|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
12.11.2012, 13:06
|
|||||||||||||||||||||
|
|||||||||||||||||||||
يوميات عم رمضان ( المنــدل )
يوميات عم رمضان المندل أم السعد هه قلت إيه يا شيخ رمضان ؟ عم رمضان قلت إيه فى إيه ؟ أم السعد ننزل أنا وانت مصر ونقعدلنا كام يوم فى التحرير !! نفسى هفانى أوى على هناك نفسى أشوف الملبونية إللي بيقولوا عليها عم رمضان ننزل نروح فين يا ولية ؟ وبعدين إسمها المليونية مش الملبونية أم السعد ليه هو إحنا أأقل من إللي راحوا أهو نغير جو ونشوف الناس عم رمضان الناس إللي بتروح هناك عواطليه ماوراهمش حاجة إنما إحنا ورانـا أرضنا وبهايمنا ومصالحنا مين حيأكل البهايم ويسقيهم أم السعد إهيه إللي يسمعك كدة يقول ياما هنا ياما هناك مش حال لو مكانتش حتة جاموسة و حمارة عم رمضان إخزى الشيطان ياأم السعد وماتخليش الناس تتمقلت علينا ونبقى مضحكة وسط الكفر أم السعد مضحكة ؟؟ عم رمضان أيوه إومال إيه إنت عاوزاهم يقولوا شوفوا الراجل إللي إتهف فى عقله وسمع كلام مراته وساب أرضه وبهايمه وحاله وماله وراح يقعد فى ميدان التحرير لو كان مولد البدوى أو السيدة كان معلش ونقول أهو مولد وساعتها مفيش حد يتمقلت علينا أم السعد إهيه وهو يعنى يفرق إيه عن المولد الزحمة هى هى والبياعين هما هما عم رمضان بس ده مولد وصاحبه غايب أم السعد كدة بردو تكسر بخاطرى وتزعلنى بعد العمر ده كله عم رمضان ما هو يا تتكلمى كلام معقول يابلاش أم السعد والنبى انت لو دورتها فى دماغك حتوافق إحنا مش محتاجين غير حتة حصيرة والمنئد وشوية قوالح وبراد الشاى وإذا كان على الأكل والشرب فبيقولوا إن أولاد الحلال كتير عم رمضان ولما نيجي ننام ننام كدة مكشوفين قدام الخلق أم السعد أنا سمعت إنهم بيوزعوا خيم على الناس علشان يقعدوا عم رمضان سمعتى من مين ؟ إياكش تكونى إتكلمتى قدام حد وقولتي حنروح التحرير مانا عارفك ما بتسكتيش أم السعد أبدآ ياخويـا ده الواد إبن محفوظة كان بيحكى عن الناس إللي قاعدين هناك عم رمضان الناس إللي قامت بالثورة هما إللي كانوا فى الأول إنما إللي هناك دلوقت هما الناس إللي إتشعلقوا فى القطر وهو ماشى ولآ كان على بالهم يوم إنهم حيركبوه حتى إللي نبه على أتباعه إنهم ما يشاركوش ولآ يخرجوش من أصله لما لقى القطرماشى وربنا حماه جر ناعم وإتشعبط فى السبنسة وعاوز القطر يغير سكته حسب هواه هو عم رمضان إستنى لما نشوف الزيطة إللي بره دى أم السعد لما أأقوم أشوف إيه الحكاية عم رمضان لأ خليكى انت أنا إللي قايم يا مسهل يارب إيه الهيصة دى يارب استر ياحاج محمد ... ياحاج محمد ياشرقاوى الشرقاوى أيوه ياشيخ رمضان عم رمضان إيه الحكاية ؟ الشرقاوى الوّله سيدهم بيتعارك مع جاره عم رمضان مع مين ؟ الشرقاوى مع الواد أبنوب إبن شحاته أبو أتب عم رمضان عجيبة أول مرة أشوف إتنين مسيحين يتعاركوا مع بعض قدام المسلمين دول بيكونوا مقطعين بعض وكل واحد فيهم بيكره التانى كره عمى بس ده بيكون بينهم وبين بعض و قدام المسلمين يبينوا إنهم أخر محبة وسمنة على عسل الشرقاوى أصل الموضوع فيه معزة عم رمضان معزة ؟؟؟ الشرقاوى المعزة بتاعة الولـه سيدهم إتسرقت وتاهم فيها الوّلـه أبنوب إبن شحاته عم رمضان ما يمكن مظلوم الشرقاوى أهو الوّلـه سيدهم جاى ناحيتنا لما شافك عم رمضان طيب عال أهو نسمع الحكاية منه سيدهم إزيك ياعم رمضان عم رمضان الحمد لله إيه الحكاية يا سيدهم ؟ سيدهم مجد سيدك الأول عم رمضان لآ إله إلآ الله وحده لا شريك له سيدهم بقا عامنول المعزة بتاعتى جابت تلاتة فى بطن واحدة جدى ومعزتين والوله أبنوب لما شاف كدة الطمع ملاه وعرض عليا إنه يشتريها بولادها وساق عليا ناس كتير وأنا رفضت والسنة دى لما شاف إنها عُشر وبطنها كبيرة طمع أكتر وكلمنى علشان يشتريها وأنا بردو ما وافقتش والنهاردة الصبح وأنا بأفتح على البهايم علشان أفطرهم مالقتش المعزة الشرقاوى وده يبقى معناه إنه هو إللي سرقها ؟ سيدهم ومين غيره ياحاج شرقاوى عم رمضان ده مش دليل يا سيدهم لإنه عارف إنه أول واحد حتتهمه لو المعزة إتسرقت سيدهم إومال يعنى حتكون راحت فين ؟ عم رمضان وهو قالك إيه لما سئلته ؟ سيدهم أنكر وقاللي عيب تقول كدة إياكش علشان أنا طلبت أشتريها منك يبقى أنا إللي سرقتها دى لو معزتك جمل ما تلزمنيش الشرقاوى وطبعآ انت ماصدقتوش سيدهم قالوا للحرامى إحلف عم رمضان ان بعض الظن اثم ياسيدهم سيدهم أنا إشتكيته لأبونا كلباتشينو عم رمضان كلبة إيه ؟ سيدهم تشينو !!! عم رمضان ماهى كمان المعزة تشين أبنوب لو كان سرقها الشرقاوى معلوم تشينه إومال إيه وأبوك قالك إيه ؟ سيدهم قاللي حنعمل جلسة تحضير أرواح وحنّحضّر روح حنة أم الواد ميلاد الصايغ لأنها أخر واحدة ماتت من مدة قريبه وحتقوللنا مين إللي سرق المعزة عم رمضان تحضير أرواح إيه وهبل إيه إللي بتقول عليه أبوك كلبة ده بيضحك عليك سيدهم بيضحك عليا إزاى يعنى ؟ عم رمضان ياواد مفيش حاجة إسمها تحضير أرواح الروح أول ما بتتطلع وتفارق جسمنا عند الموت ما بترجعش تانى لإنها النفخة إللي نفخها فى أدم وبترجع للبنى أدم يوم القيامة علشان الحساب سيدهم بس أنا حضرت قبل كدة جلسة فى الكنيسة وكانوا محضرين روح البابا كيرلس وحضر وأنا سمعت صوته عم رمضان ياواد ياأهبل بقولك مفيش حاجة إسمها تحضير أرواح لأن إللي بيحضر هو القرين بتاع الشخص إللي مات يعنى شيطانه الشرقاوى أعوذ بالله من الشيطان الرجيم حابس حابس عم رمضان كل واحد بيتولد منا بيكون ليه قرين يعنى شيطان هو لو واحد عمل حاجة غلط مش بنقولـه إوعى يكون شيطانك هو إللي وزك تعمل كدة أهو شيطانه ده