ارض امى لقو فيها بترول
 

ال بيقولو ارض امى -لقو فيها ال ايه بترول
يعنى هدوق اللحمه اخيرا- الف وداع يا طبق الفول
يعنى هجبلى كده كام بدله - يعنى اخيرا هدخل موول
وهشهيص روحى من الاخر- وهكون استيلش فرى كوول

ال بيقولو ارض امى- لقو فيها ال ايه بترول
وبفكر ابيعو قطاعى
انا حر بقه مهو بتاعى
راح الف بيه على الكارو
"بريال يا جركن بتروول"
ال بيقولو ارض امى - لقو فيها ال ايه بترول
يا خوفى منها امريكا
تعمل زنبه تشوف تلكيكه
وتيجى تسفلق بترولى
ال بيقولو ارض ماما - لقو فيها ال ايه بترول
يا خوفى محله غربيه
يقولو دوله ملكيه
فيها البغل ملك الفوول

ولا يقولو فيها نووى
فى قبر السيد البدوى
ويهجمو علينا بالاسطوول
ولا ينوبنى كده فى الاخر
ولا اللحمه ولا الفوول
ده بيقولو ارض امى - لقو فيها ال ايه بترول
بجد يا عالم ادعولى
يباركلى ربى فى بترولى
واوعدكم لو فعلا هقبض
هعزمكم يومها على طوول

رد: ارض امى لقو فيها بترول
 

أرض أمك فيها بترول،ربنا يزيد و يبارك..................:6:

رد: ارض امى لقو فيها بترول
 

السلام عليكم ورحمة الله وبركاته
جزاك الله خيرا يا اخي ولا تنسي ان تعزمنا علي جركن بترول.

رد: ارض امى لقو فيها بترول
 

للاسف يا اخى سالنا الشركه الى قالبه الارض قالولنا غاز طبيعى مش بترول وقاعدين مستنين نشوف نسبته مجديه يحفروا ولا لا
ادعيلى

رد: ارض امى لقو فيها بترول
 

هههههههههه انت هترجع فى كلامك لسة هنتظر يكون عندك بترول عشان تعذمنى
يدينى ويديك طولة العمر وبقى قابلنى ان شوفت اللحمة ولا دخلت مول وعجبى

رد: ارض امى لقو فيها بترول
 

ياعم سيد بس تعالى وملكش دعوه
وربنا يرزقك ويرزقنا الحلال
حلمنا ان يطلع عندنا بير غاز يملى مليون بمبه
بس شكلنا خدنا ولا مؤاخذه ياعمى اكبر زنبه
وتعدوا بالعافيه