showman
عضو مميز
______________
الشيخ حسن المسيح عليه السلام أو يسوع زى ما هو مكتوب عندهم كان معاه إتناشر تلميذ هو إللى إختارهم بنفسه ، وإللى إحنا بنسميهم الحواريون وكانوا معاه فى كل تنقلاته وكان عليه السلام زيه زى بقية الأنبياء إللى سبقوه بيبشر بإقتراب ملكوت الله إللى هو الاسلام الدين الخاتم إللى ربنا سبحانه وتعالى إرتضاه لعباده ولن يقبل منهم سواه واستمرالحواريون معه حتى أخر الأحداث إللى حااتكلم عنها وقالوا عن واحد من تلاميذه إسمه يهوذا إنه خان السيد المسيح وقالوا إن هو إللى سلمه للجنود ورؤساء الكهنه علشان يصلبوه الجماعة إياهم بيقولوا إن المسيح إتصلب يوم الجمعة وكتابهم بيقول إن المصلوب طعنوه فى جنبه علشان يتأكدوا من موته ولما مات الشمس أظلمت فجأة ، إذا الصلب تم فى نهار يوم الجمعة وكتابهم بيقول إن القبض عليه كان ليلاً عندما كان مع تلاميذه بعد خروجهم من البستان وإنهم أخذوه مباشرة للمحاكمة ثم إلى السجن ، إذا القبض عليه كان مساء يوم الخميس أى ليلة الجمعة وبعد المحاكمة سجنوه ونهارالجمعة سلموه للجنود ورؤساء الكهنة ليصلبوه وتم صلبه عصر الجمعة ثم أنزلوه من على الصليب مساء الجمعة حتى لا يبات على خشبة الصلب وينجس يوم السبت وهو يوم مقدس عند اليهود ، فتم دفنه مساء الجمعة أى ليلة السبت وظل بالقبر طوال يوم السبت وليلة الأحد وبذلك تكون المدة التى قضاها فى القبر هى ليلة السبت ويوم السبت وليلة الأحد فتكون المدة ليلتان ويوم لأن الجسد لم يكن موجود بالقبر فجرالأحد طيب السيد المسيح قال فى كتابهم إنه حيكون زى يونان النبى إللى هو سيدنا يونس ويقعد ثلاثة أيام وثلاث ليالى حِينَئِذٍ قَالَ قَوْمٌ مِنَ الْكَتَبَةِ وَالْفَرِّيسِيِّينَ: «يَا مُعَلِّمُ نُرِيدُ أَنْ نَرَى مِنْكَ آيَةً». فَقَالَ لَهُمْ: «جِيلٌ شِرِّيرٌ وَفَاسِقٌ يَطْلُبُ آيَةً وَلاَ تُعْطَى لَهُ آيَةٌ إِلاَّ آيَةَ يُونَانَ النَّبِيِّ. لأَنَّهُ كَمَا كَانَ يُونَانُ فِي بَطْنِ الْحُوتِ ثَلاَثَةَ أَيَّامٍ وَثَلاَثَ لَيَالٍ هَكَذَا يَكُونُ ابْنُ الإِنْسَانِ فِي قَلْبِ الأَرْضِ ثَلاَثَةَ أَيَّامٍ وَثَلاَثَ لَيَالٍ. ( متى 12 : 38-40 ) . طيب أين بقية المدة إذا كان الصلب والدفن كان مساء الجمعة أى ليلة السبت وفجر الأحد لم يكن الجسد بالقبر وده يثبت إن المسيح لم يكن هو الذى تم القبض عليه ولا هو المصلوب ولا هو الذى تم دفنه فى القبر طيب إيه الحكاية ؟ نمسك النبؤة إللى قالها ونحللها ونشوف وجه التشابه بين السيد المسيح وبين يونان النبى ؟ للأسف هما بيربطوا بين المسيح وبين المصلوب وهو الشبيه الذى تم القبض عليه مساء يوم الخميس وصلبه يوم الجمعة ولم يجدواجسده فجر الأحد لذلك لم يستطيعوا إثبات مدة وجود يسوع فى القبر ثلاثة أيام وثلاث ليالى النبؤة بتقول إن النبى يونان كان فى سفينة فى البحر فلازم المسيح يكون هو كمان فى سفينة فى البحر النبى يونان لما حدفوه فى البحر الحوت إبتلعه وظل حى فى بطن الحوت وسط الظلمة فلازم المسيح هو كمان يكون فى البحر وفى بطن الحوت وكمان يكون حى طيب إيه إللى يشبه الحوت ؟ السفينة هى التى تشبه الحوت طيب إيه إللى يشبه بطن الحوت ؟ القبو إللى فى السفينة يشبه بطن الحوت وبطن الحوت مظلم وكانت كقبر للنبى يونان وقبو السفينة عند غلق بابه يكون مظلم فكان كقبر للمسيح وكمان يكون حى فى بطن السفينة زى ماكان يونان حى فى بطن الحوت ويظل فى بطن السفينة ثلاث أيام وثلاث ليالى زى النبى يونان ظل فى قلب الحوت ثلاث أيام وثلاث ليالى ثم خرج حياً كذلك خرج السيد المسيح من القبو وهوبطن السفينة حى بعد ثلاث أيام وثلاث ليالى ثم ظهر لتلاميذه بعد ذلك فخافوا وجزعوا عند رؤيته عم رمضان بس ده بيقول فى قلب الأرض الشيخ حسن القلب بيكون فى الجزء العلوى من الأنسان وقلب الأرض أى قريب من الأرض والسفينة تكون قريبة من سطح البحر وليس فى أعماق البحر كذلك الحوت يكون قريباً من سطح البحر لإنه يحتاج إلى التنفس كمان السيد المسيح لما وقع شبهه على يهوذا والجنود وجدوا إتنين يحملوا نفس الشبه وذلك أحدث عندهم رعب جعلهم يتراجعون من الخوف ويسقطون على الأرض والمشاعل تقع من إيديهم ويحدث هرج ومرج إختفى المسيح على إثر ذلك من بين أيديهم فأين يذهب ويختفى ليكون بمأمن لم يكن إمامه إلآ البحركيونان النبى عندما فر من نينوى فركب السفينة ثم قذفوه فى البحر فإلتقمه الحوت كذلك المسيح فر منهم ودخل سفينة ثم إختبأ فى القبو بمساعدة أصحاب السفينة وقبو السفينة بيكون فى بطن السفينة ويشبه القبر وكان ذلك مساء الخميس ( ليلة الجمعة ) +يوم الحمعة( ليلة السبت )+يوم السبت( ليلة الأحد )+يوم الأحد ثم قام من القبو مساء الأحد ودخل على تلاميذه وهم مجتمعين ولو بصينا على تصميم السفينة حنجدها تشبه الحوت الكبير وكلاهما موجود بالماء الحوت والسفينة والقبو الموجود بأسفل السفينة يشبه جوف الحوت وأى بحر فهو يشق الأرض فالقبو يعتبر فى جوف الأرض ثم رفُع عليه السلام إلى السماء بعد لقاءه بتلاميذه نيجى بقى للشبيه وإيه إللى حصل معاه
عم رمضان ياااه يا شيخ حسن ده الواحد دماغه لفت الشيخ حسن فهمت يا شيخ رمضان إن المسيح مش هو إللى إتصلب ومات وإندفن وقام لأن إللى قبضوا عليه يوم الخميس بالليل يعنى ليلة الجمعة وأخذوه يتحاكم وبعد كده سجنوه ويوم الجمعة اليهود طلبوا من بيلاطس إنه يصلبه فقال لهم خذوه إنتوا واصلبوه وسلمه للجنود ورؤساء الكهنة ليصلبوه فأخدوه وقلعوه ولبسوه وبعد ما لبسوه قلعوه تانى وبعدين لبسوه وبعدين قلعوه تانى وصلبوه عريان بلبوص كان يهوذا وهو فى شبه المسيح عم رمضان إيه الدوخه دى يقلعوه ويلبسوه ويقلعوه ؟ الشيخ حسن هما بيقولوا حسب كتابهم إنهم قلعوه هدومه ولبسوه لباس قرمزى احمر زى بدلة السجن الحمرا إللى بيلبسها المحكوم عليه بالاعدام مت 27 :27 فاخذ عسكر الوالي يسوع الى دار الولاية و جمعوا عليه كل الكتيبة مت 27 :28 فعروه و البسوه رداء قرمزيا مت 27 :29 و ضفروا اكليلا من شوك و وضعوه على راسه و قصبة في يمينه و كانوا يجثون قدامه و يستهزئون به قائلين السلام يا ملك اليهود مت 27 :30 و بصقوا عليه و اخذوا القصبة و ضربوه على راسه مت 27 :31 و بعدما استهزئوا به نزعوا عنه الرداء و البسوه ثيابه و مضوا به للصلب عم رمضان ياعينى ده الراجل كده ياخد برد من القلع واللبس الشيخ حسن وفى الآخر بعد الجلد والبهدلة والبصق عليه والضرب ويلبسوه ويقلعوه وبعدين يلبسوه هدومه تانى أخدوه يصلبوه وتم صلبه اخر نهار الجمعة ومات بسرعة حتى إن الحاكم بيلاطس تعجب إنه مات بهذه السرعة وعلشان كان صابح السبت وما يصحش يبات ميت على الصليب حتى لا ينجس يوم السبت المقدس عند اليهود لأنهم بيقولوا إللى بيتصلب بيكون ملعون فنزلوه من على الصليب ودفنوه فى القبر مساء الجمعة يعنى ليلة السبت يعنى قعد ليلة السبت فى القبر ويوم السبت وليلة الأحد يعنى يوم واحد وليلتان لأن جسده لم يكن موجود فى القبر قبل فجر الأحد علشان مكتوب إن مريم راحت عند القبر صباح الأحد وكانت الدنيا لسه ضلمة والجسد كان غير موجود وده يثبت إن المصلوب لم يكن المسيح بل شبيهه أما المسيح زى ما قلت ساعة ماحصل الهرج والمرج ووقوع الجنود وبيدهم المشاعل ووقوع شبهه على يهوذا الذى تم القبض عليه معتقدين إنه المسيح فى حين إن المسيح مر من بين أيديهم وإختفى فى قبو سفينة فى بحر الجليل بمساعدة أصحاب السفينة وكانوا من أتباعه لأن أكثرهم كانوا صيادين وظل مختفى من مساء الخميس وحتى قام من مخبئه عشية يوم الأحد ودخل على تلاميذه وهم مجتمعين 20 :19 و لما كانت عشية ذلك اليوم و هو اول الاسبوع و كانت الابواب مغلقة حيث كان التلاميذ مجتمعين لسبب الخوف من اليهود جاء يسوع و وقف في الوسط و قال لهم سلام لكم يوحنا الجماعة إياهم متمسكين بإن المصلوب كان يسوع وبيستشهدوا بنبؤة كان قالها بتقول «وَكَمَا رَفَعَ مُوسَى ٱلْحَيَّةَ فِي ٱلْبَرِّيَّةِ هٰكَذَا يَنْبَغِي أَنْ يُرْفَعَ ٱبْنُ ٱلإِنْسَانِ» (يوحنا ٣: ١٤). الجماعة إياهم بيقولوا أن حية النحاس كانت رمزاً لصليب يسوع هما فاكرين إن النبؤة دى فى صالحهم بس للأسف النبؤة تثبت إن المصلوب كان الشبيه مش يسوع عم رمضان إزاى نورنا الله يباركلك الشيخ حسن فى سفر العدد مكتوب إن الرب سلط على الشعب الحيات المحرقة 21 :6 فارسل الرب على الشعب الحيات المحرقة فلدغت الشعب فمات قوم كثيرون من اسرائيل 21 :7 فاتى الشعب الى موسى و قالوا قد اخطانا اذ تكلمنا على الرب و عليك فصل الى الرب ليرفع عنا الحيات فصلى موسى لاجل الشعب 21 :8 فقال الرب لموسى اصنع لك حية محرقة و ضعها على راية فكل من لدغ و نظر اليها يحيا 21 :9 فصنع موسى حية من نحاس و وضعها على الراية فكان متى لدغت