آخر 20 مشاركات
خطايا يسوع : كيف تعامل الربّ المزعوم مع أمه ؟؟؟؟!!!! (الكاتـب : * إسلامي عزّي * - )           »          تواضروس و هروب مدوي من سؤال لنصراني (الكاتـب : * إسلامي عزّي * - )           »          معبود الكنيسة وغنائم الحرب (الكاتـب : * إسلامي عزّي * - )           »          سرقات توراتية ! (الكاتـب : * إسلامي عزّي * - )           »          أدعية الوتر : رمضان 1445 هجري (الكاتـب : * إسلامي عزّي * - )           »          Tarawih _ 2024 / 18 (الكاتـب : * إسلامي عزّي * - )           »          Tarawih _ 2024 / 18 (الكاتـب : * إسلامي عزّي * - )           »          Ramadán 2024 _ el mes del corán / 18 (الكاتـب : * إسلامي عزّي * - )           »          Tarawih _ 2024 / 18 (الكاتـب : * إسلامي عزّي * - )           »          تراويح 1445 هجري : ليلة 18 رمضان (الكاتـب : * إسلامي عزّي * - )           »          النصارى و كسر الوصايا (الكاتـب : * إسلامي عزّي * - )           »          القرآن الكريم يعرض لظاهرة عَمَى الفضاء (الكاتـب : * إسلامي عزّي * - )           »          أفلا أكون عبداً شكوراً (الكاتـب : * إسلامي عزّي * - )           »          Ramadán 2024 _ el mes del corán / 17 (الكاتـب : * إسلامي عزّي * - )           »          Tarawih _ 2024 / 17 (الكاتـب : * إسلامي عزّي * - )           »          Tarawih _ 2024 / 17 (الكاتـب : * إسلامي عزّي * - )           »          Tarawih _ 2024 / 17 (الكاتـب : * إسلامي عزّي * - )           »          تراويح 1445 هجري : ليلة 17 رمضان (الكاتـب : * إسلامي عزّي * - )           »          لماذا يُربط زوراً و بهتاناً الإرهاب و التطرف بإسم الإسلام ؟؟!! (الكاتـب : د/ عبد الرحمن - آخر مشاركة : * إسلامي عزّي * - )           »          كتاب ( خلاصة الترجيح في نجاة المسيح ) أخر ما كتبت في نقد عقيدة الصلب والفداء (الكاتـب : ENG MAGDY - )


رد
 
أدوات الموضوع أنواع عرض الموضوع
   
  رقم المشاركة :1  (رابط المشاركة)
قديم 24.06.2016, 17:49
صور حياء مسلمة الرمزية

حياء مسلمة

عضو

______________

حياء مسلمة غير موجود

الملف الشخصي
التسجيـــــل: 21.02.2016
الجــــنـــــس: أنثى
الــديــــانــة: الإسلام
المشاركات: 257  [ عرض ]
آخــــر نــشــاط
11.04.2020 (00:43)
تم شكره 91 مرة في 80 مشاركة
Ham لمــاذا النبي محمد يا جمــاعة بأبي أنت وأمي يارسول الله


لمــاذا النبي محمد جمــاعة بأبي وأمي يارسول الله
السلام عليكم ورحمة الله وبركاته
لماذا النبي محمــد ؟؟
لماذا النبي محمد يا جماعـة ؟؟
ليه محمد بن عبد الله عليه الصلاة والسلام ؟؟
انا عايز لسانك ما يبطلش معايا كلمة عليه الصلاة والسلام
كان اطيب واحد مشي على وجه الارض
احكم واحد مشي على وجه الارض
اطهر قلب مشي على وجه الارض
اكتر واحد عبد ربنا على وجه الارض
ارحم انسان مشي على وجه الارض
لماذا النبي محمـــد ؟؟
ليه الكفـرة عبدة الكلاب والخنازير
لسانهم يلمس رسول الله
إشمعنــا ؟؟!
علشان مش أي إنسـان
ده رسول الله عليه الصلاة والسلام

علشــان مختلف
علشــان متميز
ودايما المتميز بيثير غضبهم
لو في إنســان من عباد الشهوات والخلاعة والمجون كانوا فكروا يحاربوا كده ؟!
لاااااااااا طبعا

هما منجوسين مش بيشلهم ولا بيستفزهم
غير الطاهر اللي بيشل عقلهم بمعجزاته
وتفكيره اللي سبق تفكيرهم من زمااااان
فليموتوا بغيظهم
إحنا بقي عايزين نثبتلهم إننا أد إيه بنحبه
ولو بس مسيتوه بكلمة واحدة هتشوفوا أد إيه حبنا ليه هيزيد وهنقرفهم
هنتمسك بسنته
اي حاجة من بلاد الكفر نقاطعها جاتهم القرف في حاجتهم اللي أصلا مش عارفين متصنعة من إيه !!!
أي حاجة هتغضب الرسول ولو عايش وشافنا بنعملها نبطلها ونتوب منها

أيوة بقي عايزين نفوووووووق
كفااااااية بقي يا شباب بلاد الغرب دول لو شايفين شباب غيران علي دينه
شباب قوي معتز بدينه كان عمل كده ؟!!
لا ورب الكعبة
لكن إحنا اللي جرأناهم
لكن لسة قدامنا الفرصة أهو
هنفوووق ولا لأ
هنثأر لنبينا ولا لأ
هنخليهم يندموا ولا لأ
بجد لازم نرجع لعهد القوة والشجاعة
مش عهد الضعف والرضوخ لمهلكاتهم الملعونة
و حسبي الله ونعم الوكيل

الطريق الوحيد اتباع الرسول عليه الصلاة والسلام يا جنة يا نار
سلسلة السيرة اللي احنا فيها دي يا جنة يا نار
اي طريق هتحاولي توصلي لربنا منه الا طريق محمد عليه الصلاة والسلام
مقفول مش هيقبل عليه الصلاة والسلام
يا جماعة احنا هنتكلم عن اكتر واحد ربنا حبه في الكون
هنتكلم عن احب حبيب الى الله سبحانه وتعالى
سيدنا محمد عليه الصلاة والسلام كااام واحد..كام واحد نجا من النار بسببه ..كام واحد دخل الجنة بسببه
ده اي واحد عايز يبقى غني بيهتم بسيرة الاغنياء عشان يعرف يبقى غني ازاي
واحد عايز يبقى مخترع يهتم بسيرة المخترعين
عايز يبقى عظيم يهتم بسيرة العظماء
طب اللي عايز يوصل لربنا
اللي عايز ربنا يحبه اللي عايز الفردوس الاعلى

يهتم بسيرة الرسول عليه الصلاة والسلام اد ايه ؟
لماذا محمد..السلسلة دي هدفها اعتذار لرسول الله صلى الله عليه وسلم
عذرا يا حبيب الله ..عن كل واحد ماعرفش قدرك
عن كل واحد ماعرفش مقامك عن كل واحد اتبع غيرك
عذرا يا حبيب الله ان احنا ماعرفناش قدرك اد ايه
عذرا يا حبيب الله يااللي قلت لا يفلح قوم شجوا رأس نبيهم
امال كيف يفلح قوم لم يعرفوا قدر نبيهم صلى الله عليه وسلم

لماذا محمد ؟
يعني ايه لماذا محمد .. ليه هو اللي ربنا اختاره
ليه هو احب حبيب الى الله ..
ليه هو صلى الله عليه وسلم احب حبيب لقلوبنا كلها ..
ليه هو الشخصية اللي العالم كله مستنيها مرة تانية
عشان سنته تنقذ البشرية
لماذا رسول الله صلى الله عليه وسلم
يا جماعة..يا جماعة كان لو ربنا اختار كسرى او قيصر كان نص العالم دخل في الاسلام في اسبوع واحد
ليه ربنا يختار محمد الشاب الفقير اليتيم الوحيد اللي قاعد على رأس جبل
مهجور في غار مهجور وقاعد لوحده بالايام والليالي ذوات العدد
يا جماعة النبوة وهب مش كسب ..
يعني مش اي واحد يقعد على جبل يعبد ربنا هيبقى نبي
بس ايه اللي كان فيه مش موجود في الدنيا كلها عليه الصلاة والسلام
ابن مسعود بيقول ان الله نظر الى قلوب الخلق جميعا فوجد اطهرها قلب محمد فاصطفاه لنفسه
تخيل لو في مية مليون قلب على وجه الارض ساعتها
ميت مليون قلب اتعرضوا على ربنا كان اطهر قلب فيهم واعظم قلب فيهم
ليه يا جماعة هو احب حبيب الى الله
مين اللي حفظه لما قريش كانت بتطارده في الهجرة وحاصروا بيته من كل الجهات عشان يقتلوه
مين اللي حفظه لما كان في غار ثور لو نظر احدهم تحت قدميه لرآه
مين اللي حفظه لما سراقة بن مالك ادركه بالفرس بتاعته و ساخت اقدام الفرس في الرمل
مين اللي حفظه لما الاعرابي سرق السيف بتاعه وقاله من يمنعك مني
مين اللي حفظه لما الصحابة انفضوا من حواليه في احد وحنين وربنا نزله الملايكة تدافع عنه وتحميه
مين اللي حفظه عليه الصلاة والسلام من كل محاولات الاغتيال والقتل اللي اتعرض ليها من يوم مبعثه لقبل مايموت

ليه هو احب حبيب الى الله
ليه احب انسان واحب مخلوق لقلوبنا هو رسول الله صلى الله عليه وسلم ماتبطليش بقى
تدفعي كام وتشوفيه لحظة ؟
تدفع كام وتقعد معاه ساعة ؟
تدفعي كام وتبقي معاه في الجنة ؟
تعيشي معاه في الجنة في الاخرة ؟
اسمعوا الحديث الخطير ده

" المرء مع من احب "
معاه فين يا رسول الله
معاه في الجنة
يعني لو حبيناه تبقى معاه في الجنة ؟
الحديث ده مفتاح الفردوس الاعلى يا جماعة
ماتحبهوش ازاي وانتي لولاه كنتي بقيتي فحمة في جهنم ؟
ماتحبهوش ازاي وانت لولاه ماكنتش عرفت طريق الجنة ؟
ماتحبهوش ازاي وهو اتعرض عليه الملك والمال والمركز عشان يتخلى عنك ويسيبك ومارضاش انه يسيبِك ويتخلى عنِك
ماتحبهوش ازاي وهو احب مخلوق الى الله ؟
مانحبهوش ازاي وكل شيء في الدنيا حبه ؟
لماذا محمد ..
ليه هو اكبر نعمة في حياتنا واكبر رحمة في حياتنا
عليه الصلاة والسلام من غير محمد كان زمانِك ايه؟
كان زمانك انت دلوقتي ملحد !
وانتي كان زمانك مشركة بتسجدي لوثن !
وانت كان زمانك دلوقتي بتسجد لصليب !

