[أبوجنة]

AboGannah: الموت مش فناء و عدم
AboGannah: الموت حالة خاصة من الوجود
AboGannah: الموت هو الحقيقة الوحيدة المؤكدة بالعين على هذا الكوكب
AboGannah: حقيقة كل الناس بتشوفها كل يوم
AboGannah: ولذلك
AboGannah: فإن الحياة للإعداد لما بعد الموت هى الحياة الوحيدة الحقيقية الهادفة
AboGannah: الشئ الوحيد اللى له معنى اللى ممكن تعمله فى حياتك انك تفكر فى الإله اللى هيحاسبك و يقابلك بعد الموت
AboGannah: و تحاول توصل له و تتعرف عليه فعلا
AboGannah: و هو ده الهدف الأبدى
AboGannah: و مجهودك فيه عمره ما هيضيع
AboGannah: و هو ده اللى يدى معنى لحياتك و هدف سامى
AboGannah: أى شئ تانى بخ
AboGannah: ضايع
AboGannah: منتهى
AboGannah: فانى
AboGannah: إلا الشئ اللى بتعمله لما بعد الموت
AboGannah: لحد هنا تمام؟
Guest: اوك
AboGannah: جميل
AboGannah: نرجع تانى للتعرف على الإله لأنه هو الهدف و الغاية
AboGannah: الإله له صفات حتمية مسلم بها
AboGannah: لازم تكون فيه كتعريف له كرب و إله
AboGannah: أولا هو قادر على كل شئ
AboGannah: صفاته الذاتية مطلقة
AboGannah: مطلقة تمام الإطلاق
AboGannah: عارف يعنى ايه مطلق و نسبى؟
AboGannah: عارف؟
Guest: انا غير معترض عن صفات الاله
AboGannah: طيب عارف يعنى ايه مطلق ونسبى؟
AboGannah: أصل مسألة ان صفات الإله الذاتية مطلقة دى بيتبنى عليها أساس عقيدة الإسلام
Guest: مطلق لا حدود له ونسبى له حدود
AboGannah: لأ مش هو ده معنى المطلق و النسبى و إن كان اللى قلته جزء منه و من مقتضياته
AboGannah: المطلق هو الذى لا يتغير مهما تغير ما حوله
Guest: اوك
AboGannah: و النسبى هو اللى بيتغير بتغير ما حوله
AboGannah: أشرحلك
AboGannah: لو انت ماشى فى شارع
AboGannah: اتجاهك من أول الشارع لآخره مثلا
AboGannah: تبقى الجنينة على يمينك و البيت على شمالك
AboGannah: تمام؟
Guest: ok
AboGannah: مسألة الجنينة على اليمين و البيت على الشمال دى مسألة نسبية
AboGannah: لأنها متوقفة على انك ماشى من أول الشارع لآخره
Guest: اوك
AboGannah: لو انت ماشى فى الإتجاه العكسى هيبقى العكس
AboGannah: هيبقى البيت على يمينك و الجنينة على شمالك
AboGannah: إذن حالة البيت و الجنينة من حيث الجهات بتتغير بالنسبة لآتجاهك
AboGannah: ده تغير
AboGannah: ده شئ نسبى
AboGannah: و ممكن يكون البيت بالنسبة لك على الشمال و هو فى نفس الوقت على اليمين بالنسبة لواحد واقف قدامك بيكلمك
AboGannah: كل شئ فى الكون نسبى
AboGannah: لأن كل شئ فى الكون بيتغير
AboGannah: الإنسان قوى
AboGannah: أقوى من القطة
AboGannah: لكن أضعف من الأسد
AboGannah: إذن قوة الإنسان نسبية
AboGannah: و قوة البشر نسبية بالنسبة لبعضهم كمان
AboGannah: مصر أكبر من قطر لكن أصغر من السودان
AboGannah: الأرض اكبر من عطارد لكن أصغر من المشترى
AboGannah: كل شئ فى الكون يتوقف على جهة القياس
AboGannah: انت بتحدد صفة هذا الشئ قياسا على إيه؟
AboGannah: يعنى لو انت واقف فى البلكونة هتقول انت فوق ولا تحت؟
AboGannah: بالنسبة للى ماشى فى الشارع انت فوق
