حضرة ضحية مشروع الصليب ضد الهلال
فى الحقيقة باعترف إنى جبان
خايف ومرعوب من قوة السجان
سيد بلال : خلينى أقولك إنك وراك عيال
ماتت شهامتهم ورجولتهم من زمان
صعب الكلام ده ؟ ، مرة الحقيقة ؟
لكن الحقيقة أهو دا اللى كان !!
سيد بلال أنا واحد من كدابين الزفة
ممكن أجعجع : أكتب مقال : أخطب لى خطبة
وساعة الحقيقة أستاذ فى خطة الزوغان
يا سيد سيد بلال عوضك على الله فى أخوة الإسلام
البعض ماتوا ، والبعض ضاعوا !
والبعض باعوا رخيص حور الجنان!
صورتك وانت ميت بتضحك بتهدنى هد
بتقولى آن يا جبان خلاص آوان الجد
خلى جسور العبور للخلاص تتمد ، آن الآوان
نفسى مع إبنى فى لحظة الروقان
صورتك يا سيد طيرت النوم من عينيا ،
سامعك طول النهار والليل بتنده عليا
وأنا إنسان مسالم حتى أسألوا عنى الجيران
ياعم سيد اللى زيي وزيك مالوش حق السؤال
يمين يمين ، شمال شمال ، ذل وهوان
موتك دبحنى ، موتك مسحنى ،
صحى الحقيقة العاصية على النسيان
موتك جريمة ، فظيعة وأليمة ، جديدة وقديمة ،
أطمن يا سيد : تارك فى علم الواحد الديان
ولحظة ما ييجى قضاه يا ويله من لحظة الأَخَدان
والمحاكمة ماعمرهاش متأجلة
ما ملكش غير دمعى ودعوة بظهر الغيب
إنى فى يوم أبقى جرىء وماموتش شخص جبان