لماذا رسول الله صلى الله عليه وسلم ؟
ليه هو اعظم شخصية في الدنيا ليه ان كل الغرب والعالم كله اجمع ان رسول الله صلى الله عليه وسلم هو اعظم شخصية في العالم كله
يا جماعة رسول الله اعظم شخصية في الدنيا كلها عليه الصلاة والسلام ..
اي عظيم من العظماء كان عظيم في حاجة انما مش في كل حاجة
رسول الله كان عظيم .. اب عظيم .. زوج عظيم .. صاحب عظيم .. كقائد عظيم
عظيم في كل ادوار حياته عليه الصلاة والسلام

مش نفسك تركب فرس في الجنة جنب رسول الله صلى الله عليه وسلم
مش نفسك تعيشي معاه في الجنة عليه الصلاة والسلام
مين اللي هيبقى مع النبي في الجنة
اللي سهروا ادام روايات هاري بوتر ولا اللي سهروا يقروا سيرة النبي عليه الصلاة والسلام
مين ..؟
اللي سهروا يتفرجوا عالمغنيين والمسلسلات ولا اللي سهروا يقتدوا بسنته في قيام الليل بين ايدين ربنا سبحانه وتعالى صلى الله على النبي محمد اعظم نبي يا جماعة .. ؟؟
في السلسلة دي عايزين نبقى صحابة لرسول الله صلى الله عليه وسلم
بس ماشفناش الرسول نيجي يوم القيامة نقوله احنا اصحابك يارسول الله
كنا وراك خطوة بخطوة بس احنا ماعشناش معاك عليه الصلاة والسلام
صلى الله وسلم وبارك عليك يارسول الله
ده انت لما بتقرأ عن سيرة بطل من الابطال بتتحمس ..
امال لما تقرأ سيرة النبي عليه الصلاة والسلام هيحصلك ايه ؟
يا جماعة ده لو مغني عمل اغنية جميلة ولا حاجة في نظر اهل الدنيا بيقعدوا اد ايه يتكلموا عنه !
امال رسول الله صلى الله عليه وسلم الانجازات اللي عملها في حياته نقعد اد ايه نتكلم عنها ؟
لماذا محمد ليه يا جماعة ليه محمد ؟
عشان عودة الروح .. عشان الروح ترجع تاني للامة .. عشان الهداية ترجع تاني للامة ..
هدف السلسلة >> ان احنا يوم القيامة ننال شفاعته صلى الله عليه وسلم
هدف السلسلة >> ان النبي مايقولناش يوم القيامة بئسما خلفتموني من بعدي
هدف السلسلة >> دي ان احنا نحب الرسول صلى الله عليه وسلم بصدق
صلى الله وسلم وبارك عليك يارسول الله ..
وده كانت تلخيص الحلقة الأولي من سلسلة لماذا محمد للدكتور حازم شومان
والحلقة كاملة
هنـــا

يتبع إن شاء الله
للمزيد من مواضيعي

 








توقيع حياء مسلمة

اللهم اغفر لأبي وارحمه واجمعني بيه في جنة الفردوس الأعلي من غير حساب ولا سابقة عذاب آمين آمين آمين


رد باقتباس
الأعضاء الذين شكروا حياء مسلمة على المشاركة :
   
  رقم المشاركة :2  (رابط المشاركة)
قديم 25.06.2016, 18:13
صور حياء مسلمة الرمزية

حياء مسلمة

عضو

______________

حياء مسلمة غير موجود

الملف الشخصي
التسجيـــــل: 21.02.2016
الجــــنـــــس: أنثى
الــديــــانــة: الإسلام
المشاركات: 257  [ عرض ]
آخــــر نــشــاط
11.04.2020 (00:43)
تم شكره 91 مرة في 80 مشاركة
افتراضي الحلقـــة الثانيـة


(( الحلقة الثانية ))

قبل ما نبدأ نتكلم عن سيرة حبيب الله محمد صلى الله عليه وسلم


أنا عايز أكلمك الأول هو حبك أد إيه .. هو حبِّك أد إيه ؟؟


عايز أكلمك إن أكبر حب حبه مخلوق لمخلوق في الدنيا كلها هو الحب الي الرسول حبه ليك ..

ممكن ميكونش هو أكتر واحد إنتِ حبتيه في حياتِك .. ممكن !!


ولكن إنتِ أكتر واحده هو حبِّك في حياتُه عليه الصلاة والسلام ..


وإنتَ أكتر واحد هو حبَّك في حياته عليه الصلاة والسلام ..




يا جماعة .. بتحبوه أد إيه ؟؟ بتحبيه أد إيه ؟؟



الّي قدِّم مليون برهان على إنه بيحبك ... إنت قدِّمت كام برهان على إنك بتحبه ؟؟



الي ياما دموعه سالت عشانك إنت !! إنت كام مره بكيت عشانه ؟؟


بتحبه أد إيه ؟؟



الي عاش حياته يا طالع من جبل يا نازل جبل!!



يا مُطارَد يا مطرود يا بيتحارب يا بيحارب

يا محاصر يا جائع .. عليه الصلاة والسلام .. يا مسافر .. ليه ؟؟


عشان إنت تطلع مسلم و عشان إنتِ تطلعي مسلمة ..


أنا عايزك تحبه بكل ذرّه في قلبك لحد ما تحس ليه سيدنا أبو بكر الصديق رضي الله عنه وهو بيموت قال لهم : إن متّ الليلة فادفنوني ، فإن خير ليلة أبيتها بجوار رسول الله صلى الله عليه وسلم .


حب الموت عشان هينام جنب النبي عليه الصلاة والسلام ..

أنا عايزك تحس بكل ذره في قلبك ليه سيدنا عمار ابن يزيد وهو بيموت في معركة أحد..


فضل يزحف لحد ما وشه لمس جسد النبي عليه الصلاة والسلام .. وسكن ومات رضي الله عنه ..

أنا عايزك تحس بكل ذرة في قلبك ليه المرأة الي بشرّوها بمقتل أبوها وأخوها وإبنها في غزوة أحُد .. قالت لهم : ماذا فعل رسول الله صلى الله عليه وسلم ؟

لما عرفت إن هو عليه االصلاة والسلام حي .. قالت كل مصيبة بعدك جلل يا رسول الله


أي حاجه تهون بعدك يا رسول الله ..


أنا عايزك تحس بكل ذرة في قلبك ليه بلال وهو بيموت .. إمرأته بتقول : وآحزناه ...

قال لها : بل قولي وآطرباه .. ليه ؟؟

غداً ألقى الأحبة ..

مين ؟؟

:: محمد صلى الله عليه وسلم ::




أنا عايزك تحس وسيدنا عمر بيقول له يا رسول الله .. يا رسول الله هل أحياني الله إلا بك !؟ وهل رفعني الله إلا بك !؟

فما خير الحياة وأنت معرض عني يا رسول الله .

أنا نفسي حب الرسول يملى عليك حياتك .. يبقى أمنيتك إنك تشوفه في رؤية .. قبل ما تموت عليه الصلاة والسلام ..



ماشتقتلوش ؟؟



موحشكيش؟؟




مش نفسك تشوفه ؟؟ مش نفسك تقعدي معاه عليه الصلاة والسلام ؟

الرسول عليه السلام بيقول : مِن أشد أمّتي حباً لي ، قومٌ آمنوا بي ولم يروني ، يوّد أحدهم لو رآني بأهله و ماله .


يدفع حياته كلها ويشوف النبي عليه الصلاة والسلام....... إنتَ من الناس دول ولا لأ ؟؟


إنتِ مُشتاقة للنبي عليه الصلاة والسلام كده ؟؟ ولا مش مشتاقة له بهذه الطريقة ؟؟



أنا هكلمكوا الليلة عن : إنت موقعك في قلب النبي كان إيه ؟؟



الحنان الي في قلب النبي تجاهِك كان إيه ؟




أنا هكلمكوا الليلة يا جماعه عن : حنان النبي ..


حنانه بـ زوجاته يا كل واحده نفسك في زوج حنون ..



حنانه بيك وبيكِ .. حنانه بالجماد عليه الصلاة والسلام



حنانه بكل الي أذوه ... بـ إلّي ظلموه .. حنانه بالعصاة .. والمكسورين




حنانه بكل فقير ويتيم .. وضعيف

اول حاجه عايز أكلمكو عنّها حنانه بالجماد يا جماعة ..




النبي عليه الصلاة والسلام في خطبة الجمعة طلع .. الصحابة عملوا له منبر..



النبي طلع والقبائل الي حوالين المدينة التفوا



حول النبي عليه الصلاة والسلام على المنبر



النبي بيتكلم عن الدين ونصرة الدين وبيتكلم عن ربنا والكل منصت معاه وفجأة يسمعوا صوت حد بيتألم حد بيبكي



فيه صوت بكاء في المسجد وقدام كل الصحابة ينزل النبي من على المنبر ويقطع حاكم الدولة الخطبة بتاعته وينزل من على المنبر ويـُفاجئوا إن الرسول راح على جزع الشجرة الي كان بيخطب عليه قبل ما المنبر يتعمل .. ويحضنه رسول الله أول ما الرسول يحضن الجزع .. الجزع يسكن تماماً

الرسول عليه الصلاة والسلام يقولهم : والله ولا أني إلتزمته لظل يبكي إلى يوم القيامة



الجزع إشتاق لرسول الله وإنت مشتاقتلوش ؟؟



الجزع بكى على فراق رسول الله وإنت بكائك على فراقه أد إيه ؟



ومش المشكلة ياجماعة إن الجزع يبكي عشان النبي أو يحن لفراقه




المشكلة إن النبي هو الي يحن للجزع



رسول الله حاكم الدولة قائد الأمة يسيب خطبة الجمعة وينزل عشان جماد !





**




زي ما كان في سفرية عليه الصلاة والسلام



كان في عصفورة صغيرة ولدت فرختين .. الصحابة خدوا الفرختين بتوعها



العصفورة قعدت ترفرف .. النبي قالهم من فجع هذه بولدها ؟



ردّوا إليها ولدها



حنانه بعصفور ياجماعة !!



مش العجيب إن النبي يقول : أحدٌ جبل يحبنا



مش العجيب إن الصخر يحب النبي



العجيب إن النبي يقول أحدٌ جبل يحبنا و نحبه !










لما كان ليلة كاملة من العشاء للفجر قعد يصلي ويبكي عشر ساعات ويدعيلك إنتي ويدعيلك إنت !



لما قرأ قول الله " إن تعذبهم فإنهم عبادك " فضل يبكي ويدعي ربنا عشان يرحمننا


لما الصحابي دخل على النبي ولقاه بيصلي قيام ليل ولـصدره أزيز كأزيز المرجل

صوت صدره بيغلي من كتر همه على إنقاذِك وإنقاذك


لما النبي عليه الصلاة والسلام وقف يصلي وهو عنده 63 سنة والصحابة وراه

صلى كتير جداً .. طول في الصلاة وهو واقف وهو راكع وهو ساجد والحديث صحيح

والصحابي بيقول : وظل ينفخ ويبكي

تعرفوا إن اليوم ده كان موت إبنه إبراهيم

آه يبقى البكاء ده حزنه على إبراهيم ؟

لأ ..

أمال إيه !

البكاء ده لإن الشمس خسفت في اليوم ده حصل خسوف للشمس

النبي فضل يبكي ويطول في الصلاة ويقول : اللهم إنك وعدتني ألا تعذبهم وأنا فيهم

ألا تعذبهم وهم يستغفرون وإنا نستغفرك ..!

النبي يوم موت إبنه بيبكي عشانك إنت .. النبي خوفه عليك أشد من حزنه على إبنه




محبتهوش ليه ؟ محبتهوش إزاي الي كان بكائه ليكِ ودعائه ليكِ وجهده عشانك


كم مرة بكى عشانك ؟ كم مرة جاع وعطش عشانك ؟

أنا عايز أكلمك عن حنانه بكل مُذنب وكل عاصي مكسور



النبي عليه الصلاة والسلام قاعد في المسجد والصحابة حواليه بيتكلمو عن الآخره وعن ربنا وعن الجنة والكل منفعل والكل قلبه في السماء .. فجأه يدخل شاب بيرمي قنبلة !! ويقول : يا رسول الله ..... الكل التفت إليه ..

