|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
24.04.2013, 13:31
|
|||||||||||||||||||||
|
|||||||||||||||||||||
درس الأحد ( 156 ) التحــايل
 درس الأحد ( 156 ) التــــــــحايل الأب أبو حجر سلام ونعمة التلاميذ سلام ونعمة أبو حجر النهاردة وعظتنا حتكون عن ليه الأناجيل مختلفة كل واحد عن التانى مع إنهم بيتكلموا عن شخصية واحدة وهى السيد المسيح وتقريبآ عن نفس الأحداث إللي حصلت مع وجود إختلافات طفيفة جدآ جدآ لآ تؤثر على الحدث نفسه زى منلاحظ مثلآ فى إنجيل مرقص وإنجيل لوقا ، مرقص ولوقا قالوا إن الرب أمر تلاميذه بإحضار جحش لأنه محتاج إليه وفى إنجيل متى قال إنه قال هاتولي الأتان والجحش الذى لم يركبه أحد من الناس من قبل يعنى الجحش لسه صغير زى حالاتكم كدة بنلاقى هنا الاختلاف بين مرقس ولوقا من جهة ومتى من جهة اخرى إن مرقس ولوقا قالوا إنه جحش فقط ومتى قال آتان وجحش يعنى أضاف آتان للجحش لأنه قال فى نفسه طالما فيه جحش صغير ولم يركبه أحد من الناس يعنى لسه بيبى صغير فلابد أن يكون له أم وطالما له أم فلابد أن يكون مرتبط بها عاطفيآ ولآ يفارقها وكلنا بنشوف فى أحيان كتيرة أتان بتجر عربيه كارو وابنها الجحش بيجرى جنبها ولو فصلتهم عن بعض لآ الجحش حيرضى يمشى بدون امه ولآ الأتان حتمشى بدون جحشها فدى كانت وجهة نظر متى وإللي دفعه يضيف الأتان حكاية ان الجحش لم يركبه أحد من الناس من قبل وهنا لآ يوجد تناقض بل وجود الأتان ضرورى لسلامة الحدوتة !!! وناخد بالنا كويس إن الأتان لمّا تكون مخلفة جحش صغير الجحش وأمه بيكونوا مرتبطبين ببعض جدآ غير الكلاب خالص وكلنا مربين كلاب فى بيوتنا وعارفين إنه لما تكون كلبة ومخلفة كذا جرو صغير ممكن ناخد جرو منهم ونقعد نهشكه ونلاعبه وبيكون مبسوط وأمه كمان بتكون مبسوطة ومابتعترضش خالص وبتكون عادى جدآ وتقعد تهز فى ديلها غير الجحش إللي مش ممكن ناخده بعيد عن أمه نشرح بقا وجهة نظر متى وخلوا بالكوا معاى كويس أولآ البشير مرقس قال 11: 2 و قال لهما اذهبا الى القرية التي امامكما فللوقت و انتما داخلان اليها تجدان جحشا مربوطا لم يجلس عليه احد من الناس فحلاه و اتيا به والبشير لوقا 19: 29 و اذ قرب من بيت فاجي و بيت عنيا عند الجبل الذي يدعى جبل الزيتون ارسل اثنين من تلاميذه 19: 30 قائلا اذهبا الى القرية التي امامكما و حين تدخلانها تجدان جحشا مربوطا لم يجلس عليه احد من الناس قط فحلاه و اتيا به 19: 31 و ان سالكما احد لماذا تحلانه فقولا له هكذا ان الرب محتاج اليه قلنا هنا إن البشير متى قال مادام إنه جحش لم يسبق لأحد من الناس أن جلس عليه ، إذن هو جحش صغير له أم وإستحالة الجحش يطاوعهم ويمشى معاهم بدون امه فراح ضايف أمه إللي هى الأتان 21: 2 قائلا لهما اذهبا الى القرية التي امامكما فللوقت تجدان اتانا مربوطة و جحشا معها فحلاهما و اتياني بهما ده بالنسبة للأتان