رساله شكر ووداع لكل الاعضاء
السلام عليكم ورحمه الله وبركاته انا عاوزه اعمل رساله شكر للاعضاء اولا لكل الاعضاء المحترمين الى والله ربنا يعلم انا حبيتهم اد ايه واد ايه انى مبسوطه انى كنت واحده منكوا ولكل من ساعدنى واحترمنى وعاوزه اشكر كلأ من : ابو السائب المصرى احب اشكرك يا استاذى على انك اوصلتنى لهذا المنتدى اقل ما اوصفه ان هو اجمل المنتديات على الاطلاق التى اشتركت فيها ف حياتى ومهما اعدت اكلم مش هقدر اوصفه بجد طائر السنونو استاذ مصطفى بجد اشكر حضرتك جدا لتلبيه رجائى ف مساعده صحبتى وانك ساعدتنى وطمنتينى ف عز ما كانت حالتى سيئه اشكرك بجد وربنا يخليك مهندس محمد . الاشبيلي . الراوى بجد بشكر حضراتكوا اوووووووى وعلى الى عملته معايا سواء كان دعاء او رد على المووضوع لمساعده صحبتى نوران بجد والله انا حبيت حضرتك اوى وتسمحيلى اقول لحضرتك يا ماما لو مكنش يضايق حضرتك وعاوزه اشكرك على التحيه وعلى كلامك بجد الى دخل قلبى ف وقوفك جنبى كانى واحده من بناتك انا مش عارفه اقول ايه غير انى والله مبسوطه بردود حضرتك الى كانت بتفرحنى وطمنى وبحس انها من قلبك انا بجد حبيتك ف الله ابو يونس بشكرك جدا بجد على الكلام الى حضرتك كاتبه ف التعليقات واد ايه حضرتك مهتم بالموضوع وده دليل على ان الاسلام احلى حاجه ف الدنيا وجزاك الله خيرا أبو حفص الأيوبي احب اشكرك على حوراك مع صحبتى وانك اكلمت معاها من خلال الردود وساعدتها لكن للاسف هى استنكرت ده وده شى انا شايفاه واحترمت حضرتك جدا ومش عارفه اقول لحضرتك ايه غير ربنا يجزيك كل خير ويجعل ده ف ميزان حسانتاك نورا . queshta .أسد الدين . أبوحمزة السيوطي احب اشكركوا بجد والله على الى انتوا عملتوه معايا وانا اصلا مش كنت اتوقع كده وكنت مبسوطه اوى ان ف اشخاص زيكوا وبجد ربنا يخليكوا يا رب وشكرا اوى لحضراتكوا مناصر الإسلام . صاعقه الاسلام . احيك بجد حضراتكوا ثنائى بجد يحسد عليكما ربنا يزيدكوا وبجد استفدت من كلامكوا اوى وعرفت حجات عمرى ف حياتى ما فكرت انى اتعلمها او اعرفها والحمد الله على نعمه الاسلام د/مسلمة بجد اشكر حضرتك على كل الى عملتيه معايا ومعانا كلنا وربنا يزيد حضرتك ويجعله ف ميزان حساناتك راجيه مهما قولت مش هقدر اوصفللك فرحتى انى اكلمت معاكى وانى كنت بفرح اوى لما اكلمك او احكيللك حاجه عنى واد ايه كنت حاسه ان احنا كويسين اوى مع بعض بحبك جدا واسفه اذا كنت خليتك حيرانه سميه يااااااااااااااااه مهما اكلمت مش هقدر اوصفلها مدى فرحتى انى عرفت واحده زيها وانسانه زيها . واد ايه حبتنى وتخاف عليا واد ايه خلتنى اتغير من شخصيتى زمان واد ايه انا مبسوطه ان احنا بقينا اصحاب واحلى اصحاب واد ايه هى حستنى ووقفت جنبى ف الوقت الى انا كان نفسى ان حد يقف جنبى وبالفعل ده الى حصل وربنا يعلم انى بحبها لدرجه رهيبه **************************** انا عملت رساله الشكر لان دى ممكن تكون اخر مشاركه ليا ف المنتدى وانا اسفه والله وعاوزه اقول انى حبيتكوا كلكوا وبجد مبسوطه لانى فعلا بقيت واحده تانيه وده كان بيكوا ولو كانت صحبتى مش رجعت للصح زى ما كان نفسى واد ايه انا زعلانه عشانها بس انا مبوطه لانى اتغيرت للاحسن وانى بقيت احسن من الاول كتير . انا اصلا بنت ممكن تقولوا كده دلوعه عمرى ما طلبت حاجه ومجتليش كل حاجه من ملذات الدنيا بتجيلى وعايشه مسلمه على الورق وبس ولا كنت بصلى ولا كنت بصوم ولا كنت بعمل اى حاجه تدل على انى بعبد ربنا وعيلتى بيصلوا ووالدتى تقولى كل صلاه اقوم اصلى بس انا مكنتش بسمع كلامها لحد ما جه يوم الصاعقه بالنسبه ليا يوم تحول صحبتى حسيت بخوف شديد اوى من ربنا وحاسه