|
رقم المشاركة :1 (رابط المشاركة)
15.04.2009, 22:45
|
|||||||||||||||||||||
|
|||||||||||||||||||||
حوار مع ابليس!!!!!!
الشيطان: لاقيت الباب مفتوح فدخلت الشيخ: حضرتك مين ودخول بيوت الناس بدون اذن شىء قبيح نهانا رب العزه عنه الشيطان: عارف....اصلها عاده الشيخ:عاده قبيحه نهانا ربنا عنها ولا انت ماقريتش كلام ربنا.. ربنا سبحانه وتعالى وبعدين فيه حد يطب على الناس فى ساعه زى دى الشيطان:ممكن تقعد علشان نتكلم (واحد غريب يخش بيتى ويؤمرنى انى اقعد والغريبه انى سمعت كلامه وقعدت) الشيخ:بس حضرتك انا متأكد ان باب الشقه كان مقفول الشيطان : فعلا بابك ماكانش مقفول الشيخ:معناه ايه الكلام ده...كسرت الباب الشيطان:مش محتاج اكسره (واللحظه دى حسيت برعشه فى جسمى كله وبدات احس انه شبح بس ده مستحيل) الشيطان:انا حاسس بكل حاجه جواك ..كل رعشه فى جسمك..كل نبضه فى قلبك بتقول انك عرفت انا مين ....ايوه ياشيخنا ..انا شيطاااااااااااااان الشيخ : اعوذ بالله السميع العليم من الشيطان الرجيم لا اله الا الله يختفى الشيطان ويعود مره اخرى الشيطان: انا ممكن الاعبك اللعبه دى بس انا مش جاى العب الشيخ:انت عايز ايه؟ الشيطان:هاقولك بس توعدنى انك تسمعنى للاخر الشيخ:اوعدك الشيطان:انا عايز اتوووووووووب الشيخ:تتوب؟؟؟؟ الشيطان:اه الشيخ:هوه فيه ملاك بيعصى؟ الشيطان:لا الشيخ:هوه فيه شيطان بيتوب؟ الشيطان:اه ..انا الشيخ:واذا افترضنا انك عاوز تتوب تقوم تجينى انا؟؟ الشيطان طبعا دا احنا بنعملك الف حساب الشيخ: وايه اللى خلاك تفكر فى التوبه؟ الشيطان:حسن كله بسبب حسن ويبدأ يحكى القصة حسن شاب كويس ومتدين وده يوسف شاب عادى جدا بس بيشرب خمره...حشيش..وغاوى مزيكا.. يوسف: حسن ازيك ايه الاخبار؟حبيب قلبى انت دخلت ازاى؟ حسن :هاكون دخلت ازاى بالمفتاح بتاعى ايه ده يايوسف خمره ومخدرات؟؟ايه اللى حصلك يوسف:ايه ياحسن فيه ايه؟ دا انت لسه واصل حالا فيها ايه لما انبسط شويه؟ الشيطان يقول للشيخ:انا اللى عملت فيه كده ..وهوه كان مستعد..كان بيتمنى حسن: انبسط ياخى زى مانت عاوز بس مش بالخمره والمخدرات وبعدين ايه الصور الغريبه اللى انت معلقها دي يوسف: حسن كل واحد ليه دماغه يالا غير كده وريح وانا هاعملك حاجه تاكلها جلس حسن على كومبيوتر يوسف ووجد فيها افلام اباحيه ومسحها وصور مسيئه عن الرسول عليه افضل الصلاه والسلام وكانت هذه هي المصيبه ناداه يوسف .....يوسف يوسف:فيه ايه؟ مالك يابنى؟ حسن:ايه اللى انت حاطه على الكومبيوتر ده؟ يوسف:قصدك ايه؟ الافلام؟ حسن:الافلام بتاعتك دى انا مسحتها من زمان انا قصدى الصور صور سيدنا محمد...استغفر الله العظيم..مخدرات وخمره وقلت ماشى مرحله وهاتعدى لكن كفر كفر يايوسف؟؟؟ الصور دى تتطلعك من المله يوسف:يابنى مله ايه؟ حسن :مله ايه؟؟انت مش مسلم برضه؟ يوسف:لأ مش مسلم ومافيش حاجه اسمها الاسلام ولا مسيحيه ولا دين اصلا انتوا بينضحك عليكوا (الحظه دى وسوس لحسن الشيطان ان يضرب يوسف ولكنه تمالك اعصابه) حسن:يعنى ايه مافيش ربنا؟لا فيه ربنا يوسف:الدليل؟ حسن:الدليل ان احنا موجودين يوسف:اه عاوز تقول ان ربنا موجود علشان لكل شىء سبب فيه لوحه يبقى فيه رسام فيه مخلوق يبقى فيه خالق في نفس المنطق لو افترضنا ان ربنا موجود يبقى مين اللى خلقه؟ وياريت ماتردش بالقران علشان انا مش مقتنع بيه اصلا (الشيطان :اول هجمه ياترى هايقدر يصدها) حسن:مش هرد بالقران مش هاقولك ولا ايه منه انت قلت ان ربنا خالق ومخلوق فى نفس الوقت وده تناقض معنى كلامك ان ربنا خلق قوانين وخضع ليها انت بكده عامل زى العروسه اللى بالزمبلك اللى فاكره الانسان اللى صنعها هوه برضه بزمبلك طب لو حد قال للعروسه دى ان الانسان اللى صنعك مش بالزمبلك وبيتحرك لوحده اكيد مش هاتستوعب ده لانها مش شايفه الا الزمبلك الانسان صنع الزمبلك للعرايس بس مش لنفسه زى ماربنا سبحانه وتعالى خلقلنا القوانين علشان نخضع ليها مش علشان هوه يخضع ليها الشيخ: الله اكبر حسن: يوسف قلتلك الخمره حرام يايوسف يوسف:حلوه قوى حكايه الحلال والحرام دى بس بقى انت بتقول حاجه انت مش فاهمها اذا كان ربنا مقدر افعالى وعارف انا هاعمل ايه بالظبط يحاسبنى ليه بقى طب معملش كده على الطريق اللى هوه رسمه حسن:افعالك مكتوبه عند ربنا لكنها مش مقدره عليك بالعافيه اديك مثال زى ماهو مقدر عنده انك تشرب خمره لكن تقديره ده خلاك تشرب الخمره بالعافيه؟؟ انت مخير انك تشرب او ماتشربش يوسف:يعنى الانسان مسير ولا مخير؟؟ حسن: الانسان مخير فيما يعلم يوسف :يعنى ايه؟ حسن :هاديك مثال زمان كان الانسان بيمشى على رجليه علشان يوصل للمكان اللى هوه عايزه فكان بياخد وقت طويل جدا علشان يوصل للمكان ده دلوقتى بعد ماخترع عربيه وطياره بقى عنده حريه فى الاختيار يمشى ولا يركب؟؟ ياخد وقت طويل ولا ياخد وقت قصير وزى الانسان ماكسر قيوده بالعلم يقدر يكسر قيوده بالدين فى انه يقرب من ربنا وانه يعرف حاجات كتير جدا عن ربنا وساعتها لما يدعى ربنا وهوه مخلص هايستجيب لدعائه فاهمنى يايوسف؟؟؟ يوسف: عارف ياحسن انت اول واحد اسئله السؤال ده ويجاوب عليه حسن:علشان دينا مافيهوش شبهات يايوسف (الشيطان وهو متحسر صدقه برضه بمنتهى السهوله) يوسف : طب والروح ايه دليلك على وجود الروح؟ حسن:غريبه واحد فى كليه العلوم ويسئل السؤال ده مين اللى ادى جسمك امر انه ينام بالليل؟ يوسف : المخ حسن:والمخ ده شغال ازاى؟ يوسف :بالكهربا حسن:والكهربا دى جايه منين؟ يوسف:من خلايا معينه حسن:ومين ادى الخلايا المعينه انها تولد كهربا يوسف:جين معين حسن:ومين بيدى الامر للجين ده؟؟ يوسف:...................... حسن:شفت بقى ان فيه سلطه تانيه جواك غير مخك عقلك بتنفذ الاوامر العليا انك تفضل عايش وبتدى اوامر لمخك وجسمك بكده شفت بقه الموضوع بسيط ازاى؟ (الشيطان:صدهم ..صدهم كلهم .اه لوتعرف انت عملت ايه ياحسن ؟) حسن يصلى ويسلم يمين يسار وجانبه الشيطان الشيطان:فشلت ...تخيل..اترعبت منه لاول مره اخاف من بشر مع انه المفرووض يخاف منى استيقظ يوسف من كابوس بشع وبدأ يدخن فجائه حسن بكوب ماء شربه يوسف حسن: خير يايوسف مالك فيه ايه؟؟ يوسف: حلمت انى واقف فى مكان ساحه كبيره كان فيه ناس كتير كانوا مستنين لكن ايه مش عارف مش فاكر...... بس كان فيه ناس تانيه بعيد حسيتهم مستريحين كل اللى فاكره صوت عااالىقوى بيقوول هلم للعرض على الجبااااااااااااااااااااار حسن:لا اله الا الله جه اليوم اللى معملتش حسابه ده يوم الساعة يايوسف الشيطان:(حاولت اخدع يوسف بس كان وصل لمرحله مش محتاجنى فيها) حسن:يالا قوم اتوضى وصلى معايا ركعتين يوسف:معلش سيبنى ياحسن حسن:قوم علشان خاطرى يوسف:معلش سيبنى حسن:علشان خاطر نفسك يوسف:بقولك سيبنى ياحسن انت السبب كلامك هوه اللى خلانى احلم الحلم ده سيبنى فى حالى ياحسن حسن:مش هاينفع اسيبك يوسف:بقولك سيبنى فى حالى كفايه اللى انت عملته حسن:صدقنى يايوسف الفرصه لسه مانتهتش والله العظيم ممكن تتوب ده ربنا سبحانه وتعالى بيقول فى حديثه القدسى ( ان الانس والجن لفى نبأ عظيم اخلق ويعبد غيرى ارزق ويشكر سواى خيرى الى العباد نازل وشرهم اليا صاعد اتحبب اليهم بالنعم وانا الغنى عنهم-- ويتبغضون الى بالمعاصى وهم احوج شئ الى.اهل ذكرى اهل مجالستى فمن اراد ان يجالسنى فليذكرنى--اهل طاعتى اهل محبتى ...... واهل معصيتى لااقنطهم من رحمتى فان تابوا الى فانا حبيبهم وان لم يتوبوا الى فانا طبيبهم..... ان اقبل الى واحد منهم تلقيته من بعيد وان اعرض عنى واحد منهم عاصيا ناديته من قريب قائلاعبدى اين تذهب الك رب سواااى....عبدى اين تذهب الك رب سوااى....عبدى اين تذهب الك رب سوااى؟!!!!!! قالها وخرج حسن وماذلك اسمع كلماته تتردد فى اذنى (سمعها يوسف كثيرا ووقعت من يديه زجاجه الخمر.. واذا به يحاول ملىء الكوب ممن تساقط على الارض ولكنه يفشل فاذا به يلعق الخمر بلسانه من على الارض يوسف بدأ يتقيأ دماء ودخل حسن ووجده بهذا الحال حسن: يوسف فيه ايه ؟؟ مالك؟؟ يوسف ..يوسف.. يوسف.. طب قوول ورايا اشهد ان لا اله الا الله واشهد ان محمد رسول الله ولكنه فات الاوان لكى ينطق بها ومااااااات الشيطان: هيه دى الحكايه الشيخ: حكايه مؤثره فعلا بس انا مش فى ايدى اعملك حاجه الشيطان: يعنى مافيش امل؟ الشيخ : اعذرنى مش بايدى وفجأه اختفى الشيطان سابنى اسئل نفسى ياترى كان حلم كان امتحان؟؟ وفى النهايه وبكل بساطه ماكانش عاوز يتوب كان جاى يشغلنى عن صلاه الفجر النهاية (مقتبسة من فيديو) للمزيد من مواضيعي
الموضوع الأصلي :
حوار مع ابليس!!!!!!
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
3asfoora
المزيد من مواضيعي
آخر تعديل بواسطة أبوجنة بتاريخ
15.04.2009 الساعة 23:22 . و السبب : تنسيق فقط
|
|||||||||||||||||||||
|
رقم المشاركة :2 (رابط المشاركة)
15.04.2009, 23:08
|
|||||||||||||||||||||
|
|||||||||||||||||||||
|
القصة جميلة جدا أختنا الكريمة و قيمتها عالية جدا و قالب العرض الفنى أيضا جميل لكن محتاجة شوية تعديل منطقة انتقال الشيطان من الخطاب إلى الرواية محتاجة نظر أكثر لتوصيلها إلى المتلقى بصورة أوضح مع عدم كسر القالب الأدبى لها و عودة الشيطان للتعليق فى وسط القصة لكن فى المجمل ربنا يفتح لك . و النهاية ممتازة المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
16.04.2009, 00:48
|
|||||||||||||||||||||
|
|||||||||||||||||||||
الحديث القدسى ضعيف
أعتقد أختى أن الحديث القدسى المذكور حديث به شئ كنت سمعت اليوم قبل ساعتين تقريبا الشيخ أبو إسحاق يضعفه لو أحد من أهل العلم يفيدنا جزاكم الله خيرا... الدليـــــــــــــــل ...