يبقا القرين بتاعه الشرقاوى وإحنا حنروح بعيد ليه هو لو واحد مات مقتول مش بيطلع عفريته ويجنن الناس أهو العفريت ده يبقى قرينه حابس حابس الله الشيخ حسن هناك أهو يا شيخ حسن يا شيخ حسن تعالى هات إيدك الشيخ حسن السلام عليكم ورحمة الله وبركاته إزيك ياحاج محمد ياشرقاوى الشرقاوى وعليكم السلام ورحمة الله وبركاته بخير والله يا شيخ حسن عم رمضان إزيك يا شيخ حسن الشيخ حسن إزيك يا شيخ رمضان عم رمضان الحمد لله سلم على سيدهم يا شيخ حسن الشيخ حسن إزيك ياسيدهم صحيح معزتك راحت يا وّلـه سيدهم معزتى ماراحتش من نفسها معزتى إتسرقت يا شيخ حسن الشيخ حسن كويس إنها جت فى المعزة وماجتش فى حد تانى وبعدين ما يمكن طفشت منك أو أخدت على خاطرها عم رمضان انت بتربطها ولا بتكون سايبة يا سيدهم سيدهم لأ سايبة يا شيخ رمضان عم رمضان يمكن باب الزريبة كان موارب وخرجت بره من غير ما تاخدوا بالكوا محمد العواف عليكم سيدهم الرب يعافيك شوفت المعزة بتاعتى إتسرقت إزاى ياتادرس محمد عوضك على الله سيدهم وعوضى على الله ليه ؟ وليه ما يكنش عوضى على أبنوب إللي سرقها عم رمضان لا حول ولا قوة إلآ بالله محمد ما تظلمش حد يا سيدهم سيدهم أهو أبونا كلباتشينو حيعمل جلسة تحضير أرواح ويحضر روح حنة أم الواد ميلاد وحتقوللنا مين إللي سرق المعزة عم رمضان لسه بتتكلم عن تحضير الأرواح محمد انت مش فاكر يا سيدهم لما أبونا المسخوط عمل جلسة فى الكنيسة عامنول لما الساعة بتاعة حنا ضاعت منه وتهم فيها جاره والروح إللي حضّرت قالت إللي أخد الساعة هو خال حنا نفسه وبعدين الولـه حنا مارضيش يجيب سيرة لخاله ولا يجيب سيرة لإمه وحب يعملها مفاجأة لخاله ووصى أبونا فى الكنيسة يجيبه ويضربه وأبونا المسخوط مسك خال حنا وهو راجل كبيرفى السن وإداله علقة موت علشان يعترف بسرقة الساعة وإللي على لسان خال الواد حنا والمسيح الحى أنا مظلوم هو أنا معقول أسرق ساعة إبن اختى وبعدين إتضح ان الواد حنا كان ناسى الساعة فى سيالة الجلباية بتاعته إللي قلعها من يومين وبعدين إلتقاها وحنا امه شالت منه وبقت تدعى عليه على إللي عمله فى أخوها وخاله مابقاش يكلمه ولآ يكلم اخته من ساعتها الشرقاوى هى ساعة اخته ولآ ساعته أنا مش فاهم ؟ محمد من ساعتها ياعم شرقاوى يعنى من وقتها وخاله مخاصمهم عم رمضان صدقت بقا ان الشيطان إللي حضر كدب وخلى الراجل ياكل علقة وهو مظلوم ووقع العيلة فى بعض سيدهم بلاش تحضير الأرواح أنا أخلي أبونا كلباتشينو يفتح المندل أهو ساعات بيفتح المندل وساعات يحضرالأرواح وساعات يشتغل فى الأعمال الشرقاوى أعمال إيه ؟ هو بيشتغل بعد الضهر بعد ما يخلص شغل الكنيسة عم رمضان الأعمال ياحاج شرقاوى زى يعمل عمل لواحد أو يفك عمل لواحد محمد وهما إللي زي دول بيفكوا دول بيربطوا بس الشيخ حسن ماهو المندل ألعن لأنه بيتم بإستخدام الجن وإللي بيعمل كدة بيكون مخاوى للجن سيدهم إهيه معقول الكلام ده ؟؟ ده الكنيسة حدانا شغالة بكدة على طول الشرقاوى يا حفيظ شغالين مع الشياطين حابس حابس الشيخ حسن وأعوذ بالله إللي بيشتغل فى الحاجات دى لازم يكون نجس من ساسه لراسه وبيطيع الجن عم رمضان بس أكيد فيه حاجة تانية مخلياك تشيل من أبنوب غير حكاية المعزة ؟ الشيخ حسن أنا أأقولك يا شيخ رمضان من سنتين إبن أبنوب كان بيلعب مع إبن سيدهم وحصل ان العيال زعلت مع بعض والواد إبن أبنوب مسك إبن سيدهم وعجنه والواد نزل صريخ وسيدهم خرج من الدارعلى صوت إبنه وهو بيصرخ فسيدهم مسك إبن أبنوب وضربه والناس إتلمت وكانت حتحصل عركة كبيرة بين أبنوب وسيدهم بسبب العيال الشرقاوى بس سيدهم غلطان دول عيال وبيلعبوا مع بعض ومهما يضربوا بعض إسمهم عيال غير لما واحد كبير يضرب عيل صغير سيدهم هو فيه حد ياناس يهون عليه إبنه وهو شايفه بينضرب ويصرخ قدام عينيه والدم نازل منه ويسكت ؟ ليه هو أنا هفيه دنا أولع الدنيا ده أنا كنت مستعد وقتها أقتل أبنوب وإبنه الشرقاوى عندك حق مفيش أغلى من الضنا سيدهم أيوه مفيش أغلى من الضنا الشيخ حسن طيب ما تقولوا الكلام ده لنفسكوا سيدهم كلام إيه ؟ الشيخ حسن هو فيه حد ياعالم يهون عليه إبنه وهو شايفه بينضرب قدام عينيه ويقعد ساكت ؟؟؟ سيدهم قصدك إيه يا شيخ حسن ؟ الشيخ حسن إنتوا مش بتقولوا ان المسيح يبقى الأبن ونازل من عند الأب والأب شايف إبنه وهو بينضرب ويتبهدل ويتجلد ويتصلب وقاعد يتفرج عليه ولآ سائل فيه طيب ده انت كويس علشان إتحريت على إبنك لما شفته بينضرب قدام عينيك ومسكت إبن أبنوب وضربته يقوم الأب إللي بتقولوا إنه الكل فى الكل مايتحرش على إبنه ويسيبه ينضرب قدام عينيه وإبنه يستنجد بيه ويقول لأبوه ليه تركتنى أنضرب وأتبهدل وأبوه ما يسئلش فيه مع إنه قال قبل كدة هذا إبنى الحبيب الذى به سررت يقوم يسيب إبنه الحبيب ينضرب ويقعد يتفرج عليه وانت تصدق الكلام ده يا سيدهم ؟ أهو أديك جربت وماهانش عليك إبنك ينضرب وكان عندك إستعداد تقتل أبنوب وإبنه يقوم الأب يسيب إبنه الوحيد إللي بيحبه وسر بيه علشان اليهود تضربه وتجلده وضهره يشلب دم من الجلد وبعدين يصلبوه وهو قاعد يتفرج عليه من فوقوإبنه يستنجد بيه ولآ هو هنا سيدهم ماهو الأب ضحى بإبنه علشان يفدينا زى ما قالوللنا فى الكنيسة عم رمضان إهيه !! مين يضحى لمين ؟ إحنا إللي نضحى للرب ولآ الرب إللي يضحى لينا محمد إحنا إللي نضحى للرب طبعآ وهى دى عاوزة كلام إحنا المحتاجين للرب والرب غير محتاج لينا لانه سبحانه ممكن يستبدلنا بناس غيرنا سيدهم طيب أفوتكم بعافية علشان ورايا ميعاد مع أبونا كلباتشينو فى الكنيسة لانه قاللي إبقى تعالى بدرى علشان نقدر نحضر روح حنة أم الواد ميلاد قبل ماتنام عم رمضان روح إيه إللي تنام ياموكوس النوم بيكون فى الدنيا بس وزى ما قال الامام على إبن أبى طالب كرم الله وجهه الناس نيام إذا ماتوا انتبهوا علشان بس تعرف إنهم بيضحكوا عليك الروح لما بتصعد عند الموت فيه حاجز إسمه البرزخ يمنعها إنها تنزل تانى الشيخ حسن وربنا سبحانه وتعالى بيقول حَتَّىٰ إِذَا جَآءَ أَحَدَهُمُ ٱلْمَوْتُ قَالَ رَبِّ ٱرْجِعُونِ لَعَلِّيۤ أَعْمَلُ صَالِحاً فِيمَا تَرَكْتُ كَلاَّ إِنَّهَا كَلِمَةٌ هُوَ قَآئِلُهَا وَمِن وَرَآئِهِمْ بَرْزَخٌ إِلَىٰ يَوْمِ يُبْعَثُونَ ( المؤمنون ) سيدهم عندكم فى الكتاب بتاعكم مش ممكن الأرواح ترجع تانى إحنا عندنا بقا فى الكنيسة الأرواح بترجع تانى وتكلمنا محمد بطل هطل يا وّلـه وروح إلحق روح حنة قبل ماتنام عم رمضان وإبقى سلملى على أبوك إنت قولتلى إسمه إيه ؟ سيدهم كلباتشينو الشيخ حسن كلبة تشيله ؟؟ سيدهم كلبا تشينو يا شيخ حسن الشيخ حسن عالم إيه دى بس ؟ ده مفيش حداهم مخ خالص عم رمضان الحمد لله يا محمد إللي ربنا نجاك منهم محمد الحمد والشكر لله رب العالمين تعرف يا عم رمضان إنت والشيخ حسن أنا مرة كنت فى الكنيسة والأسيس نادى عليا فلما رحتله قاللي أنا سمعت إن الزبدة بتاعتك كويسة فعاوز أدوقها وبالمرة تجيبلى شوية بيض وياريت يكون فوق الحاجات دى وزة أو بطة قلتله سمعت من مين يابونا ؟ قاللي ولاد الحلال كتير قلتله وولاد الحلال ما بلغوش جنابك إن معنديش جاموسة قاللي خلاص تبقى تزود البيض وتخليهم وزتين أو بطتين وأثناء ماهو بيكلمنى جه واحد كان مطلق مراته طلاق مدنى والكنيسة رافضة تديله تصريح بالزواج التانى وقال لأبونا ده ظلم إنتوا بتخالفوا أوامر الرب الرب ماقالش كدة رد عليه أبونا وقال يبقى إنت ما بتقراش المكتوب فى الانجيل الرب قال لما سئلوه ليه كان موسى النبى بيصرح بالطلاق 19: 7 قالوا له فلماذا اوصى موسى ان يعطى كتاب طلاق فتطلق 19: 8 قال لهم ان موسى من اجل قساوة قلوبكم اذن لكم ان تطلقوا نساءكم و لكن من البدء لم يكن هكذا فرد الراجل على أبونا وقال إزاى النبى موسى يأذن لهم بالطلاق من نفسه وبدون أمر الرب يقوم يرد عليه أبونا ويقول طيب يا سيدى ما تزعلش نفسك أهو الرب قال 19: 9 و اقول لكم ان من طلق امراته الا بسبب الزنى و تزوج باخرى يزني و الذي يتزوج بمطلقة يزني الراجل كان مناكف حبتين والظاهر إنه كان متعلم فرد على أبونا وقال مشممكن يكون ده كلام السيد المسيح ده كلام منسوب إليه وهو برىء منه أبونا قال للراجل يا سلام !! الراجل كان شايط وقال لأبونا ياسلامين يابونا هو معقول السيد المسيح يقول الأفضل إن الواحد يخصى نفسه علشان يدخل الملكوت وإن المطلق والمطلقة مالهمش جواز تانى هوعاوز الناس يقعدوا بدون جواز وبدون خلفة والحريم تعنس والجنس البشرى