال كلها شاهدة إن طلحة كان بينشن على العصفورة وواد جه يحوشه إتهزت النبلة فى إيده
يعنى الحكاية مش مقصودة وتبقى إنت وإبنك خسرتوا هو عينه وإنت فلوسك
سمعان قال صدقنى ده كان قاصد عين الواد مينا
الشيخ محسن قال أدى إحنا فيها هات أى واحد وحنديله نبلة ونقوله نشن بيها على بيضة وأفتكر البيضة أكبر من عين مينا
وخليه ينشن عليها ميت مرة وتعالى قابلنى لو صابها
سمعان قال وليه ما يطبقوش شرع الله ؟
قلتله علشان تاخد الدية ؟؟
رد الشيخ محسن وقال كان حياخد الدية حتى لو طلحة مش متعمد ولو متعمد يبقى عين قصاد عين وبردو ياخد الدية مش ده أحسن من قانون الأحوال الجنائية
سمعان قال طبعاً أحسن لأن كل واحد حياخد حقه
ياريت يطبقوه
الشيخ محسن قال مهو الناس بتطالب بيه وإنتوا مش راضيين
سمعان قال لأ أنا راضى وأبصم بالعشرة
الشيخ محسن قال كنيستك رفضاه مع إنه شرع الله
سمعان قال يمكن رافضينه لحاجة تانية
الشيخ محسن قال هما رافضينه علشان ده كلام إللي خلقنا ومكتوب فى كتابنا
وهما يحبوا العمى ولا يسمعوش قرُءانًا
عم رمضان
وبعدين ؟
الشيخ حسن
وإحنا قاعدين نتحدت جماعة جم قالوا مينا جابوه وراح داره
ولما أبوه سمع كدة إستأذن هو وجماعته وطاروا
عم رمضان
طاروا إزاى ؟؟؟؟
الشيخ حسن
قصدى إنهم مشيوا لا مؤاخذة بعد ما شربنا الشاى
السجع أصله ماسكنى من الصبح ومطلع عينى
عم رمضان
يعنى بلاش أعملك شاى ؟
الشيخ حسن
شاى سكر مادخلش دماغى
كان محليه على الأخر فجزع نفسى
إنما شاى أم السعد مظبوط وبيبسطنى
عم رمضان
إعملى شاى ياام السعد للشيخ حسن علشان ينبسط
أم السعد
حاضر بس أشوف الأول مين بيخبط على الباب
عم رمضان
مين ياام السعد
أم السعد
ده محمد ورومانى
إتفضلوا جوه ياجماعة
*******

للمزيد من مواضيعي

 

[showman]

عم رمضان
إدخلوا ياجماعة
رومانى
سعيدة عليكوا
عم رمضان
تطلع مين سعيدة دى ؟
رومانى
السلام عليكم ورحمة الله
اعذرونى ياجماعة معلش غصب عنى لسانى لسه واخد على أيام زمان
محمد
ياأخى سيبك بقى من زمان وأيام زمان إنتَ مسلم دلوقت
رومانى
الحمد لله رب العالمين
على نعمة الاسلام
عم رمضان
بكرة لسانه حيتعدل لما يداوم على ذكر الله
الشيخ حسن
اللسان لما يكون متعود على حاجة بتبقى عنده زى اللازمة وكتير منا متعود على أمثال شايعة بين المصرين لو فكروا فيها حيلاقوها تُخرج الواحد من الملة بدون ما يدرى
عم رمضان
زى إيه يا شيخ حسن ؟
الشيخ حسن
يعنى مثلاُ لو واحد عاوز يخزى العين عنه بيقول لصاحبه إمسك الخشب علشان ما يتحسدش
طيب لو فكر شوية حيلاقى المقصود بإمسك الخشب يعنى إمسك الصليب علشان ما يأثرش فيك الحسد وده طبعاً شرك بالله وكمان كفر إن المسلم يلوذ بالصليب من المقدر له ، والجملة بتاعة أبونا السقا مات المسيحيين كانوا بيقولوها لبعض لما مات سمعان الخراز إللى كان بيشتغل سقا بعد مايقفل محل الجزامتى بتاعه وإدعوا كذباً إنه نقل جبل المقطم
وياريت بقى كمسلمين بلاش نردد الأمثال والكلام البايخ ده زى البغبغانات
محمد
فكرتنى يا شيخ حسن كنت مرة فى الكنيسة والأسيس كان بيعطينا وعظة وقال إن المسلمين عندهم تثليث وموجود عندهم ولما إستغربنا قال لاحظوا كده إن المسلم لما بيجى يحلف لأى واحد بيقول تلاته بالله العظيم أو والله العظيم تلاته مش بتشوفوا الكلام ده قدامكو ولما يكون عاوز يبعد عنه العين بيقول للى قدامه إمسك الخشب يعنى امسك الصليب ولما يجى يحلف على مراته بيقول عليا الطلاق بالتلاتة مانتى عاملة كذا ولما يجى يطلقها مش بيقول لها إنت طالق بالتلاتة
مش كل ده تثليث ياجماعة ولا انا غلطان كلنا قولنا يبقى تثليث يابونا وبعدين قال وكمان إللى عنده عيال فى المدرسة لما إبنك بيعمل الواجب غلط مش المدرس أو المدرسة بتاعته بتصلب على الإجابة بتاعته كده X يعنى غلط

وبينى وبينك ياعم رمضان إنت والشيخ حسن أنا كنت قاعد أضحك فى سرى ومش لوحدى كتير مننا كانوا قاعدين يضحكوا على الأسيس والعبط بتاعه خصوصاً لما واحد من الموجودين حب يضيف مثال عن التثليث فقال وكمان يابونا لما الواحد يجى يربط رباط جزمته الرباط بيبقى شكل الصليب ساعتها موتنا على روحنا من الضحك



الشيخ حسن
ههههههه
بيدلل على التثليث بالطلاق

المزيد من مواضيعي

درس الأحد ( 93 ) مشروع ضعيف

يوميات عم رمضان خلى بالك من مراتك

درس الأحد ( 148 ) كهنة فى ثياب خونة

درس الأحد زى ضوء الشمس

الخروف أهو

يوميات عم رمضان مرة وعدت والرب سلم

يوميات عم رمضان أية يونان وجهة نظر

درس الأحد تعذب من أجلنا