وقال : يارسول الله ائذن لي في الزنا ..... !

زنا !! زنا !! ده لو واحد قال لأبوه كده أبوه يقتله !!

لو خطيب بيخطب يوم جمعة وقال الكلمة دي الناس ترميه بره الجامع!

ده مقاللوش حتى جوزني .. ده قال زنا .. !!

تخيلوا يا جماعة كل الناس التفتوا حواليه : مه مه

يعني إبعد .. من عندنا ... إبعد من وسطنا مش عايزينك معانا..

الرسول عليه السلام مقالّوش ابعد


قاله : ادنو ..... قرّب مني !!

.. كل أمتك محتاج الكلمة دي منك يا رسول الله



ادنو .. قرّب ..... الوحيد إلّي قاله قرّب


يا حبيب قلبي .. ممكن تكون شاب عصيت ربنا .. لو رحت لـ حد قلت له : أنا وقعت في العادة السرية .. أنا عملت ........ ،، وعملت حاجات أشد من كده .. ودخلت مواقع ووو.....


ممكن محدش يسمعك .. محدش يحترمك !! محدش يقدّر مشكلتك ..


إنما النبي.. هيسمعك وهيحضنك .. وهيضمّك عليه الصلاة والسلام



الشاب ده يا جماعة مشكلته إيه ؟؟ ... الشاب ده من كتير المعاصي .. قال : أنا لايمكن أتغير !

قاله يارسول الله أنا لا يمكن أتغير!! يا رسول الله أنا حلّي عشان أدخل الجنة مش إن أنا أتغير.. الحل الوحيد عشان أدخل الجنة إن الدين هو الي يتغير!!

أمال إنت جاي ليه ؟؟ لأني مش قادر ..

جاي لأني خايف من ربنا سبحانه وتعالى .. خااااايف .. مهما عصيته خايف منّه ..

الشاب ده يا جماعة في دقيقة واحد مع رسول الله صلى الله عليه وسلم بضمّة من رسول الله صلى الله عليه وسلم .. الشاب خرج بقى طاهر القلب .. ناسي تماماً أي حاجه تتعلق بالزنا .. ليه ؟ النبي أقنعه ... لا يا جماعة مش بس كده !

لأنه فوجئ إن فيه حد بيسمعه .. فوجئ إن النبي بيحبه كل الحب الرهيب ده !


مكانش متوقع إن فيه حد بيحبه للدرجة دي .....!!!



الشاب ده يا جماعة .. الشاب ده الرسول صلى الله عليه وسلم أعد يقنعه أترضهُ لأمك .. لأختِك ؟

حطها على صدر الشاب ودعاله ربنا ... بِحُب الشاب لقى حد بيدعي له .. لقى حد بيحبه ..

لقى حد بيقربه ....... خرج وحب رسول الله صلى الله عليه وسلم أعظم حب في قلبه .

. عارفين الشاب ده ممكن يكون بيحب واحدة .. بس مش قادر إنه يتجوزها مينفعش إنه يتجوزها ..

الشاب ده اتعالج حب الزنا في قلبه بحب رسول الله ..

حب رسول الله علاج لشهواتنا ولأمراضنا.. ولكل مشاكلنا ..


أنا عايز أكلمك عن حنان رسول الله بيك إنت .. بيكِ إنتِ .. بيكِ إنتِ يالّي مشافكوش .. يالّي مات قبل ما يشوفك بـ 1400 سنة ...


يالّي مات قبل ما تشوفك عينيه...بس كان نفسه يشوفك ..


بس قبل ما يموت بإيام .. لما راح يزور قبر البقيع ويودع الأموات .. قال لصحابته : إشتقنا لأخواننا .... إخواننا ..


- أولسنا إخوانك يا رسول الله ؟

في حديث تاني .. لوددنا .. أن رأينا أحبابنا ..

نفسي أشوف أحبابي .. حبايب قلبي ..

قالو له : أولسنا أحبابك يا رسول الله ....

قال لهم : لا .. مش إنتو

قومٌ آمنوا بي ولم يروني ...

الي هو إحنا يا جماعه

كانت أمنية حياته يشوفك قبل ما يموت ..

كان صعبان عليه إنك إنت هتيجي ومش هتشوفه .. عشان كده بعت لك سلام وهو بيموت عليه الصلاة والسلام ..


تخيلي الوقت الي وإنتِ قاعده لقيتِ المحمول بتاعك جه له رسالة ..


بتفتحي الرسالة .. من مين ؟؟ من رسول الله صلى الله عليه وسلم

رسول الله باعت لي رسالة بيقول لي إيه ..... ؟

بيقولك : مشتاق لكِ قبل ما أموت .. مشتاق لك قبل ما أموت،

إنت مش مشتاق ليا ليه ؟؟


ولو كنت مشتاق ليا كنت عملت معاصي تخليك مش معايا في الآخره .. لو كنت ِمشتاقة ليا كنتي ماتّبعتيش سنتي في كل حاجه ..



هنجاهد يا رسول الله عشان تبقى سيرتنا زي سيرتك وصورتنا زي صورتك .. وحياتنا زي حياتك يا رسول الله ..




أنا عايز أكلمك عن حنان رسول الله صلى الله عليه وسلم



عن حنان رسول الله بيك قبل ما يموت... وهو بيموت



كانت روح الحبيب تجود .. كانت روح الحبيب تغرغر في صدره

بيحتضر ..


خلاص اتغرغرت ؟؟ والحشرجة بتاعة الروح بتطلع..

ويقول الصلاة .. الصلاة وما ملكت أيمانكم

بيموت وبيوصيك ده أمك .. لو أمك مش هتوصيك كده وهي بتحتضر ..


عليه الصلاة والسلام .. موقف موت النبي وهو نايم بيموت عليه الصلاة والسلام موقف كله حنان

رأسه على صدر السيدة عائشة رضي الله عنها

كل حنان ..حنان بالسيدة عائشة وهو بيموت .. عليه الصلاة والسلام

وحنان بأصحابه لما قام قبل ما يموت


ورفع الستارة عنهم وهما بيصلوا الفجر وبصّلهم رسول الله وتّبسم




الصحابة آخر مشهد شافه النبي عليه السلام.. مشهد ابتسامة حبيب الله



آخر حاجة شافوها من النبي ابتسامة أب بيودع أولاده ... أحبابه قبل مايموت وهو بيسيبهم



آخر حاجه ودعهم بيها وهو بيشوف ولاده .. ثمرة عمره .. وهو بيبص لهم وابتسم عليه الصلاة والسلام




موقف موت النبي كله حنان وهو بيقول قبل ما يموت : بلغو عني السلام كل من آمن بي إلى يوم القيامة .



وعليك السلام يا حبيب الله.. وعليك السلام يارسول الله




حنان النبي يا جماعة بكل الي ظلموه والي أذوه والي حاولوا يقتلوه



الي حاولو بقتلو النبي عليه الصلاة والسلام!




حنان أذهل قلوب العالم .. حنان أذهل قلوب أعداءه !!



خالد ابن الوليد بعد صلح الحديبية كان سبب هزيمتنا في معركة أحد



كان من الناس الي لو أي قائد اتعمل فيه الي اتعمل من خالد وقبض على خالد كان مثّل بجثته ..




بعد صلح الحديبية خلاص .. بقى وسط الجزيرة العربية كلها معروف



ان انهيار مقاومة مكة أدام جيش الرسول مسألة وقت)




خالد ابن الوليد الي القائد العسكري هيروح فين؟



الي عمره ماتعدود إنه يتذل هيحصل فيه إيه ؟



ينتحر!! زي ما هتولارد انتحر لما كان هيتقبض عليه!



يعمل إيه ؟؟



يروح لجوء سياسي للحبشة ... زي ما الصحابة راحو لجوء سياسي للحبشة



يعمل إيه ؟ يهرب لملك ؟ يعمل إيه ؟



جثّته ممكن يتمثل بيها خلال شهور



وهو في قمة الأزمة النفسية والإحباط ..



فجأه تيجي له رسالة من محمّد صلى الله عليه وسلم



رسالة من مين !! لي أنا ؟؟



رسول الله الي محدش أذاه أدي أنا ..



باعت لي بيقول لي اسمك لا يجهل الإسلام يا خالد ..



رسول الله .. ده أنا خلاص .. بقيت زي خيل الحكومة ...!!



شوية وهتضرب بالنار خلاص...إنت باعت لي دلوأتِ....دلوقتي في الفترة ديّ



(( في قمة الكسرة الي أنا فيها ))




وبتقولي : لو جئتنا لقدمناك على غيرك.



ياااااااه .. بعد كل الأذى الي أذيناهولك ... بعد مارجمنا رجليك بالحجارة في أسواق منا... بعد ما مشيناك على الجمر في الطائف .. بعد ما أكلناك ورق الشجر !!



لسه قلبك مليان حنان علينا يا رسول الله !!؟




عمر بن الخطاب وهو بيلطم أخته فاطمة .. واتشد وشها وسال الدم منها .. رق قلب عمر بن الخطاب .. خضاب كان موجود في الموقف




ورق قلب عمر بمجرد قول خضاب : يا عمر إني لأرجو أن يستجاب فيك دعوة رسول الله .




!!! يستجاب فيّا دعوة رسول الله !!!




هو إيه .. دعا عليّا إن ربنا ينتقم مني ؟؟ دعا علّيّا إني أنا أموت ولا زلزال يبلعني ولا إيه ؟؟




- لقد قال : اللهم أعِّز الإسلامِ بأحدِ العُمرين ..



إيه ده ؟؟




ياااااااه .. رسول الله بيدعي لي أنا !!



أنا الي عايز أقتله .. وهو بيدعي لي ؟؟



أنا الي بعذب أتباعه وهو بيدعي لي ؟؟




حنان زلزل قلوب أعداءه يا جماعة



لما الرسول كان بيحدث الصحابة .. عن نبي قوم بيضربوه لغاية ما أدموه وهو يسمح الدم ويقول : اللهم اغفر لقومي فإنهم لا يعلمون .




مين النبي ده ؟




ده محمد عليه الصلاة والسلام ..



عملوا معاه كده في الطائف وعملوا معاه كده في أحد ..




وكان بيقول : اللهم اغفر لقومي فإنهم لا يعلمون ...



عليه الصلاة والسلام




__ أنا مش عايز لسانك يبطل عليه الصلاة والسلام __



- السلسلة دي كلها .. كل السلسلة دي عشان كلمة عليه الصلاة والسلام –




كل السلسلة دي مقصدها هذه الكلمة




يا جماعة انا عايز كلمة عليه الصلاة والسلام تقلب حياتنا.....! وتغيرها



(( من صلّ عليّ صلاة واحده مرة ، صلّ الله عليه عشراً ))




عشراً !! إيه حب ربنا للنبي ده !!



ياااه




(( ما من مسلم يصلِ عليّ إلا صلت عليه الملائكة ، ما دام يصلِ عليّ ، فليقل من ذلك أو ليكثر )) .



الله أكبر .. عليه الصلاة والسلام ..




إيه حب الملايكة للنبي عليه الصلاة والسلام ؟؟



يعني النبي عليه الصلاة والسلام .. الصلاة عليه دي أعظم صفقة في حياتنا يا جماعة




..



كل مرة بتصلِ على رسول الله قول يلا عليه الصلاة والسلام ..



