[الليث الضاري]

حكايتنا كلنا ... حكاية كل يوم

دنيا ولابسة كل زينتها
لامعة بتبرق وبتتّنى

تنده على كل اللي يشوفها

والضحكة ليها شنّة ورنّة

قرب يا اسمك إيه وتعالى

تاخد كل اللي بتتمنّى

إوعى تخاف مني أو تهرب

واوعى تفكر أو تستنّى

قام صدقها وجري ناحيتها

ولا فكر ولا حتى إتأنّى

فاتح حضنه وقافل عينه

ضميني وخديني أتهنّى

ولما دراعها ضمه إليها

راحت الزينة ودابت الحنّة

وظهرت فجأة على حقيقتها

تعبان نار مش مهرة جنّة

مات من الرعب وفاتها يا حسرة

تنده غيره اطلب واتمنّى

للمزيد من مواضيعي