تواضع ابوالسعود

[ابوالسعودمحمود]

تواضع ابوالسعود

ابوالسعود متواضع

السلام عليكم

أريد أن أعرفكم بنفسي

أنا عالم من كبار العلماء في الدين ولكن لا يمكنني أن أكشف عن اسمي

جئت إلى هنا لإرشادكم وتوجيهكم

لذلك أنصحكم باحترام العلماء أمثالي

وشكرا رحمة الله الهندى عدد المشاركات 3




ياسلام ع التواضع يااخ هندى التواضع له اصول اسءلنى انا عن تواضعى انا اهه عندى ثقافه وعلم كتير اوى ولكنى متواضع حتى الاعضاء الشباب اللى فى البشاره بيتحايلو على ان يرشحونى لمنصب مهم وانا مش راضى ليه لانى متواضع صحيح انا مليش مناظرات ولا حاجه ولكن بترك المجال لغيرى لتواضعى تعالى بقى انا وانت نقعد على كوفى شوب واوريك التواضع على اصوله انت تقولى تشرب ايه ياابو السعود اتواضع انا واقول لالا انت اللى تشرب ايه ياهندى تقوم انت تتواضع لى وتقول مش ممكن لازم تشرب حاجه اقوم انا اتواضع واقول لك مش ممكن انت اللى تشرب حاجه وتفضل تقول لى تشرب ايه وانا اقول لك تشرب انت ايه لحد لما ييجى الجرسون ويقول تشربوا ايه يابهوات انا اتواضع واقول له شوف الهندى يشرب ايه تقوم انت تتواضع وتقول للجرسون لا شوف ابو السعود يشرب ايه يقوم الجرسون يتركنا ويمشى ويقول لما ترسوا على حل ابقوا نادوا على ويروح الجرسون ويقول للمعلم صاحب الكوفى شوب الاتنين اللى قاعدين هناك دول مشربوش حاجه من ساعة ماقعدوا وشغلين الترابيزه والكراسى ع الفاضى يقوم المعلم يتغاظ وييجى لحد عندنا ويقول الحساب يا بهوات نقول له احنا مشربناش حاجه يقول المعلم ايوه ماانا عارف انكم مطفحتوش حاجه لكن عايز حساب التربيزه اللى انتم شغلنها من الصبح طبعا انا وانت مفلسين فنقول للمعلم احنا ناس متواضعين ومبنشلش فلوس معانا فيضحك المعلم ضحكه صفراء ويقول يعنى من الاخر كده نصابيين طيب قوم ياض انت وهو ويقفل علينا باب الكوفى شوب وهات ياضرب وبعدين يقول لنا انا وانت عايزكم تغسلوا الكبايات وتسيخوا الشيش وتكنسوا المحل وتمسحوه وتروقوه ورونى بقى التوضع بتاعكوا يااولاد ال........... وبعد منقوم بعمل اللازم من تنظيف وخلافه يروح المعلم ضارب كل واحد فينا قلم على قفاه مع شلوت لزوم الدفع للامام ونجرى ع البيت جرى طيران ونصرخ ونقول (ياحبايبى يامتواضعين فضحتونا ياخا يبين ) ايه رئيك ياهندى فى التواضع بتاعى انا وانت ده

للمزيد من مواضيعي