حية انسانا و نظر الى حية النحاس يحيا ربنا سبحانه وتعالى قال لموسى اصنع لك حية محرقة وضعها على راية فموسى صنع حية محرقة من النحاس تشبه الحية تماماً ووضعها على راية فلم يمسك موسى حية حقيقية ويضعها على راية وإنما وضع شبه حية على الراية فمن يقول إن الحية النحاسية ترمز لصلب المسيح نقول حضرتك غلطان ومش فاهم لأن الموضوع على الراية كان شبه الحية ومصنوعة من النحاس وليست حية حقيقية إذاً من كان على الصليب هو شبه المسيح وليس المسيح على الحقيقة بل الشبيه وكلمة إبن الانسان تشمل كل مولود من الانسان فكلمة إبن الانسان كما تشمل المسيح عليه السلام تشمل أيضاً يهوذا لأنه إبن الانسان وبكرة إن شاء الله أكملك إللى حصل للشبيه
عم رمضان وليه تكمل بكرة ما تكمل دلوقت ولا عاوز تخلى ليها ديل الشيخ حسن يمكن يكون وراك مصلحة ولا حاجة حتعملها وانا معطلك عم رمضان لأ يا سيدى ما واريش حاجة وبعدين إنت حتروح تعمل إيه دلوقت ؟ آدِيك قاعد معايا بدل ماتروح تقعد بوزك فى بوز حلاتهم الشيخ حسن حلاوتهم بتسلم لوحاتها من بدرى وزمان شخيرها دلوقت جايب لآخر الدنيا عم رمضان ما تعمل لها الشحمية وتريح دماغك الشيخ حسن إسمها اللحمية يا شيخ رمضان الشحمية دى بتاعة الودن إنما اللحمية بتاعة الأنف عم رمضان شحمية لحمية أهم محصلين بعض المهم تشوف إيه إللى واقف لها فى سكة الهوا ، أكيد عندها سدد فى حته معينة الشيخ حسن قلتلها كذا مرة تعالى نروح نكشف علشان ماباعرفش أنام منك بالليل الشخير بتاعك طرشنى تقوللى أنا باشخر من التعب وساعات تقوللى الحريم كلاتهم كده وأخر ماغلبت بقيت أسد ودانى بالشمع عم رمضان خلاص حناكل لقمة مع بعض وبعدين تكمل كلامك عقبال م الشاى يتعمل وكمان ياسيدى حااعملك شاى فتله علشان تنبسط الشيخ حسن أخيراً عملتها وإشتريت شاى فتله ؟ عم رمضان يا شيخ دول فتلتين شاى أخدتهم من الحاج شرقاى لما كنت عنده ليلة امبارح الشيخ حسن كلام إيه ده ؟ عم رمضان زى ما باأقلك كده كنت عنده ليلة امبارح وقاللى إنه إشترى علبة شاى ليبتون فتله قال إيه الشاى المغلى قطع نفسه ولقى إن الشاى الفتله بيريحه بس كان حيطير من الفرحة وهو بيكلمنى الشيخ حسن يبقى بكره أخطف رجلى واروح أباركله أحسن يزعل منى يقول عرف ولا جاش عم رمضان واجب برضو ياأخى والله ده انت داهيه مسيحه كل حاجة تاخدها بالهزار مش عارف لو جرالك حاجة حااعمل إيه من بعدك الشيخ حسن ياعالم مين إللى حيسبق الأول أم السعد يا شيخ رمضان يا شيخ رمضان عم رمضان أهى أم السعد جهزت الأكل لما أأقوم أجيبه الشيخ حسن حاسب عاالشُوربَه وانت جاى عم رمضان وايش عرفك إن فيه شُربَه ؟ الشيخ حسن إهيه مانا شامم ريحة الزفر من بدرى عم رمضان أهو يا سيدى جبتلك شوربة مع الأكل وقلت لام السعد تعمل لنا كوبيتين شاى فتله بعد ما نخلص يالا مد إيدك بسٌملهَ الشيخ حسن بسم الله الرحمن الرحيم يتبع بمشيئة الله
