المساعد الشخصي الرقمي

اعرض النسخة الكاملة : ابوالسعود اشترى فلاشه

ابوالسعودمحمود
20.04.2011, 11:01
ابننا الكريم ابو حازم (http://aboyahia.com/vb/showthread.php?t=6893)اتصل بى وقال لى انت فين مش باين بقالك كتير لعل المانع خير فحكيت له حكاية الراجل بتاع النت اللى كل شويه يقطعه فقال لى على فكره جميله اوى بالنسبه لى اول مره اعرفها وهى ان اشترى (http://www.albshara.com/showthread.php?t=26235)فلاشه (http://www.albshara.com/showthread.php?t=26235)ب 100 جنيه وتخلينى اخلع صباعى من تحت ضرس الراجل بتاع النت وقال لى اشترى (http://www.albshara.com/showthread.php?t=26235)فلاشه (http://www.albshara.com/showthread.php?t=26235)فودافون وانا معرفش ان موبنيله بتاعت المجرم نجيب ساويرس المهم اشتريت موبانيله اتارى الفلاشه زى التليفون المحمول ولازم يكون فيه شبكه هههههههههههههه يعنى خلصنا من السلك طلعت لينا الشبكه المهم حطيت الفلاشه واشتغل ياعم نت ابدا مش هشتغل طبعا انا مش فاهم موضوع الشبكه وافتكرت انى هحطها كدها هتشتغل على طول فضلت يومين ياحاج اشيل الكيسه على قفايا واروح بيها للراجل اللى بينزل ويندوز قلت يمكن النسخه انتهت صلاحيتها قام الرجل منزل لى نسخه جديده اروح البيت اشتغل يانت ابدا وراسه والف سيف ميشتغل رحت شايل الكيسه ورحت للراجل ياعم النسخه بتاعتك بايظه مش عايزه تشتغل يجربها لى امامى فى المحل مظبوطه وزى الفل بس ع السلك اللى عنده وبعدين قال لى يظهر مفيش شبكه عندك ياحاج هنا اتصدمت قلت له هى الفلاشه لازم ليها شبكه فضحك الرجل ضحكه غريبه تدل على انه امام راجل من العصر الحجرى وقال لى ياحاج الفلاشه دى زى التليفون المحمول بالظبط لازم يكون فيه شبكه رحت واخد الجهاز وحطيته فى الشارع على شان اشوف حكاية الشبكه دى ووصلت الاسلاك وعملت مهرجان فى الشارع واشتغل ياعم نت ابدا مش عايز يشتغل يجيب لى يافطه انجليزى طبعا لا افهم منها شىْ لان ثقافتى صينى هههههههههه اخر لما زهقت رحت كاتب الكلام الانجليزى اللى بيظهر ع الشاشه ورحت للراجل وقلت له اليافطه دى هى اللى معقدانى قال لى دوس اف واحد روحت البيت ودست اف واحد اشتغل يانت ابدا روحت لواحد تانى قال لى دوس اف 4 برضوا مفيش روحت لواحد تالت قال لى دوس الت مع مش عارف ايه مع ايه كمان وكتبهم لى فى ورقه علشان منساش ال يعنى ده بقى اللى جاب الديب من ديله ههههههههه رحت عامل زى لما قال لى اشتغل يازفت قصدى يانت ابدا رحت بقى ع الواد جهاد واد شاطر اوى قلت له تعالى معى ياجهاد ظبط لى الكومبيوتر فتح جهاد النت فجت اليافطه **** ضحك جهاد قلت له بتضحك على ايه يلا قال لى ياعم ابو السعود (الفلاشه مفيهاش رصيد ))(

هههههههههههههههههههههههههههههههههههههههههههههههههه هههههههههالفلاشه مفيهاش رصيد ياابو حازم (http://aboyahia.com/vb/showthread.php?t=6893)ياسلفى
نوران
20.04.2011, 13:28
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

أخي أبا السعود انسى الفلاشة فهي مكلفة جدا وممكن تصرف عليها أكثر من ألف جنيه شهريا

أما النت فدخل دي اس ال من شركة تي إي داتا

وربنا يسر لك أمرك يارب
ابوالسعودمحمود
20.04.2011, 17:07
الاخت الكريمه نوران السنترال عندنا مفيش فيه مكان فاضى علشان اشترك
د/ عبد الرحمن
20.04.2011, 22:04
أول ما شفت عنوان الموضوع استغربت
( أبو السعود اشترى فلاشة )
قلت يمكن قصدك
صدق أو لا تصدق أو حدث فى مثل هدا اليوم أبو السعود اشترى فلاشة
حمدا لله على السلامة قطعت بنا يا راجل يا طيب
الفارة إلى الله تعالى
20.04.2011, 23:11
السلام عليكم ورحمة الله وبركاته