كل مرة بتصلِ على رسول الله .. سيئاتك بتقل عشره .. حسناتك بتزيد 10 .. درجاتك بتطلع عشرة .. !!




يعني صحيفتك قبل كل مرة صلاة على رسول الله غير صحيفتك بعد المرة دي !




مقامك في الجنة قبل الصلاة على رسول الله .... غير درجاتك ومقامك في الجنة بعد الصلاة عليه .. عليه الصلاة والسلام ..




أنا عايزكوا يا جماعة متبطلوش صلاة على رسول الله صلى الله عليه وسلم .. أنا عايز جلسة الضحى ناخدها صلاة على رسول الله صلى الله عليه وسلم .. وإحنا ماشيين نصلِ عليه .. طول الليل نصلِ عليه بعد التراويح .. خدي التهجد صلاة عليه




جرّب إنك تقوم الليل صلاة عليه ..



أما جه الصحابي يقول له : أجعل كل صلاتي لك ؟؟



شايفين الصحابة حبوه أد إيه ؟؟



قال له : إذن يُغفر لك ذنبك ويكفى لك همك ..




يعني الدنيا والدين .. الإتنين مشاكلهم تتحل بالصلاة على حبيب الله عليه الصلاة والسلام ...




صلتك بالله تتغير .. صلتك بالملائكة تتغير .. علاقتك .. مقامك في الجنة يتغير ..



صحيفتك تتغير .. مشاكل دنيتك ودينك تتغير ؛ بالصلاة على رسول الله صلى الله عليه وسلم .....





ورأيت رجل .. الحديث الي كان بيعظمه ابن تيمية



..



يزحف على الصراط .. ويحبو مرة ويتعلق مرة ..



( متعلق بالصراط هيقع في جهنم ) فجاءته صلاته عليه فأقامته وأنقذته .



يعني الصلاة على الرسول إنقاذ يا جماعة ..



:: إسمعوا الحديث الرهيب ده ::



(( إن لله ملائكة سيّاحين في الأرّض ؛ يبلغوني من أمتي السلام ))



لله ... يعني الي معينهم ربنا .. ربنا عيّن ملائكة .. لعمل صالح واحد بس بعيد عن كل الأعمال




يبقى يقيناً إن العمل ده مختلف عن كل الأعمال .. ملائكة متخصصة ... سياحين ,,



سياحين دي من السياحة .. (( يعني الأماكن السياحية ))



يعني الجنة بتاعة الأرض .. هي أماكن الصلاة على رسول الله ... صلى الله عليه وسلم ..




سياحين في الأرض .. الأرض كلها .. لأن مفيش مكان على وجه الأرض مفهوش أتباع رسول الله .. صلى الله عليه وسلم .. يبلغوني من أمّتي السلام .. يعني منّك لرسول الله مباشرةً .. !




عليك السلام يا حبيب الله ....... عليك السلام يا رسول الله



آنا عايز أكلمك عن حنان رسول الله بس بلسانك ميبطلش بقى ..



ميبطلش معايا عليه الصلاة والسلام .. حنانه بزوجاته يا جماعة



السيدة عائشة .. رضي الله عنها .. كانت السيدة صفية زوجته بتطبخ حلو أوي ..



رضي الله عنهم جميعاً .. السيدة عائشة كانت لسه صغيرة .. كان طبيخها لسه مش زي الباقي أوي يعني ..



في يوم السيدة صفية ... عملت له أكلة حلوة جداً .. وبعتتهوله ..




السيدة عائشة ارتجفت وارتعدت من الغيرة .. فقامت ماسكة طبق الأكل وقامت رمياه في الأر ض .. الطبق اتكسر.. والأكل وقع ...



الي كان قاعد مين .. صحابة النبي عليه الصلاة والسلام .. كانوا هياكلوا معاه صلى الله عليه وسلم ... لو ده حصل من مراتك .. تعمل فيها إيه ..




لو ده عند العرب كلهم .. أي واحده عملته مع جوزها .. ده يقتلها !!



لو عندنا ممكن نطلقها فيها ...



إنما النبي عليه الصلاة والسلام فِضِل يلم الأكل !!!!



وهو عليه الصلاة والسلام بيقول ( بكل رحمة وحنان وود ) : غارت أمكم ... غارت أمكم ..



حتى مش غارت عائشة .. أمكم أوعوا تنسوا .. فضلها ...







النبي رَحَم غيرتها .. ده رحمة يا جماعة ده حنان .. يا أخواني ..



النبي عليه الصلاة والسلام .. مرة طبخت السيدة عائشة أكل ... طبخت أكل وكانت السيدة سودة .. قاعده جنب النبي عليه السلام .. من الناحية التانية ..




والسيدة عائشة .. الناحية دي ..



والنبي بيأكل .. فـ السيدة سودة مش راضية تاكل ..



فالسيدة عائشة بصت لها ( قصدك إيه بقى ) ؟



يعني الأكل بتاعي في حاجة ولا إيه ؟؟



قالت لها : كلي .. قالت لها : لآ ومرضتش..



قالت لها بعد شوية : كلي .. قالت لها : لا .. ومرضتش ..



قالت لها : لتأكلن أو لألطخنّ وجهك ..




(هقوم أخده الأكل وملطخة وشك)



ومرضتش برضو ..



قامت السيدة عائشة واخده الأكل .. وقامت ملطخة وش السيدة سودة .. رضي الله عنهما ..




النبي عليه الصلاة والسلام عمل إيه ؟



فضحك رسول الله عليه الصلاة والسلام.. وأعلن القصاص ..



القصاص يعني إيه ؟ يعني السيدة سودة قامت واخده هي الأكل وقامت ملطخة وش السيدة عائشة ..




حنااااااان



وأدام الناس كلها .. من أحب الناس إليكَ ؟؟ - عائشة ........!



بدون خجل .. بيكرم مراته أدام الدنيا كلهـــــــــا عليه الصلاة والسلام




النبي عليه الصلاة والسلام .. مرة حصلت مشكلة مع السيدة عائشة ..



جه سيدنا أبو بكر يصلّح بينهم .. السيدة عائشة علّت صوتها على النبي ..



أبو بكر رضي الله عنه هجم عليها عشان يلطمها .. السيدة عائشة راحت مستخبية ورا النبي ومحتمية فيه .... وأبو بكر جاي يصالحهم .. احتمت فيه ...



الرسول بصلها رضي الله عنها وقال لها : أرأيتِ كيف أنقذتكِ من الرجل !؟



سيدنا أبو بكر مشي .. أول ما مشي سمع ضحكاتهم بتتعالى



فرجع تاني قال : أشركتماني في حربكما .. فأشركاني في سلمكما .



تتمني زوج أحسن من كده !؟



تتمني زوج أحسن من واحد مُستن بِسُنة النبي عليه الصلاة والسلام ؟؟



إختاري لبنتك واحد مُستن بسنة النبي ..



وإنتِ لو لسه متجوزتيش إختاري واحد مُتَّبع لسنة رسول الله صلى الله عليه وسلم ..




حنانه .. حنانه يا جماعة مع الخدم بتوعه ..




سيدنا أنس .. بيقول : خدمت رسول الله صلى الله عليه وسلم عَشَر سنين .. فما قال لشيء فعلته .. لِمَ فعلته .. ولا لشيء لم أفعله : لِم لم تفعله ؟؟




عشَر سنين!! تتمني إنك تتجوزي واحد 10 سنين لا ينتقض لبسك ولا أكلك ولا حطيتي مكياج ولا لأ .. ولا عملتي ولا معملتيش .. ولا اشتغلتي شغل البيت ولا لأ ,,





النبي عليه الصلاة والسلام جدة الخادم بتاعه تعزمه .. يروح....يقبل العزومة .. عليه الصلاة والسلام .. !



وبعد ما يأكل يقول : قوموا فلـأصلي لكم ..



مش قوموا فلـأصلِ بيكم .. .. لا لكم ..




يعني كل دعواتي في السجود بتاعتكم .. ليكم إنتم وبس ..



شوفو الحنان يا جماعة .. شوفو الحنان مع ربيعة .. خادم النبي ..



الفقير الغلبان .. المُعدم .. لما بيقول :: أحببت رسول الله حباً ملك عليّ حياتي ..



(( الحديث صحيح .. والأحاديث كلهــــــا محققة بفضل الله ))




أحبب رسول الله حباً ملك عليّ حياتي....! فـ قلت : لأخدمنّ رسول الله ..




فراح يخدم النبي عليه الصلاة والسلام .. يشتغل خدام عنده عليه الصلاة .. والسلام !!



فالنبي قال له :ألا تتزوج ؟؟ يا ربيعة .. ؟؟


يا رسول الله .. لالا .. أنا مش عايز أي حاجة تشغلني عنك!!


- أخاف أن يشغلني عنك أي شيء يا رسول الله ...


تاني يوم .. تزوجت يا ربيعة ؟؟ ألا تتزوج يا ربيعة ؟؟



تالت يوم : ألا تتزوج يا ربيعة ؟؟



قال خلاص لو إتعرض عليا مرة رابعة .. خلاص هوافق ..



ألا تتزوج يا ربيعة ؟؟



ربيعة وافق .....



أرسلوا الناس .. راحلهم ..




رجع حزين أوي ... لماذا ؟؟



- إنت حزين ليه يا ربيعة ؟؟




النبي بيسأل عنه عليه الصلاة والسلام ...



قال له يا رسول الله معييش صداق معييش مهر !!




جمع له نواة ذهب عشان يديها مهر ..



شوية .....وزعلان ليه يا ربيعة ؟؟ -معييش وليمة فرح !!


جمع له عليه الصلاة والسلام شاة وخبز !


النبي .. دي مش وليمة زوجاته أصلاً....


يا جماعة الأب بيبقى عايز ابنه يبقى أحسن منه



فرح ابنه أحسن من فرحه ...




النبي كانت وليمة ربيعة .. أحسن من ولايمه عليه الصلاة والسلام ..



شاة و خبز .... ! عليه الصلاة والسلام ...




رسول الله صلى الله عليه وسلم .. مع واحد إسمه زاهر ..


مكانش الصحابة بيحبوه أوي .. مكنش محبوب أوي وسط الناس .. !


جه النبي من وراه وقام حاطت إيده على عينيه ... قال : من يشتري العبد ؟


فزاهر بيبص لقى النبي عليه الصلاة والسلام


قام قال له: يا رسول الله .. إذن تجدني كاسداً..


ومين الي هيبص لي؟؟ ومين الي بيحبني؟؟



قال له : لكنك عند الله لست بكاسد ...


شوفوا حنان رسول الله .. حنانه صلى الله عليه وسلم على الفقراء يا جماعة ..!!!



أهل الصفة مكانش بينام غير لما يطمئن إنهم إتعشوا ...!!


ده الأب هو الي ميقدرش ينام غير لما يطمّن إن ولاده كلوا...


رسول الله صلى الله عليه وسلم .. مع جليبيب....

جليبيب ..!!


بعد المعركة مانتهت قال لهم: هل تفقدون من أحد؟؟


- لا يا رسول الله..


رسول الله : لكنّي أفقد جليبيب ..


فقير ومحدش واخد باله منه ... !



قام النبي ودوروا عليه لغاية ما لقاه مقتول .. ولقى حواليه 7 من المشركين....

شاله النبي .. وحضنه وقاعد يبكي ويقول: اللهمّ هذا منّي ... وأنا منهُ .........!


