حضرة المرحوم ..بإذن الله ..سيد بلال

[المشتاقه لرضي ربها]

حضرة المرحوم - بإذن الله- سيد بلال


حضرة ضحية مشروع الصليب ضد الهلال


فى الحقيقة باعترف إنى جبان


خايف ومرعوب من قوة السجان


سيد بلال : خلينى أقولك إنك وراك عيال


ماتت شهامتهم ورجولتهم من زمان


صعب الكلام ده ؟ ، مرة الحقيقة ؟


لكن الحقيقة أهو دا اللى كان !!


سيد بلال أنا واحد من كدابين الزفة


ممكن أجعجع : أكتب مقال : أخطب لى خطبة


وساعة الحقيقة أستاذ فى خطة الزوغان


يا سيد سيد بلال عوضك على الله فى أخوة الإسلام


تسألنى فين الرجال ؟


البعض ماتوا ، والبعض ضاعوا !


والبعض باعوا رخيص حور الجنان!


صورتك وانت ميت بتضحك بتهدنى هد


بتقولى آن يا جبان خلاص آوان الجد


خلى جسور العبور للخلاص تتمد ، آن الآوان


بشوف في صورتك مع إبنك


نفسى مع إبنى فى لحظة الروقان


صورتك يا سيد طيرت النوم من عينيا ،


سامعك طول النهار والليل بتنده عليا


ذنبى إيه ؟ قتلونى ليه ؟


وأنا إنسان مسالم حتى أسألوا عنى الجيران


ياعم سيد اللى زيي وزيك مالوش حق السؤال


يمين يمين ، شمال شمال ، ذل وهوان


موتك دبحنى ، موتك مسحنى ،


صحى الحقيقة العاصية على النسيان


موتك جريمة ، فظيعة وأليمة ، جديدة وقديمة ،


ومع ذلك رفضى ضعيف بهتان


أطمن يا سيد : تارك فى علم الواحد الديان


سبحانه عالم بعملة السجان


ولحظة ما ييجى قضاه يا ويله من لحظة الأَخَدان


قول للى قتل سيد وغير سيد


خدلك يومين ، خدلك ثلاثة


غفلة مهما طولت


مسيرها جاية لحظة الفوقان


كل حاجة عليك متسجلة


والمحاكمة ماعمرهاش متأجلة


بس كل حاجة بوقتها ،


تقل ميزانك واظلم كمان


آسف يا سيد


ما ملكش غير دمعى ودعوة بظهر الغيب


إنى فى يوم أبقى جرىء وماموتش شخص جبان



:36_2_20::36_2_20::36_2_20:

[كلمة سواء]

غفر الله للاخ السيد بلال و تقبله فى رحمتة

اللهم أسكنة جنة الفردوس و ارزقة مراتب الشهدااااء

و صبر أهله وذويه يا ارحم الراحمين

[$أبو علي$]

اللهم اغفر له وارحمه وارحم جميع موتى المسلمين

[أبا جعفر الهاشميّ]

رحمه الله
وأسكنه فسيح جناته

[نوران]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته


قال تعالى :: (( وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42)

مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ (43)

وَأَنْذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُوا رَبَّنَا أَخِّرْنَا إِلَىٰ أَجَلٍ قَرِيبٍ نُجِبْ دَعْوَتَكَ وَنَتَّبِعِ الرُّسُلَ

أَوَلَمْ تَكُونُوا أَقْسَمْتُمْ مِنْ قَبْلُ مَا لَكُمْ مِنْ زَوَالٍ (44)

وَسَكَنْتُمْ فِي مَسَاكِنِ الَّذِينَ ظَلَمُوا أَنْفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْأَمْثَالَ (45)

وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ (46)

فَلَا تَحْسَبَنَّ اللَّهَ مُخْلِفَ وَعْدِهِ رُسُلَه إِنَّ اللَّهَ عَزِيزٌ ذُو انْتِقَامٍ (47) ابراهيم ))