|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
04.11.2012, 13:17
|
|||||||||||||||||||||
|
|||||||||||||||||||||
درس الأحد ( 116 ) النجاســــــــــة
درس الأحد ( 116 ) النجاسة !!!! الأب عطيات سلام ونعمة التلاميذ سلام ونعمة الأب عطيات احب أعرفكم بنفسى أنا الأب عطيات ميرى السجل المدنى برضه !!! الأب عطيات بتقولي إيه ؟ ميرى أبدآ بارحب بجنابك الأب عطيات قبل ما نبدأ الدرس مش عاوز الاستظراف إياه وخفة الدم علشان مش حاقبلهم من أى واحد ونخلي النهاردة يعدي على خير لأنى مش رايق ونفسيتى تعبانة وحزين ومش عاوز ده ينعكس عليكم ميرى لتريزا بصوت خافت خلي بالك اللآزمة بتاعته ( مش ) الأب عطيات إيه الوشوشة دي مش تنتبهوا أحسن للكلام ميرى أنا باقوللها ياترى أبونا حزين ليه مش مبسوط ؟ تريزا الظاهر فيه حاجة كبيرة خلت أبونا زعلان ومش قادر يخبيها ؟ الأب عطيات مش زعلان وبس ده أنا مقهور ناصح خير يابونا ، انت شغلتنا كده الأب عطيات بيشوى عيان ناصح أبونا بيشوى عيان الأب عطيات لأ . يابنى بيشوى ده الكلب بتاعنا مش جناب القمص أصله من امبارح وهو عنده إسهال ومش عارفين أكل إيه بالظبط والمدام زعلانة مني وفاكرة إنى ناولته !!!! ميرى وهو ينفع يابونا إنه يتناول ؟ الأب عطيات هو كان عملها مرة قبل كده بس من فترة ميرى إزاى يابونا دى حاجة غريبة جدآ وأول مرة أسمعها ؟ الأب عطيات بنتى مرة فى التناول أخدت القربانة وشربت النبيذ وبدل ما تتناول القربانة وضعتها فى الشنطة بتاعتها وعملت نفسها إنها أكلتها ولما رجعت البيت أعطتها لبيشوى لإنها بتحبه جدآ والبنت صغيرة ومش فاهمة حاجة بيشوى تناولها من هنا وحصل له إسهال من هنا وفضل يسهل لمدة ثلاثة أيام وما استريحش إللي لما رجع إللي فى بطنه وعمل حمام ومش البنت تقوللنا إنها ناولته ماقالتش لدرجة ان تلات دكاترة بيطرين كشفوا عليه وقالوا عنده نزلة معوية وقالوا الظاهر إنه أكل حاجة مش ولا بد وكتبولوا على ثلاثة أدوية اتنين شرب وواحد لبوس وقالوا يستمر على العلاج ده ثلاثة أيام وياخده ثلاث مرات فى اليوم وتقيسوا حرارته كل تلات ساعات تريزا وليه المدام تتهمك يابونا إنك ناولته ؟ الأب عطيات مش المدام وبس ، ده بنتى كمان إتهمتنى قالوا ان عندى غيرة منه !! ميرى طيب وحضرتك تغير منه ليه ؟ الأب عطيات قال إيه ؟ قال علشان أنا إضايقت لما أخد مكانى فى السرير ميرى معقول !! الأب عطيات أصلهم بيحبوه وروحهم فيه وخصوصآ المدام تتصورا ان بنتى مرة عمها كان بيهزر معاها وسئلها إنت بتحبى بيشوى أكتر ولآ بابا أكتر قالت بحب بيشوى أكتر ومش كده وبس دول قسّوا قلب الكلب عليّا وخلوه يصدق إنى باكرّهه ومابقاش طايقنى ومايرضاش يجيي ناحيتى إلآ فى حالة واحدة بس وغير كده ماكنش يقرب منى ميرى إللي هى إيه ؟ الأب عطيات كنت لما ألبس اللبس الكهنوتى بتاعى علشان أنزل أروح الكنيسة كان يهز ديله جامد ويعمل صوت زى الزقططة من شدة سعادته ويجيي جري ويتمسّح فيا وبعدين يرفع رجله ويروح مطرطر عليّا كنت أزعل جدآ والمدام تقوللي دى بركة ولو ان ده كان بيسبب ليا مشاكل كتير لما كنت أنزل الشارع والكلاب تتلم عليّا وتتمسح فيا وهى بتشم البركة بتاعة بيشوى وبعدين يعملوا زيه ورغم كده كنت باحبّه ومش باكرّهه ، وزعلان عليه جدآ وكلنا خايفين أحسن تحصلله حاجة وخصوصاً إننا فقدنا يوتا قبل كدة تريزا ومين يوتا ده يابونا الأب عطيات الكلب إللي كان قبله بس مات تريزا وكان نوعه إيه ؟ الأب عطيات يوتا كان مخلط مش معروفله أب وكان معفن مايحبش إننا نحميه وعاوز يفضل وسخ على طول زى ماهو بس حقيقى كان كلب إبن كلب صلواتكم تكون مع بيشوى كيرلس على فكرة المسلمين لا يربوا الكلاب داخل منازلهم لنجاستها ويستخدموها فقط للحراسة فى الخارج الأب عطيات انتوا طبعآ عارفين انه مفيش عندنا نجاسة فى العهد الجديد لإنه إنتهى بالتبرير ومفيش شيىء محرم عندنا مش زى ماكان موجود فى العهد القديم إللي لما كان الواحد يمس إمرأة نازفة كان يبقا نجس إلى المساء كما هو مكتوب 15:25 واذا كانت امراة يسيل سيل دمها اياما كثيرة في غير وقت طمثها او اذا سال بعد طمثها فتكون كل ايام سيلان نجاستها كما في ايام طمثها انها نجسة. كل فراش تضطجع عليه كل ايام سيلها يكون لها كفراش طمثها وكل الامتعة التي تجلس عليها تكون نجسة كنجاسة طمثها. وكل من مسهن يكون نجسا فيغسل ثيابه و يستحم بماء ويكون نجسا الى المساء واحنا شفنا السيد المسيح لما المرأة النازفة لمست هدب ثوبه كان عادى خالص ولم يغسل ثيابه ولم يستحم ميرى فهل كان نجس الى المساء الأب عطيات بنقول ماعادش فيه نجاسة بعد التبرير لإنه إنتفت صفه النجاسة لسقوط الخطية الاصليه بعد صلب المسيح ميرى ماشى . بس الحكاية ده كانت قبل التبرير يعنى لسه ماكنش رفع الخطية بموته على الصليب يعنى ناسوته كان خاضع للشريعة حسب ما جاء فى اللاوين كيرلس ولما هو مفيش نجاسة بعد التبرير وصلب المسيح ليه دلوقت الزوجين بعد الجماع بيظلوا نجسين حتى المساء وليه المرأة الحائض لا تتناول فى الكنيسة وليه بتمنع الكنيسة العلاقات الجسدية فى اليوم السابق للتناول ناصح أصل إحنا مش زى المسلمين بيستحموا بعد الجماع علشان دينهم أوجب عليهم الطهارة إحنا لأ مفيش حموم بعد الجماع ومفيش طهارة الأب عطيات السقوط أفسد خطة الله والصورة التى رسمها الله من قبل لذلك أصبحت حتى العلاقات الطبيعية بين الزوجين مع أنها مقدسة يصبح كل منهم نجس حتى المساء لأن إشتياق المرأة إلى رجلها يعتبر لعنة من الله بعد الطرد من الجنة لسقوطها فى التعدى وأكلها من الشجرة وإعطائها رجلها فأكل ناصح جنابك بتقول السقوط أفسد خطة الله والصورة التى رسمها من قبل مما يعنى ان الله لا يحسن تقديره للأموروجاءت النتائج على غير ماكان يريد ( حاشاه ) فهل خلق الله أدم وحواء ولم يعلم ماذا سيصير منهم من أفعال ؟ وهل تفاجىء الله بما حدث منهم ومن الحية ؟ كيرلس هذا يعطينا معطيات ومؤشرات خطيرة الأب عطيات كيف ؟ كيرلس إذا كانت التفاسير توصف الله حاشاه بعدم العلم بالنتائج وماذا سيصيرمن أفعال وان سقوط أدم وحواء والحية أفشل خطة الله وتصوره فهو بالتالى لا يعلم ماذا سيصير من ابنه الذى تقولوا إنه مولود منه !!! وماذا أدرانا ربما فشلت خطته فى الفداء الذى تصوره وخطط له ؟ ده لو فيه حاجة اسمها فداء من أصله مايكل حضرتك بتقول العلاقات الطبيعية بين الزوجين بيكون كل منهم نجس حتى المساء لأن إشتياق المرأة للرجل هو لعنة من الله لها لوقوعها فى التعدى مع اننا نجد ان الله باركهم كما هومكتوب 1: 28 و باركهم الله و قال لهم اثمروا و اكثروا و املاوا الارض و اخضعوها و تسلطوا على سمك البحر وعلى طير السماء و على كل حيوان يدب على الارض وهذا كان قبل وقوع المرأة فى التعدى فالله بعد ما خلقهم باركهم وقال لهم اثمروا واكثروا واملأوا الأرض وهذا لا يكون إلآ بالعلاقات الجسدية الطبيعية بين الطرفين وهذا لا يتم إلا بالأشتياق ثم ان أمر الله لهم بالتكاثر كان قبل الوقوع فى التعدى فكيف يباركهم ويلعنهم فى نفس الوقت ؟ الأب عطيات ليس بهذا المعنى ناصح فأي معنى تقصده جنابك ؟ الأب عطيات المهم دلوقت نبطل رغي ونبتدى الدرس فصيح يعنى حضرتك من الصبح قاعد تحكلنا عن روميو وجوليت قصدى عن بيشوى والمدام وما قلناش حاجة ولما نيجي نتكلم فى الجد تقولنا نبطل رغي الأب عطيات انت عاوز إيه ؟ هو مش موضوع الكلب بيشوى هو إللي جاب سيرة النجاسة وأنا قلت ماعادش فيه حاجة اسمها نجاسة والكلب مش نجس وبياكل معانا فى الأطباق بتاعتنا طيب أأقولك حاجة مش حتصدقها بيشوى بيقرف ياكل حاجة من إيدى . تصور !! وعلشان كده المدام صدقتنى لما قلتلها إزاى أناوله وهو بيقرف ياخد حاجة من إيدى صلواتكم تكون معاه كيرلس يابونا انت عاوز تخرجنا من موضوعنا ليه ؟ الأب عطيات أما غريبة صحيح انتوا سئلتونى أنا حزين ليه ؟ وأنا قلتلكم علشان بيشوى وبعدين انتوا إللي جرتونى للكلام عن النجاسة مش من نفسى دميانة طيب خلونا فى موضوع النجاسة وما نخرجش بعيد عنها الأب عطيات ماشى . خلونا فى النجاسة بتاعتنا كيرلس ياجماعة جناب ابونا بيقول ان كل من الزوجين بيكون نجس حتى المساء وبيقول ان إشتياق المرأة لعنة من الله لسقوطها فى التعدى وبيترتب على الموضوع ده عدم تناولها وهى حائض كمان الكنيسة بتمنع الجماع فى الليلة السابقة للتناول وهذا لم يقول به الله حين باركهم أوحين لعنهم الأب عطيات لأ . كده الموضوع خرج عن السيطرة ومش كويس أبدآ إللي بيحصل ناصح خلاص يابونا بالراحة هو الأول نوعه إيه ؟ الأب عطيات مين ده ؟ ناصح كلب حضرتك الأب عطيات بوليسى ميرى إيه ده ؟ هو ... ؟ الأب عطيات وإيه علاقة ده بده بوليسى يعنى كلب شرطة مدرب ميرى ممكن الكلب يدخل جوه الكنيسة طالما إنه ليس نجس الأب عطيات وإيه إللي يمنع ؟!! أنا مش شايف فيها حاجة كيرلس ماعلينا خلونا فى موضوع النجاسة شنودة أيوه خلينا فى النجاسة !! الأب عطيات ماهو احنا فى النجاسة ماخرجناش منها ميرى كنت عاوزة أسئل ابونا عن حاجة محيراني الأب عطيات عن إيه بالظبط ؟ ميرى ليه الرب يسوع ماجابش سيرة الحيوانات الأليفة فى العهد الجديد زى الكلب والقطة الأب عطيات إزاى ده !! انت مش بتقرى فى الانجيل ؟ هو مش قال ليس حسنا ان يؤخذ خبز البنين و يطرح للكلاب ميرى بأقصد التربية فى البيوت زى ماإحنا كلنا مربيين كلاب وقطط وبعدين حضرتك بتقول ان بيشوى بياكل معاكم على السفرة الأب عطيات وقلت كمان إنه بياكل معانا فى الأطباق بتاعتنا وأحيانآ لما المدام تكون معاها مصاصة بتخرّجها من بقها وتدهاله يمص مصة وترجع تحطها فى بقها تانى هى مصة وهو مصة هى مصة وهو مصة والبنت نفس الحكاية لإنه مش نجس أنا الوحيد إللي ماكنش يرضى ياخد منى المصاصة بتاعتى قال إيه . بيقرف منى ومش بيحبنى والمسيح نفسه قال 15: 11 ليس ما يدخل الفم ينجس الانسان بل ما يخرج من الفم هذا ينجس الانسان ميرى طيب ماهى المصاصة بتخرج من فم المدام إذآ فهى نجسة أما بالنسبة للكلب فمش عارفة لأن الرب يسوع ماجابش سيرة ما يخرج من فم الحيوان نجس أم لآ الأب عطيات لأ . انت مش فاهمة مايخرج من الانسان أى الأشياء التى تدينه تريزا بمناسبة الحيوانات هو القديس يوسف النجار مش كان عنده حمار إللي هما استخدموه فى هروبهم بيسوع إلى مصر لما كان طفل أنا سمعت من الأباء ان الحمار كان كبير فى السن وهزيل ولكن كانت معجزة إنه يسافر المسافة الطويلة دى ذهابآ وإيابآ وقالوا إنه كان زى السحابة السريعة ، وأكيد الحمار مافضلش عايش لغاية الرب يسوع مابقا عنده 33 سنة وطبيعى لما الحمار بيتنيح قصدى بيموت أصحابه بيشتروا غيره يعنى لازم يكون فى البيت حمار أساسآ لإنه وسيلة مواصلات طيب ليه الرب يسوع ماجابش الحمار بتاعهم بدل مايأمر تلاميذه بسرقة جحش مش بتاعه ؟ الأب عطيات يعنى بعقلك انت القديس يوسف النجار إللي كان عنده كذا وتمانين سنة وبيحبي وهو داخل على التسعين لما كان الرب لسه طفل صغير ويوسف هرب بيه على مصر بالحمار الحمار ده حيفضل عايش لحد ما الرب يكبر ويبقى عنده تلاتة وتلاتين سنة وانا شخصيآ بافكر فى واحد على مشارف التسعين ويقدريسافر فى رحلة طويلة ألآف الكيلوات ذهاب وعودة وهو ماشى على رجليه جنب الحمار بيسليه ويشجعه ده فى حد ذاته معجزة أكبر من معجزة الحمار نفسه أكيد يكون الحمار ده مات وشبع موت وربما لم يشتروا حمار تانى ليحل محله لانهم مش محتاجين لحمار أو يمكن كانوا بيستلفوا حمار من جيرانهم أو يمكن ماكنوش بيتنقلوا من مكانهم تريزا طيب وحضرتك تعرف منين ؟ الأب عطيات ماهو انت لو بتاخدى بالك كويس كنت حتلاظى ان أهله لما راحوا يسئلوا عليه والناس قالوله امك وإخوتك بالخارج تعرفى على طول ان القديس يوسف تنيح لأنه ماكنش واقف معاهم بالخارج !!! تريزا مش قصدى على يوسف النجار الأب عطيات إومال قصدك على مين ؟ تريزا قصدى على الحمار الأب عطيات حمار مات إيه المشكلة ؟ تريزا هو الرب يسوع مش كان بيحيى الموتى ؟ الأب عطيات أيوه كان بيحي الموتى تريزا طيب ما أحياش القديس يوسف ليه لما مات ؟ ولآ هو ماكنش بيحبه ؟ الأب عطيات إنت مش بتتكلمى عن الحمار ؟ إيه دخل يوسف ؟ تريزا مش الحمار بتاعه ؟ الأب عطيات إيه اللخبطة دى ركزى شوية وبالراحة إنت بتسئلى عن إيه ؟ تريزا ليه الرب ما أحياش حمارهم بدل ما يأمر بسرقة الأتان والجحش علشان يدخل بيهم إورشليم الأب عطيات لأنه ببساطة النبوءة بتقول إنه حيدخل إورشليم راكب على آتان وجحش إبن آتان ميرى مع ان القديس يوسف خدمه وهرب بيه لما هيرودس كان بيطلبه علشان يقتله الأب عطيات إحنا مش خلصنا من اللخبطة دى ميرى المرة دى أنا باسئل ليه الرب ما أحياش يوسف الأب عطيات واحنا نعرف منين ، مش يمكن الرب يسوع كان عاوز يحييه ميرى يمكن القديسة مريم قالتله بلاش وكويس إللي خلصنا منه الأب عطيات مش عاوزين لخبطة فى الكلام كيرلس ما علينا دلوقت معنى ان الرب يسوع يقول ليس حسنا ان يؤخذ خبز البنين و يطرح للكلاب ده معناه إنه لا يشفق على الكلاب ؟ مع ان المدام بتاعة حضرتك ممكن تكون بتعمل العكس يعنى بتاخد الخبز بتاعك وتطرحه للكلب أو تفضله عليك الأب عطيات انت بتقول فيها احنا مرة كنا قاعدين كلنا بناكل وطبعآ بيشوى قاعد فى وسطنا كعادته والمدام كانت حاشية تلات حمامات هى أخدت واحدة والبنت أخدت واحدة وانا جيت أمد إيدى علشان آخد الحمامة التالتة إللي المفروض إنها بتاعتى راحت المدام بسرعة واخدة الحمامة بتاعتى وأعطتها لبيشوى وقالتلى بيشوى غلبان مش زيك انت بتاكل بره كفاية ان دمه خفيف ولسه شاب وعليه حبة حركات تجنن على طول انا افتكرت كلام السيد المسيح لما قال ليس حسنا ان يؤخذ خبز البنين و يطرح للكلاب ميرى إيه القسوة دى ده ممكن حضرتك تشتكيها لجمعية الرفق بالحيوان !!! كيرلس أنا شايف ان تربية الحيوانات الأليفة بالمنازل غير مستحبة زى الكلاب والقطط مفيش مانع اننا نعطف عليهم بس ده يبقا خارج المنزل واحنا عارفين ان القطط بتأثر على البنات وبيظهر ذلك عند الحمل دميانة صحيح الكلام ده ياكيرو كيرلس ده حاجة معروفة طبيآ وشفتها بعينى كانت لينا جارة اسمها جورجيت مربية شوية قطط وكان عندها بنت لما كبرت واتجوزت كان حملها بيسقط على طول دميانة ياخبر لما أروّح البيت أخللي ماما تتصرف فى تاتى وتوتو وبابا الأب عطيات ههههه وليه بابا ؟ دميانة أصل ماما مسميه بابا القط علشان بيخش المطبخ واحنا نايمين وبيخلص على الحاجة ناصح وبالنسبة للكلاب لو مربين كلبة الزوجة بتغير منها ولو كلب الزوج بيغير منه الأب عطيات كفاية لحد هنا ، نبطل كلام لو سمحتم فى الحاجات الفارغة ميرى ما هو ده الجارى فى بيوتنا أمراض ونجاسة !! حضرتك مثلآ لما بيشوى بيطرطر عليك بتغير هدومك وتتطهر ؟ الأب عطيات انت بتقولي إيه ؟ هو حد فيكم بيطّهّر من شخة الكلب دى بركة على رأى مراتى أنا شخصيآ بأنتطرالطرطرة بتاعته بإيدى واروح الكنيسة عادى ومش بعيد يكون أغلب إللي فى الكنيسة شخة عليهم الكلاب قبل ما ينزلوا من بيوتهم احنا ما بنعقدش الأمور كده زى المسلمين إللي يقعدوا يقولولك ده نجس وده مش نجس وده مستحب وده مش مستحب وده يجوز وده لا يجوز المسيحية محبة للإنسان وللحيوان كيرلس ماهو الاسلام بردو محبة للإنسان وللحيوان وعندهم واحد دخل الجنة بسبب إنه سقى كلب وواحدة دخلت النار لأنها حبست هرة ولم تطعمها أو تطلقها تبحث لنفسها عن طعام وبعدين أنا مش متصور إزاى الرب يسوع يتحول 180 درجة من التزام بالطهارة فى العهد القديم وتجنب النجاسة وبعدين يفتحها على البحرى فى العهد الجديد واحنا شوفنا فى العهد القديم إزاى اتكلم عن الحاجات إللي بتنجس الانسان وتنجس من يلمسه ، واتكلم عن نجاسة الحائض والنازفة دم وسيلان الرجل ورجس الكلب ووجوب الطهارة بعد الجماع ...الخ وفى سفر التثنية 23 : 18 "لا تدخل اجرة زانية ولا ثمن كلب الى بيت الرب الهك عن نذر لانهما كليهما رجس لدى الرب الهك" ولما نيجي للعهد الجديد لا نجد أى شيىء من هذا بالمرة بل على العكس بنلاقي كلامه ليس ما يدخل الفم ينجس الانسان بل ما يخرج من الفم هذا ينجس الانسان نجفة وعند المسلمين الرسول بتاعهم قال عن الكلب عن أبي هريرة رضي الله عنه أنَّ النَّبيَّ صلى الله عليه وسلم قال: مَنِ اتَّخَذَ كَلْباً إِلاَّ كَلْبَ مَاشِيَةٍ أوْ صَيْدٍ أوْ زَرْعٍ انْتُقِصَ مِنْ أجْرِهِ كُلَّ يَوْمٍ قِيرَاطٌ. وقال ( " إذا ولغ الكلب في إناء أحدكم فليرِقه ثم ليغسله سبع مرات إحداهن بالتراب " ) الأب عطيات ممنوع الكلام عن المسلمين فصيح للأسف التلاميذ تشبعت بأفكار القديس بولس لأن هدفه كان مسيحية متزوقة من الخارج وخاوية من الداخل الأب عطيات إفتكر لحد هنا وأأقولكم باى باى ونتقابل الاسبوع القادم سلام التلاميذ سلام وأخر دعوانا ان الحمد لله رب العالمين لاشريك له لَا تَقُمْ فِيهِ أَبَدًا لَّمَسْجِدٌ أُسِّسَ عَلَى التَّقْوَىٰ مِنْ أَوَّلِ يَوْمٍ أَحَقُّ أَن تَقُومَ فِيهِ فِيهِ رِجَالٌ يُحِبُّونَ أَن يَتَطَهَّرُوا وَاللَّـهُ يُحِبُّ الْمُطَّهِّرِينَ ﴿التوبة: ١٠٨﴾ للمزيد من مواضيعي
الموضوع الأصلي :
درس الأحد ( 116 ) النجاســــــــــة
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
آخر تعديل بواسطة showman بتاريخ
04.11.2012 الساعة 13:20 .
|
|||||||||||||||||||||
| الأعضاء الذين شكروا showman على المشاركة : | ||
|
| العلامات المرجعية |
| الكلمات الدلالية |
| النجاســــــــــة, الأحد |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| درس الأحد (1) الخطية | showman | القسم النصراني العام | 5 | 03.06.2016 19:51 |
| درس الأحد ( 174 ) أهل المحبـــة | showman | القسم النصراني العام | 0 | 26.11.2012 19:57 |
| درس الأحد ( 166 ) قصاقيص | showman | القسم النصراني العام | 0 | 21.11.2012 00:06 |
| درس الأحد ( 138 ) الملعـــــوب ؟؟؟؟؟؟ | showman | القسم النصراني العام | 0 | 09.11.2012 20:57 |
| درس الأحد ( 21 ) لمن جاء يسوع | showman | القسم النصراني العام | 1 | 18.06.2010 04:32 |
العرض العادي