كان عليه الصلاة والسلام ,، كل واحد من صحابته بيظن إنه أقرب واحد ليه!!



مش نفسِك وإنتِ في الجنة يناديكِ بإسمك عالحوض؟؟



مش نفسك في الجنة.. بإذن الله .. يبعتلك بإسمك ويقولك : وحشتني تعالى زورني.....!؟


لما وسط الجيش مات ذو البجدي .. الغلام الفقير اليتيم مفيش له هدوم تستر جسمه كله .. الغلام الغلبان .. الرسول صلى الله عليه وسلم يشيله .. ويبكىِ

وهما بيحفروا القبر بتاعه .... يعني لواء ماسك كتيبة 30 ألف جندي...يشيل عسكري لما يموت ويقعد يبكي..!


ويدفنه بإيدين النبي عليه الصلاة والسلامـ

النبي عليه الصلاة والسلام يا جماعة شايله والقبر بيتحفر!

حنان الرسول عليه الصلاة والسلام حنانه بالنساء لما كان بيقول رفقا بالقوارير

شوفي كان حاسس بضعفك إزاي ؟ كان حاسس إنك ضعيفة زي القارورة الإزازة الرقيقة


حنان النبي الي لما كان بيسمع طفل بيبكىِ .. وهو بيصلِ في الصلاة ..

كان يخفف الصلاة .. كأن الطفل ده إبنه !!

حنان النبي... صلى الله عليه وسلم الي لما شاف طفل كان معاه عصفور .. والعصفور مات ...

يوّقف الطفل ده ويقعد يلاحكه .. يقول له يا أبا عمير ما فعل النغير .. يقعد يضحك

لغاية ماالولد يضحك ..


عايزين يا جماعة نحب رسول الله بصدق.. عايزين حب رسول الله يملاْ علينا حياتنا...



عليه الصلاة والسلام.... عايزين حب رسول الله يغير لنا حياتنا كلها .. عايزين يا جماعة نحب النبي صلى الله عليه وسلم .. لحد ما يبقى أكبر شوق في حياتنا إنه يشفعلنا عند ربنا .. عايزين نتمنى بصدق إننا نبقى معاه في الجنة عليه الصلاة والسلام .. عايزين نحب النبي عليه الصلاة والسلام .. ونتمنى إن إحنا نشرب من إيده عليه الصلاة والسلام شربة على حوض رسول الله صلى الله عليه وسلم ..

عايزين نحبه بصدق


ونتمنى إن إحنا نقرّب منه بصدق .. حنان النبي عليه الصلاة والسلام .. على زوجاته ..

على الي ماتو .. ( خديجة وأمّه )

على النساء ..حنان النبي على الأطفال ..

حنان النبي على الخدم .. حنان النبي على الفقراء ..

حنان النبي على أصحابه لما كان في غزوة الأحزاب، والكل جعان ..

والنبي رابط الحجر على بطنه من الجوع ..

وجابر ييجي يعزمه يقوله يا رسول الله معاك رجلين ؟؟

( في صحيح البخاري )


الرسول أب والألف الصحابي إلّي حواليه كلهم ولاده .. النبي عليه الصلاة والسلام .. ميقدرش أب يأكل وولاده جاعنين .. قال للجيش كلّه : هيآ

الجيش كله! قام

مرات جابر يعني أخذت تقول له : كذا وكذا ..

لقت 1000 واحد دخل عليها البيت

- ده أنا طبخت لـ واحد أو إتنين بس!!

كل ده 1000 إزاي؟؟

قال لها جابر : الرسول هو الي قال لهم

شوفوا عاطفته تجاهنا شكلها إيه ..... !؟

أشد من عاطفة الأب ... يا جماعة إيمانك مش هيزيد إلا لو حبك لرسول الله زاد! صلى الله عليه وسلم


لا يؤمن أحدكم حتى أكون أحبّ إليه من والده ولده والناس أجمعـــــــــــين


لأن مفيش حد عمل لكِ إلّي النبي عملهولك !!


مفيش حد حّبّك زي ما النبي حبّك .. !

مفيش حد إشتاق إليكَ زي ما النبي اشتاق إليكَ ..

أعظم مِنّة منّها ربنا علينا في حياتنا هيَ : رسول الله صلى الله عليه وسلم.

كان النبي عليه الصلاة والسلام شوفوا العاطفة بتاعته لما كان صحابي ييجي يسافر .. مكانش يسيب إيده من ايده لحد ما الصحابي هو الي يشيل إيده ... ...........!


أب وحبيبه مش قادر يشيل إيده من إيد الصحابي .. عليه الصلاة والسلام ..



:: في نهاية الموضوع يا جماعة .. قولت لكو إن هدف السلسلة كلها كلمة ::


عليه الصلاة والسلام


واحد يقول طب أفضل صيغة للصلاة والسلام على رسول الله إيه ؟؟



- أقول له النصف التاني من التحيات ..

- اللهم صلِ على محمد وعلى آل محمد .................. إلى آخر التحيات ......

وممكن تقول عليه الصلاة والسلام ..


كل مرة هنعرف في السلسلة... لماذا النبي محمد ؟؟


هنعرف ليه هو الي الطعام سبّح في إيديه ... !

هنعرف ليه هو الي ربنا شق له القمر قبل ما السماء كلها تنشق يوم القيامة


كل مرة هنعرف ليه هو الي ربنا رفعه فوق "سدرة المنتهى"


!!لمكان لا مخلوق ولا نبي اترفع له !!


عايزين نحب الرسول بصدق .. عايزين نحبه الحب العملىِ الي يخلينا نتبعه ...


إوعي تخسري إنك تبقي معاه في الجنة


أنا عايز كل ذرة في قلبك تحس إن أعظم نعيم في الجنة بعد نعيم جوار الله..

هو نعيم صحبة سيدنا رسول الله صلى الله عليه وسلم .. حبيب الله .. صلى الله عليه وسلم ..

عايز حياتك يبقى هدفها إنك تبقى معاه في الجنة ..



عايز حياتِك يبقى هدفها إنِّك تبقي معاه في الجنة ..


اللهم احشرنا مع رسول الله في الجنة ... بالفردوس الأعلى ..




ودي هديتنا ليك علشان تعرف الرسول عليه الصلاة والسلام حبك أد يه !!!
· عــارف النبي بكى عشانك قد إيه؟؟



والحلقة كاملة من

هنا












رد باقتباس
   
  رقم المشاركة :3  (رابط المشاركة)
قديم 27.06.2016, 12:22
صور حياء مسلمة الرمزية

حياء مسلمة

عضو

______________

حياء مسلمة غير موجود

الملف الشخصي
التسجيـــــل: 21.02.2016
الجــــنـــــس: أنثى
الــديــــانــة: الإسلام
المشاركات: 257  [ عرض ]
آخــــر نــشــاط
11.04.2020 (00:43)
تم شكره 91 مرة في 80 مشاركة
افتراضي الحلقة الثالثة


الحلقة الثالثة




**@** آلام الحبيب **@**



مهما تخليت .. مهما تصورت ...هو استحمل عشانك إيه؟؟ هو عمل عشانك إيه؟؟ هو صبر عشانك على إيه؟؟ شاف عشانك إيه؟؟

ماحدش مننا حيقدر يتخيل أو يتصور يا جماعة

لو في يوم من الايام بإذن الله ربنا دخلك الجنة... و أنت بتسكن في قصورها و بتشرب من أنهارها و بتتنعم بنعيمها

أفتكر إن ورا النعيم ده واحد حرم نفسه من نعيم الدنيا عشان نعيم الآخرة بتاعك!!

أفتكر إن ورا النعيم ده واحد استحمل اللى الجبال ما تستحملوش عشان انت تتنعم في الجنة!!!


إن ورا النعيم ده واحد حياته كانت سلسلة من الآلام ..


لو في من الأيام حسيت إنك فرحان إنك مسلم و بتفتخر قدام الدنيا إنك مسلم ...افتكر إن ورا إسلام واحد ياما إتأذى و ياما استحمل شاف عشان أنت تطلع مسلم النهاردة..


أوعوا تنسوا يا جماعة إننا لسه ما دفعناش حاجة من التمن اللى احنا خدناه!!


احنا لسه اللى النبي ادهولنا ما ادنالوش حاجة قصاده..لسه ما قدمنش حاجة من اللى إتقدم لينا..



أنا النهاردة حكلمك إنتي خدتي قد إيه ..عشان تعرفي إنت قصداه محتاجة تدفعي قد إيه؟؟؟


* * * * *

كلنا بنقعد نقول النبي خرج بدر النبي خرج أحد النبي راح الخندق... ماحدش مننا فكر بيته كان شكله إيه وهو خارج بدر؟؟
كان في أكل في بيته ولا لأ و هو خارج الخندق؟؟



ماحدش مننا فكر إن وهو خارج بدر كانت رقية بنته بتموت من المرض...و يوم ما انتصر في بدر كان ساعة موت رقية بنته..و أدفنت قبل ما يرجع المدينة و يشوفها عليه الصلاة و السلام..


ماحدش فكر و النبي خارج لأحد كانت بيوت النبي مافيهاش طعام اصلا

ماحدش فكر الآلام اللى عاشها رسول الله و استحمل عشانك إيه؟؟؟

* * * * *

النبي يا جماعة كان عنده 8 اولاد مات منهم 7 في حياته!!! ده لو واحد مات عيل من عياله بيعيش حياته كلها محطم ...

تخيلي أحن قلب عليه الصلاة و السلام

افتكري ضحى عشانك قد إيه؟؟؟


لما روح بيته وكان جعان لقى مافيش في البيت غير خل...قعد يغمس الخل و يقول: " نعم الإدام الخل"!!!

* * * * *


اوعى تنسى الإبتلاءات اللى النبي أبتليها و مع ذلك عمره ما إتعطل بيها عن الدعوة...

إبتلاءات اللى لو نزل على واحد منا واحد في الألف منها ممكن حياته تقف....لكن مافيش حاجة عطلته عنك


النبي عليه الصلاة و السلام يبدأ الإبتلاء في حياته وهو جنين في بطن أمه و ابوه يموت .... عمره ما يقول كلمة : "ابـــي"


يجي وهو عنده 6 سنين أشد إبتلاء في حياته... تموت أمه قدام عينيه ... وهو خارج هو و أمه و أم أيمن الحاضنة بتاعته راجعين من المدينة المنورة بتزور قبر ابوه و بتزور أخواله...

و يدفنها هو و أم أيمن في الأبواء..

مافيش حد حبه إلا و مات...

حب أمه... أمه ماتت
حب جده....جده مات
حب خديجة احب زوجة ليه من زوجاته ....ماتت...ماتت متأثرة بالمجاعة اللى كانت في شعب ابي طالب بعدما خرجت من المجاعة..



النبي يا جماعة ماكانش من غير قلب الإبتلاءات دى عادى عنده...لأ..دى كانت أشد من الإبتلاءات اللى بتمر علينا

* * * * *

و مع ذلك مافيش يوم إتعطل عنك

خديجة تموت...يطلع على الطائف عشان ينقذني و ينقذك

إبراهيم ابنه يموت....يخرج يعلم الصحابة دينهم

ابن بنته بموت و تبعتله عشان يجي يشوفه مايرضاش....لأنه قاعد مع الصحابة بيعلمهم...عشان يجوا يعلموا اللى بعدهم و اللى بعدهم...عشان في الآخر إحنا نتعلم و ندخل الجنة بإذن الله

* * * * *

أنا مش عارف إزاى يـُحتمل موت مصعب... ده لو واحد زرع زرعة لمدة سنة و رواها و جي حد قطعها قلبه بيتقطع معاها..

