[أبو حفص الأيوبي]

أكرمك الله يا شيخ هانى, شرح مميز ورائع , ولو انك فكرتنى بأيام بيضاء



كنت عايز اوسع بارتيشن السي ووسعته وكله تمام وعملت ريستارت ودخلت على الويندوز عادى جداً

وتأكدت من نجاح العملية

تمام ؟ تمام

ريستارت تانى وحطينا اسطوانة ال vista (كان يوم ابيض يوم ما فكرنا ننزل vista ما احنا 100 سنه شغالين بال xp والراجل محترم وما بيقولش حاجه)

دخل معايا لحد المكان اللى هختار فيه البارتيشن اللى هنزل عليه السيستم , ثم



الـ 160 جيجا طارو والحمد لله

بعد محاولات مضنية واستشارات وبرامج واختراعات رجعت 80 جيجا

أحلى حاجه شركة بريطانية متخصصه في إعادة الملفات بعد الفورمات من أى ميديا

دخلت على ال Live Chat وكتبت لهم ما حدث, كم التكلفة ؟

قالت سترسل لنا الميديا على حسابك إلى هنا, لندن

وستدفع حوالى 4900 جنيه استرليني تحت الحساب ونسبة استرجاع الملفات تصل إلى حوالى 98 %

قلت لها أعيدي علي المبلغ ثانية, فقالت نعم 4900 جنيه استرليني

يعنى ادفع 50 ألف جنيه علشان ارجع الهارد قلت لها ما فيش وظائف فارغة في شركتكم ؟
قالت what ?
قلت لا شيء سلااااااااااام

قال 50 ألف جنيه علشان الهارد يرجع, عالم بتهرج

جزاك الله خيراً مرة أخرى على الموضوع والشرح أخى الحبيب, وكان لا بد من ذكر هذا الموقف, لا أستطيع نسيانه للأسف, كل ما حد يجيب السيرة لازم

الله المستعان

للمزيد من مواضيعي