المساعد الشخصي الرقمي

اعرض النسخة الكاملة : جامعة الإسكندرية تحصل على المركز رقم 147 من ضمن أفضل 200 جامعة على مستوى العالم.

زهراء
06.05.2011, 18:11
حصلت جامعة الإسكندرية بمصر ولأول مرة على المركز رقم 147 من ضمن أفضل 200 جامعة على مستوى العالم للعام 2011..

وعبرت إسرائيل عن صدمتها لوجود جامعة مصرية ضمن أفضل الجامعات على مستوى العالم..

فقد خرجت كل جامعات اسرائيل من هذا التقييم


رابط الخبر

http://www.timeshighereducation.co.u...1/top-200.html (http://www.timeshighereducation.co.uk/world-university-rankings/2010-2011/top-200.html)
Moustafa
06.05.2011, 19:01
طبعا أنا كمان بعبر عن صدمتي من الخبر .

ياريت تحطوا في أول المشاركة أيقونة ضحك لواحد مش ماسك نفسه و مقلوب علي ظهره .

طبعا معروف إن إللي شاف مش زي إللي سمع ، بس أنا مش هتكلم عن نفسي بإعتباري طالب في الجامعة المذكورة .

معروف إن عين شمس أفضل جامعة في مصر ، طيب إزاي إسكندرية تسبقها في العالمية .

من ساعة ما دخلت الكلية و الجامعة بتكذب الكذبة دي لحد ما صدقتها .

أعضاء هيئة التدريس عايشين الوهم و إحنا مش معاهم :))
زهراء
06.05.2011, 19:12
طبعا أنا كمان بعبر عن صدمتي من الخبر .

ياريت تحطوا في أول المشاركة أيقونة ضحك لواحد مش ماسك نفسه و مقلوب علي ظهره .

أضحك الله سنكم أخونا مناصر..
ضحكت بصدق..
جميل أنك طالب في هذه الجامعة العالمية والتي سبقت جامعات إسرائيل كمان..
لماذا في ظنك وصلت هذه الجامعة للعالمية في حين ترى أن عين شمس أفضل منها؟
وإزاي أعضاء هيئة التدريس عايشين في الوهم وإنتم مش معاهم..
مفهمتش دي..!
Moustafa
06.05.2011, 19:49
جامعة إيه بس إللي وصلت للعالمية يا أختي ؟!
جامعة الطلبة فيها مش بتشوف المدرج غير أول أسبوع ، و عن نفسي أنا مش بشوفه خالص تبقي عالمية ؟

كليتي الأقسام فيها كلهم أقارب كوسة يعني حتي عندنا الدكتورة الابنة و الدكتورة الأم في نفس القسم تبقي عالمية ؟

كلية مش موفرة الأمصال للطلبة ، و فنين المعامل كان كل واحد فيهم سايس و إتعين مع قريبه تبقي عالمية ؟

البوفيه بيقسم مع العميد تبقي عالمية ؟

المدرج لو كل الطلبة حاضرة مش بيكفي و بيقعدوا ع الأرض تبقي عالمية ؟

الواسطة في الدكتور إللي تدخل له الشفوي و يلف الدكتور نفسه يشوف مين معاه واسطة و مين لأ و إللي مش معاه يطلع برة تبقي عالمية ؟

مواد عندنا بالجملة و لا لها علاقة بصيدلة ، و دكتور بيقول ألفاظ سافلة في المحاضرة تبقي عالمية ؟

طلبة زي شحاتين السيدة مرصوصين ع الأرض و في كل ركن ولاد علي بنات و علي السلالم و في مدخل الكلية تبقي عالمية ؟
علشان أسافر أشتغل لازم أعمل معادلة و أدرس سنين و طظ في التقدير و في الجامعة إللي طالع منها ، تبقي عالمية ؟

دكاترة بتشرح و هي بتتاوب و قاعدة علي كراسي و كل ال بيعملوه قراءة المكتوب ع الداتا شو ، و الكتب مفيهاش إل إتشرح في المحاضرة ، تبقي عالمية ؟

و غيره و غيره ، بلاش هجص !
زهراء
06.05.2011, 20:39
جامعة إيه بس إللي وصلت للعالمية يا أختي ؟



جامعة الطلبة فيها مش بتشوف المدرج غير أول أسبوع ، و عن نفسي أنا مش بشوفه خالص تبقي عالمية ؟


كليتي الأقسام فيها كلهم أقارب كوسة يعني حتي عندنا الدكتورة الابنة و الدكتورة الأم في نفس القسم تبقي عالمية ؟

كلية مش موفرة الأمصال للطلبة ، و فنين المعامل كان كل واحد فيهم سايس و إتعين مع قريبه تبقي عالمية ؟

البوفيه بيقسم مع العميد تبقي عالمية ؟

المدرج لو كل الطلبة حاضرة مش بيكفي و بيقعدوا ع الأرض تبقي عالمية ؟

الواسطة في الدكتور إللي تدخل له الشفوي و يلف الدكتور نفسه يشوف مين معاه واسطة و مين لأ و إللي مش معاه يطلع برة تبقي عالمية ؟

مواد عندنا بالجملة و لا لها علاقة بصيدلة ، و دكتور بيقول ألفاظ سافلة في المحاضرة تبقي عالمية ؟

طلبة زي شحاتين السيدة مرصوصين ع الأرض و في كل ركن ولاد علي بنات و علي السلالم و في مدخل الكلية تبقي عالمية ؟
علشان أسافر أشتغل لازم أعمل معادلة و أدرس سنين و طظ في التقدير و في الجامعة إللي طالع منها ، تبقي عالمية ؟

دكاترة بتشرح و هي بتتاوب و قاعدة علي كراسي و كل ال بيعملوه قراءة المكتوب ع الداتا شو ، و الكتب مفيهاش إل إتشرح في المحاضرة ، تبقي عالمية ؟

و غيره و غيره ، بلاش هجص !



أضحك الله سنكم..
لم كل هذه النظرة التشاؤمية أخونا مناصر..
الرابط في مشاركتي يثبت صحة الخبر..
لنفرح بالخبر مادامت الجامعة في دولة عربية إسلامية وتفوقت على جامعات إسرائيل.
النقاط التي ذكرتها فعلاً لا يليق أن نراها في جامعة تم اختياراها ضمن أفضل الجامعات عالمياً..
لكن دعنا من الإمكانات التي توفرها الجامعة من مدرجات ووسائل وأمصال وما إلى ذلك..
ربما كان التفوق من الناحية الأكاديمية والطلبة الخريجين حاصلين على تقادير عالية ومستواهم الاكاديمي عالي ..
فما رأيكم؟
Moustafa
06.05.2011, 20:47
في نقطة الأكاديمية بالذات بخلاف كلية الهندسة فالباقي صفر .
فكيف تكون عالمية ؟

كيف تتفوق علي جامعة مثل جامعة بوسطن ؟

لا أصدق كل ما يقال .