النبتة اللى النبي بقاله 15 سنة بيربي فيها...يلاقيه في لحظة متقطع بين إيديه..

* * * * *

طب ليه الإبتلاءات دى كلها؟؟؟


عشان ربنا يورينا النبي بيحب ربنا قد إيه ... رغم كل الإبتلاءات دى قلبه مليان حب لله..و مليان أمانة في الرسالة وجهد
عليه الصلاة و السلام

النبي عليه الصلاة و السلام يبدأ يشتغل في الدعوة و يقول :
" لقد أخفت في الله وما يخاف أحد . ولقد أوذيت في الله وما يؤذى أحد . ولقد أتت علي ثلاثون ، من بين يوم وليلة ، وما لي ولبلال طعام يأكله ذو كبد إلا شيء يواريه إبط بلال"

تخيلوا استحمل جوع قد إيه

* * * *

النبي في عام الحزن لما قام عقبة بن ابي معيط اللعين و النبي ساجد لله و بيصلي لله عند الكعبة و يقوم ماسك الثوب بتاعه عقبة و يقوم لفه حوالين رقبة النبي و يشد الثوب و يخنق في رسول الله ...و أهل مكة بيتفرجوا و فرحانين و بيشجعوا عقبة ...

و النبي عليه الصلاة و السلام وشه يحمر...ثم يسقط مغشيا عليه رسول الله صلى الله عليه وسلم

يسقط لركبتيه مغشيا عليه و عقبة مصمم يفضل شادد في الثوب عشان يقتل النبي..

و يجب أبو بكر الصديق يجري و يشد عقبة و يقول : " أتقتلون رجلا أن يقول ربي الله"

يمسكوا أبو بكر يفضلوا يضربوا فيه لحد ما يخلوا وشه و ضهره دم ماحدش عارف وشه من ضهره!!


* * * *

قبل كدة يدخل الشعب.. بناته يكلوا ورق الشجر قدامه و فاطمة عندها 12 سنة طفلة....و صحابه يكلوا جلد البعير.... و هو نفسه بياكل ورق الشجر عليه الصلاة و السلام


يطردوه من مكة يمشي 90 كيلوعلى رجليه على جمر الصحراء لحد ما يوصل للطائف ...يوصل للطائف يطردوه بعد 10 أيام بالحجارة لغاية ما يرضخوا رجليه بالدم بالحجارة

يخرج من الطائف....مطرود من مكة و مطرود من الطائف


يروح فين حبيــــب الله


يرفع إيده لربنا و يقول : " اللهم إليك أشكو ضعف قوتي "
ماعدش قادر أعمل حاجة أكتر من كدة يارب ...ده آخري يارب

" وقلة حيلتي"
اعملهم إيه عشان يسمعوا عنك يارب





والحلقة كاملة من

هنـــا





رد باقتباس
   
  رقم المشاركة :4  (رابط المشاركة)
قديم 30.06.2016, 11:40
صور حياء مسلمة الرمزية

حياء مسلمة

عضو

______________

حياء مسلمة غير موجود

الملف الشخصي
التسجيـــــل: 21.02.2016
الجــــنـــــس: أنثى
الــديــــانــة: الإسلام
المشاركات: 257  [ عرض ]
آخــــر نــشــاط
11.04.2020 (00:43)
تم شكره 91 مرة في 80 مشاركة
افتراضي


الحلقة الرابعـة




اخباركم ايه يا جماعة ؟

اخباركم ايه مع حب رسول الله

هنتكلم الليله عن ان شاء الله عن اكبر معجزة في الإسلام عن اكبر سبب لدخول غير المسلمين في الإسلام ..

اية ده الأعجاز العلمى في القران ولا ايه

لا يا جماعة اخلاق الحبيب عليه الصلاة والسلام


اكبر مدرسة اخلاق في العالم هى السيرة

احنا انهردة مش هنتكلم عن السيرة احنا هنتكلم عن معجزة


اخلاق الرسول ازهلت العالم





انا عاوز أبدأ بأخلاقه مع أعدائه


اخلاقه مع الي آذوه .. الي رجموه بالطوب


اخلاقه مع اعدائه لما تمكن من فتح مكة

ابو سفيان واقف هيتقتل

كان اقصى حلمه ان النبي ميقتلوش

فإذا بالرسول بيقول من دخل دار ابي سفيان فهو امن !

* وهو داخل سعد بن عبادة شايل الراية فبيقول اليوم يوم

الملحمة اليوم تنتهك الحرمات

الرسول قاله لااااااااااااا بل اليوم يوم المرحمة


ونزع الراية من يعد ودخل .. وقف اهل مكة مهبوتين شاخصين الأبصار هيعمل فينا ايه ؟؟

اكبر معجزة من معجزات الإسلام يوم دخول الإسلام مكة

اعظم يوم للأخلاق والرحمة

يدخل الرسول واهل مكة واقفين مش عارفين يقولوا ايه

الرسول يقول ماذا تظنون انى فاعل بكم

انتوا يا ما عملتوا فيَّ ياما طردتونى وحبستونى ياما عذبتونى ياما اذتونى

انتوا فكركوا هعمل فيكوا ايه انهاردة

يقولون اخ كريم إبن اخ كريم

شوفوا الرسول يقول ايه لا اقول لكم الا كما قال يوسف لإخوته لإخوته -
إ خواتك يا رسول الله بعد كل اللى عملوه فيك ده كله -

لا تثريب عليكم اليوم اذهبوا فانتم الطلقاء

يشهد التاريخ على اخلاق الرسول


اخلاق النبي مع اللى اذوه وهو خارج من الطائف لسه رجليه بتنزف *

لسه نزيف حجارة اهل الطائف في رجليه

وينزل ملك الجبال يقوله يا رسول الله امسحهم دلوقتى اطحنهم

يا رسول الله اطبق عليهم الأخشبيين

الرسول لسه رجليه بتنزف

لسه في اشد موقف في حياته بسببهم ويقول

ارجوا ان يخرج من اصلابهم من يوحد الله




ابشر يا حبيب الله ابشر بثمرة اخلاقك


ابشر ان كل اللى انت استحملته ده ربنا طرح فيه الثمرة

ابشر ان قرن الثعالب اللى كنت واقف عندها ساعتها برجليك بتنزف مع ذلك قلبك مليان رحمه عليهم

ابشر ان المكان ده دلوقتى يا رسول الله بقي مئات للحجاج بيحرموا منه لبيت الله في هذا المكان في قرن الثعالب ببركة حلمك واخلاقك

الصحابة جابوا الأخلاق بتاعتهم منين ما هو من رسول الله

لما سيدنا أبو بكر مصطح يشتم عائشة بنته في عرضها ويفضل يديله المعونة الشهرية

لما عمر يروح لإمراة عجوز يشيل لها الأكل في ليلية مظلمة تقوله انت احق من عمر بالخلافة

الأخلاق دي جبوها منين ؟؟

.. من رسول الله

اخلاقه يا جماعه في الحرب


رسول الله اما كان خارج في بدر محتاج كل راجل

ويجي2 من الصحابة منهم حذيفة بن اليمان المشركين يقبضوا عليهم قبل ما يدخلوا المدينة

انتوا رايحين مع محمد تقاتلوا معاه ياخدوا معاهم عهد انهم ميقاتلوش معاه

يروحوا للنبي يقولوله تخيلوا النبي وهوه محتاج كل راجل في الوقت ده يقولهم ايه؟

نمضي لهم عهدهم ونستعين


بالله عليكم شايفين الوفاء التاريخي

شايفين الأخلاق التارخية اخلاق الرسول مع اللى اذوه

الراجل اللى قتل بنت النبي السيدة زينب رماها من على الدابة في الهجرة فضلت عيانه ست سنين لحد ما ماتت متاثرة بجراحها

كان اسمه الأسود جيه للنبي والنبي قبل اسلامه


وحشي اللى قتل سيدنا حمزة حبيب رسول الله جه اسلم والنبي قبل اسلامه

الأعرابي اللى رفع السيف على رسول الله وقاله من يمنعك عنى

قال : الله

الأعرابي اتزلزل والسيف وقع من ايديه

النبي مسك السيف وقاله من يمنعك عنى ؟

الرسول عفا عنه والراجل ده كان سبب اسلام كتير من الخلق

شوفوا أخلاق حبيب الله اخلاقه مع اعدائه بيسجلها التاريخ بيشهد لها التاريخ

لما قبل فتح مكة واحدة مغنية اسمها ام سارة دى كانت واحدة مغنية بيستخدموها في الغناء

والغناء ده من الأسلحة اللى حاربوا بيها الدعوة الإسلامية واللى حاربوا بيها التيار الإسلامى

جت المرأة دي قبل الفتح الإسلامى اتزنقت في فلوس

ومش عارفة تروح فين مش عارفة تطلب من مين

تركب دابتها وتسافر من مكة للمدينة تروح لرسول الله

عشان عارفة انه هو الوحيد اللى هيديها والنبي يعطيها ويديها ويكرمها و ترجع لمكة محملة بالمنح اللى النبي والصحابة ادوهلها


اخلاق تاريخية

يشهد التاريخ ان اول واحد دعا لحقوق الأطفال قبل اليوناسيف من الف وربعمائة سنة

هو محمد بن عبد الله واول واحد دعا لحقوق المرأة قبل منظمات تحرير المراة من الف وربعمائة سنة

رسول الله اول واحد دعا لحقوق الإنسان قبل منظمات حقوق الإنسان من الف وربعمائة سنة

رسول الله هو اول واحد دعا بتحرير العبيد قبل الأمم المتحدة بالف وربعمائة سنة


رسول الله هو اول واحد دعا لنصرة المظلوم ومنظمات الجمعيات الخيرية قبل العدل الدوليه ومنظمات هاجت ولندن ونيويورك بالف وربعامائة سنة

رسول الله هو اول واحد دعا لحقوق الحيوان قبل منظمات حقوق الحيوان بالف وربعامائة سنة

رسول الله هو اول واحد دعا لحقوق الطفل لما كان خادمه انس طفل صغير اما يكلمه يقوله يا بنى


عشر سنين ولا ضربه ولا شتمه ولا نقده ولا قاله اى حاجة تزعله

لما الرسول لقى واحد جه وقاله انتوا بتقـبّلوا اولادكم انا عمري ما قبلت ولادى وقاله وماذا افعل اذا كان الله قد نزع الرحمة من قلبك ..!