ان الموت قرب وانا معملتش اى حاجه تقربنى من ربنا ومعملتش حاجه تتدل انى بحبه وخوفت اوى وحسيت بالندم وبدات فعلا اتغير والسبب ف ده صحبتى سبحان الله هى الى شاكه ف الاسلام خلتنى واحده مؤمنه على الورق وبالفعل والسبب كمان حضرتكوا لانى اتعلمت منكوا حجات كتير اتعلمت ازاى اقرب من ربنا وازاى اكون انسانه بجد غير الاولانيه انا حبيتكوا اوى بس ف ناس كرهانى هنا او مش كرهانى معاملتهم اتغيرت معايا وانا مش بحب اكون تقيله بالنسبالهم وبما انى انا جايه عليهم فلازم امشى انا خدت قرارى ده واانا بعيط وزعلانه انى اسيبكوا بس مش هقدر اكون هنا احب اشكركوا تانى على الى انتوا عملته معايا لانه اكتر من اللازم ومش زعلانه ان صحبتى الوقتى بالنسبالى ماتت مش بقت الى انا اعرفها بس مبسوطه لانى قربت من ربنا وحسيت بحلاوه الايمان واد ايه كنت انا غبيه وبقيت انسانه تانيه متدينه عفيفه عاقله كويسه وده كان بفضلكوا والى شوفته من حضرتكوا مع السلامه وتذكرونى بالخير اختكم ف الله هند |
السلام عليكم ورحمه الله وبركاته
بسم الله الرحمن الرحيم غاليتى هند بارك الله فيكى على كلامك الطيب ويعلم الله قدرك عندنا من قال انكى غير مرغوب فيكى يااختى ؟! هذا الصرح مفتوح على مصراعيه امام الجميع ليس حكرا لاحد ليكون غير مرغوب فيكى الغير المرغوب فيه هو اى حد مسىء يخالف القوانين عدا ذلك الجميع فى عيوننا ونتشرف بانتسابهم الى منتدانا وانتى ورده من باقه منتدانا العطرة فكيف تتركينا كيف تتركى الصحبه الصالحه والدعوه الى الله وطلب العلم لاسباب صدقينى ليس لها وجود ان كنت انا من اخطأ فى حقك فانا اعتذر وان كان غيرى فسامحيه لاننا فى شهر فضيل ونتمنى ان نرى مشاركاتك تلمع بالمواضيع مرة اخرى |
اقتباس:
اولا السلام عليكم وكل سنة وانتوا طيبين تانى حاجة بشكرك ياهند على كلامك دة الى قولتية فى حقى ولو انى مش بستاهل كلام زى دة انا الى جابنى للمنتدى هنا هى ماما نوران وانا فى اتباع المرسلين وبحب اتباع المرسلين اكتر من بتنا ولا بحب ابعد عنة ومع كل دة جيت هنا وعرفتك ربنا يحفظك ومتزعليش من اى حد حتى لو بيشك فيكي ما عندك كريستين كل الى بيعرفوها وبيعرفوا انها اسلمت فى الاخر شكوا فيها وقالوا انها مبشرة والحمدلله مأثرش فيها كمان هند اتهموها انها شب مش بنت وموقفتش الدنيا عند دة بس انا لسة ملقيتش اى اتهام من حد هههههههه وحتى لو لقيت اتهام ولابفكر فية واوجع دماغي لانة الى بيهمنى هو ربنا وبس انصحك نصيحة من اخت ليكي مش مهم الناس تثق فيكى ولا لاء لانك مش هتقدري ترضي كل الناس المهم ربنا هو الى يعلم بيكي وبس انتى انسانة طيبة اوى وقلبك ابيض ربنا يحفظك يارب آمين استهدى بالله بس انتى افتكري ربنا وبس متفكريش فى حد تانى |
لا اوافقك الراي
مغادرتك المنتدى ليست ايجابية لكي فهذا المنتدى يقربنا من دين الحق لماذا ستتركينه هذا المنتدى هو بمثابة بيت لنا نتعلم منه ونستفيد راجعي قرارك فالكل يحبك هنا فنحن اخوة في الله وان احسست بشئ اتجاه اي عضو فصارحيه لان الاحباء في الله تكون قلوبهم صافية من اي كره او ضغينة او شحناء احبك في الله |
بسم الله الرحمن الرحيم
اللهم صل على محمد وعلى آله وصحبه أجمعين السلام عليكم ورحمة الله وبركاته اقتباس:
شيئ يسعدني ويشرفني أن يكون لي بنت في أدبك وأخلاقك ووفائك كثير عليَّ حقيقي اقتباس:
وبكيت عندما قرأت مشاركتك وعايزة أقول لك لا تحزني أما الكاذب فيعتقد أن كل العالم كذابين مثله فلا تحزني لا على المرتدة لأني أعتقد أنها كذابة وكانت تريد جرك للكفر لكن لأنك صاحبة قلب كبير جعل اهتمامك بيها سببا لقربك من الله نفسي ياأبنتي تعرفي تختاري صحباتك لأنه اللي زيك ماينفعش تصاحب أي واحدة والسلام وقد أمرنا الرسول صلى الله عليه وسلم بحسن اختيار الصاحب http://www.asso7ba.com/image/card/card212.gif اقتباس:
