[showman]

درس الأحد ( 17 ) ما بعد القيامة
الأب ديرتى
سلام ونعمة وصباح الفل والياسمين
النهاردة ياولاد قبل ما نبتدى الدرس حاطلب منكم إنكم تدعوا للأب بسلامته ، وبكره كل واحد فيكم يجيب معاه دستة شمع لأننا حنقيم صلاة لأم النور وصلاة للقديسين ونطلب منهم انهم يعالجوا الأب بسلامته من الحالة الصعبة إللى فيها وكمان ينتشلوا الأب عريان من حالة الإنطواء إللى عايشها فى الدير ، وده مش كتير على ام النور ومعاها القديسين وياما عملوا معجزات شفاء وعملوا قوات كتيرة فى الخفاء .
التلاميذ تسئل عن حالة الأب بسلامته
الأب ديرتى
هو تشخيص الأطباء إنه تعرض لصدمة عصبية نتيجة للألم أو الخوف وترتب عليه إنخفاض فى الضغط وبرودة فى الجسم ومنعوا عنه السوائل ! والأطباء قالوا ان حالته خطرة ، بس كلنا أمل فى أم النور وانه مش حيهون عليها الأب بسلامته !! وحتعمل جهدها وتتشفع ليه عند إبنها الرب يسوع له المجد .
المهم احنا النهارده حنتكلم عن أحداث ما بعد القيامة كما ذكرتها الأناجيل واتكلم عنها كتاب الوحى المساقون من الروح القدس وحنبتدى بالانجيل حسب متى
قوم يا مينا إقرا من متى من العدد 16:28
مينا
28: 16 و اما الاحد عشر تلميذا فانطلقوا الى الجليل الى الجبل حيث امرهم يسوع
28: 17 و لما راوه سجدوا له و لكن بعضهم شكوا
28: 18 فتقدم يسوع و كلمهم قائلا دفع الي كل سلطان في السماء وعلى الارض
28: 19 فاذهبوا و تلمذوا جميع الامم و عمدوهم باسم الاب و الابن و الروح القدس
28: 20 و علموهم ان يحفظوا جميع ما اوصيتكم به و ها انا معكم كل الايام الى انقضاء الدهر امين
الأب ديرتى
هنا ذكر القديس متى ان تلاميذ الرب يسوع انطلقوا إلى الجليل إلى الجبل فلما رأوه سجدوا له ولكن بعضهم شكوا فتقدم يسوع وكلمهم قائلآ دفع إلى كل سلطان إلى آخر ما قرأه مينا عليكم
روفائيل يرفع يده ليسئل الأب ديرتى
اتفضل ياروفائيل
روفائيل عندما شك بعضهم فى الرب لماذا لم يرفع الرب يسوع الشك منهم ليطمئنهم
كما فعل مع تلميذه توما من قبل ، وهل كان توما من ضمن البعض الذين شكوا فوق الجبل
الأب ديرتى ابقى اسئل متى ! إيه الأسئلة البايخه دى !
زكى .. لو سمحت يا بونا لي سؤال
أيوه زكى
هو مش الروح القدس هو إللى أوحى لمتى بكتابة الأنجيل
أيوه يازكى
زكى .. والروح القدس ده مش أحد الأقانيم الثلاثة
الأب ديرتى .. أيوه عاوز تقول إيه
زكى .. معنى كده ان الأقنوم التالت إللى هو الروح القدس عرف ان بعض التلاميذ شكوا وان الأقنوم الثانى إللى هو الأبن وهو يسوع معرفش بالشك إللى عند بعض التلاميذ ، مع اننا بنقول ان هما التلاته واحد
توما .. يسئل الأب ديرتى
هل سجود التلاميذ للسيد المسيح سجود عباده ، يعنى عارفين إنه الأبن الرب
الأب ديرتى .. طبعآ ياناصح ماهم عارفين إنه إبن الله ، هو مش طلب منهم أن يذهبوا ويتلمذوا جميع الأمم ويعمدوهم باسم الأب والأبن والروح القدس
زكى .. لحظه يابونا حنسيب دلوقت عبارة عمدوهم بسم الأب والأبن والروح القدس علشان هى عبارة مدسوسه ولا توجد فى باقى الأناجيل ، وحاتكلم عن سجود التلاميذ فهو لم يكن سجود عبادة وانما كان سجود تبجيل وتوقير وتحية ووردت أمثال كتيره فى العهد القديم عن سجود التحية والتكريم وانا شخصيآ قرأت قصدى سمعت بالصدفة مقرىء مسلم بيقرأ قرءان فى الراديو وبيقول" انى رأيت أحد عشر كوكبآ والشمس والقمر رأيتهم لى ساجدين " فى سورة يوسف اشارة إلى اخوته وأبيه يعقوب وامه عندما رأهم فى الرؤيا وهم يسجدون له ولم يكن هذا سجود عبادة ولكن سجود تحية لمكانته
الأب ديرتى
إيه ده إللى بيحصل مش معقول كل التعليقات دى فى عدد واحد
