علشان ماتزعليش من جوزك لو اتجوز عليكى تانى!!!

[3asfoora]

علشان ماتزعليش من جوزك لو اتجوز عليكى تانى!!!

السلام عليكم ورحمة الله وبركاته
بسم الله الرحمن الرحيم
انا باكتب الموضوع ورزقى على الله
عارفه انه هيفتح ابواب جهنم عليا

ما علينا
اللهم بلغت
اللهم فاشهد

ياما مواضيع اتعملت عن الزوجه التانيه والدعاء عليها وتوعد بالويل والثبور وعظائم الأمور

عملتيله ايه بقى عشان ما يجيبليكيش زوجه تانيه

1. كنت زى امه محتوياه فى حزنه ووحدته ومحترمه ضيقه وما بتحاوليش تغلسى عليه وتجيبله سيرة العيال والفلوس وامه وسلفتك

ــــــــــــــــــــــــــــــــــــــــــــــــــ ــــــــــــــــــــــ

2-كان لما بيحكيلك اى موضوع هل كنتى بتقاطعيه وتبتدى تشغلى فهامتك البايظه وتعملى اسقاطات على مواضيع تانيه من خلال اللى بيحكى عنه ولا بتستنى للآخر وكأنه بيكلم نفسه مجرد انه عايز يفضفض وخلاص يسمع تعليقاتك كل اللى كان عايزه

ــــــــــــــــــــــــــــــــــــــــــــــــــ ــــــــــــــــــ

3-لما كان بيطلب أكله منك بقاله فيها سنه وزياده كنتى بتعمليها ولا بتكسلى وتقولى محدش بياكلها الا هو وبس فى حين انك لو بتحبى اكله بتعمليها لغايه لما هو يحبها قهراً
ــــــــــــــــــــــــــــــــــــــــــــــــــ ـــــــــــ

4-لما كان بييجى مفرهد من الحر كنتى بستقبليه بعصيرولا حتى كوبايه ميه ساقعه وانتى متبسمه حتى لو بلبس المطبخ ولا كنتى بتزمى وتقوليله انت جيت ؟؟؟

ــــــــــــــــــــــــــــــــــــــــــــــــــ ــــــــــــــــــــــ
ولا لما يكون مسافر ييجى يلاقيكى نايمه جنب عيالك اللى اتفطموا من زمان اوووى
ــــــــــــــــــــــــــــــــــــــــــــــــــ ــــــــــــــــــــــــــــ
5-كنتى بتهتمى بنظافه ملابسه وكيها ولا كان بيدور فى الغسيل عشان يلاقى هدمه نضيفه وبتتحججى ان الميه علططول مقطوعه امال بتطبخى ازاى يا هانم

ــــــــــــــــــــــــــــــــــــــــــــــــــ ـــــــــــــــــــــــــــــــ
6- كنتى بتهتمى بنظافتك وريحتك وبالذات نظافة احم احم احم انتوا عارفين
ــــــــــــــــــــــــــــــــــــــــــــــــــ ـــــــــ
7- شاركتيه اهتماماته ولا بتسيبيه اعد لوحده ادام التلفزيون والكمبيوتر لو كانو دووول اهتماماته يعنى

ـــــــــــــــــــــــــــــــــــــــــــ
8- لما ييجى يعزمك بره ده يعنى لو اتهف فى عقله مش كنتى بتقولى اييه لازمتها المصاريف ما فلوس العزومه تاكلنا اسبوع

ــــــــــــــــــــــــــــــــــــــــــــــــــ ـــــــــــــــــــــــــــــ
9-عمرك وزعتى العيال وعملتى ليله عسل بجد بكل حركاتها وسلاطاتها وبابا غنوجها اظن واضح
ــــــــــــــــــــــــــــــــــــــــــــــــــ ـــــــــــ
10- لما اهلك كانوا بييجوا مش كان الود ودك تقدميلهم عيل من عيالك يتحط جنب اللى محطوط على الصينيه والضحكه اييه من الودن للودن
كنتى بتعملى ربع كده مع اهله ولا التكشيره ولوية البوز وادعاء التعب المفاجئ

ــــــــــــــــــــــــــــــــــــــــــــــــــ ــــــــــ
11- لما كان بيقولك اروح لقرايبى واهلى تتمسكنى وتتحججى بالعيال والبيت لكن لو كنت عايزة تشوفى اهلك بتكونى اول واحده واقفه عند الباب
ـــــــــــــــــــــــــــــــــــــــــــــــــ

12-لما ما كنتيش بتبقى راضيه عن شكل العلاقه الحميمه عمرك صارحتيه ولا كنتى بتمثلى لغايه ما صدقتى الكدبه

ــــــــــــــــــــــــــــــــــــــــــــــــــ ــــــــ

13- اول ما حملتى وخلفتى نسيتى ان فى ابن كبير محتاج يدلع وغيران من انه اتركن على الرف وبقى مجرد ممول وما حاولتيش تبينيله اد اييه انتى حاسه انك مقصره فى حقه افتره دى وان شاء الله الامور هتتعدل وهتبقى احسن
اههو كلام بس هيحسسه انه لسه فى دائرة الضوء وهوا اللى فى القلب والننى
ــــــــــــــــــــــــــــــــــــــــــــــــــ ـــــــــ

14- عمرك حاولتى تغيرى من شكلك وطريقة لبسك لما تلاقيه بيمدح فى جاره او قريبه او حد فى محيطكم - اييه جرس الانذار ما اشتغلش عند سيادتك ولا اييه

ــــــــــــــــــــــــــــــــــــــــــ

وغيره وغيره..........

طبعا هتقولوا جبت الاسباب دى منين وستدور براسكم الظنون

اطمنوا لسه مبقتش زوجه تانيه

ولكن للاسف الغلطات دى لنا بنعملها واحنا مش واخدين بالنا وحاطين شادربطيخ فى بطننا لغاية ما تيجى الطوبه فى المعطوبه ونعد ندعى على الراجل ونلعنه من الاجدا د للأحياء

************************************************** *

دى دعوه اننا نحاول نغير شويه من مفهومنا عن الزوج انه اتربط بالعيال وانه مش هيقدر يفلفص
قبل ما تكرهى اليوم اللى اتجوز فيه عليكى شوفى انتى ما عملتيش اييه وقدمتيه على طبق من فضه لضرتك ازاى
ونقف لحظة صدق ونقول اللى لينا واللى علينا

للمزيد من مواضيعي