يشهد القران الجزء 28 اول جزء فيه المجادلة (سمع الله قول التى تجادلك في زوجها وتشتكى الى الله)

يشهد التاريخ ان اول مشهد ربنا افتتح بيه الجزء 28 مشهد حاكم الدوله كلها زعيم الأمة كلها فاتح بيته لإمراة من افقر نساء المدينة وقاعده معاه تشكيله مشكلتها

شايفين يا جماعه تعظيمه للمراة وتشريفه للمراة ولقدر المراة

الرسول هو اول واحد دعا لحقوق الإنسان حقوق الإنسان قبل اللى بيحصل ده لما كان قاعد في البخاري ومسلم

لما لقى جنازة يهودى معدية قام وقف شوفوا يا امة محمد شوفوا يا عالم

شوفوا حقوق الإنسان عند رسول الله

من قبل كل اللى بيتقال دلوقتى ده

وقف قام قالولوه يا رسول الله ده يهودى ده كافر ..! قالهم أوليست نفسا

..! ده يهودى ولكن انسان


الرسول عمل للمسلم قيمة في العالم كله

كان المجتمع كله ماشي رافع راسه مفيش فرق بين ابو 40 مليار وبين اللى بيقبض 140 جنية في الشهر


الرسول علم ان كل مسلم له كرامة علمك انك ليك قيمة علمك انك ليكي قيمة علمك انك غاليه وانك غالى

كان كل المسلمين ماشين رافعين راسهم يا جماعه

الرسول اول واحد علم العالم كله حقوق الحيوان لما اول مرة العالم يسمع انه دخل الجنة ان امراة دخلت الجنة عشان كلب

وان واحدة دخلت جهنم تتشوي فيها عشان قطة عذبتها

اخلاق لو نشرناها في العالم كله هيزهل من هذة الأخلاق من قبل البعثة والرسول اخلاقه كدة من قبل البعثة كان اسمه الصادق الأمين

يا جماعه اللى جرب التجارة وعاشر التجار يعرف ان اصعب صفتين للي عاوز يكسب فلوس انه صادق وامين بالذات في الأزمان بتاعة الجاهلية

وامين بالذات في هذة الأزمان

الرسول لما بعث السيدة خديجة تقوله

كلا والله لا يخزيك الله ابدا

دانت بتكسب المعدوم وبتحمل الكل وبتصل الرحم وبتقرِ الضعيف وبتعين على نوائب الدهر دانت اخلاقك موردتش يا رسول الله


عرفتوا لماذا محمد ؟ عرفتوا ربنا لما اختاره اختار اعظم انسان له اخلاق على وجه الأرض

عاوز ربنا يختارك عاوز ربنا يصطفيك ؟؟!

عاوزة ربنا ربنا يرفعك عاوز ربنا سبحانه وتعالى يقربك ؟؟!

الأخلاق يا جماعة دى قضية جنّة او نار

الأخلاق دى قضية نصرة للأسلام او بقاء على الكفر

تخيلوا لو جم في بلد زي ليبيا كلها صحراء وقاله احنا اكتشفنا اعظم اثار في العالم

جم الناس تتقرج على الأثار لقوها صحراء كل الناس هتقول ايه انتوا كدابين ؟

لما نروح دلوقتى نقول يا عالم احنا دين السلام الصدق والطهارة والكرم والأخلاق

لما الناس تيجي تشوف اخلاق المسلمين هتقول ايه انتوا كدابين؟

لاعب سلة نزل مصر عشان يسلم ولما شاف اخلاق المسلمين رجع تانى ورجع في كلامه !!

الغرب شايفنا ايه من دينا احنا ادينا صورة شكلها ايه عن دينا يا جماعة

ادينا صورة شكلها ايه؟

قضية الأخلاق في الدين دى حاجة خطيرة جدااااا


الرسول يقول للصحابة (اتدرون من المفلس) اللى مش معاه فلوس ؟؟

لالالالا ده اللى صلى وصام وزكى وعمل كل العبادات دى

ولكن

شتم هذا .. وضرب هذا .. وسفك دم هذا .. واغتاب هذا ..


سوء المعاملات ضيعت العبادات بتاعته يا جماعه اعظم مواسم العبادة بتضيع بسبب سوء الأخلاق

نرجع تانى نكمل اخلاق رسول الله صلى الله عليه وسلم

اخلاق رسول الله اخلاق مبهرة ربنا خلدها في القران خلد ذكراها

قال ( وَإِنَّكَ لَعَلَى خُلُقٍ عَظِيمٍ )

روح النبي كانت جميلة اوى يا جماعه روح النبي روحه كانت جميلة اوى

في وسط الحرب دى ووسط الأذي ده تيجي واحدة ست يا رسول الله زعلانة من جوزى وبتشتكى من جوزها .. يقولها : زوجك الذي في عينيه بياض .. بياض يعنى اتعمى ..!!!

الست تترعب على جوزها ترجع تصالح جوزها بسرعة وتبص في عينيه

تقوله : الرسول قال ان في عينيك بياض قالها : وهو فيه حد مفيش عينيه بياض جنب السواد ..

تيجي امراة عجوز تقوله يا رسول الله ادعيلي ادخل الجنة يقولها لا يدخل الجنة عجوز

تخرج الست وهو بتعيط الرسول يخلى الصحابة يلحقوها

قولولها لن تدخل الجنة عجوز ولكن إنَّا أَنْشَأْنَاهُنَّ إِنْشَاءً فَجَعَلْنَاهُنَّ أَبْكَارًا

ربنا هيرجعها شابة جميلة تانى اجمل من اي حد في الدنيا


الرسول كانت روحه جميلة اوى .. كان بيحب الجمال في اللبس .. والجمال في العطر والطيب


محمد عليه الصلاة والسلام شجاعة مبهرة وكرم مبهر لما جت غنايم كتير

وصفوان بن امية بن خلف .. عدو الله

صفوان واقف جنب النبي بيبص للغنم الكتيييير بإعجاب

النبي شاف في عينيه نظرة حب الدنيا .. قاله اتعجبك يا صفوان ..؟

تعجبنى ده لو ملك شافها هيموت عليها يا رسول الله

قاله صلى الله عليه وسلم : خدها فهى لك ..

صفوان كان هيحصله حاجة قاله : والله ما تجود بهذا الا نفس نبي .. واسلم صفوان رضي الله عنه


راح لقومه قالهم جئتكم من عند من يعطى عطاء من لا يخشي الفقر

* ويشهد التاريخ بالكلمة اللى نفخر بيها قدام الدنيا كلها لما وقف

وقال : لو ان فاطمة سيدة نساء الأرض اصغر بناته فاطمة .. لو ان فاطمة بنت محمد سرقت

لقطعت يدها .. يسجل التاريخ اندى مبادئ الإسلام وان دى اخلاق الإسلام وان ده الدين الاسلام




لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ

مننا وعلينا حاسس بيك حاسس بيكي .. حاسس بمشاكلك .. حاسس بالأزمة اللى انتى فيها دلوقتى

حاسس بالهموم اللى ورا كل باب


لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ

رسول من انفسكم عزيز عليه ما عنتم عزيز عليه ان النار تمسك عزيز

عليه انك انت في قبرك يوقد عليك .. عزيز عليه انك تقعى من على الصراط في النار ..

حريص عليكم مش نفسك في انسان حريص عليكى ..

حريص عليكم مش نفسك في انسان حريص عليك .. حريص على سعادتك .. حريص على نجاتك ..
حريص عليكم انكم تدخلوا الجنة انكم تنظروا لوجه الله انكم متتحرموش من الفردوس

بالمؤمنين رؤوف رحيم

ما جمع الله لأحد من صفتين كمثل محمد محدش ربنا قال عليه كدة غير النبي


رحمه مبهرة .. صدق مبهر .. زهد مبهر .. كرم مبهر

حياء مبهر .. شوف الوصف المبهر بتاع الصحابة عن النبي ..

> كان اشد حياء من العذراء في خدرها العذراء <

عرفتوا لماذا محمد ؟ عرفتوا لماذا الملائكة نزلت تدافع عن النبي ؟

عرفتوا ربنا رافعه لأعلى مقام ليه ؟

عرفتوا اخلاق العظيمة المبهرة اد ايه؟




والحلقة كاملة من

هنــا





رد باقتباس
   
  رقم المشاركة :5  (رابط المشاركة)
قديم 03.07.2016, 16:01
صور حياء مسلمة الرمزية

حياء مسلمة

عضو

______________

حياء مسلمة غير موجود

الملف الشخصي
التسجيـــــل: 21.02.2016
الجــــنـــــس: أنثى
الــديــــانــة: الإسلام
المشاركات: 257  [ عرض ]
آخــــر نــشــاط
11.04.2020 (00:43)
تم شكره 91 مرة في 80 مشاركة
افتراضي


الحلقة الخامسة








هنتكلم عن إعداد الله لرسول الله إعداد الله للحبيب محمد عليه الصلاة والسلام


هنتكلم الليلة عن معجزات لطف الله في صناعة محمد


سيدنا محمد دا صناعة ربانية



إعداد النبي بدأ من يوم ما أدم نزل علي الأرض ياجماعة من يوم



ما ربنا أخذ العهد والميثاق علي كل الرسل

" لتؤمنن به ولتنصرنه "

أول حاجة ازاي ربنا أعد محمد نفسه عليه الصلاة والسلام


عايزين نبدأ يا جماعةالقصة من أولها من أول ما عبد الله الشاب


اللي مجبش عشرين سنة يروح يتقدم لأمنة البنت اللي لسه


صغيرة اللي مجبتش لسه عشرين سنة ويتجوزا بعض


ويحبوابعض حب رهيب كانت أمنة من أكتر الشخصيات العاطفية



ويتجوزا وتحمل أمنة فوراً


تحمل أمنة ومش عارفة هي حملت في مين ولكن تشوف في


الرؤية إن في نور طلع منها أضاء الشام تحس هي وجوزها


إن المولود اللي في بطنها دا مولود عظيم ويبدأ الفرح يسمع


الأسرة والانتظاربشوق والنبي لسه جنين في الشهر الثاني يخرج


عبد الله عشان يتاجر في المدينة المنورة يصاب بمرض شديد



جدا أثناء السفر ويموت في المدينة ويدفن هناك يموت بعد


شهرين من حمل أمنة بالنبي
كأنه كان موجود بس في الدنيا


عشان يأدي مهمة والمهمة اتأدت وخلصت خلاص إن نطفة


الرسول عليه الصلاة والسلام بقت في رحم أمنة


خلاص يموت

عبد الله بعد أن أديت هذه المهمة القدرية يموت عبد الله


وهوأصغر من عشرين سنة والنبي جنين عنده شهرين


وتبدأ

أمنة لما تعرف الخبر تصاب بحزن شديد جوزها حببيها اللي كان
بتحبه حب رهيب

وتندر حياتها أنها مش هتتجوز طول عمرها وإنها هتزورقبره كل سنة


تطلع 500 كيلو للمدينة المنورة ويظهر الحمل ويجي ميعاد ولادة النبي عليه الصلاة والسلام


في يوم عشرين ابريل 570 ميلاديةفي يوم 12 ربيع الاول في


عام الفيل بعد حادثة الفيل بـ 52 يوم تضع السيدة أمنة


كل أهل مكة كانوا مستنين المولود اليتيم دا اللي أبوه مات

وهو لسه جنين في بطن أمه عمه واقف مستني

يوم ما النبي عليه

الصلاة والسلام يتولد الدنيا كلها يحصل فيها إيه

إيوان كسرة


يتزلزل 14 شرفة من شرفات كسري يقعوا يتكسروا


نار المجوس تنطفي


كسري اللي بقالها 42 سنة ملك مستقر يحصلوا كل دا هوا


.. أم عبد الرحمن بن عوف هي اللي تولد النبي


ثويبة مولاة أبي لهب أول ما تشوفه تحبه كل اللي يشوفه يحبه ترضعه هي أول


واحدةرضعه النبي عليه الصلاة والسلام

يخرجوا لعموا وجده


عبدالمطلب يقولوله إن ربنا رزقك بولد جميل زى القمر اسمه إيه


هتسميه ايه يقولهم هسميه محمد ايه هتسميه محمد ايه محمد


دي يعني ايه محمد اسم ازاي تسميه اسم مش موجود في


الجزيرة كلها ازاي تسميه اسم مفيش حد اتسمي بيه قبل كدا


ازاي هو من اكبرمعجزات الإسلام أمه تشوف رؤيا إنها تسميه محمد ويصر يجده إن يتمسي محمد



وتصمم أمه انه يتربي زى أفضل بيوت العرب



زى ما كبار القوم يودوا ولادهم يسترضعوا في البادية تشوف


مرضعةلابنها ويوم ما تيجي المرضعات عشان يخدوا أطفال مكة


كل أطفال مكة .. كلأطفال مكة الشرفاء والعظماء


وعايزين

أهليهم يوفر لهم مرضعة


مفيش واحدة ترضي تاخد النبي
ليه مكنش حدراضي ياخد محمد اليتيم ليه لأنه كان يتيم مين اللي هيدينا فلوس


ويصعب علي حليمة السعدية المرأة الفقيرة الغلبانة اللي ثديها أصلا عندها ابن قاعديبكي علي طول من الجوع وثديها جف من اللبن


والبغلي بتاعتها ( الحمارة ) اللي كانت عليها من شدة الفقر أبطأ حمارة كلهم متضررين منها الفقيرة شديدةالفقر تقول لجوزها ناخده ولا لأ


وتقف مترددة وفي النهاية تاخده حليمةالسعدية


وتبدأ كرامات ومعجزات الرسول من اول أيام حياته ..


