مشكله هامه جدا

[طـَالِب عِلم]

اقتباس   المشاركة الأصلية كتبها hanooda انا هبتدئى يا جماعه بحاجه غريبه لحد ما تيجى اختى وصحبتى الله محبه لو ف يوم من كتر العياط وحياتى الوحشه وانا ف حاله اشبه من الموت دخلت بليل لسرير من كتر شكوكى حول الاسلام وصرخت بصوت عالى وقولت يا رب انا معرفش انت مين ؟ الاسلام الصح ولا المسحيه الصح ؟ انت خلقتنى يا ربى وميهونش عليك ابقا متعذبه كده قولى ؟ وفجاه احساس غريب حصلى وشوفت صوره للمسيح الى كنت بقول عليه سيدنا عيسى بيقولى انا اهو المسيحى . ومش قالى اكون مسحيه وقالى اطلعى بليل على سريرك واطلبى من ربنا يعرفك مين هو ؟ وقالى كمان انتى حره ف الى تختاريه ده حصل وبجد ايه ردكوا على الكلام ده بقا واشهد ان لا اله الا الله واشهد ان محمد رسول الله وصاحبه المشكله هتخش وهتلقى الرد ده وهيكون عندها اسئله استنوا معانا معلش واسفه واذا مش دخلت النهارده باذن الله هتخش بكره

بسم الله الرحمن الرحيم

بغض النظر عن رؤية المسيح والكلام ده.. فى سؤال مهم على نقطة الشكوك حول الإسلام والسؤال يارب انا ماعرفش انت مين؟؟

اللى سأل السؤال ده مستنى إن ربنا يكلمه و يرد عليه كدة مباشرةً؟؟!
ولا المفروض إن ربنا أنزل علينا القرآن الكريم فيه توضيح لكل سؤال ممكن يخطر على بال بشر وفى هداية لكل البشر.. وأنزل علينا السنة النبوية الشريفة
والحديث واضح وصريح

قال رسول الله صلى الله عليه وسلم "تركت فيكم ما إن تمسكتم به لن تضلوا من بعدي أبداً كتاب الله وسنتي " صدق رسول الله صلى الله عليه وسلم

يعنى الواحد بدل ما يسأل سؤال زى اللى بيسأله ده ومستنى ان ربنا يرد عليه من فوق سبع سماوات! لو فعلا عايز هداية وإجابة يبقى يقرا كتاب الله وسنة سيدنا محمد صلى الله عليه وسلم وهو هيلاقى إجابات على كل شكوكه

هايعرف مين ربنا وحقوقه وواجباته تجاه ربنا ورسوله.. وهايعرف إيه هو دين الإسلام والحقوق اللى ربنا أنعم بيها عليه فى دين الإسلام.. وكل إستفساراته


كلمة أخير عايز أقولها..
طبعا الحمد والشكر لله بقالنا فترة كبيرة بنسمع عن ناس أجانب ربنا بيهديهم للإسلام..
الناس دى فعلا بعد ما بيجربوا دين الإسلام بيعرفوا قيمته بجد وبيعرفوا قد إيه دين تسامح وقد إيه الدين ده حافظ على عزتهم وكرامتهم..

ف ما بالكم بقى بشخص مسلم.. ونلاقيه إرتد عن الإسلام!!؟

الهداية والضلال بإيد ربنا عز وجل " يهدى من يشاء ويُضل من يشاء"
وفى نفس الوقت ربنا مش بيظلم حد أبداً " وما ربُك بظلّامٍ للعبيد "
يعنى ربنا مش هيلاقى واحد صالح ونفسُه طيبة وهيخليه من أهل النار.. إلا إذا كان الشخص ده نفسُه خبيثة ومشغول بأمور الدنيا أكثر من الآخرة!

عموما ربنا يهديها ويهدى الجميع.. مش بإيدينا غير الدعاء إن ربنا يهديها

اللهم لك الحمد والشكر على نعمة الإسلام.. وكفى بها نعمة
اللهم رُدّنا إلى دينِكَ مردّاً جميلا
اللهم يا مُقلِب القلوب.. ثبت قلوبَنا على دينِك