زكى .. طيب خلينا فى العدد إللى بعده إللى بيقول فيه الرب يسوع دفع إلي كل سلطان فى السماء وعلى الأرض ، ويكون الدفع من شخص إلى شخص آخر ولا يكون الدفع من إنسان إلى نفسه ولكن لغيره ، طيب إيه شغلة الأب لما كل السلطان والصلاحيات فى إيد الأبن وعبارة دفع إلي تفيد ان السلطان كان فى يد الأب الأول ولم يكن هناك سلطان فى يد الأبن قبل ان يدفعه إليه الأب يعنى الأبن ماكنش فى إيده حاجة قبل كده وهذا يتعارض ما جاء فى قانون الإيمان بتاعنا إللى بيقول الذى كان به كل شيء ، فكيف كان به كل شيء وهو لم يكن بيده آى شيء ، وكيف نقول ان الله الأب ضابط الكل خالق السماء والأرض ، ما يرى وما لايرى ، فى حالة ما إذا كان قد دفع كل سلطانه إلى الأبن فبماذا خلق الله الأب كل شيء وبأى سلطان خلقهم ؟
الأب ديرتى ..انتوا أكيد عاوزين تجنونى وتعملوا فيا إللى عملتوه فى الأب عريان والأب بسلامته حرام عليكوا كفاية كده وينفعل ويجلس على الكرسى
توما .. بالراحه يابونا متعملش فى نفسك كده
توما .. يهمس لزكى بصوت خافت كفاية يازكى انت أحرجته كده
روفائيل ..أيوه شوف ابونا عرقان إزاى
الأب ديرتى .. انت بتقوله إيه يا توما انت وروفائيل انتوا بتغششوه
زكى .. لا يابونا دول بيقوللى امسح عرقك يازكى !! وبعدين يابونا المسيح بيقول وَلَكِنْ لِكَيْ تَعْلَمُوا أَنَّ لاِبْنِ الإِنْسَانِ سُلْطَاناً عَلَى الأَرْضِ أَنْ يَغْفِرَ الْخَطَايَا» فإذا كان له سلطان ليغفر الخطايا فلماذا لم يغفر خطية آدم بدلآ من الضرب والمهانه والإهانة والموت على الصليب ! ولا هو غاوى بهدلة
الأب ديرتى .. سرحان وساكت
ميخائيل .. لزكى بصوت خافت
انت بتعرف الحاجات دى إزاى يا زكى
زكى .. فكر وشغل مخك وفتش كويس وعندك النت تقدر تدور على آى حاجة انت عاوزها وتبحث فيها
الأب ديرتى .. يفوق من سرحانه أيوه يازكى بتقول إيه
زكى .. أيوه يابونا نيجى للعدد إللى بعده لما الرب طلب منهم انهم يذهبوا ويتلمذوا جميع الأمم
وبعدين يابونا إزاى المسيح له المجد كان بيقول إنه جاى فقط لخرفان بنى اسرائيل الضالة وكان بيوصى تلاميذه قائلآ لهم الى طريق امم لا تمضوا والى مدينة للسامريين لا تدخلوا. بل اذهبوا بالحري الى خراف بيت اسرائيل الضالة ، ويرجع يقول لتلاميذه اذهبوا وتلمذوا جميع الأمم ؟ إيه إللى جرا وخلاه يغير كلامه !! مع ان المؤرخ أبولونيوس قال أن المسيح قبل صعوده إلى السماء كان قد أوصى رسله أن لا يبتعدوا كثيراً عن أورشليم لمدة اثني عشر سنة . وهذه العبارة لم تذكرها الأناجيل التلاتة وانفرد بها القديس متى كما ان القديس بطرس عندما استدعاه كرنيليوس الوثني ليعرف منه دين النصرانية أخبره ان المسيح أوصاهم أن يكرزوا للشعب"(أعمال10/42) أي لليهود فقط . حتى لو كانت العبارة صحيحة فرضآ فهى لا تثبت الأقانيم التلاته أو التثليث علشان حرف الواو إللى بيفيد المغايرة والاضافة والأب عريان قال لينا ان أبائنا مخدوش بالهم ونسيوا وحطوا حرف الواو لما جم وضعوا قانون الايمان بتاعنا ولو هما التلاته واحد كانوا قالوا باسم الأب الأبن الروح القدس إله واحد يعنى بدون حرف الواو ، وانا باعتقد يابونا ان الرسول متى وضع العبارة دى خدمة منه للرب يسوع على سبيل المجاملة ، وبعدين تسمية يسوع له المجد بالأبن كان عادى جدآ عند تلاميذه وهم يهود وكان اليهود بيطلقوا على أنفسهم انهم أبناء الله والمسيح نفسه كان يهودى والعهد القديم ذكر مصطلح ابن الله كتير على أنبياء الله وعلى الصالحين وغيرهم ، يعنى لما المسيح يجيى ويتكلم عن الله ويقول إنى أفعل مشيئة أبى فالأبوة هنا على سبيل المجاز كما كان شائع عند اليهود وليس على سبيل الحقيقة ، فالله هو أب لكل الأنبياء والمؤمنين به ، مثال ذلك فنحن ندعوك باسم ابونا فهل انت أبونا حقآ أم ذلك على سبيل المجاز ومثل ذلك ما نطلقه على الأنبا شنوده فنسميه ببابا الأقباط وهو ليس بابانا بالطبع
الأب ديرتى .. والظاهر إنه كان سرحان وعند سماعه لاسم البابا شنوده انتفض
ماله البابا خير فيه حاجة ياولاد ، الظاهر أنا كنت سرحان شوية، ينظر فى ساعته وهو يقول الظاهر ان الوقت خدنا
زكى .. بس يابونا لسه ماخلصتش
الأب ديرتى .. بعدين … بعدين
نكمل يوم الحد الجاى
سلام ونعمة الرب معاكم


