الحمد لله رب العالمين
ناس كتير متعرفش المعلومة دى
لو واحد اتعود يتفرج على حاجات تغضب ربنا
وجرب يسبها
أول عقبة هيمر بيها , انه هيحس ان عايز يتفرج تانى رغم انه تاب ؟
المشكلة ان اللى بيتوب مبيقباش
عارف ان العقبة دى لو مر منها , هيبقى أسعد انسان فى الدنيا ...!
والشيطان يضحك عليك ويقولك , انت عملت معاصى كبيرة , مش هتفرق اللى انت هتشوفه ده ؟
عارف
الفرق بينك وبين الشيطان ؟
انت لو بطلت المعصية ربنا هيمسحلك القديم كله ,مش بس كده , وهيحولك ذنوبك حسنات ,أما
الشيطان داخل النار داخل النار وعايز يدخلك معاه بأى طريقه ..
النفس زى الطفل , لو عودتها على المعصية بتتعود عليها , رغم انها سبب فى مرارة بتحسها فى قلبك , وضنك فى عيشتك , ومشاكل بتجيلك من كل ناحية ,وزعل والدالك ووالدتك منك , و انت متعرفش ان المعصية هى السبب ..
ولو عودتها على الطاعة بتتعود عليها ,وتكون السبب فى سعادتك وانت مش واخد بالك , وسبب فى نعم كتيرة بتجيلك من حيث لاتدرى زى استجابة ربنا لدعائك ,حب الناس ليك ,تفوقك فى دراستك ... الخ
فبالتالى انت لما تيجى تنقلها من مرحلة المعصية ,لمرحلة الطاعة هتحس بصعوبة فى البداية , لكن هذة الصعوبة ستتلاشى تدريجيا الى أن ينقلب الاحساس الى العكس ,المرارة اللى فى قلبك تنقلب الى حلاوة ستشعر بها ..... جرب ومش هتندم
واوعى
الشيطان يضحك عليك , لو عينك وقعت مرة على الذنب , غمض عنيك وعاهد ربك انك مش راجع تانى .. وشوف هتحس بايه ساعتها !!
