طبق اليوم (طريقه جديدة لعمل الرنجه والفراخ البانيه والعيش وهتدعولى )
بسم الله الرحمن الرحيم السلام عليكم ورحمه الله وبركاته انا النهاردة قررت انضم للمطبخ بس قولت اخترع اكله جديدة تيجوا نشوف عملت ايه يلا بينا طبعا معرفش المقادير ولا شىء كل لاخبطينا واكلينا نظام جديد متخدوش فى بالكم المهم هات 20 كيلو فراخ بانيه لاء خليهم نص كيلوا بلاش طمع وهات نص كيلو طماطم ورُبع فلفل رومى وبصل وثوم وفلفل اسود وملح وكمون بص هتبل الفراخ بالبصل والفلفل الاسود لمدة ساعتين وبعدين تجيب طاسه واسعه كدة وحلوة وبعدين حط الفراخ مع الزيت فى الطاسه وولع عليها لغايه اما تهب فى وشك وبعدين اما تحس انه الفراخ بتتحرق قصدى بتستوى قطعها وهى فى الزيت حتت صغير وهتا البصل المجروش حطه عليها وكمان الطماطم والفلفل الرومى والثوم وقلب وسيبها نص ساعه وحط ملح وفلفل اسود وكمون واستنى اما الطاسه تتحرق عشان الاكل يطلع جميييييييييييل وبعدين كلها وادعليلى ...................... الطريقه الجديدة للرنجه هات الرنجه ونضفها وبطل قرف زى ما الناس بتعمل واغسلها ايوة اغسلها فى الحنفيه بس خد بالك عشان بتفرول واقليها فى الزيت بالدقيق بتطلع جميله والله .................................... هات العيش الناشف اللى عندك واقليه زى البطاطس بيطلع جمييييييييييل ............................................. لو عندك عزومه كبيرة والميزانيه بايظه تعمل ايه اقولك انا اعمل مكرونه وكبدة بس اقولك على سر ومتقولش لحد بعد اما تعمل المكرونه والكبدة طبعا الكبدة مش هتكفى عارف انزل هات بجنيه فول مدمس واضربه فى الخلاط وحطه على الكبدة مش بيبان والناس بتاكل وتقول جميل عن نفسى مرة اتنزنقت قمت اخترعت الفكرة ديه تحياتى اخوكم نور اليقين |
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
هههههه لا يسمعك شيخنا الراجي بيرفع عليك دعوة بمحكمة الطبخ العربي ههههههههههههه تسلم دياتك و شكرا على الموضوع الطيب
|
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
ههههههههههههه فعلا حسبي الله و نعم الوكيل و الله يعيننا على هذه الاكله ولازم بعديها نعمل غسيل للمعدة وشكرا لكم
|
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
يبنى اتقى الله فينا تهب فى وشك ايه وهباب ايه وبعدين حد يقلى رنجة وكمان بالدقيق،وبعدين ايه حكاية الفول اللى فى الخلاط وكمان بالكبدة ،انت بتأكل الضيوف ولا بتنتقم منهم..
|
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
شكرا اخي نور على الوصفة اللي ان شاء الله مش حجربها خالص........................ |
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
الرنجه نوع من انواع السمك بيتملح لغايه اما يستوى بس كدة
|
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
يا عنى هو الفول ورانا ورانا حتى فى الكبده الله يسامحك يا نور
ومتضحكش على الناس وتقولهم إن الرنجه بتتقلى أنته شكلك متعرفش السردين من الرنجه وبعدين الرنجه محدش يعرفها غير المصرين عشان زى ما أنته عارف أنها لازم تتساب فى الشمس شهر لحد ما تتعفن والكلام ده لازمله طقس جيد وده موجود فى مصر بس . |
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
up up up up up up up up
|
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
السلام عليكم ورحمة الله وبركاته
يا اخي بعد ما ترمي الفراخ قصدي بعد ماتاكلها يبقي قولي عنوان المستشفي اللي هتغسل فيها معدتك |
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
looooooooooooooooool كده قسم الطبخ باظ بصراحة وصفات رائعة لمن أراد أن يدخل المستشفي http://www.sheekh-3arb.net/3atter/gr...s/image413.gif |
رد: طبق اليوم (طريقه جديدة لعمل الرنجه والفراخ البانيه والعيش وهتدعولى )
اه نسيت اقول الوصفات ديه للضيوف اللى بيدخلوا الغرفه من غير مايك
|
| جميع الأوقات حسب التوقيت الدولي +2. الساعة الآن 13:40. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.