بالنسبة لهذا الحديث بهذا اللفظ فلا يوجد منه إلا جزءا بسيطا وهو ما أخرجه الطبراني في مسند الشاميين والحاكم في التاريخ والبيهقي في شعب الإيمان والديلمي في مسند الفردوس عن أبي الدرداء رضي الله عنه قال: قال رسول الله صلى الله عليه وسلم: "قال الله إني والجن والإنس في نبأ عظيم أخلق ويعبد غيري وأرزق ويشكر غيري" (والتخريج مستفاد من الدر المنثور للإمام السيوطي). وقد ضعفه الإمام السيوطي في الجامع الصغير. وقال الشيخ عبد الرؤوف المناوي في فيض القدير: ((فيه عند مخرجه البيهقي كالحاكم مهنى بن يحيى مجهول وبقية بن الوليد أورده الذهبي في الضعفاء وقال: يروي عن الكذابين ويدلسهم وشريح بن عبيد ثقة لكنه مرسل)) ثم وقفت على كلام للشيخ الألباني رحمه الله في السلسلة الضعيفة تحت رقم 2371 يقول محققا ومستدركا على كلام المناوي: (("ضعيف": رواه البيهقي في " الشعب " ( 2/11/1 ) عن مهنأ بن يحيى , و ابن عساكر ( 5/350/1 ) من طريق الطبراني , و هذا في " مسند الشاميين " ( 2/93/974 ) : نا خير بن عرفة المصري : نا حيوة بن شريح الحمصي كلاهما قال : نا بقية بن الوليد : حدثني صفوان بن عمرو : حدثني عبد الرحمن بن جبير بن نفير و شريح بن عبيد الحضرميان عن أبي الدرداء مرفوعا . قلت : أورده ابن عساكر في ترجمة خير بن عرفة , و ذكر أنه توفي سنة ثلاث و ثمانين و مائتين و قد أسن , و لم يذكر فيه جرحا و لا تعديلا . و هذا إسناد رجاله ثقات , و بقية قد صرح بالتحديث , و لكنه منقطع , فإن عبد الرحمن بن جبير و شريح بن عبيد لم يدركا أبا الدرداء , فعلة الحديث الانقطاع . وأما إعلال المناوي إياه بتدليس بقية , و جهالة مهنأ بن يحيى , فمردود بأن بقية قد صرح بالتحديث في الطريقين , و أن مهنأ بن يحيى ليس مجهولا , فقد قال الأزدي : " منكر الحديث " و قال الدارقطني : " ثقة نبيل " و قال ابن حبان في " الثقات " ( 9/204 ) :" مستقيم الحديث " وإنما المجهول مهنأ بن عبد الحميد ومع ذلك فقد وثقه أبو داود . و الحديث عزاه السيوطي للحكيم الترمذي و البيهقي فقط , و زاد عليه المناوي الحاكم , و لم أره في "مستدركه " , و هو المراد عند إطلاق العزو إليه . وذكر المناوي أيضا أن الحكيم لم يذكر له سندا , فكان اللائق عدم عزوه إليه . ثم راجعت له " فهرس المستدرك " الذي وضعته حديثا , فلم أره فيه . ثم رأيت السيوطي في " الجامع الكبير " عزاه للحاكم في " التاريخ " , فزال الإشكال و الحمد لله . و كما أخطأ المناوي في الإطلاق المذكور ; أخطأ المعلق على " الفردوس " ( 3/166 ) , فأطلق العزو إلى ( الترمذي ) ! فأوهم أنه أبو عيسى صاحب السنن ! ! والله أعلم )) انتهى كلامه شبه منقول المزيد من مواضيعي
آخر تعديل بواسطة maro_1616 بتاريخ
16.04.2009 الساعة 01:43 .
|
|||||||||||||||||||||
 |
| العلامات المرجعية |
| الكلمات الدلالية |
| إبليس, الشيطان, حوار |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| صحة موضوع: حوار بين فتاة والشيطان لحظات الموت | rachid115 | القسم الإسلامي العام | 2 | 05.11.2009 18:16 |
| اذا رايت احداهن تمشى------- تجد ابليس يمشى فى خطاها | sayed_80 | ركن الفتاوي | 1 | 12.04.2009 11:48 |
العرض العادي
