بصراحه انا زهقت من المنتدى

[3asfoora]

بصراحه انا زهقت من المنتدى

المرة دى مش هسلم عليكو لكن هنجز وادخل فى االموضوع على طول عشان مش عايزه اطول معاكوا فى المنتدى اكتر من كده ....... بصراحه انا زهقت ..........مليييييت
اااااااااااااه زهقت وتعبت واكيد هتستغربوا ان اول مرة بتكلم معاكوا وبشكل مباشر وعلى المنتدى ده بالذات بس المرة دى غير كل مرة ........ خلاااااااااااااااااص انا فاض بيا ومعدش بيهمنى اى تجريح فيا وكلاام عليا ..........المهم
ادخل بقى فى المهم
انتوا مزهقتوش ....... مملتوش .. طيب بصراحه كده وكلام بينى وبينكم ومن الاخر متعبتوش من الالتزام والتدين الجامد ده فكوها شويه .........(طاعات على حملات على فرق ومشاريع )عقدتونا هو مفيش حد هممكوا .......

مش كفاييه كده بجد اتعقدنا ......اه بقولها وبصريح العباره كفــــــــــــــايه تعبتونى حرااام عليكو
انا خلاص مفيش كلام بيأثر معاكو ولا موضوع بتستجيبوا ليه وانا شكلى كده تعبى معاكوا فى المنتدى ضاع عالفاضى وبكرة تشوفوا بنفسكم لما تحسوا ان الالتزام بتاعكوا ده خنقه وكآآآآبه
وهترجعوا تانى زييى كده بالظبط ويمكن اكتر .......

طيب هقولكوا حاجه وفكروا فيها عشانى
ما تيجوا نخلى ساعه وساعه,يعنى ساعه ناخد راحتنا مع بعض ونفكها شويه وساعه تانيه يتعمل فيه الطاعات بس انا مش هسيبكوا فى دى برضه وراكوا وراكوا فى كل حاجه بتعملوها
راجعوا نفسكوا يا جماعه قبل ما فرصه شبابكو تضيع وانتوا بقى ليكوا قد ايه عشان تعيشو

وانا اللى قلت لنفسى انى فى المنتدى ده هنونس بعض وهنأنس بعض ونكون صحبه .......... لكن اقول ايــــه ؟؟؟؟؟
الظاهر الكلام الحلو والمتذوق مبينفعش مع منتداكوا مع انه نفع مع مواقع تانيه كتييييييييييير ........

عشان كده قررت اكثف نشاطى وبشكل مباشر
هو اكيد نشاطى ده هيعملى مشاكل معاكو ا لكن انا خلاااص مفيش فى دماغى !
وبعدين تعالوا قولولى هنااااااااااا !!!!!

هيه ليه الانانيه ؟؟؟؟؟
ااااااااه انانيه ومتبصوليش كده ومحدش يشتم اشمعنى انتوا اللى تتعتقوا فى رمضان .ليه هوا انا مليش نفس ولا ايه .
خلاص انا من هنا ورايح هكون وراكوا وراكوا وقودامكوا قدامكوا علشان متسيبونيش لوحدى فى الاخر انا يمكن نجحت نجاح ساحق ماحق فى منتديات تانيه ومع مواقع تانيه وكان ليا مركزى وكنت عضو vipمش عضو.......... لاكن اقول ايــــــــــه معاكو حالى واقف .

عموما انا هسلط عيالى الصغيرين عليكواوهم هيعرفو يتصرفو معاكو وانا كمان كام يوم وهاجى تانى
منا قلتلكو وراكو وركو وقدمكو قدمكو وكمان جنبكوا جنبكو عشان جمبكوا ميزعلش ههههههههه
لغايه لما نوصل لبـــــــــــاب ......................



جهنم

طبعا ده مش كلااااااااااااااامى
بس ده كلامه هو ............ لكن انا قولتله انه بيتكلم فى ايه؟؟؟؟؟؟ ده منتدايا وانا عارفاه كله خير وصحبه صالحه ومش هيخاف ولا يتأثر بكلامك ولا ليكو راى تانى ؟؟؟؟؟؟؟؟

وزى ما قال ربنا عز وجل (إِنَّ كَيْدَ الشَّيْطَانِ كَانَ ضَعِيفًا ) ...
.......... فاكيد انتوا عرفتوا مين اللى بعتلكوا رساله التخويف والتهديد دى
الراسل / ابليس اللعين واللى عايزنا نتقابل على باب جهنم معاه بس هو مين ! ده بعده بأذن الله
وعضويته عندنا / مطرود شر طرده من رحمته الله وملعون

للمزيد من مواضيعي