[COLOR="Red"]وآخر دعوانا ان الحمد لله رب العالمين لا شريك له
[/
COLOR]showman











درس الأحد ( 18 ) نقاش فى قانون الايمان والتثليث
الأب متساهل يدخل ومعه شخص آخر
صباح الخيرياولاد
اقدم ليكم الأب صدقنى وحيكون معاكم بدل الأب بسلامته لحين تمام شفائه
الأب صدقنى
سلام ونعمة لكم جميعآ وأنا بشكر الأب متساهل وبشكر تعب محبته فى الرب
وحنحاول نقضى وقت طيب مع بعض ومش عاوزين نضيع وقت فى التعارف
وعلشان كده إللى يقوم يتكلم يقول اسمه الأول
مين فيكم حافظ قانون الايمان
جنا ..يرفع إيده أنا اسمى حنا حنه
الأب صدقنى .. اسم ابوك حنه
أيوه أصله كان الأبن الوحيد لجدتى ومكنش بيعيش ليها اولاد فسمت بابا حنه علشان يعيش !
التلاميذ تضحك
الأب صدقنى .. طيب لما عاش مغيرش اسمه بعد كده ليه عمومآ اتفضل
حنا .. قانون الايمان : نؤمن باله واحد الأب القوى خالق السماء والأرض ، وكل الأشياء المرئية واللامرئية ، وبرب واحد يسوع المسيح ابن الله المولود الوحيد ، الذى ولد من الأب قيل كل القرون ، نور من نور ، إله حقيقى من إله حقيقى ، مولود وليس مخلوقمن نفس طبيعة الأب ، الذى به قد تم كل شيء والذىمن اجلنا نحن البشر ومن اجل خلاصنا قد نزل من السماوات وتجسد من الروح القدس ومن مريم العذراء وجعل نفسه إنانآ، وقد صلب من أجلنا أيام بونس بيلاطس وتألم ودفن وبعث فى اليوم الثالثوفقآ للنصوص المقدسة وصعد الى السموات ، ويجلس عن يمين الأب وسيعود ممجدآ ليحاكم الأحياء والأموات ولا نهاية لحكمه ونؤمن بالروح القدس وهو اله يمنح الحياة وهو منبثق من الأب ويعبد ويمجد مع الأب والأبن
الأب صدقنى انتظر