ينقرض الكلام ده مش كلام المسيح أبداً وكمان مستحيل المسيح يكون هوالله إللي بارك أدم وحوا وقال لهم اثمروا و اكثروا و املاوا الارض و اخضعوها و تسلطوا على سمك البحر و على طير السماء و على كل حيوان يدب على الارض ولما رجعت البيت فضلت طول الليل وأنا بافكر فى كلام الراجل ده وقلت لنفسى صحيح إزاى الرب يقول لأدم وحوا اثمروا واكتروا وإملوا الأرض وبعدين يرجع يقول للرجالة لأ الأحسن إنكم تخصوا نفسكم علشان تدخلوا الملكوت ويقول للحريم الأحسن تعنسوا وبلاش تتجوزوا وتخلفوا ويقول للمطلق والمطلقة مفيش جواز تانى معقولة الرب يرجع فى كلامه حاشا يبقى أكيد أكيد المسيح مش هو الله وفضلت لحد الصبح وعينيا مفتحة وكل لما أوصل لنقطة إن المسيح مش ممكن يكون هو الله كنت أحاول أطرد الفكرة دى من دماغى بس ما قدرتش عم رمضان الإنسان لو فكر شوية بعقله حيعرف فين الحق وفين الباطل بس للأسف فيه ناس متسلطة على عقول ناس علشان ما يفكروش وبيقولولهم أمنوا بس وبدون تفكير الشيخ حسن يعنى مفيش حد يفكر منهم ليه لما ربنا سبحانه وتعالى عاوز يفديهم بصلب المسيح عليه السلام زى ما بيقولوا علشان يصالحهم ويرجعوا يدخلوا الملكوت ليه أرسل حوالى 315 رسول و 142 ألف نبى يعظوا الناس ليتوبوا إلى الله ويعملوا الصالحات وإن جميع الرسل والأنبياء كانت دعوتهم واحدة وهى توحيد الله سبحانه وتعالى وإفراده بالعبودية وحده ما كان بلاش من كل الرسل والأنبيا دول لحد ما يبعت إبنه علشان يتصلب زى ما بيقولوا محمد مش ده لو بيفكروا يا شيخ حسن للمزيد من مواضيعي
الموضوع الأصلي :
يوميات عم رمضان ( المنــدل )
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
|
|||||||||||||||||||||
| 2 أعضاء قالوا شكراً لـ showman على المشاركة المفيدة: | ||
|
رقم المشاركة :2 (رابط المشاركة)
13.11.2012, 01:19
|
|||||||||||||||||||||
|
|||||||||||||||||||||
حتي المعيز مكيفينوا على مزاجهم عشآن يوافق عقيدتهم 3*1 ندعوا من الله أن يهديهم جزاك الله كل خير يا سيد showman المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
13.11.2012, 19:15
|
|||||||||||||||||||||
|
|||||||||||||||||||||
بيضحى بالجنين علشان تعيش الا م ههههههههههههه المزيد من مواضيعي
|
|||||||||||||||||||||
|
| العلامات المرجعية |
| الكلمات الدلالية |
| المنــدل, يوميات, رمضان |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| يوميات عم رمضان البنت إتخطفت !! | showman | القسم النصراني العام | 0 | 06.11.2012 15:21 |
| يوميات عم رمضان كلاب الكنيسة | showman | القسم النصراني العام | 1 | 06.11.2012 15:07 |
| يوميات عم رمضان عقلك فى راسك | showman | القسم النصراني العام | 1 | 28.10.2012 20:47 |
العرض العادي
