البلد دى مش على الخريطه!!!!!
 

بسم الله الرحمن الرحيم اللهم صل على محمد وعلى آله وصحبه أجمعين
البلد دى مش على الخريطه ابدا البلد دى من اختراعى بما انى مش قادرة اغير الواقع قلت اذهب للاحلام لعلى اجد المنفذ لامالى العريضه البلد دى من تصميمى انا ومن خيالى انا

البلد دى فيها مليارات البشر وكلهم مسلمين الحمد لله

البلد دى مفيهاش ولانصرانى مش عشان انقرضوا ولا تعاليم كتابهم قضت عليهم لالا عشان كلهم اسلموا ولله الحمد

البلد دى ابنى ان شاء الله فى المستقبل رئيسها

وابنى التانى شيخها العلامه

وبنتى فاتحه فيها مجمع اسلامى

ولكنهم مش مميزين لان كل شعبها كده فقيه

هم شيوخ وعلماء للتذكره فقط لان اهلها ربنا من عليهم بالعلم

ابنى الرابع مخترع فيها تتهافت عليه الدول ولكنه مصر يبقى فى بلده لانه منعم بامكانيات مش هالايقيها بره ابدا

البلد دى فيها مترو للسيدات فقط طول اليوم(مش لغايه الساعه 9)

وكمان وسائل المواصلات للسيدات فقط

النساء كلهم منتقبات والرجال جمعيا من اهل السنه والجماعه ومطبقين السنه بحذافيرها

ساعه الصلاه متسمعش صوت ولا اى حد فى الشارع خالص واى محل فاتح ولا اى حاجه ليه كلهم بيصلوا

بلدى دى شوارعها نضيفه لان اهلها ملتزمين

بلدى الاولى فى الاقتصاد العالمى ومفيهاش نسبه بطاله ابدا خالص

بلدى دى العيش فيها جميل ونضيف وكبير وسهل المنال ورخيص

بلدى بتاع الطعميه فيها بيغير الزيت كل يوم كل يوم يا سلام على الزيت اصفر ونقى

بلدى دى اصوات عصافير ومناظر طبيعيه صوت القرأن من كل حته ولو نسيت مرة بابك مفتوح ومشيت تأكد انك مش هتسرق انا مش بقولك اهلها ملتزمين

بلدى دى مفيهاش وسايط ولا طوابير ولا كل ده ماشيه بالعدل طبعا

فى بلدى الناس بتنزل من الابواب المخصصه للنزول وبنطلع من ابواب الطلوع ناس منظمين!!!!!!!!!!!

بلدى كل قنواتها دينيه واسلاميه واخباريه متلاقيش غيرهم والناس مبسوطه وسعيده

بلدى مفيهاش جرائم ولا اى حاجه من دى لدرجه بنفكر نقفل قسم الشرطه اللى فيها اصل ملوش لازمه

وعلى فكرة مفيش شوارع ضلمه ولا زحمه ولا كل ده احنا ناس ملتزمين

وعلى فكرة بقى عندنا بيت مال ومحدش اصلا فقير والاطفال كلهم نبغاء مخترعين ماشاء الله وياسلام على حياء البنات يضرب به المثل بصراحه امال ده احنا ملتزمين

بلدى رئيسها بابه مفتوح ليل نهار بس للاسف محدش بيروحله ليه!!!!!!!!! مفيش مشاكل طبعا

وعلى فكرة كمان البلد دى مفيهاش عوانس كل نسائها متزوجات من اخوة ملتزمين وكمان كلهم سعداءاللهم بارك

بلدى دى على السنه ماشيه للابد
بلدى ...............................
لو عددت فى مميزاتها مش هيخلص الكلام اكيد

دى بلدى اتمنى كل واحد من حضراتكم يقولى بلده اللى مش على الخريطه نفسه تبقى ازاى؟؟؟؟؟؟؟؟؟

نفسى بلدى ما يكنش فيها بقشيش ولا رشوة ولا دروس خصوصية

جزانا واياك اخى الفاضل واتمنى ان تشاركنا برايك القيم

جزاك الله خيرا اختى الفاضله نضال3 صدقتى والمعنى فى بطن الشاعر

صدقت اخى الفاضل الراوى بأذن الله لو بدا كل واحد بنفسه سوف نصل مرور حضرتك شرفنى

اضحك الله سنكم اخى الكريم والله الذى لااله غيره المترو بقى شىء محزن يوجد عربيبتين للنساء واحده طول اليوم والاخرى لغايه الساعه 9 لغايه كده الامور تمام ومن الافضل يعنى ان الرجال يتركوهم مش لازم يعنى خلاص الا من الساعه 8 بيركبوا ومش فى العربيه اللى وقتها محدد بس لا فى التانيه كمان يعنى هما عربيتين بس خلاص يعنى فهم يطبقون المثل القائل(الممنوع مرغوب ) لا والادهى انهم بيقعدوا والنساء تقف واذا قررت اخت ان تبحث عن عسكرى لينزل الاخوة لاتجد او لايرد اصلا واقع مرير!!!!!!!!!! لذلك ذهبت للاحلام

امين يارب العالمين مرورك شرفنى الغاليه زهراء حقق الله احلامك اختى الحبيبه