مين يقدر يشرح لنا القانون ؟ وإللى يقوم قبل ما يتكلم يقول اسمه إيه !
زكى .. يرفع ايده
اسمك إيه
اسمى زكى عجيب
لأ بلاش انت ، واحد تانى يقوم
روفائيل يرفع ايده
اتفضل أنا اسمى روفائيل ناصح
قانون الايمان بيقول اننا نؤمن باله واحد الأب خالق كل شيء وبالرب يسوع إللى اتولد من الأب قبل كل القرون وهو الأبن الوحيد يعنى إله اتولد من إله يعنى اتنين ألهه واحد أب وواحد ابن من طبيعة واحدة وان كل شيء تم بالإله الأبن وان الروح القدس إله أيضآ انبثق من الأب وهو الذى يبعث الحياة فأصبحوا ثلاثة آلهه الإله الأب فى السماء والإله الأبن والإله الروح القدس نزلوا للأرض وتجسد الإله الأبن بواسطة الإله الروح القدس عن طريق مريم وجعل نفسه انسانآ ، واننا نعبد الإله الروح القدس مع الألهين التانيين إللى هما الإله الأب والإله الأبن يعنى بنعبد التلات ألهة
الأب صدقنى يستوقف روفائيل
إيه يابنى ده تلات آلهه إيه احنا أرثوذوكس بنقول عندنا عن التلات ألهه إنهم إله واحد يعنى الأب هو ضابط كل شيء وخلق كل شيء وانه هو إللى نزل بنفسه وتجسد فى مريم يعنى بالبلدى كده المسيح هو الله ، فهمت !!
روفائيل
فلماذا أظهر لنا القديس متى فى انجيله صور الألهة التلاته ودل عليها عندما أظهر الإله الأبن فى شبه الانسان وهو يتعمد فى نهر الأردن ، وأظهر لنا الإله الأب بصوته الآتى من السماء عندما قال هذا ابنى الحبيب الذى به سررت وأظهر لنا الإله الروح القدس فى صورة حمامه نازلآ وأتيآ عليه ، مش دول يابونا تلات ألهه ، متباعدين عن بعضهم ، وهل كان القديس متى كاثوليكى أو بروتستانتى ، كمان قانون الايمان مبيقولش كده ، بيقول انهم تلاته واحد أب وواحد مولود وواحد منبثق !
توما .. لو سمحت يابونا
الأب صدقنى اسمك ايه
اسمى توما المقلقل
اتفضل
إزاى يكونوا التلاته إله واحد وهما منفصلين عن بعضهم كل منهم فى هيئة مختلفه أحدهم متجسد فى شبه إنسان والثانى فى شبه جسمية حمامه والأب يدل عليه صوته الآتى من السماء دى حاجة متدخلش العقل أبدآ
دميانه .. لو سمحت يابونا
الأب صدقنى اسمك إيه
اسمى دميانه وديع
الرسول متى قال عن ام الرب وعن يوسف النجار" و لم يعرفها حتى ولدت ابنها البكر و دعا اسمه يسوع" فيسوع هو الأبن البكر لأخوة فكيف يكون الأبن الوحيد لله
حنا .. لماذا لا يعبر عن ذلك فى قانون الايمان بتاعنا
الأب صدقنى .. إيه هو إللى يعبر عنه يا حنا فى قانون الايمان
حنا يضيفوا عبارة " وإنه سمح لأمه ان تلد له إخوة ليكون بكرآ لهم "
الأب صدقنى .. مبتسمآ اجلس بلاش عبط
زكى .. لو سمحت يابونا عاوز اتكلم
الأب صدقنى اتكلم من الكتاب وبلاش تخريف وتجديف الأدارة أعطتنى فكرة عنك
