السلام عليكم ورحمةة الله وبركاته
في حاجةة أول مرةة أجربها
كان نفسي أوي أني أكل شجق بلدي
بس للأسف تعذر أني ألاقيه
فقولت بس عليا وعلى العك قصدي علي وعلى الفن في لمطبخ
وكمان أضمن انك تعملي السجق بالبيت عن أنك تشتريه من برةة
هقولكم بئ عملت سجق بالبيت أزاي
أول حاجةة بتيجيبي ممبار صغير رفيع وتغسليه كويس من جوه ومن بره
بصراحةة أول مرةة بحياتي أغسل ممبار هو الموضوع صعب بس قولت يا أنا يا اللممبار 
طب هنقول طريقةة سهلةة لقلب الممبار بتجيبي أول طرف الممبار وتتنيه شويةة وبعدين تخلي مايةة الحنفيةة تنفذ لداخله هتلاقي الممبار اتقلب وبعدين تنقعي الممبار ساعةة او ساعتين في ماء وخل وملح
وبعدين ترجعي تشطفي الممبار كويس وبعدين تغسليه بدقيق تضيفي شويةة دقيق علشان ريحةة الممبار وبعدين تجيبي السكينةة وبظهر السكينةة تنضفي الممبار لحد ما يبئ أبيض وزل الفل
وبعدين ترجعي تقلبيه وبرضه تغسلي وشه كويسه بنفس الحاجةة خل وملح ودقيق
والحمد لله هتنهي عمليةة تنضيف الممبار
والأحسن بئ لو تخلي حد ينوبه ثواب فيكِ ويغسلك الممبار 
نيجي بئ للحشو
تكوني محضرةة توم مقشراها وتدقي التوم وتنعميه اوي وتضيفي شويةة ملح بسيط وكمون كتيير وشويةة صغنةة فلفل أسود ولو شويةة شطةة صغنين وتدقيهم في بعض وبعدين تضيفي فلفل أخضر أو أحمر بارد وتقطعيه قطعع صغننةة وتدقيهم برضه وبعدين لو عندك كبةة بتضعي اللحم المفروم مع الخليط ده وتضربيه
طب لو بئ مش في كبةة
لازم برضه نتصرف يبئ عليك وعلى الهون تضعي اللحم ولخليط وتقلبيه ببعضه وتدقيه لحد ما كله يمتزج ببعضه وكمان اللحم يكون ناعم
وبعدين تيجيبي الممبار علشان تحشيه
أنا جبت طربوش اللي هو زي قمع هو عبارةة عن قمع صغنون من أقماع اللي بنستخدمها للتورتةة وبقيت أدخل الخلطةة واحشي الممبار وبعدين قسمت الممبار بالطول لصوابع وبعدين بين كل صوباع وصوباع ربطت بفلتةة صغنونةة
والحمد لله حشيت الكل
وبعدين تضعيه بطبق وتشيله بالفريز شويةة علشان يجمد السجق شويةة
نيجي بئ لأهم حاجةة هنطبخ السجق أزاي
لو تبحوا اكتبلكم طريقةة عمل السجق قولوليلي
وبألف هنا وشفا
| توقيع لا تسئلني من أنا |
|
آخر تعديل بواسطة لا تسئلني من أنا بتاريخ
16.09.2010 الساعة 02:46 .