:25:مبروووك ...أبو السعود باشا ...إشترى فلاشا:25:

hihiطب وحتعمل أيه فى الميكروباص ..hihi

الحقيقه الفلاشا دى مقلب كبير جدا :36_19_5:مهما إن شحنتها بتخلص بسرعه جدا ...ومكلفه جدا كما قالت الغاليه نوران ...
ده غير إن أنا عن نفسى حأقطعك علشان هى موبنيل:36_20_2: لغاية لما تغيرها
$أبو علي$
21.04.2011, 07:30
أبو حازم ضيعك يا شيخنا هههههههههههه

الفلاشة يا شيخنا لرجال الاعمال فقط يعنى لو حد راكب سيارته وبيتابع اعماله بيدخل عليها ويتابعها وهو فى سيارته او اى مكان اخر مفهوش نت
لكن للاشخاص العاديين زينا بتخرب بيتهم بجد لانها بتحسبك بالكيلو بايت
يعنى كل ما تتصفح على النت بتسحب من رصيدك
ابوالسعودمحمود
21.04.2011, 08:03
الله يبارك فيك يادكتور عبد الرحمن
ابوالسعودمحمود
21.04.2011, 08:06
ده غير إن أنا عن نفسى حأقطعك علشان هى موبنيل:36_20_2: لغاية لما تغيرها

الاخت الفاره الى الله يعنى مش كفايه القلب الاولانى عايزانى اجيب فلاشه تانى ههههههه

ثم انت غائبه بقالك كتير وسئلت عنك حمدا لله على السلامه
فداء الرسول
21.04.2011, 14:36
السلام عليكم ورحمة الله وبركاته

اضحك الله سنكم اخي الكريم

بالنسبة لموضوع لفلاشه كنت افكر فيه لان مسألة سرقة اسلاك الهاتف اصبحت ( موضة)

اصلح الله حال الامة

عودا حميدا .............
ابوالسعودمحمود
21.04.2011, 15:10
شكرا اخى ابو على شكرا اختنا فداء الرسول
الفارة إلى الله تعالى
21.04.2011, 16:45
الاخت الفاره الى الله يعنى مش كفايه القلب الاولانى عايزانى اجيب فلاشه تانى ههههههه
زى بعضه سماح علشان حضرتك أخ طيب وكريم

ثم انت غائبه بقالك كتير وسئلت عنك حمدا لله على السلامه


الله يسلمك من كل سوء ...ويعطى جميع من فى المنتدى الصحه والعافيه
إن شاء الله ما يحصلش تغيب تانى..ويجعل الله عملنا كله لوجهه الكريم
ابوالسعودمحمود
21.04.2011, 18:10
جزاكى الله خيرا
البتول
21.04.2011, 19:09
عودا حميدا والدنا الفاضل..
أسأل الله أن لا تغيب عن أسرتك طويلا هكذا..
ابوالسعودمحمود
21.04.2011, 21:51
الفلاشه هى اللى بتغيبنى اختنا البتول
زهراء
21.04.2011, 22:00
أضحك الله سنكم يا والدنا الكريم..
فكرة الفلاش جيدة فهي تساعدك على الإتصال بالإنترنت وأنت خارج المنزل..
ذكرتني حين اشتريت واحدة لأول مرة لما نقلنا بيتنا الجديد ومكنش عندنا خط إنترنت..
ولكنها كانت بنظام الفاتورة وليست بنظام الشحن..!
يعني أستخدمها طول الشهر وبعدها أروح آخر الشهر لأي فرع لشركة الإتصالات عشان أدفع الفاتورة..
المهم من أول مرة استخدام شهر واحد فقط تفاجأت بمبلغ خيالي كبير جداً في الفاتورة ..!
صدمت واضطررت للدفع وفصلت الخدمة مباشرة ولم أغادر فرع الشركة حتى تأكدت أن الخدمة قد ألغيت من صفحتي الخاصة في نظام الشركة..
الآن النظام تغير وأصبح بنظام الشحن مثل كرت الجوال..وهذا أفضل وأحسن..
نضال 3
21.04.2011, 23:12
عودا حميدا استاذنا الفاضل ابا السعود

حمدالله على سلامتك

بجد افتقدنا حضرتك كثيرااااااااااااااااااا

اضحك الله سنك يا ابى الطيب ابوالسعود

يعنى كل هذا المجهود منك _ وفى الاخر الفلاشة ما بها رصيد ؟

فشكرا لأخى الفاضل ابا حازم انه شار عليك هذه الشورى
ابوالسعودمحمود
22.04.2011, 05:51
الاستاذه زهراء انا لو مكانك كنت رحت الشركه واخذت الفلاشه معى وكسرتها امامهم ههههههه
ابوالسعودمحمود
22.04.2011, 05:53
الاخت نضال جزاكى الله خيرا