زكى .. مذكور فى سفر يوشع ان الله أحب يعقوب عندما كان غلامآ ومن مصر دعا أولاده للخروج منها إلى الأرض المقدسة فاقتبس متى قول يوشع وجعلها نبوءه بقوله ومن مصر دعوت إبنى مع ان كلام الله كان ليعقوب فى أن يخرج بأولاده وأولاد إولاده من مصر وليس لها شأن بيسوع ، ولكن متى حتى ينسب بنوة المسيح لله فقد اخترع قصة فرار العائلة المقدسة إلى مصر والتى انفرد بها دون الجميع
ليتناسب ذلك مع سفر يوشع بقول الله ومن مصر دعوت إبنى . ومتى قد تعود عن أخذ نبوءات من العهد القديم ليفصلها بالمقاس على المسيح كمثل ما ورد فى سفر أشعياء عن نبوءة تقع فى زمانه للملك آحاز وقد وقعت وهى ان العزراء ستلد إبنآ وتسميه عمانؤيل والمسيح لم يتسمى بهذا الأسم أبدآ ولم تذكر الأناحيل ان شخص ناداه بهذا الأسم ، فهى نبوءه خاصة بالملك آحاز ووقعت فى عصره ، واحنا لما نقرا الانجيل ونلاقى فيه الأقوال إللى قالها المسيح مثل من يقبلكم يقبلنى ، ومن يقبلنى يقبل الذى أرسلنى ، وكذلك قوله إنى صاعد إلى ابى وأبيكم وإلهى وإلهكم
يجد ان المسيح غير الله فكيف يكونا واحد ثم ان الروح القدس التى ظهرت بجسمية حمامة كيف تكون لها نفس طبيعتهم
الأب صدقنى .. إيه ده يا بنى انت نابغة حافظ الكلام ده كله إزاى ، بس صدقنى لو استغليت ده فى اثبات صحة الأناجيل وسلامتها من التحريف وبلاش الحاجات إللى فى مخك ، حتخللى المسيح يحبك
زكى .. للأسف يابونا فيه حاجات كتير عقلى بيرفضها لما ألاقى الكتبة بيتسابقوا علشان يجاملوا المسيح بزيادة جملة أو نبوءة مش بتاعته أو يحرفوا بعض الكلام أو يبدلوه وهما فاكرين انهم كده بيخدموا الرب ويجى النساخ يذودوا هما كمان كلام ماحصلش وبعدين تيجى المجامع المسكونية بعد أكثر من تلتماية وخمسين سنة وبعد الاختلافات والصراعات إللى بينهم حول طبيعة المسيح وتحط قانون الايمان بتاعنا ويبقى قانون الايمان بتاعنا قانون أرضى مش قانون إلهى موحى به
دميانه .. زكى بيقولنا إنه بيناقش القمص مبسوط قريبه وساعات القمص مبيعرفش يرد عليه فى وقتها ويبقى محتار ويقوله ادينى فرصة كفاية وانا أرد عليك وبعدين ينقطع عن زيارتهم فى البيت بالشهورعقبال زكى ما ينسى !
الأب صدقنى .. هو انت قريب ابونا القمص مبسوط
زكى .. أيوه يبقى خالى بس ماليش دعوة بيه علشان انا مش مبسوط منه لما يقعد يوبخنى علشان بحاول أشغل مخى وافكر ، ومش مبسوط منه كمان علشان بيخفى الحق ، وماما لما تقوللى خليك زى خالك مبسوط أقولها لأ أنا مش مبسوط منه
الأب صدقنى .. وأنهى تفكير يا بنى ده تفكير عن تفكير يفرق ده تفكيرك مدمر
