|
||||||||
آخر 20 مشاركات
|
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
14.04.2009, 13:41
|
|||||||||||||||||||||
|
|||||||||||||||||||||
|
لو تلفونك إتسرق تفتكر ممكن ترجعه؟!!!
دى طريقة تخلى اللى سرق تليفونك ييرجعهولك تانى ,,, أو على الاقل يموت من الغيظ ... لكن قبل لاقدر الله متليفونك يتسرق لازم تعمل اللى هقولك عليه والله المستعان ... بدايةً إحفظ الرقم التسلسلي للجهاز، فيمكنك الإتصال على شركة الإتصالات وإعطائهم الرقم التسلسلي للجهاز، بحيث يوضع هذا الرقم في القائمة السوداء لدى الشركة ، بحيث مهما وضع السارق من شرائح في الجهاز فلن يعمل ... اليكم الطريقه: إذا أردت ان تعرف الرقم التسلسلي الخاص بجهازك إضغط على الأرقام التاليه: نجمه * ثم مربع # ثم صفر0 ثم 6 ثم مربع # سيظهر لك رقم مكون من 15 رقم على شاشة الجهاز هذا هو الرقم التسلسلي سجله عندك ، وفي حالة سرقة جهازك اتصل على الشركه وإعطهم الرقم فيتمكنوا من اقفال جهازك بالكامل ، ومهما غير السارق الشريحه فلن يعمل الجهاز ... وهنا لازم اقول إنى جربت الطريقة دى على النوكيا لكن بقيت الأنواع معرفش هيحصل معاها ايه وعل أى حال مفيش مشكلة لأن أى تلفون جديد بيكون مكتوب معاه رقمه التسلسلى سواء برا العلبة أو جوا وبكده تقدر تنتقم منه زى مهو بدأ معاك ,,, لكن فيه دلوقتى مشكلة وهي الأرقام المهمة اللى موجودة على الشريحة أو على الجهاز وفى معظم الحالات بتكون الأرقام أهم من الجهاز نفسه ,, طيب دى نجبها إزاى ... أنا مش هضحك عليك وأقولك ممكن تجيبها تانى من الشركة ,, مع العلم إنى إتسرقت قبل كده وكانت واقعة بيضة .. ابن الـــ.......... سرقنى مكتفاش إنه يأخد الجهاز وبس , لا ده خد المحفظة كمان وكان فيها مبلغ محترم وأوراقى المهمة وطبعا كسر زجاج العربية علشان يوصل لغرضه النبيل . فأنا جاتلى حالة زهووووووول وبقيت عامل زى اللى سرقوا منه روحه لانى بصراحة كنت حاطت معظم حياتى على الموبايل والباقى من عمرى كان فى المحفظة ... مش هطول عليك , قول طول , مبقتش عارف أعمل إيه ولولا فضل ربنا عليا إنى كنت أعرف ناس فى الشركة التابع ليها قدروا يجيبولى اّخر أرقام إتصلت بيها فى أخر ثلاث شهور ,, وبما إنى راجل بتكلم كتير فى التليفون ( رغاى يعنى ) فقدرت أحصل على معظم الارقام اللى كانت عندى . وقدرت كمان أعرف بينات الحرامى الله يهديه بقى اللى سرقنى ,,, لكن بالطبع دى كانت خدمة ليا من اللى فى الشركة لأنه مش من حق حد يعرف بيانات أى حد .. وكان عندنا الموضوع ده من حق النيابة العامة بس بعد متقدم بلاغ مرفق بطلب تتبع لجهازك المسروق يا عينى ,,, لكن بما إنك فى مصر بلد الديمقراطية فّاّخر مرة أنا سمعت إنهم بطلوا يعملوا كده وترسيخا لمبدأ الديمقراطية بقى من حق أى مواطن يسرق تليفون المواطن اللى جنبه من غير ميخاف إن الشرطة ممكن تجيبه من قفاه ... من ساعتها وأنا ديما عامل اكتر من شريحة حاطط عليها أرقامى فى حالة الله لا يقدر إتلسعت تانى من حد ,, ودى النصيحة اللى بجد محتاج الناس كلها تعملها لان الواحد معرض إن تليفونه يتسرق فى أى وقت أو على الأقل ممكن ينساه فى مكان أو يضيع منه .. يبقى ساعتها إيه العمل ...... هاا أما بالنسبة لموضوع المحفظة فأنا من ساعتها وأنا مبقتش أشيل محافظ وبقيت أشيل الفلوس لوحدها .. وكمان بقيت معظم وقت أسيب العربية مفتوحة علشان اللى محتاج حاجة من جوا ميتعبش نفسه ويكسرلى العربية تانى ,,, لكن طبعا بعد متأكد إنى فضيتها من كل المهم اللى فيها ( هو أنا مجنون ). طبعا وبعد كل الكلام الجميل ده أقدر أقول دلوقتى إن اللى هيفكر يسرقك تانى يا إما هيجيله شلل أطفال أو على الاقل هيرجعلك اللى سرقه ويبوس إيديك متقولش لحد وتسيبه ياكل عيش .... وربنا يحفظنا جميعا من كل سوء .. قـــول اّمـــــيـن للمزيد من مواضيعي
الموضوع الأصلي :
لو تلفونك إتسرق تفتكر ممكن ترجعه؟!!!
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
SHICO
المزيد من مواضيعي
آخر تعديل بواسطة نوران بتاريخ
23.04.2009 الساعة 11:43 .
|
|||||||||||||||||||||
| العلامات المرجعية |
| الكلمات الدلالية |
| مضاد, اتسرق, تلفونك, ترجعه, تعديل, سرق, كيف |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| " وإن منكم إلا واردها " شبهة ورد | asd_el_islam_2 | إجابة الأسئلة ورد الشبهات حول القرآن الكريم | 1 | 18.05.2009 10:36 |
العرض الشجري
