[Eng.Con]

اقتباس   المشاركة الأصلية كتبها كمال لم أفهم ماذا أوضح. سؤالي هو لماذا يصوم المسلمون شهرا كاملا خلال السنة؟ مالهدف من ذلك؟ امل أن يكون المعنى قد وصل.

شهر رمضان يرتبط بة أمور اخرى كثيرة بخلاف الصيام

فهذا الشهر الذى نزل فية القران الكريم وفية ليلة القدر

وهذا شهر كريم عند المسلمين


اما بخصوص سؤالك عن الصيام ......

فالهدف منة ذكرة الله تعالى فى الاية الكريمة ..........


يقول الله تعالى

يا ايها الذين آمنوا كتب عليكم الصيام كما كتب على الذين من قبلكم لعلكم تتقون


اذا فغاية الصيام هو زيادة التقوى عند المسلمين

فالمسلم يمنع نفسة من شهواتة الأكل والشرب والجنس امتثال لطاعة الله عز وجل

الصيام يزرع فى المسلم العبودية والذل لله عز وجل ......


ويربى عند المسلم مراقبة الله عز وجل ........

الواحد ممكن يكون فى البيت لوحدة ومحدش شايفة وعطشان وعاوز يشرب

رغم كدة ميشربش لانة عارف ان ربنا عز وجل شايفة ...


دة غاية مراد الله عز وجل من الصيام زيادة التقوى والمراقبة


اما لو نظرنا للدنيا هنلاقى فوايد كثيرة للصيام على رأسها زرع الأمل عند الناس

وابسط مثال على كلامى الناس ال بتشرب سجاير ومش عارفة تبطل

الصيام هنا فرصة ليهم عشان يزود عندهم الإرادة والعزيمة

ال خلاة يستحمل الجوع والعطش يخلية يستحمل اى حاجة

وفى ناس كتير بطلت سجاير فى رمضان .........

بخلاف انة باب مفتوح للخير من الموائد وخلافة

كمان بيساوى الناس كلهم مع بعض عبيد لله



فالغنى والفقير والأسود والأبيض والمصرى والجزائرى

كل دول ممنوعين من الاكل والشرب لحد المغرب ...


فالصيام والحج كمان من الطاعات ال بتساوى الخلق مع بعض
وبتزيل كل الفوارق بينهم ......


دة غير ان الصيام رسالة الى اى غنى عشان يحس بالفقير والمحتاج .......

للمزيد من مواضيعي