زكى .. المسيح يابونا قال فتشوا الكتب وأنا لما فتشت لقيت العجب ، زى مثلآ لقيت الكلام إللى قالو المسيح " لكي تكونوا ابناء ابيكم الذي في السماوات فانه يشرق شمسه على الاشرار و الصالحين و يمطر على الابرار و الظالمين" وإذا أخذنا كلامه وطبقناه بمقياس البنوة إللى طبقناها على بنوته لله حنلاقى ان لله أولاد كتيره غيره ، إلآ إذا !
الأب صدقنى إلآ إذا إيه ؟
زكى .. إلآ إذا كانت البنوة مجازآ فالكل يصيروا أبناء الله مجازآ بما فيهم المسيح نفسه
وبصراحة يابونا انا مش مقتنع بان السيد المسيح هو إبن الله , وسبب الخلط ده ان الرسول بولس كانت كتاباته قبل كتابة الأناجيل بعشرين سنة والكتبة خدوا منه أفكارهم لتألية السيد المسيح وخلع البنوة عليه وإللى جم بعد كده حبوا يوضحوا المسئلة مع إضافة الروح القدس فعقدوا العملية وبقت زى الفزورة إللى ملهاش حل
وكل ما يجيوا يوضحوها يعقدوها أكتر وبقى شكل الفزورة ( والد ومولود ومنبثق والتلاته مش تلاته بس هما التلاته واحد ، متمايزين بس مش منفصلين ومش مختلطين ، ذوات مش صفات نزل منهم المولود ومعاه المنبثق وتجسد المولود فى شبه انسان بمعرفة المنبثق فصار المولود ناسوت ولاهوت لا يفترقا ولا حتى لطرفة عين
فتم صلب الناسوت دون اللاهوت لأنه فارقه ! وتم دفن الناسوت وذهب اللاهوت للجحيم وخلص منه الأنبياء ثم عاد للقبر ثم قام آخذآ جسدآ جديدآ . ولم يتم على العثورعلى الجسد القديم ، ثم صعد المولود بلاهوته وناسوته وجلس عن يمين الوالد ، وظل المنبثق على الأرض ليكون مع التلاميذ وبولس وكتبة الأناجيل يسوقهم بالوحى
وظل مع من جاء بعدهم من الأباء ، ومع ان لكل من الثلاته عمله الخاص به إلآ ان التلاته هم على الحقيقة واحد !! يعنى المسئلة بقت عاملة زى شلة الخيط إللى اتلخبطت ولما جم علشان يسلكوها كل واحد بقى يشد من ناحية فاتلخبطت أكتر ! فهمت حاجة يابونا
الأب صدقنى .. لأ ... قصدى انت بتقول إيه ؟
زكى .. عجيبة الحكاية دى
الأب صدقنى .. إيه العجيب
زكى .. أصل خالى مبسوط كنت كل ما اتكلم معاه ألاقيه سارح كده زى حضرتك وبعدين يقوللى انت كنت بتقول إيه !
الأب صدقنى
يوم الحد الجاى نكمل ياولاد وننقاش زميلكم زكى فى إللى قاله ونتكلم عن الأقانيم
سلام ومحبة


وآخر دعوانا ان الحمد لله رب العالمين لا شريك له
showman

المزيد من مواضيعي

وَيَقُولُونَ هَـؤُلاء شُفَعَاؤُنَا

درس الأحد ( 17 ) ما بعد القيامة

مشكلة

درس الأحد ( 136 ) خليك إنتهــــازى

درس الأحد توابع الزلزال

درس الأحد ( 39 ) الرب فى السفينة

درس الأحد ( 166 ) قصاقيص

يوميات عم رمضان - وَبِالْوَالِدَيْنِ إِحْسَاناً