منتديات كلمة سواء الدعوية للحوار الإسلامي المسيحي

السلام عليكم ورحمة الله بركاته

لحظة ميلاد قلب؛

لما بتبقى سارح مش سامع أي حاجة و فجأة تلاقيك انتبهت على صوت الشيخ بيقول آيه تطمّن قلبك و تجبر خاطرك !

و لما بتبقى مديون و عمّال تحسبها و شايل الهم، و يدّبرها الكريم من عنده و فجأة تلاقي رزقك جايلك لحد عندك بيخبّط على بابك !

و لما بتبقى حياتك مكعبلة و ربنا رزقك بإنسان ياخد بإيدك و ينسيّك هم الدنيا كله !

و أما بتفقد غالي عليك و تحسّ إن الدنيا انتهت، فتلاقي ربك قريب في كل وقت و بيبعتلك رسائل تصبّرك و تقويك و بشريات خير عن حبيبك تطمن قلبك عليه !

لما بيحصلك حاجة بتكرهها و بعد فترة تكتشف إنها خير ليك، فـَ تحمد ربنا ع اللي حصلك !

في لحظة القلب بيتولد من جديد لما بيحسّ بكرم ربنا و قربه و لطفه الخفيّ، و لما بتضلّم أووي و يلجأ للكريم و يفرجها عليه :')

ركّز في الرسايل اللي بتتبعت لقلبك طول الوقت .. صباح الفل
__________________
‫