مسرحية يوميات مسلم

[راجية الاجابة من القيوم]

مسرحية يوميات مسلم

حيا كم الله اخوتى واخواتى اهدى لكم هذا العمل من فريق عمل صوت الاسلام بارك الله فيكم وفيهم تقبل الله منا ومنكم

بسم الله الرحمن الرحيم

بنرفع الستار

عن بيت بسيط فى حى شبرا فيه اسرة بسيطه وطيبه هما عائله

( مسلم )

فى ليله زينها القمر ولونتها النجوم (مسلم) قاعد فى غرفته وعلى غير عادته سهران تطيح بيه الافكار ومخه شغال عمال يجيب يمين وشمال يمكن افكاره مش مهمه بس كان عنده خيال فوق السحاب واحلام تهد الجبال سهران شارد فى ضوء القمر العجيب

يمكن بيفكر جاء الدنيا ليه او ازاى يمكن بيفكر اخرة حياته فين واللى جاى ضل قاعد لغايه ماغلبه النعاس خاف لا ابوة الحج
( عثمان )

يعدى ويشوفه واقف فى الشباك وكان خايف من الصحيان الصبح للمدرسه وكان خايف يقوم تعبان نام نام( مسلم) نام من هنا بس النور نور فى الغرفه اللى جنبه كانت
غرفه رقيقه نديه اللى يدخلها يعرف دى غرفه مين ديه دى
غرفه
( مريم )

البنت التقيه( مريم) كبرت وبقت فى الثانويه قامت تناجى ربها وتطلب كل اللى فى نفسها فى الساعات المباركه قبل الفجر وتصلى الفجر قبل ماتنزل مدرستها تتزين بحجابها الجميل مع اصحابها الطيبين ودلوقتى الساعه دقت سته بالظبط

الست

( عائشه )

الست عائشه صحيت: يا فتاح يا عليم يارزاق ياكريم يا( مسلم )يامسلم انت يا ولد يا مسلم يالا قوم هتتأخر عن المدرسه

مسلم : يوووووووووو هو كل يوم مدرسه مش قادر اقوم يا ماما بقى ااااااا

الست عائشه : يا ولد يا مسلم يالا قوم ده انت قربت تنطرد من المدرسه من كتر الغياب يالا يا بنى قوم بقى

الست عائشه : بتدق على غرفه مريم يامريم يامريومه يالا حبيبتى اصحى

دخلت وجدت مريم لبست حجابها وبتحضر جدولها

مريم : انا صحيت يا ماما وقربت اخلص

الام : عقبال اخوكى الكسلان لما يقوم كمان

ياا مسلم يامسلم

الاب الحج عثمان : جرى ايه عل الصبح كل ده شخط براحه صوتكواعالى ليه

الام : صباح الخير ياحج

الاب : صباح الخير حاااا

الام مقاطعه : حالا هيبقى جاهز بس عشان خاطرى ياحج نادى على مسلم احسن امتحاناته قربت ومش عاوز يقوم يروح المدرسة

الاب : حاضر يا مسلم يا ولد يا مسلم

مسلم وهو بيرتجف: ايوة يا باباب انا صحيت اهو قومت قومت خلاص

مريم مقبله يد ابوها : صباح الخير يابابا

ابوها : صباح الخير يامريم

الجميع على سفرة الفطار

مريم : الحمد لله أكلت يالا عشان مش اتاخر

الام : طيب يا حبيبتى ما تاخدى اخوكى فى اديكى وانتى نازله وصليه المدرسه

مريم : مينفعش يا ماما مسلم كبر خلاص وبقى راجل وانا بمشى مع اصحابى البنات

الام : كبر ههههههههه الله يضحك يامريم قال كبر قال ده فى اولى ثانوى ماشى طب توكلى على الله

الأب : خدى يامريم مصروفك

مسلم : وانا يا بابا مش ليا مصروف

الاب : لا طبعا انت ناسى انك محروم منه بسبب اللى عملته الاسبوع اللى فات ولا ايه

مسلم : طب انا عاوز فلوس المجموعه بتاعت الاحياء فى المدرسه

الاب : ماشى المجموعه اه مصروف لا

خد ياعم اهو ادى فلوس المجموعه

مسلم : يالا سلام عشان أصحابى زمانهم تحت

الام : خد بالك من نفسك يا مسلم

امام بيت مسلم



مسلم لاصحابه صباح الخير

اصحابه : صباح الخير ايه الاخبار معانا انهارده ولا زى كل يوم

مسلم : معاكم طبعا ده انا معايا فلوس تكفينى شهر !!!!,,,,,,,,,,,,,,,,,,

أنتظرونـ إن شاء الله ــاااااااااا

للمزيد من مواضيعي