AboGannah: لكن بالنسبة للى فى الدور الثانى انت تحت
Guest: جميل
AboGannah: تبقى انت فوق ولا تحت؟
Guest: ولا فوق ولا تحت
AboGannah: الجواب: ده شئ نسبى
AboGannah: فوق ولا تحت بالنسبة لمين؟
AboGannah: حدد لى النسبة و انا اقولك انا فوق ولا تحت
Guest: للدور الثانى والشارع
AboGannah: كل شئ فى الكون نسبى
AboGannah: إلا واحد
AboGannah: هو الإله
AboGannah: الإله هو اللى صفاته الذاتية هى اللى لازم تكون مطلقة
Guest: والاله على اليمين ام اليسار؟
AboGannah: لا يتغير مهما تغيرت جهة القياس
AboGannah: الإله لازم يكون أقوى قوة مطلقة
AboGannah: و أرحم رحمة مطلقة
AboGannah: أقدر قدرة مطلقة
AboGannah: مهما كانت جهة القياس
Guest: تمام
AboGannah: مهما كانت النسبة
AboGannah: لأنه هو اللى عمل كل النسب
AboGannah: لأنه هو خالق كل شئ
AboGannah: لأنه مسيطر على كل شئ
AboGannah: علوه و سموه سمو مطلق
AboGannah: محيط بكل شئ إحاطة مطلقة
AboGannah: أعلى من كل شئ علو مطلق
AboGannah: كل صفاته الذاتية صفات مطلقة
AboGannah: مفيش فى الكون شئ مطلق إلا صفات الأله
AboGannah: و لأن الإله صفاته مطلقة بييجى أساس أساس الإسلام
AboGannah: و هو ده الحق
AboGannah: كون الإله مطلق يبقى لازم يكون واحد
AboGannah: التوحيد هو أساس الإسلام
AboGannah: مبنى على أساس ان الإله صفاته لابد ان تكون مطلقة
AboGannah: لأن لو الإله أكثر من واحد مش هيكون مطلق
AboGannah: لو الإله اثنين مثلا
AboGannah: يبقى كل واحد فيهم صفاته مطلقة على كل المخلوقات إلا الإله الثانى
AboGannah: طالما قلت إلا يبقى مبقاش مطلق. بقى نسبى
AboGannah: لأنه هيبقى مثلا قادر على كل المخلوقات إلا الإله الثانى
AboGannah: يبقى هو قادر بالنسبة إلى كل المخلوقات لكنه غير قادر بالنسبة للإله الثانى
AboGannah: طالما قلت بالنسبة يبقى مش مطلق
AboGannah: و دى صفة ذاتية
AboGannah: طالما مش مطلق يبقى فى محاذير يبقى فى ممنوع يبقى مفيش كمال
AboGannah: يبقى مش إله
AboGannah: لأن الإله كامل
AboGannah: وكماله مطلق
AboGannah: يبقى لا الإله الأول إله ولا الثانى إله
AboGannah: لأن الاثنين نسبيين
AboGannah: و إله لازم مطلق
AboGannah: مطلق = واحد
AboGannah: و واحد فقط
AboGannah: و التوحيد هو أساس الإسلام
AboGannah: و هو الحق الوحيد
AboGannah: توحيد الإله
AboGannah: و التعرف على الإله
AboGannah: من هنا نعرف إن تعريف الرب الإله فى الإسلام هو الأكمل و الأصح و الأحق
AboGannah: لأن المسلم يضع كل حياته و مماته تحت تصرف القدرة المطلقة فى الكون
AboGannah: الرب الإله الحق
AboGannah: قل إن صلاتى و نسكى
AboGannah: و محياى و مماتى
AboGannah: لله رب العالمين
AboGannah: و بذلك أمرت
AboGannah: و أنا أول المسلمين

المزيد من مواضيعي

الرد على شبهة أمرنا مترفيها ففسقوا فيها

وصمة عار على جبين البشرية "إتفاق سايكس - بيكو"

دعوة إلى الأسماء العربية

نفس الله - جواب عن سؤال و شبهة

راهبات يتهمن بيشوى و يطالبن بمحاكمته

أسماء الله الحسنى "الجديدة" !!!!!

ناقصات عقل من منظور طبى تشريحى

أنا بسم الله - من وحى قصة حقيقية

توقيع أبوجنة