الحمار بتاع السيدة حليمة يبقي اسرع دابة في كل المرضعات


كلهم وصدر السيدة حليمة يفيض باللبن والغنم بتاعة السيدة


حليمة تبقي اكثر غنم بتجيب لبن في قومها في بني سعد لدرجة


إن كل اللي حوليها يستغربوا


وتربتط حليمة برسول الله ارتباط رهيب عليه الصلاة والسلام


وتقعد تأجل فيرجوعه لامه لحسن الوباء بتاع مكة يصيبه بسوء ولا حاجة.



لحد ما مرة من المرات النبي عليه الصلاة والسلام طفل عنده


خمس سنين بيلعب مع الأطفال في بني سعد ينزل ناس ويأتي ناس


يمسكوا النبي يحطوا علي الأرض يشقوا صدره يطلعه قلبه قدام


الأطفال ،


الأطفال يجروا علي حليمة الحقي محمد قتل محمد


قتل تترعب حليمة هو ايه دا،



دا جبريل يا جماعة دا اول عملية قلب وصدر مفتوح علي وجه


الأرض مين اللي عملها مين الجراح اللي عملها اللي عملها


جبريل أعظم ملك وعملها ايه أدوات العملية زمزم أعظم ماء في


طشت من طست من ذهب أعظم معدن وأطهر معدن فين في


المنطقة المجاورة لمكة كأعظم أرض علي وجه الأرض


وإيه لمين لأعظم نبي علي وجه الأرض رسول الله ليه


عشان يتحط في قلبه أعظم منحة من الله الإيمان والحكمة


ويتشال حظ الشيطان من قلبه حليمة تخاف وتترعب


تروح لأمه ترجعه وهو عنده خمس سنين وشهر يلحق محمد بن


عبد الله أمه قبل 11شهر من موتها تخرج السيدة أمنة برحلة


طويلة من رحلات الرسول عليه الصلاةوالسلام إلي المدينة


المنورة عشان توصل الرسول يشوف قبر أبوه وهي راجعة قبل


150 كيلو من مكة المكرمة في عز الصحرا تمرض مرض شديد


وهي مريضة أصلا وتموت أمنة بنت وهب قدام عين ابنها محمد بن عبد الله اللي عنده 6 سنين وتدفن قدام عينه




ويرجع رسول الله صلي الله عليهوسلم من غير لا أم ولا أب ولا


حتى قبر أمه ولا قبر أبوه في البلد اللي هواعايش فيها




أمه تموت وهوعنده 6 سنين يتنقل لجده عبد المطلب يطلع عبد المطلب سنتين ويموت



الرسول طلع أمي



أمية النبي دي شرف ، شرف للأمة كلها ، بعد كدا ياخده عمه وهو عنده 8 سنين يربيه عمه مع أولاده عمه كان فقير يربيه مع ولاده ،



مدقش الاستقرار وهو طفل من بيت أمه لبيت أبوه لبيت حليمة لبيت أمهلبيت جده لبيت عمه لبيت خديجة بعد كدا




رسول الله صلي الله عليه سلم يرعي الغنم ؟ وهو طفل صغير


عشان هيبقي مربي الآمة كلها



وهوبيرعي الغنم في يوم من الأيام يسمع عن حفلة غنائية في مكة ،


حفلة .. فرح .. غناء يسيب الغنم مع واحد وينزل عشان يروح


الحفلة يحصل شيء عجيب جدا يلقي علي رسول الله صلي الله


عليه وسلم النوم ميصحاش غير تاني يوم والشمس بتضربه فدا

يستغرب


تيجي حفلة تانية يقول انزل أشوف الناس بتعمل ايه


ينزلي حصل نفس الموضوع تاني وينام يعرف إن فيه حاجة


بتصرفه عن هذا اللهوالمعازف حرمة المعازف اللي انتشرت في الأمة




النبي وهو عنده 12 سنة



يخرج الشام تاجر مع عمه راجل من وهو طفل راجل كبير عظيم من وهو طفل


عارفين النبي يدخل مدرسة الحياة لان مدرسة الحياة هتتعلموا


فيها حاجات عمركوا ما هتتعلموها في أي مكان تاني


النبي تاجر بس عمره ما خان ، النبي تاجر بس عمره ما كدب ، النبي تاجر بس عمره ما غش ،النبي تاجر بس عمره ما بخل ، النبي عليه الصلاة والسلام تاجر بس عمره ماخدع حد ،




بعد كدا النبي عليه الصلاة والسلام وهو عنده 17 سنة يحصل حادث جلل تقوم حرب بين مكة وهوازن ،


والنبي عليه الصلاة والسلام بكل ايجابية يشارك في الحرب



بعد كدا عدا عشرين سنة يشترك النبي لأول مرة في دورسياسي في دور قومي يشترك في حلف الفضول اللي مكنش بيدخل فيه غير أعظم العرب ولكن يدخلوا فيه نتيجة شدة حكمة النبي عليه الصلاة والسلام



كان ايجابي ميشفش واحد عنده مشكلة ويسكت ايجابية مع


مشاكل عيلته


لما عمه أبو طالب لقي عنده 9أولاد وفقير خد منه علي بن أبي


طالب يربيه رغم النبي كان عنده 7 من خديجةيبقي مع علي 8


وعمه معاه 8 يشيل الهم مع عمه صلي الله عليه وسلم


لما دخل حرب الفجار يدافع عن أعمامه ايجابي مع


مشاكل المظلومين لما دخل حلف الفضول يدافع عن المظلومين ،


ايجابي مع مشاكل أمته لما كانت هتقوم حرب بسبب مين اللي


يحط الحجر الأسود في الكعبة لما كانوابيعيدوا بناءها والنبي هو


اللي يقترح عليهم يشيله الثوب ويحطه فيه الحجروكل واحد


يمسك طرف الثوب ،



بعد كدا النبي عليه الصلاة والسلام ينبغ في التجارةوتطلع السيدة خديجة رضي الله عنها تسمع عن محمد النابغ في التجارة وتبعتله انه يسمك تجارتها ويسمك النبي عليه الصلاة والسلام تجارة السيدة خديجة


وينبغ مبكر جدا في التجارةوالسيدة خديجة تنبهر جدا باللي تسمعه عن الرسول وأخلاق الرسول وهي اللي تطلب منه الزواج ويتزوج خديجة




هتبقي وزيرة للرسول هيدخل عليها يقولها أنا جالي واحد بيقولي إن أنا نبي علي غار حراء مش هتفزع وهتحتضنه رضي الله عنها



النبي يبدأ يتفرغ للعبادة ويتفرغ بعلاقته بالله سبحانه وتعالي


( وتقلبك في الساجدين )


علي بعض الأقوال يعني تقلب نطفة النبي في أصلاب الانبياء


علي مدي التاريخ علي احد الأقوال النبي عليه الصلاة والسلام


من جدوده عبد المطلب اللي حفر زمزم من جدوده،


قصي اللي عمل مكة بلد نظمها ورتبها وأقام فيها


المعاملات المادية من جدوده النبي عليه الصلاة والسلام جدوده


هاشم ، هاشم اول واحد هشم الجريد للحجاج هاشم اللي حول


مكة من بلد محلية لبلد تجارتها عالمية هوأول واحد عمل تجارة رحلة الصيف والشتاء


النبي يرزق من السيدة خديجة 7 أولاد وهوعنده 35 سنة يحصل


حدث يبهر أهل مكة كلهم ويبهر أهل العرب لما تيجي


حادثةالحجر الأسود وتبدأ الدنيا كلها تشتعل ويبدأ الحرب هتقوم


مين اللي هيحط الحجر الأسود في الكعبة ويقوم النبي عليه


الصلاة والسلام يدخل عليهم ويقولهم هاتوا الثوب اللي هوا


ثوبي ثوب النبي ويحط الحجر الأسود فيه وكل واحد يشيل من


طرف وحطوه مع بعض لغاية مكان الكعبة والنبي اللي يشيله


بأيده ويحطه عليه الصلاة والسلام بعد كدا يبدأ النبي يعتزل الدنيا


ويبدأ يسيب التجارة ويسيب الحرب ويسيب حلف الفضول


ويسيب الدنيا ويسيب بيته ويسيب أهله ويسيب السفر ويسيب


كل حاجة ويبدأ يروح في غار مهجور عند جبل مهجور


اسمه دلوقتي جبل النور لان نور محمد عليه الصلاة والسلام


سكن عليه يروح الجبل دا ويطلع الجبل







والحلقة كاملة من

هنــا





رد باقتباس
رد

العلامات المرجعية

الكلمات الدلالية
لمــاذاااااا, النبي محمد, بأبي وأمي, يارسول الله


الذين يشاهدون هذا الموضوع الآن : 1 ( 0من الأعضاء 1 من الزوار )
 
أدوات الموضوع
أنواع عرض الموضوع

تعليمات المشاركة
لا تستطيع إضافة موضوعات جديدة
لا تستطيع إضافة رد
لا تستطيع إرفاق ملفات
لا تستطيع تعديل مشاركاتك

رمز BB تمكين
رمز[IMG]تمكين
رمز HTML تعطيل

الانتقال السريع

الموضوعات المتماثلة
الموضوع كاتب الموضوع المنتدى ردود آخر مشاركة
108 من أقارب النبى وأعدائه يشهدون ان النبى محمد هو ابن عبد الله ابن عبد المطلب مصر مسلمة إجابة الأسئلة ورد الشبهات حول السيرة و الأحاديث النبوية الشريفة 12 15.07.2016 07:20
بأبي أنت وأمي يا رسول الله لبيك إسلامنا الحديث و السيرة 2 05.03.2011 17:40
97 اقارب النبى واعدائه يشهدون ان النبى محمد هو ابن عبد الله ابن عبد المطلب مصر مسلمة إجابة الأسئلة ورد الشبهات حول السيرة و الأحاديث النبوية الشريفة 9 26.02.2011 02:18
صحة موضوع يارسول الله ! لماذا أصلى عليك؟ نضال 3 الحديث و السيرة 3 26.01.2011 21:27
يارسول الله أصبت حدا فطهرني . . النصر آت..آت.. القسم الإسلامي العام 4 27.08.2010 07:07



لوّن صفحتك :