http://www.asso7ba.com/image/card/card210.gif وربنا ما يحرمناش منك لأني فعلا حبيتك من كل قلبي فأنت تستحقين الحب والاحترام من الجميع حقا مين ما يحبش هند الوفية الصادقة اللي بتحب ربنا وكل همها دلوقتي ازاي ترضيه ؟ لكن استغرب جدا لما تكوني ليك كل الإخوة دول وبتحبينا كلنا وبتحبي المنتدى وبعدين تقولي أنا قررت أمشي !!! بالله عليك ده كلام الناس الجميلة زيك ماتمشيش أبدا اللي يزعلها هو اللي لازم يمشي يعني اتخيلي كل واحد كويس في المنتدى حد زعله خد بعضه ومشي أكيد المنتدى هايبقى كله وحشين تفتكري ده صح ؟ طبعا لا لأن المسلمين الكويسين لازم يصبروا فإما إن الوحش يتغير ويبأ كويس زيهم أو ما يحبش يكون مع ناس كويسين فياخد بعضه ويمشي ويسيب المنتدى للكويسين مش كده وللا أيه والآن ياهند بالله عليك لا تتركي المنتدى وكوني معنا دائما أنا عارفة إنك صادقة في حبك لينا علشان كده لازم تكوني معانا علشان خاطري وخاطر كل اللي حبوك وحبتيهم معقول تسيبيهم يزعلوا على فراقك ياهند !!؟ معقول يهون عيك تحرمي ماما نوران من وجودك معاها ؟!! حتى لو كان يهون عليك تسبينا احنا ما يهونش علينا إنك تسبينا وتمشي من فضلك علشان خاطري اكتبي رد وفرحينا بيه وقولي إنك عمرك ما ها تسبينا ولا هاتتخلي عن المنتدى ده أبدا خلي بالك أنا حلفتك بالله ولازم تبري اليمين لأنك بتحبي ربنا جلَّ جلاله في انتظارك إبنتي الحبيبة الغالية http://www.asso7ba.com/image/card/card213.gif |
بسم الله الرحمن الرحيم الحَمدُ للهِ رَب العالميــن،ولا عُدوانَ إلا على الظالميـــن،والعاقِبـــةُ للمُتَقيـــن لا حَولَ ولا قُوَةَ إلا باللهِ العظيم لولا أن الرهان لا يجوز شرعاً أو فيه شُبهــة لَكُنت راهنت على انها لن تتركنا !!!! لِمـاذا...!!!!؟؟؟؟ المُنتَديات الدَعوية -شِبه إدمان واللهِ- وكفى باللهِ شَهيدا مَلحوظة:- انا لا أعلم التفاصيل ربما لأننى كنت مُتغيب وهذا حساب آخر ولكن حسابى الأصلى هو elqurssan وربما اتم تصليحه فيما بعد ، عموماً نتمنى أن تكون أتممت شفآئكِك وان تكونى بصحة جَيِّدَة لا عليكِ أختاه والعاقِبـــةُ للمُتَقيـــن أخوكم فى اللهِ :- د.شريف العَجَمــىِّ |
لو أخذ الله الناس بالنوايا ما أبقى على ظهر الأرض من أحد
ولو أخذ الإنسان الناس بالظن لأنقرضت البشرية منذ عهد آدم فمن منا يظن بكِ السوء ؟؟؟؟ أعتقد حان آوان تجديد النوايا نسأل الله لكِ ولنا الهداية وأسأل الله أن تظلِ بمنتدانا لا ضيفة بل صاحبة دار |
اقتباس:
لا حول ولا وقوة إلا بالله هذا الصرح بيتك ومنتداكِ أنت بين أهلك وأخوانكِ وأخواتكِ ومن يقول لكِ أنكِ غير مرغوب بك هنا فليرحل هو من هنا أنتِ أخت غالية وعزيزة على الجميع أحبك في الله وكل عام وأنتِ بخير وعافية وسعادة |
أختي الغالية هند
أولاً ما كل هذا الشكر فالشكر لله وحده أن أوصلكِ لنا وأن رزق أي منا أن كتب كلمة فيأخذ بها الأجر اقتباس:
كيف نكرهك وأنت أخت لنا في الله وأنت لستِ ضيفة لترحلي أنت صاحب الدار وهذا هو منتداك وفي انتظار طيب مشاركاتك |
السلام عليكم ورحمة الله وبركاته
حياكم الله اختنا الفاضله هند اعلمي انكي تتعاملين مع رب الناس وان كذب عليكي احد او اثنين او ثلاثه فهذا لا يعني ان تتركي المنتدي وتتركي الحق لابد ان تثبتي لهم انكي تبحثين عن الحق وان تظلي بين اخواتك واخوانك تتعلمي منهم الخير |
| جميع الأوقات حسب التوقيت الدولي +2. الساعة الآن 10:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.