منتديات كلمة سواء الدعوية للحوار الإسلامي المسيحي

النهارده هحكى لكم حكايتى مع التنصير
انا كنت شغال فى مصلحه حكوميه ومرتبى اتاءخر ستة اشهر لم اقبض المرتب اللى هو 218جنيهو90 قرش

فرحت الوزاره اساءل ع المرتب دخلت على رئيس شئون العاملين فقلت السلام عليكم

فلم يرد وبص لى بقرف وقال عايز ايه قلت انا جاى اسائل على مرتبى قال لى اطلع فوق فى الحسابات

طلعت الموظفين قالوا لى لسه ياحاج ربنا يسهل

قلت فى عقل بالى هى الوزاره خسرت الفلوس فى البورصه ولا ايه؟

جيت بعد اسبوع دخلت ع البيه المدير المتكبر اللى لم يرد على السلام

اول ماشافنى كائن عفريت ركبه وقال لى انت تانى اطلع فوق

روحت البيت وبعد اسبوع رحت تانى ودخلت ع البيه المدير وقبل ماادخل قلت فى نفسى خساره تقول له السلام عليكم قول صباح الخير

دخلت يامحترم ولسه بقول صباح ولم اكمل الخير ونط المدير المحترم من ع المكتب وقال فووووووووووووووق فووووووووووووق بزعيق

فخرجت وكملت الصباح التحيه مع نفسى وقلت خيرررررررررررر

وبعد كده قابلنى واحد اعرفه شغال فى الصحافه وقال لى ايه ياابو السعود انت لسه مصرفتش مرتبك قلت له لسه قال لى انا هعمل شكوى بااسمك فى الجرنان

قلت له ياريت

صاحبنا مكدبش خبر وراح منزل شكوى فى الجريده بااسمى

وحاطط صورة معالى الوزير

وكتب الى متى ياسيادة الوزير سيستمر هذا الوضع ابو السعود صاحب عيال ولم يصرف مرتبه من 6 اشهر

وشوية كلام جامد اوى وبعدين كتب تحت التوقيع ابو السعود

ولقيته بسلامته جايب الجرنان (الجريده) وبيفرجنى على المقاله اللى كتبها

قلت له جزاك الله خيرا ودتنى فى داهيه هههههههه

قال لى ليه بس ياابو السعود بتقول كده قلت له يااخى انا مبعرفش اكلم المدير تقوم انت موقعنى مع الوزير حته واحدهhttp://www.albshara.com/images/smilies/22-61.gif

المهم بعد نشر الشكوى فى الجرنان بيومين لقيت البوسطجى بيدور على واحد اسمه ابو السعود اللى هو انا

وانا اصل مفيش حد بيبعت لى جوابات لان مفيش حد اعرفه مسافر

فقلت بس يبقى ده جواب جاى من الوزاره وفيه المرتب بقيت فرحان ومظئطط ثم وقفت لحظه قبل ما افتح الجواب( الخطاب)

وسرحت قلت فى عقل بالى دا مبلغ حلو ياابو السعود 6 شهور فى 218 جنيه و90 قرش

يعملوا حوالى الف وتلاث مائة جنيه

جت فى دماغى فكره قلت انت تحافظ ع المبلغ ده وتعمل مشروع ينفعك وينفع البلد

نسيت اقول لكم ان الناس جيرانى لما عرفوا جهم باركوا لى وكل واحد عاوز حلاوة مقبضت

اللى جايب ابنه معاه وبيقولى الواد كان بيدعيلك هات له بدلة ظابط واللى جايه تقولى مبروك ياابو السعود متنساش الهديه اللى قلت لى عليه لما تقبض

والكل جاى يهنى ويبارك وعايز الحلاوهhttp://www.albshara.com/images/smilies/Fun%281%29.gif

انا قلت مش هتصرف فى مليم واحد من الالف وتلتميت جنيه

لازم امشى فى المشروع اللى يساعدنى ويساعد البلد ( وفضلت اغنى متقلش ايه اديتنا مصر قول هندى ايه لمصر)

ياحبيبتى يامصر

قلت اول مشروع هعمله هعمل مصنع لتدوير الزباله اللى فى كل مكان

ومش عارفين يتصرفوا فيه

والم الشباب العاطل من عن النواصى واشغلهم

واعمل مشروع سكنى الم الغلابه اللى نايميين فى المقابر واحسسهم انهم بنى ادمين زى

وان فاض حاجه من راس المال اللى هو 1300 جنيه اديه مكافاءت للاعبى الكوره اللى بيحققوا لينا الانتصارات فى المحافل الدوليه ورافعين راسنا للسما

لان هم دول امل الامه اللى هيحرروا فلسطين

لان لما اليهود بيسمعوا ان مصر خدت كاءس افريقيا بيهروا على نفسهم من الرعبhttp://www.albshara.com/images/smilies/Fun%281%29.gif

وبيقولوا اه المصريين قادمون ياويلنا

المهم بعد مافقت من الغيبوبه ( كومى بالانجليزى يعنى ههههههه )

فتحت الجواب (الخطاب)

وكانت الصدمه الكبرى ملقتش فلوس و لاحتى جواب شكر

امال لقيت ايه

خطاب من هيئه تنصيريه لما قراءت شكوتى فى الجلرنان اخدت عنوانى

وارسلت تقول لى ( اخى ابو السعود لاتحزن قلوبنا معك ونصلى من اجلك وتاءكد اخى ابو السعود ان الرب يسوع لن يتركك فى محنتك فهو ضحى من اجلنا ولن يتركنا وعليك بسماع اذاعة مونت كارلو

وشويه كلام كده مش فاكره)
)المهم يامحترم خدت الجواب والشكوى اللى فى الجرنان وصورتهم وطلعت ع المدير اللى مبيردش السلام ده

ودخلت عليه وفى نيتى اتخانق ان شالله اروح فى ستين داهيه

اول مشافنى لسه هيطنط ويقولى فوق رحت داخل وقاعد ع الكرسى اللى امامه وحطيت الصوره بتاعت الجواب والشكوى على مكتبه قلت له بص

اول لما قراء الشكوى قال لى هو انت اللى عامل لينا ازعاج فى الجرايد طيب ليه مجتش لى من الاول وانا كنت خلصت مشكلتك بد الجرايد والشوشره اللى عملتها دى

المهم قلت له اصل حضرتك مشاغلك كتير ربنا يكون فى عونك ومرضتش اشغلك بحاجه هايفه زى دى

قال تشرب ايهhttp://www.albshara.com/images/smilies/Fun%281%29.gif

قلت له لا يافندم جزاك الله خير قال لازم تشرب حاجه انت راجل محترم وطيب

قلت فى نفسى اه ياابن ال............

وبالتليفون نزل اتنين موظفين خلصوا كل حاجه وانا قاعد فى مكتبه زى الباشا وحاطط رجل على رجل
http://www.albshara.com/images/smilies/21_180.gif

زهو بالانتصار بقى

ولم يلفت نظره موضوع التنصير نهائى

وقبضت المرتب وجبت لحمه للعيال اصلهم مبيكلوهاش كتير علشان بيقرفوا منها هى والسمك والفراخ بيحبوا الفول بس http://www.albshara.com/images/smilies/Fun%281%29.gif بيقولوا لى مدخلش الحاجات دى البيت اصلها بتظفره

واحنا مش عايزين بيتنا يبقى زفر عايزينه نضيف كده وحلو من غير ظفر :36_11_6: