"مصر هي أمي"!!

[مهندس محمد]

" مصر هي أمي "
مصر هي أمي .. ولا بتشتغلني
أنا ابنها وضناها .. ولا ابن بالتبني
بتفرق ليه ما بيني
وبين اخويا الكبير
وتطلع ليه في عيني
لجل ما يلبس حرير
وتقولي اصبر شوية
ياضنايا يانور عنيا
أمي بتضحك عليا
مش لاقي في بلدي شقة
وأمي تقولي الظروف
افطر واتغدي دقة
واللحمة للضيوف
واخويا ابن اللذينا
واخد فيللا في مارينا
وبسين وكمان جنينة
وانا اسكت غصب عني
ماهي أمي بتشتغلني
مش لاقي وظيفة ليا
اصرف ومنها اعيش
ومعنديش محسوبية
بالتالي دخلت جيش
واخويا حظه نار
وبيقبض بالدولار
أمي بتديله كوسه
وتصدرلي الخيار
نقلتها لكم من جريدة الدستور

[طائر السنونو]

أمي بتديله كوسه
وتصدرلي الخيار

:p018: :p018: :p018:

ياهندسة

قلت عايز تصيف فين ؟؟؟

[مهندس محمد]

:p018: :p018: :p018:


ياهندسة

قلت عايز تصيف فين ؟؟؟

بفكر في ابو زعبل ولا انت شايف ايه يادكتور :p018::p018:

[مسلم للابد]

للأسف يا أخى سمعت هذه الكلمات من المدعو إبراهيم عيسى وأنا بكل صدق لا أحترم هذا الرجل لأنه دائما يتهكم على الإسلام والمسلمين

وهو عاشق لليبراليه والعلمانية

[أبوحمزة السيوطي]

هههههه رائعة يا هندسة

ولكن سيعكر عليها إن كانت من هذا البغيض التافه إبراهيم عيسى سباب الصحابة عليه من الله ما يستحق
أبو مريم نكد عليا بعد ما ضحكت بذكره ههههه

[مهندس محمد]

للأسف يا أخى سمعت هذه الكلمات من المدعو إبراهيم عيسى وأنا بكل صدق لا أحترم هذا الرجل لأنه دائما يتهكم على الإسلام والمسلمين


وهو عاشق لليبراليه والعلمانية

هو تقريبا يقولها نقلاً لكن الشاعر اسمه محمد السيد كما هو مكتوب في الجريده

[كلمة سواء]

بارك الله فيك يا باشمهندس

اضحك الله سنك

ربنا يهدى امنااللى مغربانه علشان لقمه العيش وبتاكل ضيفنا البقلاوه

[لا تسئلني من أنا]

السلام عليكم ورحمةة الله وبركاته

ربنا يباركلك أخي مهندس محمد

للأسف كده بنظلم مصر

أنا بحب مصر جداااااااااااً وبحزن جداً لما حد يذكرها بسوء

[أم حفصة]

جزاكم الله خيرًا أخي الفاضل
مهندس محمد
حفظ الله بلد مصر وجميع البلاد الإسلامية ،
اللهم آمين

[قلبى ملك ربى]

مشكور أخى الفاضل مهندس محمد
بارك الله فيك
وجزاك الله خيرا

[زهراء]

أضحك الله سنك..
جميلة هذه الكلمات بغض النظر عن كاتبها..
تصور الواقع في مصر..
فعلاً ألاحظ تفضيل الغريب وتمييزه عن المواطن المصري ابن البلد!!
ومن المفترض أن يحدث العكس!
وبالمناسبة أنا أحب مصر جداً لدرجة لا يمكن تصورها!
لذلك لا أسميها إلا "أم الدنيا"
نسأل الله أن يحفظها ويحفظ أهلها الطيبين ..
وجزاكم الله خيراً

[الجمل]

أمي بتديله كوسه
وتصدرلي الخيار

والله الخيار مش وحش بس نلقية