فى رواية متى نيجي للبشير مرقس نلاقيه قال بالنسبة للجحش 11: 3 و ان قال لكما احد لماذا تفعلان هذا فقولا الرب محتاج اليه فللوقت يرسله الى هنا والبشير لوقا قال و فيما هما يحلان الجحش قال لهما اصحابه لماذا تحلان الجحش فقالا الرب محتاج اليه وكانت وجهة نظر البشير مرقس والبشير لوقا إن الجحش لو أخدوه بعيد عن أمه حيعمل دوشة ، وكمان أمه حتقعد تنهق ولما تحصل دوشة الناس حياخدوا بالهم وعلشان كده قال 11: 5 فقال لهما قوم من القيام هناك ماذا تفعلان تحلان الجحش البشير متى كان حدق شوية فقال وليه ناخد الجحش لوحده ونخليه يعمل دوشة علشان أمه مش معاه إحنا ناخد كمان أمه معاه ولما تكون أمه معاه حيمشى وراها من سكات وعلشان كدة ما ذكرش إن فيه حد سئل التلاميذ ليه بتحلوا الجحش وأمه لأنه محصلتش زيطة 21: 6 فذهب التلميذان و فعلا كما امرهما يسوع بس الأهم من ده وده إن البشير متى كان متعود ينبش فى العهد القديم على نبوءة كدة ولآ كدة ويفصلها على أد المسيح 21: 4 فكان هذا كله لكي يتم ما قيل بالنبي القائل 21: 5 قولوا لابنة صهيون هوذا ملكك ياتيك وديعا راكبا على اتان و جحش ابن اتان بس نلاقى هنا ان البشير متى وقع فى مشكلة كبيرة جدآ نتيجة إضافته للأتان أم الجحش بتوع النبوءة والمشكلة هى إن يسوع حيركب على الأتنين إزاى ؟ والأم الأتان كبيرة وإبنها الجحش صغير والإرتفاع مش واحد ووجد إنه لما فصّل الحكاية دى حتى تمشى مع النبوءة المقاسات طلعت مش مظبوطة معاه وساب المشكلة لينا إحنا نحلها والمسلمين يمسكوها علينا ويقولوا هو ركب على الأتنين إزاى مع بعض ؟ ولذلك بنقول فى الفسير إن الرب يسوع كان بيركب على الأتنين بالتناوب رغم ان المسافة مش كبيرة والجموع كانت ماشية وراه على رجليهم ورغم الحل بتاعنا بتاع التناوب فضلت مشكلة أن يسوع جلس على الأتنين الأم والأبن فى وقت واحد إزاى لأنه قال ووضعا عليهما ثيابهما فجلس عليهما تعرفوا ياولاد لولآ إن متى قال فجلس عليهما كانت عملية إنه ركب على الأتنين بالتناوب عدت ومشيت تمام التمام المهم إن أبونا حويط قال لسيدنا علشان نحل المشكلة دى نقول ان الرب يسوع صعد على الجحش الأول كما يصعد الواحد منا درجة من درجات السلم ثم جلس على الأتان وبكدة نحل المشكلة يعنى نقول إنهم وقفوا الجحش ملتصق بأمه فبقوا عاملين زى درجات السلم يعنى واحد أوطى من التانى فصعد يسوع على الجحش ومنه إلى الأتان فجلس عليها ولكن سيدنا قال ياحويط الجحش هو الأهم لأنه مذكور عند مرقص ولوقا فبدل مانخليه صعد من الجحش إلى الأتان وجلس عليها إحنا نخليه نزل من الأتان إلى الجحش وجلس عليه ويا ريت الحل ده يقنع المسلمين إللي عاملين شبهة من مفيش وبيقولوا إزاى يجلس على الأتنين مع بعض ؟ أبونا حويط قال ياسلام على التفانين بتاعتك يا سيدنا ده ياولآد بالنسبة للجحش والأتان فيه حالة تانية كمثال بس المرة دى بين يوحنا ومتى متى كتب فى إنجيله إزاى إتعرف بطرس بالمسيح لأول مرة وناخد بالنا كويس 4: 18 و اذ كان يسوع ماشيا عند بحر الجليل ابصر اخوين سمعان الذي يقال له بطرس و اندراوس اخاه يلقيان شبكة في البحر فانهما كانا صيادين 4: 19 فقال لهما هلم ورائي فاجعلكما صيادي الناس 4: 20 فللوقت تركا الشباك و تبعاه فمتى قال ان يسوع هو إللي قابلهم وكانوا بيصطادوا سمك ساعتها يوحنا الأنجيلى قال الكلام بتاع متى مش مظبوط ده يوحنا المعمدان كان واقف مع إتنين من تلاميذه ولما شاف يسوع قال هذا هو حمل الله فالتلميذان سمعا يوحنا فمشيوا ورا يسوع فلما يسوع بص وراه لقاهم فقال إنتوا عاوزين إيه ؟ قالوله إنت قاعد فين ؟ قاللهم تعالوا شوفوا أنا قاعد فين فراحوا معاه وشافوا المكان إللي قاعد فيه وقضوا معاه اليوم كله هنا البشير يوحنا زودها شوية فقال إن التلميذان سمعا يوحنا وهو يقول هذا هو حمل الله مع إن التلميذان كانوا واقفين معاه ويوحنا شاور لهم على يسوع وقال هذا حمل الله حتى يعرفاه ، كما أن يوحنا الأنجيلى قال إن يسوع سئلهم ماذا تطلبان ؟ والمفروض إنه رب والمفروض إنه عارف هما عاوزين إيه ماعلينا التلميذان دول واحد منهم إسمه اندراوس وأندراوس ليه أخ إسمه سمعان فأندراوس راح لأخوه سمعان وبلغه إنه قابل يسوع وإنه المسيا وراح واخد سمعان وراح ليسوع فيسوع قال لسمعان إنت يبقى إسمك صفا يعنى بطرس يبقى عرفنا دلوقت ان سمعان راح مع اندرواس وقابل يسوع ويسوع سماه بطرس متى قال إن يسوع هو إللي قابلهم الأول وكانوا فى المركب بيصطادوا بالشبكة وقال لهم هلم ورائى فى حين إن يوحنا قال إن يسوع إتعرف عليه اندرواس الأول وبعدين اندرواس أخد أخوه سمعان وراح بيه عند يسوع واندرواس كان من تلاميذ يوحنا المعمدان وماجبش سيرة إنه صياد 1: 35 و في الغد ايضا كان يوحنا واقفا هو واثنان من تلاميذه 1: 36 فنظر الى يسوع ماشيا فقال هوذا حمل الله 1: 37 فسمعه التلميذان يتكلم فتبعا يسوع 1: 38 فالتفت يسوع و نظرهما يتبعان فقال لهما ماذا تطلبان فقالا ربي الذي تفسيره يا معلم اين تمكث 1: 39 فقال لهما تعاليا و انظرا فاتيا و نظرا اين كان يمكث و مكثا عنده ذلك اليوم و كان نحو الساعة العاشرة 1: 40 كان اندراوس اخو سمعان بطرس واحدا من الاثنين اللذين سمعا يوحنا و تبعاه 1: 41 هذا وجد اولا اخاه سمعان فقال له قد وجدنا مسيا الذي تفسيره المسيح 1: 42 فجاء به الى يسوع فنظر اليه يسوع و قال انت سمعان بن يونا انت تدعى صفا الذي تفسيره بطرس وخلاصة الكلام ده متى قال ان المسيح هو إللي إتعرف بيهم ويوحنا قال لأ هما إللي إتعرفوا بيسوع وسواء يسوع هو إللي إتعرف بيهم الأول أو هما إللي إتعرفوا بيسوع المهم إنهم تعرفوا على بعض ومش مهم الطريقة !!! نبيه طيب فى إنجيل لوقا مين إللي إتعرف بالتانى ؟ أبوحجر للأسف البشير لوقا ماقالش إمتى إتعرفوا ببعض وقال إن يسوع 4: 38 و لما قام من المجمع دخل بيت سمعان و كانت حماة سمعان قد اخذتها حمى شديدة فسالوه من اجلها 4: 39 فوقف فوقها و انتهر الحمى فتركتها و في الحال قامت و صارت تخدمهم والظاهر إنه لاحظ الإختلاف بين متى ومرقس ويوحنا فحب يريح دماغه فلم يذكر إمتى إتعرفوا ببعض ميرى يعنى المهم التعارف ومش مهم طريقة التعارف أبو حجر إحنا يهمنا إنه تم التعارف وخلاص حيفيدنا إيه إننا نعرف إزاى إتعرفوا ببعض ؟ ميرى يعنى واحد قال أنا شوفت فلان وهو بيشنق علّان وواحد تانى قال لأ ده هو إللي شنق نفسه ده ما يبقاش مهم ؟ أبو حجر هى حتفرق فى إيه ؟ صاحبنا مات مشنوق وخلاص ناصح إزاى بقا ؟ لو حد شنقه يبقى جريمة قتل ولو شنق نفسه يبقى إنتحار أبوحجر إللي يهمنا إنه مات مش عاوز هيصة امنع الكلام انت وهو وهى نيجى بقا عن وجهة نظر يوحنا الأنجيلى معروف إن يوحنا الأنجيلى كان بيحاول يظهر الجانب اللآهوتى للمسيح فقال على لسان أحدهم وجدنا مسيا الذي تفسيره المسيح وعاوز يظهر ان المسيح عرف إسم سمعان من غير ما سمعان يقول على إسمه يعنى بيبين إن فيه لآهوت عندما قال فنظر اليه يسوع و قال انت سمعان بن يونا انت تدعى صفا واخدين بالكوا ؟ تريزا بس حضرتك لسه بتقول إنه سئل أندراوس والتلميذ إللي معاه وقال ماذا تطلبان ؟ يعنى ماعرفش هما ماشين وراه ليه فين بقا اللاهوت إللي فيه ؟ أبو حجر ممكن يكون ناسوته سبق لآهوته فى النقطة دى فصيح سبقه بدون أن يفارقه ؟ كيرلس بتحصل يافصيح بتحصل أبو حجر إيه هى إللي بتحصل يا حبيبى ؟ كيرلس المواقف قصدى المواقف إللي بيسبق فيها الناسوت اللآهوت زى حضرتك ما بتقول بالظبط أبو حجر بس أنا بقول يمكن الناسوت سبق اللآهوت فى النقطة دى يعنى إحتمال كيرلس ماهو أنا كمان بأقول محتمل يكون الناسوت سبق اللآهوت فى السؤال مع إنى مش عارف إزاى الناسوت يسبق اللآهوت وهم لا يفترقان عن بعض ولآ لطرفة عين زى ما بتقولوا أبو حجر طيب ما تقول الموقف ده حصل فين يا ناصح ؟ ميرى ده إسمه كيرلس ، ناصح إللي هناك ده أبو تى شرت أحمر أبو حجر نقطينا بسكاتك هو فيه أحمر منك كيرلس جه فى إنجيل مرقس 9: 17 فاجاب واحد من الجمع و قال يا معلم قد قدمت اليك ابني به روح اخرس 9: 21 فسال اباه كم من الزمان منذ اصابه هذا فقال منذ صباه والمفروض بصفته رب يعرف إمتى حصلله ده فجايز زى حضرتك ما بتقول يكون الناسوت سبق اللاهوت فى السؤال مع إنى مش عارف إزاى يحصل ده أبو حجر لو كلفت خاطرك وكملت العدد حتلاقى الإجابة كمل كيرلس 9: 25 فلما راى يسوع ان الجمع يتراكضون انتهر الروح النجس قائلا له ايها الروح الاخرس الاصم أبو حجر حاسب هنا الروح الأيه ؟ الروح الأخرس الأصم كيرلس وده علاقته إيه ؟ أبو حجر خلاص إتعميت مش شايفين الإجابة ؟ ميرى هى فين الإجابة دى ؟ أبو حجر هو مش مكتوب إن الروح إللي فى إبن الرجل أخرس وأصم ميرى أيوه وده دخله إيه ؟ أبو حجر ياللي عاملين نفسكوا أذكية لو كان الروح إللي فى الولد بيتكلم وبيسمع كان الرب يسوع سئله إنت دخلت فى الولد من إمتى وكان الروح جاوبه ولكن الروح أصم لا يسمع وأخرس لآ يتكلم فهمتوا ليه بقى الرب يسوع سئل أبو الولد كم من الزمان منذ اصابه هذا بس علشان تعرفوا إنكوا عاملين نفسكوا فهيمة وبتفهموا كل حاجة وإنتوا أصلآ أغبيه والغباء شوية عليكم كيرلس طيب إيه رأى حضرتك لو تكمل قراية العدد أبو حجر طيب ما تكمل انت كيرلس الرب يسوع قال للروح النجس انا امرك اخرج منه و لا تدخله ايضا أبو حجر وده معناه إيه ؟ أنا مش شايف حاجة فى الكلام ده كيرلس يابونا إنت لسه بتقول إن يسوع سئل أبو الولد كم من الزمان منذ اصابه هذا لأن الروح إللي فيه أخرس وأصم ولو كان الروح بيسمع ويتكلم كان يسوع سئله إنت دخلت فى الولد من إمتى وكان الروح جاوبه مش ده كان كلام حضرتك ؟ أبو حجر أيوه أنا قلت كدة إعتراضك على إيه أنا مش فاهم ؟ كيرلس حضرتك بتقول إن الرب يسوع سئل أبو الولد وما سئلش الروح لأن الروح كان أصم وأبكم زى حضرتك ما بتقول وبعد كدة يقول للروح الأصم الأبكم انا امرك اخرج منه و لا تدخله ايضا إزاى الروح حيسمع وهو أصم وأبكم أبو حجر إنت يا حبيبى مش واخد بالك أصل المسئلة إن ... ياااه الوقت فات بسرعة عمومآ نكمل الاسبوع الجاى سلام التلاميذ سلام وأخر دعوانا ان الحمد لله رب العالمين لآ شريك له للمزيد من مواضيعي
الموضوع الأصلي :
درس الأحد ( 156 ) التحــايل
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
|
|||||||||||||||||||||
| الأعضاء الذين شكروا showman على المشاركة : | ||
|
رقم المشاركة :2 (رابط المشاركة)
24.04.2013, 22:43
|
|||||||||||||||||||||
|
|||||||||||||||||||||
|
جزاكم الله خيرًا أخي الفاضل
هذا هو حال مفسري كتاب النصارى تخبط وتحايل ثم فشل في الإقناع المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
02.05.2013, 13:20
|
|||||||||||||||||||||
|
|||||||||||||||||||||
صدقتى اختنا الفاضلة د/ مسلمة فيما يذهب إليه مفسرى الكتاب المقدس من التدليس والتلبيس ولكن النصارى مغيبون العقول كل مايقال لهم يصدقوه شكراً لمرورك الطيب على الدرس المزيد من مواضيعي
|
|||||||||||||||||||||
|
| العلامات المرجعية |
| الكلمات الدلالية |
| الأحد, التحــايل |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| درس الأحد ( 3 ) التجسد | showman | القسم النصراني العام | 2 | 03.06.2016 20:04 |
| درس الأحد (1) الخطية | showman | القسم النصراني العام | 5 | 03.06.2016 19:51 |
| درس الأحد توابع الزلزال | showman | القسم النصراني العام | 6 | 20.05.2013 19:48 |
| درس الأحد ( 49 ) إعلان متأخر | showman | القسم النصراني العام | 0 | 12.12.2012 02:36 |
| درس الأحد ( 98 ) خليك إنتهازى !! | showman | القسم النصراني العام | 1 | 30.11.2010 02:11 |
العرض العادي
